سناريو الكمساري وعمك المريخابي

اخبار الفرق الرياضية..الدورى..الصحافة..والشمارات الكروية

المشرف: بانه

أضف رد جديد
صورة العضو الرمزية
khalsami
مشاركات: 222
اشترك في: الخميس 2008.10.16 6:51 pm
مكان: قبرص

سناريو الكمساري وعمك المريخابي

مشاركة بواسطة khalsami »

:D سد الباب دا ياولد خلنا نتففك قبل بتاع الحركة داك يجي يكرهناحياتنا
:دققيقة يامعلم نفر واحد يلا ,, يلا نفر والسفر ارح ايوا ااي اركب ياحاج
:بتجو بالطلمبة ياولدي ,,
: ااي اركب (كرو كروقفل الباب ) ماعندك مشكلة بنوصلك الطرمبه نزل مقعد النص دا للحاج دا
:كرو كرب قفل باب الهايس ارح يا معلم اتفكك تمت خلاص
:اتحرك عمك بعد ما ملا الحافلة وعدل مراية النص شان يتاكدمن الباب والركاب وماشي في امانة الله
الليله ويين الفي العصر مروورو) دفس لييك الmb3 في الولاعة وانطلقت لييك الاغنيية
: طق طق طق ارح ادونا ياناس يلا (بدايخلص)
: كدا يا ولدي جيب لينا الكورة علييك الله شان نشوف الرشاشات ديل كمان الليله طمبل لاعب ليهم
(الكمساري يطنطن علييك الله الراجل الكبير دا بعد شيبو دا مريخابي مابخجل)
: أأأ سامعك بتقول في شنو,,
: لا كنت بقول ليو ايي حول لينا الرياضيه,,
:هوي انت بتربرب بتقول في شنو طمبل بتاع راس قلبك خلينا في الطرب داا بس ( راكب قرفان)
: ارح طق طق اادونا يامان انتني كم 2 ايوا هااك باققيك وانت ياختي اصبر,,
:مابصبر ادينا الباقي ,,
:اي شيلي منو بنسيك ليو وتركبي الماسورة والله انا مره نسوني 20 الف (واحد فتان)
: ياخ ما جاري بي باقييك ما ف فكة اصبري يابت الشيخ,,
: يا معلم قت لي طمبل مالو (صوت جديد من الكنبة الوره)
: الراديو ياولدي عليك الله افتحو نسيتني ذاتك الكورة,,
:ياحاج الراديو معطل ما شغاااال ما بتفهم ولا اضانك تقيلة ,,
: انت الغنية دي ما عاجبااكما ما تسمعها كويس,, عاجباني الصداقه البين هيثم وطمبل اي اديوو(راكب ممغوص منو)
:الله ياشباب ماتريحونا انحنا ما فاضيين لييكم ( راكب اخر )
: يا ولدي الطلمبه لسع,,
:انت داير ياتو طلمبة (والله الليله اروحو لييك عمك الفارة داجنس رويحة)(الكمساري في سرو)
: الجنب الاستتاد استاد المريخ ,,
: ياحاج انت فاكه منك استاد المريخ ما جنبو طرمبة..
:في راكوبه بس(صوت ساخرمن المقاعد الخلفيه)ههههاااا
: قت لييك اقرب طرمبه للمريخ ود البشير ولا الاربعيين يا حااج انت ماش ويييين
: ووووب وووب علـــــــــي (واحدة من الركاب طقت السكلي)..
مالك ياوليه الوليه دي مالها
ياولد شوف الوليه مااللك (السواق وهو بعدل في مراية النص ويتاوق
: وووب الموبايل ما الاقياهو ,,
:أأأ الحافله كلها اتلبشت!!
: فتشي كويس ياوليه امكن يكون وقع خاتاهو و ين
: كان في الشنطة دي سجمــــي,, سجمـــــــي ووب ووب,,
:احتمال واقع هنا ولا هناك رقمك كم نسوي لييك اسكول
: ههاهها اسمو مس كول والله احرجتونا زاتو( الصوت الساخر)
: (...) دق الرقم بسرعة (عفوا هذا الرقم لا ........)
مقفول ياخاله
الله يعوضك والله انا يا خالة مرة ختفو مني عديل بتكلم بيو خلو خشمي ملح ملح لقيت لييك الشافع كف نجف وقام فاتح وفاتحين معاهو اربعه قدرو,, ذي راس الحربة وانا فاتح خشمي بس (راكب اخر)
: امكن يكون ختفو طمبل دااالدك هههههااهههاا (صوت من الكنبة الوراا)
: لا ما بعرف ارحكم القسم ما بعرف
: ياوليه ماالك معانا والله ما مرخص وما قطعت ايصال الليله نمشي القسم نمشي ليهم في محلهم والله كان بمشي ,,
: لا والله الا نمشي القسم ونفتشكم كلكم,,
: متاخرين يا خاله لكن وكت جابت ليها اتهامات ارحكم ,,
بعد مجازفات وولفليف دخلو القسم ,,
:فتشك فتشك واحد واحد الموبايل حلف ما يمرق
: يا وليه هوى موبايلك جنسو شنو كرهتينا ذاتو (الضابط النبطشي)
:أي الحمد لله هدااك قاعد في قعر الشنطة الحمد لله
عمتك طلعت الموبايل والجماعه كلهم مقهييين ,,
:طبعا مافيهو كهربة وكاتل كمان ابو ارييييل
الله يقطعك ويقطع موبايلللك,, ويقطع طمبل ذاتوو.
أضف رد جديد

العودة إلى ”منتدى الملاعب السودانية“