مفراااكه

الديكور...الزينة..وكل ما يتعلق بالبيت السودانى .

المشرف: بانه

أضف رد جديد
صورة العضو الرمزية
بنت السودان
مشاركات: 23
اشترك في: الخميس 2006.12.14 8:30 pm
مكان: الرياض

©§¤°^°¤§©¤ مفراااكه ¤©§¤°^°¤§©

مشاركة بواسطة بنت السودان »

لم يدر في خلد بت ود الزاكي ان تتعرض لهذا الموقف المحرج في هذا الصباح عند محل عبد الهادي الجزار امام نساء الحي.عندما سألت ود طلحة العائد حديثا من الخارج عن احوال نسيبها عاصم فبادرها ود طلعة :عاصم مفرااكه
بت ود الزاكي: سجم خشمي ...مفراكة شنو ياراجل...
ود طلحة:ايوه نحنا هناك مسمينو عاصم مفراكه ...هو احسن زوول بيعمل لينا ملحات المفراكه كان تقليه ولا مفروكة باميه..
وقاطعته خادم الله:سجمنا يايما هوي يابت ود الزاكي انتو الراجل ده شغال طباخ..
بت ود الزاكي:طباخ شنو ياخادم الله ياختي انتي ماعارفه قبال مايمشي السعوديه كان شغال شنو ..ماكان موظف في البنك قدر الضربه..
ود طلحه:هاهاها...والله ياحاجه كمان كان شفتي بيرمي جنس لقيمات..
بت ود الزاكي:اجي اجي..جنس محنك..ياود طلحه ماشفتها..
حمدت الله بت ود الزاكي عندما ناولا الجزار نص الكيلو اليومي وغادرت الجزاره سريعاوتلعن نفسعا لي سوال هذا الوهم المهبول ود طلحه الذي احرجها امام نساء الحي...
واشتغل الشمار في الجزاره ..اجي مفراكه.. سجمنا يااختي.
سعاده:انتي ياخادم الله هي بت ود الزاكي ماعندها ولد مغترب العرس الككتوره منال بت ناس امحقين.
خادم الله:اكان شفتي قالو مماجو من المطار من المطار وطابقها من يدا وحايم بيا الفريق من بيت لي بيت..بلا خجله..هي المفراكه دي وراثه؟؟

يعني يابت ود الزاكي زعلانه مالك المفراكه دا ماعندكم عاديه..

المفراكه هي اداة خشبية سودانية الصنع والملامح وتستعمل لطبخ الاصناف السودانية مثل التقليه(الشرموط)وام رقيقة البامية المفروكة وغيرها من الاصناف المحتاجه الى فركقبال ظهور الالات الحديثة من خلاطات وغيرها من ادوات الخلط الكهربائيه وتفضل معظم النساء استعمال المفراكه في طهي الاصناف اكثر من الخلاطات حيث ان عملية الفرك تتم رويدا رويدا بخلاف الخلاطه الكهربائيه التي تسحن الخليط في لحظات.... ويمتاز ملاح المفراكه بانه اطعم واشهى والذ::::::

واستعمال الخلاطه هو بيد الزوجه دايما لطهي الطعام وعندما ؟؟؟؟ يكبر الابناء تستعمل المفراكه كوسائل العقاب المتوفره بيد الزوجه.......وشيئا فشيئا قد تشهر الزوجه المفراكه في وجه زوجها كوسيلبة دفاع!!!!!!! عندما تمد يده أليها.... ويمكن اعتبار استعمال المفراكه كنوع ىمن انواع السادية والارهاب اذا كانت شخصية الزوج ضعيفه...

فاغتناء المفراكه في البيوت السودانيهشزززهو من اهم الضروريات.. ونجد معظم هدايا الاهل لابناتهم في بلاد الاغتراب اصناف محددة على رأسها المفراكه.. والمقاشيش .. والطلح والشاف.. وغيرها...

وعندما يقترن اسم الرجل بالمفراكه .. فهذا يعني انه يكثر الدخول للمطبخ مما يعني ان الزوجه هي صاحبة الامر والنهي .... ويتقبل ذلك بصدر رحب خوفاا من العقوبات الليلية !!!!! :001:

اتمنى الموضوع يعجبكم .....

صورة
صورة العضو الرمزية
بت أبوظبي
مشاركات: 983
اشترك في: الجمعة 2006.11.3 3:32 pm
مكان: مدينة الأبراج

رد: مفراااكه

مشاركة بواسطة بت أبوظبي »

الموضوع حلو يا بت السودان ..
ومعلومه ( راجل مفراكه ) جديده ادخلناها في قاموسنا المبسّط ..!!!
حسه احنا عاملين ملاح باميه مفروكه بالكسره والشطه!!
اتفضلي معانا ...
صورة العضو الرمزية
moony
مشاركات: 455
اشترك في: الأربعاء 2007.2.21 8:29 am
مكان: السودان

رد: مفراااكه

مشاركة بواسطة moony »

والله يا بنت السودان المفراكة زي ما قلتي ونحنا صغار قطعت لحمنا بالذات الناس الشقاية الزي :040:

شكرا لك وببوست المفراكة رجعتينا لايامنا الحلوه
صورة العضو الرمزية
هبه
مشاركات: 115
اشترك في: السبت 2007.3.3 1:13 pm

رد: مفراااكه

مشاركة بواسطة هبه »

مشكوره بنت السودان على المفراكه

تحياتى
صورة العضو الرمزية
ابوبكر
مشاركات: 719
اشترك في: الاثنين 2007.2.12 1:20 pm
مكان: السودان

رد: مفراااكه

مشاركة بواسطة ابوبكر »

حليلك يا بت السودان
اسع عملوا مفراكة كهربائية
وبتشتغل ليك مضرب كمان بعد فرك الخضرة والويكة
*****************
تسلمي يا رائعة علي السرد الجميل
الي عيشنا في جو سوداني رائع وجميل
تحياتي
صورة العضو الرمزية
شاربة توت ولابسة بوت
مشاركات: 1202
اشترك في: السبت 2006.11.4 10:50 am
مكان: ابوظبي

رد: مفراااكه

مشاركة بواسطة شاربة توت ولابسة بوت »

حسه المفراكة سموها كدا نسبة لشنو ؟
يعني فرك يفرك فركا اي يجعله لينا ويطلع روحه !

تشكرات بت السودان ..
صورة العضو الرمزية
ملاك الورد
مشاركات: 5979
اشترك في: الجمعة 2009.5.29 3:26 pm
مكان: السودان الحنون

رد: مفراااكه

مشاركة بواسطة ملاك الورد »


ابداااااااااااااااع في الطرح
و اسلوب رااقي لتقديم المعلومه عن المفراكه
مشكوووووووووووووره كتير اختي

صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: مفراااكه

مشاركة بواسطة مرسال الشوق »

علي الطرب بتلاتة انا من قريت كلمة مفراكة عرفت الموضوع فيه خبط وضرب امانة ياالمفراكة ماضوقتينا الويل والله انا واحد من الناس لامن اعمل غلط واكون عارف انو امي الليلة حالفه علي اول حاجة من المغرب بدسها المفراكة ... راس البيت ملياااااان مفراكات وخراطيش موية ... عشان كدا ماجيبو لينا اللوعة تاني عليكم الله .... المفراكة والله فركو بيها جلدنا اكتر من البامية وملاح الويكة وكتل البصلة ..... انا لو شفتها في المنام ساااااكت بفك البيرق ....هع:smiels0: :smiels0: ::
أضف رد جديد

العودة إلى ”البيت السوداني“