قصة من واقع حياتي

يحتوي على كل أنواع القصص والأحداث الواقعية الشخصية .

المشرف: بانه

أضف رد جديد
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

قصة من واقع حياتي

مشاركة بواسطة سودانية نار »

في حلتنا كان ساكن واحد معذبني عذاب وقت ما اطلع الشارع والقاهو يشاغلني يلاحقني وكل بنات الحلة تعبانين منو ، لكن مافي واحدة قادرة تتكلم معاهو لانو ناس بيتم ذاتم كعبين ومنبوذين من ناس الحي .
في يوم من الايام وقت زنقة الامتحانات في الجامعة كنت وصحبتي في الاوقاف بالسوق العربي بنصور مذكرات ونحنا طالعين من المحل مشوا وراءنا شباب وبيقوا يشاغلوا فينا ونحنا ماشين سريع وهم لاحقيننا وبيتكلموا معانا ونحن جارين جري المهم حصلونا ووقفوا قدامنا واحد منهم قال لينا يا شابات نحن ما قاصدين نضايقكم بس حابين نتعرف عليكم بتقروا في ياتو جامعة ، وانا كنت زهجانة جدا من تصرفهم لكن حاولت اضبط اعصابي لاننا في السوق العربي ومافي داعي للفضائح والبت المعاي خوافة شديد فرديت عليه لااسفين نحنا ما حابين نتعرف واذا سمحتوا خلونا في حالنا وزحينا من قدامهم وحاولنا نمشي بشارع تاني في اللحظة دي جاء ولد حلتنا داك ومسك في الولد البيتكلم معاي انت يازول مالك بتشاغل في اختي بتعرفها من وين ونهرنا ليك نهرة يلا يا بت امشي ونحنا مشينا جري وخليناهو هو واصحابوا مع الاولاد الكانوا بيضايقوا فينا وسامعين الشكلة مولعة وراءنا، المهم بعد مدة لقيتو في الحلة واقف لكن المرة دي قلت السلام عليكم وهو رد عليكم السلام ومن اليوم داك بطل يشاغلني .
الممشى العريض
مشاركات: 34
اشترك في: الأحد 2007.2.25 8:14 am
مكان: ام درمان

رد: قصة من واقع حياتي

مشاركة بواسطة الممشى العريض »

مشكزرة سودانية.....
لكن حركتكم ماجميلة لقوله تعلى:(اناخلقناكم من ذكر وانثى وجعلنا شعوبا وقبائل لتعارفوا)
وود حلتكم موضوع ماعندو وظاهرعليه مقمد....!
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: قصة من واقع حياتي

مشاركة بواسطة ودالدرديري »

بعد اذنك يانار
لا يالممشى العريض حركتهن جميلة خالص :076: ولو عملو اي حاجة تانية غير كدا ماكان حيحترموهن وبالذات هن وسط السوق السوووووق.


تخريمة:-
ود حلتكم دا :064: اسمو منو؟
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: قصة من واقع حياتي

مشاركة بواسطة احمد يس »

الاخت سودانية نار

دائما فى عاداتنا السودانية انو ابن الحلة بيعتبر بنات الحلة اخواته وبيغير عليهم ...... ويمكن الموقف الحصل معاكم فى السوق هو السبب فى عودة ابن حلتكم الى رشده...............
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: قصة من واقع حياتي

مشاركة بواسطة ودالدرديري »

الممشى العريض كتب:مشكورة سودانية.....
لكن حركتكم ماجميلة لقوله تعالى:(اناخلقناكم من ذكر وانثى وجعلناكم شعوبا وقبائل لتعارفوا)
وود حلتكم موضوع ماعندو وظاهرعليه مقمد....!
:079: :079:
صورة العضو الرمزية
دلوعة الامارات
مشاركات: 13
اشترك في: الاثنين 2006.12.11 4:53 pm
مكان: دبي الامارات

رد: قصة من واقع حياتي

مشاركة بواسطة دلوعة الامارات »

السلام عليكم ورحمة الله وبركاته
أقول ليك ياسودانية نار أن أحسن ماعملت ده ولو تصرفت أي تصرف تاني كانت مشكلة وفضيحة وأنا أشكرك لأن الأولاد ديل الصراحة ما يستهلوا زول يديهم وش
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: قصة من واقع حياتي

مشاركة بواسطة سودانية نار »

ايدكم العافية
وبعدين ود الدريري عاوز باسمو شنو انا خائفة كمان تقول لي وحلتكم اسمها شنو عشان تخرب مرة واحدة يديك العافية يا عريس يا ظريف
صورة العضو الرمزية
هبه
مشاركات: 115
اشترك في: السبت 2007.3.3 1:13 pm

رد: قصة من واقع حياتي

مشاركة بواسطة هبه »

مشكوره سودانيه وانا شايفه ان الصح هو اللى حصل
خوفا من المشاكل
صورة العضو الرمزية
سودانى معذب
مشاركات: 110
اشترك في: الأحد 2007.3.18 7:53 pm
مكان: السعودية - جدة

رد: قصة من واقع حياتي

مشاركة بواسطة سودانى معذب »

ود الدرديرى يظهر عليهو كان منجض بنات الحلة نجاض
صورة العضو الرمزية
الدكتوره
مشاركات: 799
اشترك في: الثلاثاء 2006.12.26 3:56 pm
مكان: الامارات

رد: قصة من واقع حياتي

مشاركة بواسطة الدكتوره »

تحياتى سودانيه
يديه العافيه ولد جيرانكم كويس انه قدر يوريك الجانب الجميل من شخصيته
صورة العضو الرمزية
hesham aljamrey
مشاركات: 72
اشترك في: الأربعاء 2007.1.10 3:50 pm
مكان: الرياض

رد: قصة من واقع حياتي

مشاركة بواسطة hesham aljamrey »

في المواقف يظهر معدن الرجال وهذا الموقف كما قالت الدكتورة أظهر لك الوجه الجميل الغيور لولد حلتكم
وطني ياوطن الطيبة
صورة العضو الرمزية
hesham aljamrey
مشاركات: 72
اشترك في: الأربعاء 2007.1.10 3:50 pm
مكان: الرياض

رد: قصة من واقع حياتي

مشاركة بواسطة hesham aljamrey »

الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين
عارفة ياسودانية نار
ود الدرديري سأل أسمه منو لانو ود أمدرمان
ووالده - الله يعطيه العافية ما في حي أو حارة في أمدرمان إلا تملك بها منزل ثم باعة وأشترى أخر
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: قصة من واقع حياتي

مشاركة بواسطة ودالدرديري »

سودانى معذب كتب:ود الدرديرى يظهر عليهو كان منجض بنات الحلة نجاض
والله شوف بنات الحلة ديل الواحد كان عامل فيها حمش وعينو حمرا وكدا ;)
وبعدين ياخي الكان منجضني انهن صاحبات اخواتي يعني اي حاجة تحصل طوالي الشمار يصل البيت :001: ياخي دي ماعيشة دي
وبعدين ماتقدر تكضب كلو كلو يعني عارفين بيتكم وعارفين اهلك وعارفين عندك شنو وماعندك شنو مقرش ولامفلس اها دي يحلوها كيف؟؟


سودانية نار
ما قلتي لي حلتكم بي وين؟؟ :064:
صورة العضو الرمزية
مهند عبد الرحمن
مشاركات: 377
اشترك في: الثلاثاء 2006.12.12 1:36 pm
مكان: السعودية جدة

رد: قصة من واقع حياتي

مشاركة بواسطة مهند عبد الرحمن »

موقف جميل جدا من ود حلتكم وانا لو كنت مكانه كان عملت زيه
أضف رد جديد

العودة إلى ”سيناريو وأحـداث“