قصه غريبه عن الشعوذه

يحتوي على كل أنواع القصص والأحداث الواقعية الشخصية .

المشرف: بانه

أضف رد جديد
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

قصه غريبه عن الشعوذه

مشاركة بواسطة السودانى الاصيل »

السحر والعروق والشعوذه كثيرا ما سمعنا بها فى السودان هذه حكايه عن الشعوذه ارجو ان تسمتعوا

هنالك رجل يربى الابقار ولديه كميات كبيره من الابقار ويترحل بها من منطقه لمنطقه بحثا عن العشب


وذات مره وبينما يتنقل بين البلدان جاء فى منطقه بغرب السودان وترك البقر على مقربة منه وتقدم الى منزل امراه
فى طرف القريه توفى عنها زوجها
وطلب منها كوب ماء فنتاولته المراه الماء فشرب وارتوى وبعد ذلك دخل الى راكوبة المراه وسرعان ما تزوج منها
ومكث معاها قرابة الثلاثين عاما وانجب منها ابناء


وفى يوم من الايام مرضت المراه مرضا شديدا احست انها لن تعود الى الحياه مرة اخرى فاوصت زوجها بان لديها
((قيروانه)) وهى اناء مصنوع محليا اوصته بانه اذا توفاها الله ان تدفن معها هذه القيروانه فى القبر

وفعلا توفيت المراه ونسى الرجل وصية زوجته وفى اللحظات الاخيره من اكمال الدفن تذكر الرجل الوصيه فطلب
من الذين يقومون بالدفن بالانتظار وهرع يجرى نحو المنزل لكى يحضر القيروانه
ولشدة استعجاله وقع فانكسرت تلك القيروانه الى عدة اجزاء تدرون ماذا حدث؟؟؟؟؟

التفت الرجل الى اقرب شخص منه وساله : الم ترى بقرا مرت من هنا ؟؟؟؟
يسال عن ابقاره والتى لها ثلاثون عاما طبعا عرفتم ماذا جرى فقد دست المراه بعضا من عروق السحر بتلك القيروانه

ولشدة قسوة قلبها حتى وهى ميته لا تريده الذهاب الى اهله واسرته

سبحان الله



رايكم شنو
صورة العضو الرمزية
اميــــــرة بكلمتـــــــي
مشاركات: 782
اشترك في: الأربعاء 2014.2.12 4:49 pm
مكان: امــــــــــدرمان

رد: قصه غريبه عن الشعوذه

مشاركة بواسطة اميــــــرة بكلمتـــــــي »

والله لا تعــــليق وربنـــا يقــوي الـــوازع الــدينـــي فينــا
صورة العضو الرمزية
ام اسامه
مشاركات: 1670
اشترك في: الأحد 2014.3.2 9:05 am
مكان: الخرطوم

رد: قصه غريبه عن الشعوذه

مشاركة بواسطة ام اسامه »

هلا بالسوداني الاصيل
طبعا السحر موجود في كل العالم
وهذه القصة حقيقية انا سمعتها من حبوبتي
برواية تانية الزول كان عندوا
ناقة رايحة بفتش ليها.ولي التعتّروا جا سأل منها جنب
بيت المرة
والاوصت تدفن معاها (قُلة فُخّار)
ودا الاقرب لانوا القيروانة
هي صفيحة ما بتنكسر
وتقبل مروري وتعقيبي اخي
مشكوووور
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: قصه غريبه عن الشعوذه

مشاركة بواسطة السودانى الاصيل »

ام اسامه كتب:هلا بالسوداني الاصيل
طبعا السحر موجود في كل العالم
وهذه القصة حقيقية انا سمعتها من حبوبتي
برواية تانية الزول كان عندوا
ناقة رايحة بفتش ليها.ولي التعتّروا جا سأل منها جنب
بيت المرة
والاوصت تدفن معاها (قُلة فُخّار)
ودا الاقرب لانوا القيروانة
هي صفيحة ما بتنكسر
وتقبل مروري وتعقيبي اخي
مشكوووور
هلاااااااااااا ام اسامه كيف حالك

القصه متناقلنها اكيد بتختلف الروايات

لكن القيروانه ما صفيحه

دى حاجه مدوره من الخشب بهزو فيها الروب
بتكون معلقه فى الراكوبه

دمتى بود ورجعتينا لايام كنا بنشارك
أضف رد جديد

العودة إلى ”سيناريو وأحـداث“