حلمنتيشيات ود الزوحي

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

حلمنتيشيات ود الزوحي

مشاركة بواسطة ود الزوحي »

هي مساحة للمرح ..

قد نجد أنفسنا بحاجة إلى ما يملأ حياتنا بالضحك واللهو .. فهي سنة الحياة .. التي غالبا ما تكون مليئة بالأحزان .. فنلجأ للبحث عن الشي القليل الذي ينسينا تلك الآحزان ..

أبحرت هنا وهناك .. فلم أجد ما أحمله إليكم من بين طيات السنين ..
فاخترت لكم الشي الذي أجد فيه نفسي .. قصائد سطرتها من أجلكم .. وانتظر رأيكم .. فرأيكم يهمني .. وأنتم تهمونني ..

فكلي أمل أن أرسم البسمة على شفاهكم .. وأن تذكروني بكل خير .. ولتكن ايضا لكم .. مرفأ تتكأون على شطآنه وتسمرو عليه ..

إذا فهي دعوة للمشاركة .. لكل من يجد في نفسه القدرة على إسعاد الآخرين ..

أخوكم ود الزوحـــــــــي ..

...........................................................


قالت لي نكون اصحاب
وفي رف ناس هناي الفات
تقول هي خلاص ملازمة البال
والا عيونا فيها شي وبنقال
نكون اصحاب؟ في رف ناس هناي الفات ؟
وحاتك انا ما البودوني الرف
ولا الزول البعرف اللف
ولو عاشق حلاة عينيك
كان والله عرفتي البي
وقلتها ليك تااااااااااااااخ كفكف
لكن والله بكون احسن
تكون العرفة صحبة وبس
وفي جواك تسوي الصاااااااااح
تعرفي الرف ؟
ومنو الكان مكانه الرف؟
هو ساااااااااااي قاليك برك في الرف
تقول قلبي خلاص مفارق الصف
وحاتك يا بقايا الرف
زيك عندي فوق الألف
عبير ومنال أريج وضفاف
ده غير اتنين بيقرو الكف
بقولن أخير صفصف
وتقولي لي تعال الرف
بخاف والله تفوتي الصف
وتبقي السالفة قصة رف
واريتك بس تعرفي الصح
تصفي الحس وتنسي الرف
عشان قلبك يقيف في الصف
وتلقي الناس خليج اوشط
بلا مجدف حتلقي القيف
وناس مليانة دايرة الصف
واخيرا ليك ألف سلام
من زولا بعرف الصح
ولا زولا مكانه الرف
ولا اصلا بكون في الرف
صورة العضو الرمزية
سحر محمد
مشاركات: 3108
اشترك في: الجمعة 2008.8.8 2:10 am
مكان: مصر

رد: حلمنتيشيات ود الزوحي

مشاركة بواسطة سحر محمد »

كفتيرتك في السوق مرمية
وكبايتك يابسة ومجدوعة
يا بت الخلطة النوبية
يا حلوة ورائعة ومربوعة
كانونك كان عامر بالناس
صناع عمال ومساعديه
حارسنك طول اليوم
تجار وسماسرة عطلجية
كم استحملتي رزالة الناس
عشان امونة وزكريا
فتشنا عليك في كل السوق
ورتنا صديقتك قمرية
حزنانة بتبكي بدمعا حار
والعدة هناك في البلدية
كشوك يا حواء من الأسواق
واصبحت ايدك ملوية
انتى الجيتي تشدي الشاي
بتفتشي في لقمة هنية
بتخافي كتير من كشف الحال
أبيتي الطرق الملوية
أحلامك على قدر لحافك
ما عائزة عمارة وعربية
عاجبك بيتك في الإنقاذ
أو حاج يوسف ردمية
كشوك يا حواء من الأسواق
والدمعة في خدك متكية
وهسة خلاص خليتي الشاي
بتبيعي مريسة وبقنية

اخي الرائع ود الزوحي مشكووور بوست راقي وجميل

سلمت يداك اخي

تقبل مروري

خالص تحياتي
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: حلمنتيشيات ود الزوحي

مشاركة بواسطة ود الزوحي »


تسلمي ياسحر ع المرور الرائع والجميل

تحياااااااااااااتي

صورة العضو الرمزية
كيوبيد
مشاركات: 10052
اشترك في: الجمعة 2009.2.20 2:27 pm
مكان: الخرطوم

رد: حلمنتيشيات ود الزوحي

مشاركة بواسطة كيوبيد »

والله انا عبير واريج
اتخيل لى عرفتهم
الباقيات ديل منو
حلوة القصيدة
لكن ما وريتنا العدد
الحقيقي للبنات
الفى رفك
شكرا ود الزوحى للقصيدة
صورة العضو الرمزية
ثمار دمي
مشاركات: 86
اشترك في: الثلاثاء 2009.4.14 12:35 pm
مكان: المملكة العربية السعودية

رد: حلمنتيشيات ود الزوحي

مشاركة بواسطة ثمار دمي »

سلمت يداك ومشكور علي الشعر الحلمنتيشي الجميل
ودمت بخير
تقبل مروري ،،
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: حلمنتيشيات ود الزوحي

مشاركة بواسطة ود الزوحي »

المزرور كتب:والله انا عبير واريج
اتخيل لى عرفتهم
الباقيات ديل منو
حلوة القصيدة
لكن ما وريتنا العدد
الحقيقي للبنات
الفى رفك
شكرا ود الزوحى للقصيدة
والله البركة في الرف اللمانا بيك يالمزرور

وين انت ياملك

تسلم ع الطلة وكان على ناس الرف ماكتير عليك حوريك ليهم

تحياااااااااااااتي
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: حلمنتيشيات ود الزوحي

مشاركة بواسطة ود الزوحي »

ثمار دمي كتب:سلمت يداك ومشكور علي الشعر الحلمنتيشي الجميل
ودمت بخير
تقبل مروري ،،
تسلم ياغالي
صورة العضو الرمزية
ابو ايووودي
مشاركات: 6187
اشترك في: الجمعة 2009.2.6 6:02 am
مكان: جدة

رد: حلمنتيشيات ود الزوحي

مشاركة بواسطة ابو ايووودي »

وين ياااااااااااااااااااااا
بصراحه عجبتني يا ود الزوحي ..... ارتحت نفسيا انشاء الله دائما في التقدم
بس في سؤال محيرني ؟
انت شاعر والا فنان والا مهندس كمبيوتر والا لاعب كوره
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: حلمنتيشيات ود الزوحي

مشاركة بواسطة ود الزوحي »

كلك زوق يابو حميد
صورة العضو الرمزية
سحر محمد
مشاركات: 3108
اشترك في: الجمعة 2008.8.8 2:10 am
مكان: مصر

رد: حلمنتيشيات ود الزوحي

مشاركة بواسطة سحر محمد »

المزرور وود الزوحي الرائعين بمناسبة رف البنات :040:

هاك

لقاها يوم في سوق الغرام..
أخونا كان قاشر تمام..
شاكي القميص و كارب الحزام، و الجزمة بتلمع في الظلام..
لابسة اسكيرت و البلوزة...حاجة لخبطت النظام..
أخونا ما بكّاي خلاص، طوالي قام رصّ الكلام..
" هووووي يا بنية، حبيني أوعك تابي ريدي
أنا الناعم زي الفينو..انا الطاعم زي الفتة
ما تبقي مسيخة زي الفتة...أخير ترضي و تريديني"
*أريدك أنا يا عولاك يا عرة يا شحات
يا عرة يا العنقرته مسلولة لبرّه و خشمه مارق لبرّه؟
أريدك أنا يا الكل ما أعاين ليك مورم خشمك بالسفة
و في الكَم مرة شفتك بس تجيني الدوخة و اللفة...أريدك أنا؟؟*
" هوووي استني يا مفجوخة النخرة، غبارك وراكي رابط تقول الزولة دبابة!
* أريدك؟ يا سلامة الريدة..ريدة التابه و اليابه، هوي يا أبو راس تقول كورة يا أبو شلوفة مبهولة، يا كبكاب يا ريّال، يا أبو نخرة أتقول ماسورة*
*تريدني أنا السمّوني أمورة، أريدك انت الدايش الملخوم بأكل الدوم تقول دلدوم!
"شناتك شلتي مني النوم يا أبو قدوم، خلاص سِبتك يا جربانة يا الماسكاكي كاروشة يا الجزمة الخلاص كملت، قامو رموكي في الكوشة، يا الطوالي حبوبتك مكملة فيكي برطوشا!
الكان زمان أمك تغمض عشان تشيل بوسة..يا مربوشة يا أوضة وقع حوشا!
"أنا...أنا الطاعم زي الكفتة أنا الناعم زي الفينو

happy0005.gif happy0005.gif happy0005.gif
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: حلمنتيشيات ود الزوحي

مشاركة بواسطة ود الزوحي »

مباااااااااااالغة يا سحر

رائعة بالجد

يلا يالمزرور شد حيلك شوية

اتلحلح
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: حلمنتيشيات ود الزوحي

مشاركة بواسطة فارماس »

ود الزوحي وسحر محمد

خطيرين عديل كدا دا

وامسكوا دي



كان سمحة إنشاء الله السماحة تطير
من القصر تتشابي للزير
الرقبة رقبة بعير
الكر عين مشي الحمير
الفصاحة العليك
والرمد الفي عينيك
والشوك المفتحة بيهو قدود اضنيك
والشعر الرابطاهو بسيور نعليك
الحسادة ليك شيمة
وسط البنات ما ليك قيمة
ومشكلتك انك دايماً شاعرة بالهزيمة
وفي دواخلك عارفة الحقيقة الاليمة
يالفي طبعك زي البهيمة
وصفو ليك الكريم علاج
اتجلبطي اتمسختي
بقيتي ذي ناس دينق ومكواج
اتثقفتي بقيتي تقولي للغبار عجاج
يومي الما بشوفك بكون قاعد
بي مزأأأأأأأأأأأأأأأأأأأأأأأأأأأأأأاج
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: حلمنتيشيات ود الزوحي

مشاركة بواسطة ود الزوحي »

والله صعب يافارماس

صورة العضو الرمزية
دموع الورد
مشاركات: 197
اشترك في: الجمعة 2009.3.13 10:53 pm
مكان: السعـــ جدة ـــــــــودية

رد: حلمنتيشيات ود الزوحي

مشاركة بواسطة دموع الورد »

صراحه الحلمنتيش بتاعك ابدااااااااااااااااااااااااااع
يسلمووووووووووا وما تحرمنا من جـــــــــــــــــديدك
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: حلمنتيشيات ود الزوحي

مشاركة بواسطة ود الزوحي »

حبايبنا تسلمو كلكم

انا جيتكم تااااااااااني

لكن شايل معاي قزازة بيبسي


........................

انا قلبي قايم دوام رياد
ومن يومو كايس الجكسي
هو في احلى من الجكسي ؟

في يوم كلمني منقستو
قالي في شمار في الحلة فاتنو
قالوا الجكسي متلمي
وين ؟ في حديقة البيبسي
يلا الشكة و الاي فون
كيف ما القصة جابت جكسي
وركبت ليك التكسي
وديك يا حديقة البيبسي
وفي نص الحديقة .. لمحت لي زي كرسي
وجنبو كان في كمان حلاة جكسي
عملت نفسي لناس كضب مستني
وانا قلبي بس وحاتكم كان مباري الجكسي
لكن الوضع ماجاب جكسي
قمت اتشالقت باستبسال
وسألت ليك أحلى زول في الجكسي
هيييييييييي
لو سمحتي ؟
الساعة في إيدك عاملة كم يا ستي ؟
قالت لي اووووووووه
اباوت فايف اند ثيرتي
وفجأة لمحت ليك في التكسي
وحدة جاية
وماسكة كيس شيبسي
يقوم شخصي يتشالق
قال عايز يشيل الكرسي
عشان خاطر عيون البت أم شيبسي
إلا الكرسي قام خاني
وطلع من طبعه مااااااااااااا بتحرك
مربوط شديييييييييد
وبمسمار صلب جنب كراع الجكس
وكااااااااك يالجكس فكو الضحكة
تاني .. تاني وين يالبيبسي
وحاتك إلا في دكان ود عجبنا السني
شفتو حال البباري الجكسي
وحاتكم مالقيت غير قزازة بيبسي
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: حلمنتيشيات ود الزوحي

مشاركة بواسطة ود الزوحي »

دموع الورد كتب:صراحه الحلمنتيش بتاعك ابدااااااااااااااااااااااااااع
يسلمووووووووووا وما تحرمنا من جـــــــــــــــــديدك
الرائع مرورك

تسلمي
صورة العضو الرمزية
سحر محمد
مشاركات: 3108
اشترك في: الجمعة 2008.8.8 2:10 am
مكان: مصر

رد: حلمنتيشيات ود الزوحي

مشاركة بواسطة سحر محمد »

ود الزوحي - فارماس رائعين بجد سلمت يداكم

ود الزوحي المزرور :064: هو هرب ولا شنو :040:

هاكم


عبدو
في الليلة ديك
القصة ذاتها بقت عليك
يا عبدو وأدوك الشريط
يوم قولنا ليك أنضم معاها وكلّمها
لكن أبيت تسمع كلامنا
قلت لا احسن اكون تقيل
انا ما جميل
وبقيت لميض
انا باكر بكهربا ليك بنظرة كتيل
وبقيت تقيل
لامن سقوك موية الغسيل
يوم جيت تنطط زي زمان
وتباري بقعور الشجر
كايس كراسي الخيزران
وقعدتَ يا زينة الرجال
كهربجي قال
ورفعوا الستار
والبت تجي وتمشي و تلف
ومرات تقيف
ومعاها كان زولاً حريف
والوقفة كان وقفة ولف
وصاحبنا بالاحساس عرف
وسألتَ والناس كلّموك
ملعون أبوك
دنيا أم قدد
بقت البقت
ووقعتَ في شارع الزلط
تبكي وتجعّر والعيون اتورّمت
يد القميص ضهر القميص كُم القميص
حتى الفنيلة اتشرّطت
يا عبدو عيب
قوم يلا صلي على الحبيب
الواطه صبحت دار ننوم
يا أخوانّا لأ أنا عايزأموت
أقع البحر
يا عبدو عيب الدنيا حر ..
والموية بتسخّن عليك
ثلاثة ساعات في الطريق
وزولنا قاعد يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
شي كلام عن الدنيا أم قدود
وعلاقة بين يوم السبت وعين الحسود
ومقارنات بين الجمال والجهل وسوء الإختيار
قال شينة قال
قال شينة قلنا كلام صحيح
و خطيبها ذاتو ولد قبيح
بس ياخي قوم الواطة ليل..
دايرين ننوم
قام تاني جاب سيرة البحر
وقام تااااااااااااااااااني جاب سيرة البحر :040:

يديكم الف عافيه
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: حلمنتيشيات ود الزوحي

مشاركة بواسطة ود الزوحي »

[quote="سحر محمد"]
ود الزوحي - فارماس رائعين بجد سلمت يداكم

ود الزوحي المزرور :064: هو هرب ولا شنو :040:


المزرور يا سحر هو زاتو بتاع البيبسي


تسلمي مع خالص تحياتي
صورة العضو الرمزية
كيوبيد
مشاركات: 10052
اشترك في: الجمعة 2009.2.20 2:27 pm
مكان: الخرطوم

رد: حلمنتيشيات ود الزوحي

مشاركة بواسطة كيوبيد »

ود الزوحي كتب:والله البركة في الرف اللمانا بيك يالمزرور

وين انت ياملك

تسلم ع الطلة وكان على ناس الرف ماكتير عليك حوريك ليهم

تحياااااااااااااتي
اسمع مالك قافل كل سبل الاتصال بيك
نكورك ليكم ماتجو نجيكم تقفلو الباب مننا
صورة العضو الرمزية
كيوبيد
مشاركات: 10052
اشترك في: الجمعة 2009.2.20 2:27 pm
مكان: الخرطوم

رد: حلمنتيشيات ود الزوحي

مشاركة بواسطة كيوبيد »

سحر محمد كتب:
ود الزوحي - فارماس رائعين بجد سلمت يداكم

ود الزوحي المزرور :064: هو هرب ولا شنو :040:
لا يا سحورة والله بس كنت مسافر لكن بوعدك اجيكم قريبومعاى الكتير
أضف رد جديد

العودة إلى ”همس القصيد“