أضحك

أضحك بمزاج سودانى 100 فى الميه

المشرف: بانه

أضف رد جديد
صورة العضو الرمزية
All4U
مشاركات: 129
اشترك في: الاثنين 2009.4.27 2:57 pm
مكان: Abu Dhabi

أضحك

مشاركة بواسطة All4U »

حلفاوى قالو ليهو بكره عيد الحب قال ليهم ده بصلوهو كم ركعه



حلفاوى جاء رئيس مجموعه فى بعثة الحج قال لى جماعتو إذا بقيتو نشيطين ورميتو الجمرات دى سريع العيد إنشاء الله فى الخرطوم )



حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو



حلفاويه راكبه القطر قالو ليها لمن تصلى أبوحمد خشمك عندك ماتنضمى إقوموا إرزعوك بى كلمه ملتدليها قالت ليهم سمح ياوليداتى والحاجه دخلت فى نومه عميقه واساعه أربعه صباحاً القطر وقف فى محطه فتحت الشباك شافت ليها بت صغيره شايله شاى وتكورك شاى بى لبن قالت ليها تعالى يابتى شايك ده بى لبن شنو البت قالت ليها لبن عشر الحاجه إستدركت قالت ليها سجمى دى أبوحمد البت قالت ليها لا دى أبوظبى
--------------------------------------------------------------------------------



حلفاوي كان بيحضر في حفلة لمحمد وردي والدنيا برد شديد
والحلفاوي ما عايز يمشي ويخلي وردي وراه
وردي كان بيغني في أغنية لو بهمسه وكرر لو بهمسه عدة مرات
أخونا زهج وقام قال ليهو :
يامهمد وردي لو بهمسة أو بستة ...خلص خلينا نروّح !!!



فى رباطابى عندو بقاله يفتح من الصباح لى المساء مايدخل البقاله بتاعتو ولا زبون الناس نصحوه يمشى لى الشيخ
يقراء ليهو مشا جاب الشيخ قام الشيخ قرا ليهو سورة يس اليوم التانى على طول باع بى اتنين مليون فرح فرح شديدوقال لازم يدى الشيخ حاجه مشا للشيخ وقال ليهو يا مولانا بى بركاتك امس بعت بى اتنين مليون وهسا لازم اديك منهم اها داير كم قام الشيخ قال ليهو داير مليون على طول الرباطابى قال ليهو لى سورة يس القريتا دى من كلماتك .




شايقي مشى يسجل ولده في المدرسة قالوا ليهو: المدرسة بي خمسمائة ألف والبص بي تلاتين ألف!!
قال ليهم: خلاص سجلوه لي في البص!!




شايقي فاتح بقالة جاهو واحد قال ليهو: اديني جبنة بي مية جنيه!! قال ليهو بي مية دي إلا كان اوزنها ليك بي ام شبتو!! (شبشه)




شايقي كتب في وصيتو ادفنو جنب الجعلي لمن سالوه لي قلت كدي قال عشان يوم القيامه الجعلي
بقول حرم الحساب علي


--------------------------------------------------------------------------------



شايقي بخيل حبي يضرب باب بيتهم بهيه ضرب ضلفة وكتب علي التانيه نفس اللون..




امام شايقي في الركعه الاخيرة سمع واحد جاي يحصل الركعة سلم واقف..





تلاته شوايقه بخلا مشو البحر واحد قالهم نغطس البيطلع قبل رفاقتو يغدينا كلنا .
التلاته ماتو




شايقى ضبح خروف عمل اللحمه شيه والراس شوربه والرجلين كوارع والجلد للصلاه ومخلفات المعده سماد للشجره والعظم طحنه علف للدواجن .....حتى كلمه بأأأأأأع عمله نغمه للموبايل ..





بتاع فرن شايقي ! جاهو شحاد
قال ليهو والله لي تلاتة يوم ما ضقت طعم العيش
الشايقي قال ليهو ياهو ذاااااااااااااااااتو ما اتغير

--------------------------------------------------------------------------------



واحد حلفاوي سافر السعودية بإقامة مؤذن ، بقى كل وقت صلاة يمشى يأذن ويطلع سرعة قبل الصلاة ويحصل الكوتشينة ، الإمام سعودي لاحظ الزول دا بختفي بعد الأذان طوالى يوم لم فيهو بس بعد أذن طوالى قاله كيف تؤذن وما تصلى ؟!! صاحبنا طوالى طلع ليهو الإقامة وقاليهو شوف هنا مكتوب شنو ؟ مؤذن ولا مُـصلي !

------------------------------------------------------------------------------



قالو امام جامع حلفاوي طلع خطب بالناس يوم الجمعة

جوهو الناس في بيتو بعد صلاة العصر قالو ليهو يا شيخنا :

الليلة في الخطبة قلت غزوة بدر كانت بالصواريخ ما قلنا حاجة

قلت صلاح الدين فتح الاقصى بالكيماوي برضو عديناها

لكن امية بن خلف باع بلال لي برشلونة بي خمسة مليون دي قوية شوية
-----------------------------------------------------------------------------------------



قريبي عندو دكان جاهو واحد فلاتي وقام قال ليو : بالله أديينا كيت ( خيط) قريبي ما فهمو وبعد تعب شديد
الفلاتي خش الدكان وشال الخيط . قريبي زعل منو شديد وقال ليو : هريقة فيكم يا خي قبل ما يفكوكم في الشوارع ما حقو يألموكم الأربي يا شيخنا ده ما إسمو كيت ده إسمو هيت هيييييييييييييييييييييييت

--------------------------------------------------------------------------------



قريبي خش المسجد ووقف طوالي خلف الإمام . وبعد إقامة الصلاة الإمام عاين لي قريبي وقال ليو إستقم ، أرجع لي ورا ، تعال قدام ، تعال لي جاي . قريبي قال ليو : يا شيخنا إنت عايز تصلي بينا ولا عايز تشوت ليك بنلتي.........................




قريبك امام مسجد... يوم قالو ليهو فلان المغترب داك جا وعمل مسجد جديد في الحلة وفرشو موكيت والخطبة بالساوندسيستم
قام علق اعلان في مسجدو وكتب فيهو -- تخفيضات هائلة ابتداء من الغد ولمدة اسبوع صلاة الظهر والعصر والعشاء ركعتين ركعتين والفجر الساعة 8 الصباح




قريبي صايم والشمس شديدة إتصل بناس الراديو وقامت المذيعة قالت ليو : مرحبا بك أخي الصايم في برنامج منتصف الظهيرة الرمضاني بالله عايز تسمع شنو؟؟ وتهديها لي منو ؟؟
قال ليها : ممكن لو سمهتي مقطع من أذان المغرب ونهديهو لجميع الأهل بوادي هلفا !!!!!!!!!!!!




قريبي كان عايز يخطب لصلاة الجمعة وبدأ قائلا : اليوم حنحكي ليكم قصة النبي نوح وبالمناسبة دي في أي حد فيكم بيعرف القصة دي . كلهم قالوا : أأأأأأأأأأأأأأأأأأأأأأأأأأي . طوالي قريبي قال : أقم الصلاة بلا قلة أدب معاكم .




قريبي قاعد يصلي جهرا فقام سمع القاعدين جنبو بيعلقوا على تلاوتو الجميلة فطوالي أول ما سمع
تعليقاتهم المشجعة دي قام قطع صلاتو وعاين ليهم وقال ليهم :وعلشان نكيفكم أكتر وديني حسع أنا سايم (صايم) كمان .....................



قريبي عامل ليو دقن كبيرة وقاعد في المسجد
جاهو واحد فاره وقال ليو يا شيخنا أعمل شنو ؟ أنا جيت متأخر
ولحقت أخر ركعة بس وسلمت مع الجماعة أه أعمل شنو حسع ؟؟
قريبي قال ليو : وهل لاحظك أحدهم تفعل هذا ؟؟
داك قال ليو: لا !!
قريبي قال ليو : خلاص يا شيخنا أعمل نايم
صورة العضو الرمزية
waya
مشاركات: 14068
اشترك في: السبت 2007.8.11 11:15 pm
مكان: على سفر

رد: أضحك

مشاركة بواسطة waya »

[grade="00008B FF6347 008000 4B0082"]هههههههههههه ,,,

لذيذة منك ,,,

وما تحرمنا من الجديد

تشكراتي [/grade]
صورة العضو الرمزية
اسراء
مشاركات: 26
اشترك في: السبت 2008.11.15 4:26 pm
مكان: sudan

رد: أضحك

مشاركة بواسطة اسراء »

ههههههههههههههههههههههههههههههههههههههههههههه
عسسسسسسسسسسسسسسسسسسسسسل
بس انت جنسك شنو؟
عشان نعرف اقرباءك بالظبط منو؟
صورة العضو الرمزية
All4U
مشاركات: 129
اشترك في: الاثنين 2009.4.27 2:57 pm
مكان: Abu Dhabi

رد: أضحك

مشاركة بواسطة All4U »

waya كتب:[grade="00008B FF6347 008000 4B0082"]هههههههههههه ,,,

لذيذة منك ,,,

وما تحرمنا من الجديد

تشكراتي [/grade]
ما الذة منك يا حبة

ومشكور على المروور
صورة العضو الرمزية
All4U
مشاركات: 129
اشترك في: الاثنين 2009.4.27 2:57 pm
مكان: Abu Dhabi

رد: أضحك

مشاركة بواسطة All4U »

اسراء كتب:ههههههههههههههههههههههههههههههههههههههههههههه
عسسسسسسسسسسسسسسسسسسسسسل
بس انت جنسك شنو؟
عشان نعرف اقرباءك بالظبط منو؟
يديك الف عافية

وانا من دار جعل
لكن الجماعة ديل انا بتكيف ليهم شديد
ودمت يا اسراء
صورة العضو الرمزية
معتز
مشاركات: 1635
اشترك في: الأحد 2007.3.25 11:08 am
مكان: ليبيا
اتصال:

رد: أضحك

مشاركة بواسطة معتز »

هههههههههههههه
والله نكات حلوة يا مان
مشكووووووور يا غالي
صورة العضو الرمزية
zizou
مشاركات: 865
اشترك في: الخميس 2009.4.30 2:30 pm
مكان: السودان (اركويت)

رد: أضحك

مشاركة بواسطة zizou »

هههههههههههههههههههههههههههههههههههههههههههههههههههههههههههههههههههههههههههههههههه
والله نكات حلوه شديد تقبل مروري
صورة العضو الرمزية
سموحة
مشاركات: 32
اشترك في: الخميس 2007.6.28 2:55 pm
مكان: قطر

رد: أضحك

مشاركة بواسطة سموحة »

ههه شكرا ليك شدييييييييييييييد متشكرين على النكت الحلوة دي
أضف رد جديد

العودة إلى ”منتدى النكات والفكاهة“