والله ايام يازمان

المشرف: بانه

أضف رد جديد
صورة العضو الرمزية
الاشيتر
مشاركات: 2886
اشترك في: الخميس 2008.2.7 10:53 am
مكان: الدوحه

والله ايام يازمان

مشاركة بواسطة الاشيتر »


وانا بقراء في رد من اخي معتز جاتني فكرة البوست ده لك الفضل اخي معتز في اجترار الزكريات


ايام زمان ايام حلوه وكل انسان ببكي على ماضيهُ الحلو ويقول ياريت لو الايام دي ترجع

زمان كُنا بنعلب - غمدت لبدت - وعساكر وحراميه وووووباقي اللعبات ، الغريبه في الامر في بعض اللعبات كُنا بنلعبها مع البنات ( عده عده ) وسيد الدكان والعرويس والعروسه .

تخيلوا مع بنات الحله بنلعب مع بعض والنفس طيبه واللعب حلو والضحك حلو وتكون من عمر 5 سنوات الى عمر 17 سنه بنات واولاد تلعبوا سوه في الشارع بالقمره لي نص الليل وزمان نص الليل دي اظن كانت الساعه 8 او 8 ونص في الليل .

بنفس طيبه

صدقوا ممكن تجي البيت وتقول للبت عمرها 12 او 13 سنه ارح نلعب

الليله في الكلام ده ياربي ولا النفوس اتغريت .

واجتروا لينا الزكريات مع ايام زمان الحلوه وكل زول عنده ايام زمان

والله أيام يازمااااااااااااااااان



شتره : مره خالي قال لي والله يالاشيتر لو تصدق ماعرفنا انهُ الحله دي فيها بنات الا بعد كبرنا وعرسوهم .

يعني كان الاحساس صادق والخوه والعشره طيبه .

.
صورة العضو الرمزية
ahmedBolbol
مشاركات: 8086
اشترك في: الأحد 2008.12.21 6:04 pm
مكان: الامــاراتــــــ / دبـــــــــــــى
اتصال:

رد: والله ايام يازمان

مشاركة بواسطة ahmedBolbol »

والله يا حبيبنا الغالى الاشيتر كلامك طيب وجميل وبينى وبينك الماضى
جميل بزكرياتو الحلوة والخوة الصادقة والبرائة الفايته الحد بس لكن
يا فرده جيل الزمن ده ما بعرف الحاجات دى ديل جيل العولمة والانترنت
لا بعرفو ليك شليل وينو ولا بعرفو ليك غمدت لبدت - وعساكر وحراميه وووووباقي اللعبات
صاح ولا انا غلطان ده جيل حنكوووووووووووش جدا يا خى كدى ادخل منتدى الالعاب
وشوف الالعاب بتاعتهم كيف والله تمووووووووت من الضحك يا عمك


موضوع جميل تقبل مرورى
ولى رجعة تانى يا عسل
صورة العضو الرمزية
الاشيتر
مشاركات: 2886
اشترك في: الخميس 2008.2.7 10:53 am
مكان: الدوحه

رد: والله ايام يازمان

مشاركة بواسطة الاشيتر »

بلبل2 كتب:والله يا حبيبنا الغالى الاشيتر كلامك طيب وجميل وبينى وبينك الماضى
جميل بزكرياتو الحلوة والخوة الصادقة والبرائة الفايته الحد بس لكن
يا فرده جيل الزمن ده ما بعرف الحاجات دى ديل جيل العولمة والانترنت
لا بعرفو ليك شليل وينو ولا بعرفو ليك غمدت لبدت - وعساكر وحراميه وووووباقي اللعبات
صاح ولا انا غلطان ده جيل حنكوووووووووووش جدا يا خى كدى ادخل منتدى الالعاب
وشوف الالعاب بتاعتهم كيف والله تمووووووووت من الضحك يا عمك


موضوع جميل تقبل مرورى
ولى رجعة تانى يا عسل


بي صدق كده ياحليل زمان وايام زمان شوف المبالغه الواحد لو قاله حسع ما اظن يصدقوا

بقول ليك في عز شبابكم في قمر 14 تمشي للبت جنب امها وابوها وتقول ليها ارحكي نلعب

عليك الله شوف النفوس دي مستغرب فيها لس حسع الحته دي .

وبني وبينك ديل جيل حناكيش صحي اتاري وحركات غريبه

تاني الغريب في الامر كلمات كُنا زمان محرمه علينا حسع بقت عاديه

احبك = ما كانت في الكلمه دي وتداوله ما كتير الا في الخفاء بس

بوسه : وين زول يقدر يقول الكلمه دي كان بالكتير تقول للطفل تعال جيب قدوم هههههههه

شايفه لعبه حسع .

وكلمات كتيره كانت محرمه علينا .


شتره :
مره خشيت منتدي الالعاب لقيت لي حاجه كده ....... ياها الكلمه التانيه الفوق دي جيب قدوم دي ههههههههههههههههه

يسلموا بلبل2 على مرورك الطيب ده ويسعدنا تجينا تاني وكتير كمان
صورة العضو الرمزية
سيبو9
مشاركات: 2133
اشترك في: الاثنين 2008.9.15 9:59 am
مكان: الوطن الأصيل
اتصال:

رد: والله ايام يازمان

مشاركة بواسطة سيبو9 »

صح والله .. أيام زمان كانت عسل عديل ..
إنت برضو يا الإشيتر كنت بتلعب عده عده .. هههه الظاهر عليك كنت بتاع الدكان البنات يجن يشترن منك .. وتقوم تشترن تعمل فيها نظام قاعد تتكلم معاها .. وحنك وكدا ..

انا بتزكر لمن كنا بنلعب عده عده وكدا .. كنا بنتلم كلنا في بيت جدي .. ويجن بنات الجيران .. الحلواات .. بعد ما نتلم ... يجي دور التقسيم هههههه .. أي واحد يختار ليهو واحده تكون المره بتاعتو .. طبعا في البتاباك .. وفي البتريدك ..
اها بعد ما تبدأ اللعبه .. أي واحد يعمل ليهو بيت ولو عندو عربية سلوك يجيبا يشتغل بيها .. وبتاع الدكان يفتح دكانو .. ( الحكايه تمثيل عديل) .. وطبعا بتاع الدكان لامي ليه طوب وقش وما عارف ليك شنو .. قال بضاعه قال ..


طبعا الزمن داك عشان تعرف يا الإشيتر كان حلو كيفن ... أي حاجه كان عندها موسم براها .. بدون ما تشعر تلقا الموسم بتاعا جا ... عربات السلوك كان عندها زمن ( سلك قوا وسلك ليون ههه)
وعندك زمن الترتارات .. والبلي عندو زمنين ( زمن بلي الدوم وبلي قزاز) .. حاجات كتيره يا زوول

طبعا انا كنت معلم في عربات السلوك .. والله أزبط ليك دفااار وزيت وااي .. حرم تقول واي الإشيتر

عندي ليك سؤال الإشيتر لمن كنتو بتصلحو العربات .. السلوك كنتو بتجيبوها من وين !!
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: والله ايام يازمان

مشاركة بواسطة ام صبا »

والله ياالاشيتر ذكرتنا الزمن الجميل
والله ايام يازمان ببكي وبتحسر عليك
وما بقول العشنا كان وارمي حبة لومي فيك
زمان كانت القلوب صافيه البت تلعب مع الولد
والعكس الحياه كانت ساهله اولاد الجيران كانوا
ستر وغطا لبت الجيران وخصوصا فى الاحياء
الشعبيه تحس انه الناس اسره واحده انا عشت فى
سكه حديد وكانت من اجمل ايام حياتى بس الزمن ده
بقت تحصل حاجات غريبه
ومرت الايام كالخيال احلام وانطوت امال
كم رواها غرام
مرت ومره نعيم كان ظنى فيه يدوم
لكنه مره سريع
خلف وراه هموم الآمه مابتزول
مابين ارق ودموع
وهذا لسان حالنا نبكى على الايام الجميله
والله ياالاشيتر هيجت فينا حنين وذكريات جميله

وما بنقول غير
طول عمرى اتأسف من حسرة الحاضر
واعيش على الماضى
صورة العضو الرمزية
الاشيتر
مشاركات: 2886
اشترك في: الخميس 2008.2.7 10:53 am
مكان: الدوحه

رد: والله ايام يازمان

مشاركة بواسطة الاشيتر »

[quote="سيبو9"][align=center]صح والله .. أيام زمان كانت عسل عديل ..
إنت برضو يا الإشيتر كنت بتلعب عده عده .. هههه الظاهر عليك كنت بتاع الدكان البنات يجن يشترن منك .. وتقوم تشترن تعمل فيها نظام قاعد تتكلم معاها .. وحنك وكدا ..

انا بتزكر لمن كنا بنلعب عده عده وكدا .. كنا بنتلم كلنا في بيت جدي .. ويجن بنات الجيران .. الحلواات .. بعد ما نتلم ... يجي دور التقسيم هههههه .. أي واحد يختار ليهو واحده تكون المره بتاعتو .. طبعا في البتاباك .. وفي البتريدك ..
اها بعد ما تبدأ اللعبه .. أي واحد يعمل ليهو بيت ولو عندو عربية سلوك يجيبا يشتغل بيها .. وبتاع الدكان يفتح دكانو .. ( الحكايه تمثيل عديل) .. وطبعا بتاع الدكان لامي ليه طوب وقش وما عارف ليك شنو .. قال بضاعه قال ..


طبعا الزمن داك عشان تعرف يا الإشيتر كان حلو كيفن ... أي حاجه كان عندها موسم براها .. بدون ما تشعر تلقا الموسم بتاعا جا ... عربات السلوك كان عندها زمن ( سلك قوا وسلك ليون ههه)
وعندك زمن الترتارات .. والبلي عندو زمنين ( زمن بلي الدوم وبلي قزاز) .. حاجات كتيره يا زوول

طبعا انا كنت معلم في عربات السلوك .. والله أزبط ليك دفااار وزيت وااي .. حرم تقول واي الإشيتر

عندي ليك سؤال الإشيتر لمن كنتو بتصلحو العربات .. السلوك كنتو بتجيبوها من وين !!
[/quote]


قدييييييييم ياسبو

والله عده عده وبالجد كنت سيد الدكان الغريبه سيد الدكان دي كانت بتزكرني بي شىء كان عندي طرف حوض بتاع الحمام ده ابيض رخام بعدين عامل ليه رفوف كده بالطين كل مره واقعات وباب التلاجه كرتونه وكنت بخت الفُلل بتاعت البيبسي مليانه مويه جوه واغطية الفتايل ووبيع للناس البارد من التلاجه وبمشي القط القطع من الترزيه وبجي ببيع برضوا الملابس الجاهزه .

اما في العربات دي حدث ولا حرج جيب لي كم جالون كده بتاعت شل ديل شوف اقطع ليك حديده لما تقتنع
وعربات السلوك يازول قول في لف العجلات والدريكسون ديل خبره عديل . يا لو لقيت ليك سفنجه قديمه كده في الكوشه وجبتها وعملت ليك اربعه لاساتك بالشرشر موس جديده شىء غريب وعجيب

عارف زمان اللعبه الكُنا بنحلم بيها بنصنعنها برانا حسع وين الكلام ده

السلوك بجيبهم من سور المستشفي السلك الشايك وبعرف افرتقوا او مدرستنا

وتاني بنجيب سلوك التلفونات من الكُبانيه وبنشحد عمك بتا ع الكبانيه

وباكم القطر الواحد ده بنحرق الباكم وبجيك السلك الجوه ده فيهو ديرقسون قوي خلاص مابتلوي كلوا كلوا

والله ايام يازمااااااااااااااااااااااان

تعال لي وبجيك انا برضوا في الزكريات وايام زماااااااااااااان .[/color][/size][/align][/B]
صورة العضو الرمزية
الاشيتر
مشاركات: 2886
اشترك في: الخميس 2008.2.7 10:53 am
مكان: الدوحه

رد: والله ايام يازمان

مشاركة بواسطة الاشيتر »

ام صبا كتب: والله ياالاشيتر ذكرتنا الزمن الجميل
والله ايام يازمان ببكي وبتحسر عليك
وما بقول العشنا كان وارمي حبة لومي فيك
زمان كانت القلوب صافيه البت تلعب مع الولد
والعكس الحياه كانت ساهله اولاد الجيران كانوا
ستر وغطا لبت الجيران وخصوصا فى الاحياء
الشعبيه تحس انه الناس اسره واحده انا عشت فى
سكه حديد وكانت من اجمل ايام حياتى بس الزمن ده
بقت تحصل حاجات غريبه
ومرت الايام كالخيال احلام وانطوت امال
كم رواها غرام
مرت ومره نعيم كان ظنى فيه يدوم
لكنه مره سريع
خلف وراه هموم الآمه مابتزول
مابين ارق ودموع
وهذا لسان حالنا نبكى على الايام الجميله
والله ياالاشيتر هيجت فينا حنين وذكريات جميله

وما بنقول غير
طول عمرى اتأسف من حسرة الحاضر
واعيش على الماضى



فعلا هاجت الزكريات فينا وتعالوا نجترها مع بعض

المهم يا ام صبا ياحليل زمان وايام زمان

وبمناسبة عشتي في السكه حديد دي اليوم دايرك تبكي عديل يا ام صبا

تزكري المحولجي

والتزكرجي

وناظر المحطه

وعُمال القوه (الدريسه )

الترولي

السكريه

السبينسه

الفرمله

العلم الاخضر والعلم الاحمر

برنيطة الكمساري وناظر المحطه

التابلت

الساعه 17 و5 دقائق

قطر 126 داخل

قطر 127 طالع

قطوعات

تلغراف

الو تندلتي ياتندلتي كلم ربك تندلتي كلم ربك سريع

الصنفور

الصنتور

درجه نوم اولي التانيه التالته الرابعه

المفتخر

الاكسبريس

الباخره

ولي معاها زكريات حلوه السكه حديد

بجيكي تاني
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: والله ايام يازمان

مشاركة بواسطة ام صبا »

والله يالاشيتر ذكرتنا اجمل ايام
تعرف نحنا فطمونا بصوت القطر
عشان كده متى ما سمعنا صوت القطر
بتجينا حاله
صورة العضو الرمزية
الاشيتر
مشاركات: 2886
اشترك في: الخميس 2008.2.7 10:53 am
مكان: الدوحه

رد: والله ايام يازمان

مشاركة بواسطة الاشيتر »

ام صبا كتب: والله يالاشيتر ذكرتنا اجمل ايام
تعرف نحنا فطمونا بصوت القطر
عشان كده متى ما سمعنا صوت القطر
بتجينا حاله


زكرتيني بي صوت القطر ده

ايام جميله

نحن بيتنا دائماً الروسيه بتقيف قريب من الديوان يعني مع بيتنا فرقنا من السكه حديد زي عشره امتار

بجونا اهلنا بلدهم مافيها قطر للصباح مابنوموا

يقولوا لينا بتنوموا كيف
نقول ليهم نحن لو مافي قطر ما بنووووم

زي التقول بقول لينا النو النو النوم تعال
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: والله ايام يازمان

مشاركة بواسطة ام صبا »

الاشيتر كتب:


زكرتيني بي صوت القطر ده

ايام جميله

نحن بيتنا دائماً الروسيه بتقيف قريب من الديوان يعني مع بيتنا فرقنا من السكه حديد زي عشره امتار

بجونا اهلنا بلدهم مافيها قطر للصباح مابنوموا

يقولوا لينا بتنوموا كيف
نقول ليهم نحن لو مافي قطر ما بنووووم

زي التقول بقول لينا النو النو النوم تعال

وكانت ايام سعيده ربى مناى تعيده
وطبعا دى امانى لانه مستحيل
ترجع الايام ديك
معتز سيد
مشاركات: 4174
اشترك في: الثلاثاء 2008.8.26 1:22 pm
مكان: السودان والحمد لله

رد: والله ايام يازمان

مشاركة بواسطة معتز سيد »

[fot1]سلامات عليكم[/fot1]


شايفكم سرحتوا مع الذكريات ، وحلقتوا مع أطياف الخيال، وجيتونا بي جاي قريب :040:

طبعاً يا أخوانا الزمن بتغير وطبيعي كل زمن شكل الحياة بصورة عامة ماشي يتغير فنحن ما نظلم الجيل الجديد، دة زمنهم كدة، الناس ديل لقوا عالم فيه الموبايل وفيه الفضائيات والإنترنت والعولمة بشكل عمومي. أكيد النشأة وطريقة اللعب تختلف عن زمان. (تنظير شديد :004: )

الزمن دة زمن اللعب الجاهزة، الأطفال بيجيبوا ليهم من السوق عربات (سيارات للقاعدين في الخليج) بالرموت يكون ماسك الرموت في يدو ويحرك العربية أمشي قدام وقف لف يمين اتحرك وهكذا.
في زمنا الحاجة دي ما كان في، فكنا بنستعيض عنها بنعمل عربات بعلب الفورموست THUMBUP.gif ، تجيب العلبة وتاخد المقاسات وتعمل تصميم عايز تعمل لوري ولا قلاب ولا بوكس، وتبدا تقطع وتفصل، وتستخدم (السفنجات) لعمل اللساتك (الإطارات). يعني كنا بنتهندس :076: .

واللعبة بتاعة (كمبلت) بعلب الصلصة.

أخوي الأشيتر كدة كفاية بمشي واتابع معاك في لعبات كتير لا يسع ليها المجال.

تخريمة: يعني بالله الصورة دي بتخلي الناس تتخيل انو انا طالب، يا خسارة أريتني لو ما جبت سيرة اللعبات العتيقة دي :001: أنا ما زلت في عمر الزهور 34 سنة يا داب THUMBUP.gif

مشكورين يا حبايبنا الليلة ونستونا عديل وسعدنا بزيارتكم .صورة


صورة العضو الرمزية
الدلوعة شيراز
مشاركات: 646
اشترك في: الأربعاء 2008.9.24 6:20 pm
مكان: السعودية/ الدمام
اتصال:

رد: والله ايام يازمان

مشاركة بواسطة الدلوعة شيراز »

ههههههههههههههههههه
قــــــدوم ؟؟؟
ههههههه لا تعليـــــــــــق..
دفـــــارات ...؟
هههه من جد لا تعليـــــــق..

بس محتاجين ترجــــمهـ ...
سوري .

اللهـ يرجع الزمــن الجميل
لكن لكل جيــــل زمـــنهـ ما تنسوووا ...
صورة العضو الرمزية
كيوبيد
مشاركات: 10052
اشترك في: الجمعة 2009.2.20 2:27 pm
مكان: الخرطوم

رد: والله ايام يازمان

مشاركة بواسطة كيوبيد »

الاشيتر يا خوى نحن لسا صغار
نتزكر ايام زمان كيف يعنى
الااحكى ليك عن الحبل السري والمشيمة
بالمناسبة زمان كان فى لعبة
اسمها عريس وعروس
اكيد لعبتها صح ولا ماغلط
وبالجد يا حليل زمان
وايام زمان يا يمة لو تزكرى
على قول عقد الجلاد
صورة العضو الرمزية
سيبو9
مشاركات: 2133
اشترك في: الاثنين 2008.9.15 9:59 am
مكان: الوطن الأصيل
اتصال:

رد: والله ايام يازمان

مشاركة بواسطة سيبو9 »

والله يا الإشيتر .. دا هو زاتو الحاصل ايام زمان نفس الوضع بتاعنا ..

زكرتني عربات العلب .. إلأ ما يجيبو علب في البيت .. تنتظر بتين العلب تفضا .. تلمها كتيره .. ولو عندكم كانون تمشي عليهو تسرد ليك منو حديده .. تجي تقطع بيها العلب .. ولو عندكم شجره بره بتقعدوا فيها النهار دا كلو صليح ساااااي .. وما عارف ليك ( سلوك الرباط) والشراشر .. بتاعت السفنجات ..

الزمن داك لو جيت ماشي جمب شجرة لعلوب .. تلم ليك حجار كتيره ويلا تبدا جديع .. وتوزن تمام .. تنزل ليك كم لعلوبه حمرا كدا .. !!

انا عندي جدي كان عندو عصاره .. ومن العصارات .. وكمان الحي إسمو المعاصر .. عصارات ساي ..
كنا ينمشي ليه .. نصة نهار ( طبعا اول حاجه تقول ليهو جدي اديني ام جقوقه .. لو مزاجو كويس بديك .. لو ما لقيت بتلقا العمباز ههههه والعمباز ما بندار طبعا .. مرات مرات بتشيلو .. )

لكن انا بقول يا الإشيتر الزمن داك كنا فنانين عديل كدا .. اي حاجه بنعملا وبنتفنن فيها .. حياه بسيطه جدا .. لا تقول لي بلستيشنات ولا كمبيوترات ولا شنو ..

انا بزكر يا الإشيتر .. كنا انا وأخوي راكبين شجره تمرهندي ( مسكيت هههه) اها يا زوول اي واحد في فرع وفي أمان الله .. بناكل ومرتاحين ( والله كان عندي فرع زي الكرسي بتاعك دا ..) اها الزمن داك كان في مره مجنونه .. أي زول بخاف منا حتي الكبار .. جات وقفت تحت الشجره فجأه .. انا ما شافينها وهي برضو .. انا لمن شفتا إنصدمت عديل .. وأخوي داك قاعد ما جايب خبر .. انا اشرت ليه بعيني تحت تحت .. عاين داير يعيط .. قلت ليهو اسكت باصبعي ..

والله انتظرنا لمن فترنا في الكراسي المريحه دي .. صامتين تقول في الفا واقف ..
في النهايه قمنا تلبنا من فوق ..( طبعا التليب الوكت داك عااادي جدا ..) ومع التليبه كدا معاها عياااط شديد .. للبيت طواالي ..
الجماعه الفي الشارع .. في شنو !!
السره العويره ساكانا !! هو اصلا ما في اي زوول ساكينا .. غايتو جنس زمن !

برجع ليك تاني ..
صورة العضو الرمزية
الاشيتر
مشاركات: 2886
اشترك في: الخميس 2008.2.7 10:53 am
مكان: الدوحه

رد: والله ايام يازمان

مشاركة بواسطة الاشيتر »

ام صبا كتب:
وكانت ايام سعيده ربى مناى تعيده
وطبعا دى امانى لانه مستحيل
ترجع الايام ديك



والله فعلاً ربي ومناي تعيده


بس المستحيل هنا انها تنعاد

والله ايام حلوه


تزكري ناس الدريسيه والقطاطي واظن اول ناس بدوا الجلوس بره الحوش في الصيف ناس الدريسه ديل وشوفي الحياه كانت حلوه كيف كلهم يطلعوا بره ويجبوا العشاء بتاعهم ويقعدوا في مجموعات حلوه كده ويتونسوا لي نص الليل ويقوموا الصباح يمشوا الشغل .

في ترحالكم على السكه حديد اشتغلتوا غرب كوستي ولا الشماليه بس
عذب المشاعر
مشاركات: 366
اشترك في: الخميس 2009.2.19 11:04 pm
مكان: السعوديه

رد: والله ايام يازمان

مشاركة بواسطة عذب المشاعر »

الا ليت الزمن يرجع

ورا والا الليالي تدور

ويرجع وقتنا الاول

وننعم في بساطتنا

زمان اول احس انه

زمان فيه صدق شعور

نحب ونخلص النيه

وتجمعنا محبتنا

زمن مافيه لاغيبه

ولاحتى نفاق وزور

ياليته بس لو يرجع

ونسترجع طفولتنا

صغار قلوبنا بيضا

نعيش بعالم محصور

ولانعرف ابد اغراب

ماغير عيال حارتنا

صحيح صغار بالتفكير

لكن ماعلينا قصور

نخطط نكسر اللعبه

وتسعدنا شقاوتنا

نروح المدرسه بدري

ونضحك داخل الطابور

نحاول نزعج العالم

في روحتنا وجيتنا

وعشان نأخر الحصه

نخبي علبه الطبشور

نشاغب بس في الاخر

تميزنا برائتنا

نحب الضحك والهيصه

نحب ننط فوق السور

نفرفش ليه مانفرفش

مادام الضحكه عادتنا

ولكن دارت الايام

وبان الخافي المستور

وصار الهم متعلي

على قمة سعادتنا

كبرنا وصارت الدنيا

تصف احزاننا بالدور

وتهدينا الالم والهم

غصب عن عين رغبتنا

تعبنا من بلاوينا

احد ضيق واحد مقهور

وكلن غارق بهمه

وفي الاخرتشتتنا

وانا ماقول غير الا

ياليت ان الزمان يدور

ونرجع للورا فتره

نعدل وضع عيشتنا


مما راق لى ويعبر عما فى داخل الصفحه اخوكم عذب المشاعر
صورة العضو الرمزية
Hoomy
مشاركات: 3992
اشترك في: الثلاثاء 2008.5.6 9:39 am
مكان: UAE

رد: والله ايام يازمان

مشاركة بواسطة Hoomy »

الاشيتر من صغير اشيتر
عروس وعريس من صغرك
والله بتريد الشواكيش من صغير
غايتو انا عريس وعروس دي مالعبتها
لكن شليل - والتيوة ورز عدس - وشدت - والرمة وحراسها وباقي اللعبا ت
بس عريس وعروس دي
:smiels0: :smiels0:
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: والله ايام يازمان

مشاركة بواسطة ندى البيلسان »

والله البوست رائع يا الإشيتر .. والزمن بقى غير الزمن .. لكن لازم تقارن لينا بين الزمنين في أشياء كثيرة منها :[/
1/ جلسات السمر زمااااان و هسع
2/ السكن الماضي و الحالي
3/ النفوس زمان و هسع
4/ الأملاك ( الخيرات )
5/ التمدن و الريف
6/ العرس زمان
7/ المواصلات
8/ التعليم

وحسب ما بنسمع وما بنعرف :

1/ جلسات السمر زمااااان و هسع]ايام زمان ... محال ترجع ..
السمر كان علي اضواء القمر ... في الهمبريب
واليوم اصبح عبر الشات .. وغرف الدردشات
السكن الماضي و الحالي

2/ القطية والراكوبة ... وحكايات ( ابونفاش ... )
وهسع العيش في الفلل والتشمس في البلكونات والاكل في المعلبات


3/ النفوس زمان و هسع
الناس كان تتقاسم النبقة ... والعمود المدنكل مع السيرمس يجيك في العيادة ..
وهسع ... كفارة اوتعزية ..بالتلفون .. او رسالة بالايميل .. او مسج في الموبايل .. او مسكول ...!!


4/ الأملاك ( الخيرات
الضرع كان حلوب ... وماهاهم الفي الجيوب..والعافية مدفقة
رصيد في البنكي... وشيكات وتداولات باللابتوب ... والعافية مهددة


5/ التمدن و الريف
انشاء الله الضيقة تنقد
والواسيعة ما تنسد
يامغير الاحوال اصلح حالنا ..
واغنينا بفضلك عمن سواك


6/ العرس زمان
كان كلو واحد يقطي قدحوا .. والعرس يتم بالميسور .. والفاتحة كان مهر ود القبيلة
هسع التعارف بقي بالشات ... والطبق بالركاشات



7/ المواصلات
تكسي الغرام ..كان يعمل العجب ... والعشرة ماكان فيها نفاق وقلة أدب



]8/ التعليم
الخلاوي ... كانت فاتحة المشوار ... وفي سادسة يحتفل بحماد الناجح ..
واليوم كان جبت الماجستير ... ماتلقي حتي قريب يقول ليك مبروك
وننظر منك الإضافة
[/size][/font]
صورة العضو الرمزية
كيوبيد
مشاركات: 10052
اشترك في: الجمعة 2009.2.20 2:27 pm
مكان: الخرطوم

رد: والله ايام يازمان

مشاركة بواسطة كيوبيد »

المزرور كتب:الاشيتر يا خوى نحن لسا صغار
نتزكر ايام زمان كيف يعنى
الااحكى ليك عن الحبل السري والمشيمة
بالمناسبة زمان كان فى لعبة
اسمها عريس وعروس
اكيد لعبتها صح ولا ماغلط
وبالجد يا حليل زمان
وايام زمان يا يمة لو تزكرى
على قول عقد الجلاد
كبارنا وكترت احزانا
أضف رد جديد

العودة إلى ”منتدى الراكوبة“