ماساة الغربة

واحة المغتربين...كل ما يتعلق بالمغتربين من اسئلة،استفسارات،،،تعارف،،،،تهانى،،تعازى واخبار

المشرف: بانه

أضف رد جديد
صورة العضو الرمزية
عفراء
مشاركات: 118
اشترك في: الثلاثاء 2007.3.27 6:27 pm
مكان: الامارات

ماساة الغربة

مشاركة بواسطة عفراء »

بسم الله الرحمن الرحيم

كلو منا يفكر ان يطلع لى بلد اخر عشان يكون نفسو ويحقق اهداف محدد لكن بعد مايطلع يلقى نفسو محاصر
بى مسؤليات ماليها حد من اول المسؤليات الاهل الغلابة الخلاهم هناك وثانية مسؤلية بيتو عيالو يعانى الواحد يطلع عشان حاجة محدد انو يرجع ومعاه فلوس وبيت يلقى نفسو دخل الراتب فيها مابكفى اكل وشراب وسكن ومصاريف صراحة الغربة دى ضياع لى الزمن مش زى ماكرين انها مخرج لى حياة افضل يعنى الواحد البصرفو فى الغربة مابقدر يوفر بل انو يلجا الواحد انو الدين ويبقى بدل يحسن من وضعو ساءالوضع يعنى ذاد الطن بلة صراحة الفى الغربة وبذات فى الامارات اقلب الناس رجعو من غير ولاحاجة يعنى يد وراى وايد قدام الكل داخل وموضوع سلفيات وديون من البنك وكان فى النهاية بدل ياخذ نهاية خدمة يجى البنك ياخذ كل التعب دا واكتر وشى فوايد وشى وشى يعنى الوحد ضيع سنين من عمرو وانحرم من اهلوبلافيدة وفى النهاية لمن يرجع يكيلاقى الناس الهناك اسسو احسن منو يندم انو طلع انا مارفة لى التغريب ماحسن لينا بلدنا وسط اهلنا كفايانا غربة كفاية والله الناس هناك عايشين احسن مننا والله فى ناس رجعو لى بلد بالصناديق ماتو من الهم والغم بعد الشرعليكم كلكم بس بلدنا ذيها مافى ربنا يرجعنا سالمين غانمين ويرحمنا من عذاب الغربة
منير
مشاركات: 180
اشترك في: الأحد 2007.1.28 2:06 pm
مكان: السعودية - الرياض

رد: ماساة الغربة

مشاركة بواسطة منير »

أهــ يا أختي عفراء قد لمست الوتر الحساس، ابكيتيني الغربة ألم فظيع جمرة لهبانة طول الزمن ما في موية ولا هواء يطفيها الغربة ضياع للعمر والزمن وكل شيء حلوة في حياة المتغرب .. ضعنا وضاع كلي شيءنتنفس دون هواء نأكل دون طعم نشرب دون عطش..
أهـــــــ ثم أهــــ
كلام قلتوا في زمن بعيد:
جئت ليك يا بلد الريال والجية كانت ليك مغشوشة
كم من أماني عراض كبيرة كثيرة مرصوصة
جئت ليك والفرح ملازمني وما في مشكلة يا لمحبوبة

كلمات يا عفراء من 55 بيت ودي بدايتها وفعلاً جئتي كانت غشا كبيرة
الغربة مريرة بكل ما تحمل هذه الكلمة من مرارة ونحنا في السعودية اكعب منكم انتو في الأمارات شوية احسن هنا كفيل يتحكم فيك ويأكل عرقكك وغايتو خليها على الله ولي عودة ان شاء الله عن مآسي الغربة يا ست عفراء لك التحية والتقدير ..
رضا السيد
مشاركات: 3
اشترك في: الخميس 2007.3.29 11:46 am

رد: ماساة الغربة

مشاركة بواسطة رضا السيد »

اولاً ازيك ياعفراء
بالجد وحقيقى كلامك بجسد الواقع فى الغربة لانه بجد الغربة ضياع زمن وعمر وصحة فى الفاضى لانه حتى لو كان وضع الواحد مريح وجمع قروش كفاية برضو على حساب حاجات اهم بكتير من القروش المهم كلنا جينا ورا سراب الغربة وحصدنا الندم على كل لحظة فارقنا فيها بلدنا الحبيبة رغم الوضع الفيها انا عن نفسى هى سنه واحدة وماناوى اكمل التانية يعنى بعون الله راجع البلد اعيش فى حضنها زى باقى الناس يوم معاى ويوم لا احسن مليون مرة من الغربة والخليج كان ممكن زمان تعمل فيهو قروش بس اسى مستحيل خصوصاً انو قطر هنا بقت غلاء نار واخير الواحد يختصر زمنو ويرجع للوطن .
صورة العضو الرمزية
عفراء
مشاركات: 118
اشترك في: الثلاثاء 2007.3.27 6:27 pm
مكان: الامارات

رد: ماساة الغربة

مشاركة بواسطة عفراء »

مرحبا بك أخي منير على شكرا على تعليقك
وربنا يرجعنا لى بلدنا ويهون علينا الغربة
ومرارة الغربة
صورة العضو الرمزية
عفراء
مشاركات: 118
اشترك في: الثلاثاء 2007.3.27 6:27 pm
مكان: الامارات

رد: ماساة الغربة

مشاركة بواسطة عفراء »

بارك الله بك , شكراً أخي الكريم
الاخ رضا انت اكيد ماراضى عن
الغربة دى جد الغربة عذاي وضياع
رينا يرجعك وتشوف اهلك واحبابك
ربنا يرجعك بلسلامة
صورة العضو الرمزية
عفراء
مشاركات: 118
اشترك في: الثلاثاء 2007.3.27 6:27 pm
مكان: الامارات

رد: ماساة الغربة

مشاركة بواسطة عفراء »

[blink]بارك الله بك , شكراً أخي الكريم
منير على تعليقك انت شكلك معانى
من الغربة ربنا يرجعك لى اهلك
بالسلامة
[/blink]
Still I Need U
مشاركات: 503
اشترك في: الثلاثاء 2007.6.19 11:19 am
مكان: بلاد الله الواسعه

رد: ماساة الغربة

مشاركة بواسطة Still I Need U »

[align=justify]الأخت الكريمة عفراء ،،
تقبلي تحياتي ،،
حقيقة الغربة صعبة وانا واحد من الناس جربتها قبل كده وكان أمر من المر ،، لكن في النهاية أستسلمت للأمر الواقع ، وما تنسي انو الناس البتغترب دي أكيد أغتربت عشان اهداف كتيرة وما ننسي السودانيين ومشاكلهم الإجتماعية وتحسين أوضاعهم بي صورة عامة ،، اسأله الله العلي القدير أن يوفقك كل مغترب وأن يعود إلى وطنه وأهله سالم وغانم في نهاية الأمر لا بد من الصبر تي تتحقق كل الأمنيات ،،

إحترامي ،،[/align]
صورة العضو الرمزية
عفراء
مشاركات: 118
اشترك في: الثلاثاء 2007.3.27 6:27 pm
مكان: الامارات

رد: ماساة الغربة

مشاركة بواسطة عفراء »

[blink]بارك الله بك , شكراً أخي
Still I Need U احسن اخطوة عملتها
والله العيشة وسط الاهل والاحباب افضل
مليون من ملاين الدنيا دى كلها ربنا يرجعنا
نحنا كمان واسال الله يوفقك ويوفق كل وحد
ممننا ربنا يحسن وضع السودان
[/blink]
صورة العضو الرمزية
حنضله
مشاركات: 970
اشترك في: الثلاثاء 2007.3.27 4:00 pm
مكان: السودان دارفور الفاشر
اتصال:

رد: ماساة الغربة

مشاركة بواسطة حنضله »

«®°·.¸.•°°·.¸¸.•°°·.¸.•°®»امين يارب انشاء الله يرد غربتنا بس انتى عارف حاجة واحدة ما بتخلينا نرجع والهى اننا ما عندنا قناعة وشايفين انو احنا مغتربين ونرجع من الغربة بدون شى خسارة كبيرة وخاصة انو القاعدين جوه السيودان احسن مننا بكثير بس والله الخسارة اكبر لما نصر على طول الزمن فى الغربة لانو مهما عملنا ما ممكن نوصل الناس الصابرين القاعدين جوة السودان«®°·.¸.•°°·.¸¸.•°°·.¸.•°®»
صورة العضو الرمزية
معتز
مشاركات: 1635
اشترك في: الأحد 2007.3.25 11:08 am
مكان: ليبيا
اتصال:

رد: ماساة الغربة

مشاركة بواسطة معتز »

اختى عفراء والله كلامك منطقى جدا وسؤالك فعلا فى محله الواحد لما يغترب ويحاول تحقيق اهدافه حيكون على حساب منو اكيد فى ضحايا وللاسف الضحايا اقرب الناس ليه ربنا يخلص غربتنا ويرجعنا سالمين
صورة العضو الرمزية
Suhaib
مشاركات: 1030
اشترك في: الأحد 2006.12.17 8:48 pm
مكان: Al-Hilal

رد: ماساة الغربة

مشاركة بواسطة Suhaib »

الاخت عفراء
السلام عليكم ...

علي ما ازكر مرة في سمنار والله ورشة عمل ما عارف كانت في الجامعة ...زمن كنا طلبة طبعا ..

كان تقريبا الاستاز فتحي خليل المحامي والله منو ما ازكر بالضبط ..

قال :

نخشي ان يكون الذين اغتربنا من اجلهم ضحايا اغترابنا !!!!!!!!!

عليكم معشر المغتربين بالتوفيق بين الاغتراب ومن اغتربتم له !!!

تقبلي مروري ...
صورة العضو الرمزية
عفراء
مشاركات: 118
اشترك في: الثلاثاء 2007.3.27 6:27 pm
مكان: الامارات

رد: ماساة الغربة

مشاركة بواسطة عفراء »

Suhaib كتب:
الاخت عفراء
السلام عليكم ...

علي ما ازكر مرة في سمنار والله ورشة عمل ما عارف كانت في الجامعة ...زمن كنا طلبة طبعا ..

كان تقريبا الاستاز فتحي خليل المحامي والله منو ما ازكر بالضبط ..

قال :

نخشي ان يكون الذين اغتربنا من اجلهم ضحايا اغترابنا !!!!!!!!!

عليكم معشر المغتربين بالتوفيق بين الاغتراب ومن اغتربتم له !!!

تقبلي مروري ...
مشكوووووووووور اخوى مرورك
بوظبى
مشاركات: 10
اشترك في: الاثنين 2007.8.6 4:36 am
مكان: الامارات

رد: ماساة الغربة

مشاركة بواسطة بوظبى »

فعلا الاغتراب نار نار

وربنا يرجعنا لاهلنا سالمين غانمين
صورة العضو الرمزية
شيطون
مشاركات: 44
اشترك في: الاثنين 2007.4.16 6:24 pm
مكان: السعودية

رد: ماساة الغربة

مشاركة بواسطة شيطون »

عفراء مشكورة وربنا يديك العافية ويبعدك من عزاب الغربة
فعلا الغربة حاااااااااااااااااااااااارة وربنا يرجعنا لاهلنا ولوطننا سالمين محقيقين جميع طموحاتنا التى نرجوها
صورة العضو الرمزية
صلاح يحيى سليمان
مشاركات: 3213
اشترك في: الاثنين 2006.10.23 11:47 pm
مكان: المانيا
اتصال:

رد: ماساة الغربة

مشاركة بواسطة صلاح يحيى سليمان »

الحياة قسمة ونصيب....ولكن ان يعيش
الانسان تعيسا لسنوات غصبا عنه شئ
مؤلم...وما باليد حيلة....!

ربنا يهون الامور ونعود الى اهلنا.
صورة العضو الرمزية
ahmed1994
مشاركات: 409
اشترك في: الأربعاء 2007.10.17 7:21 pm
مكان: ألمانيا

رد: ماساة الغربة

مشاركة بواسطة ahmed1994 »

لا السودان نافع لا غيرو نافع
وليس كل المغتربين فشلو ولا كل المقيمين في السودان نجحو
زي ما قال عم صلاح الحياة قسمة ونصيب
والمكتوب ليك بتاخدو أين ما كنت
تقبلي مروري
صورة العضو الرمزية
صلاح حامد
مشاركات: 27
اشترك في: الثلاثاء 2007.3.13 2:07 pm
مكان: ليبيا
اتصال:

رد: ماساة الغربة

مشاركة بواسطة صلاح حامد »

شكرا الاخت عفرا والله موضوع جد مهم الغــــــــــــــــــــــــــربة الغربــــــــــــــــــــــــــــة
اسئلينى انا وانا مجرب الغربة ونارا ولسع في زالك النار نعم الحياة قسمة ونصيب ولاكن لو عايز احكي ليك عن الغربة وخاصة((غربتي)) احتاج الي ايام لكي اشيل انفاسي ثم ابدا في سرد الحكاية ولاكن با المختصر كدا الغربة هي تعاسة وندم وحرمان و و و و بس زي ما بقولو الجمرة بتحرق الواطيها
وزي ما قال الشاعر
العانيته انا انشاء الله ما يعاني حبيب الناس في بحور سعادة وانا ازداد لهيب
ولاكن ارجع اقول كل شئ قسمة ونصيب وياربي الطف عبدك قريــــــــــــــق

نسأل الله يرد قربتنا جميعا
صورة العضو الرمزية
shosho wbs
مشاركات: 2012
اشترك في: الخميس 2010.5.6 8:06 pm
مكان: ارض الخيال !

رد: ماساة الغربة

مشاركة بواسطة shosho wbs »

موضوع حساس والله

بس كمان في ناس الغربه
نفعت مهاهم وعايشين ومبسوطين
واغلب المغتربين ما بفكرو يرجعو
لانهم لقو راحتهم بره السودان
مع ذلك فراق الاهل صعب
ربنا يرجعنا لاهلنا ^^
أضف رد جديد

العودة إلى ”ملتقى المغتربين بالخارج“