ينتهي العرس بانتهاء مراسم العقد

المشرف: بانه

أضف رد جديد
صورة العضو الرمزية
العشاري
مشاركات: 183
اشترك في: الأحد 2009.4.26 12:34 am
مكان: اسكوتلندا

ينتهي العرس بانتهاء مراسم العقد

مشاركة بواسطة العشاري »

اتخيلو معاي زول حالو علي قدرو نوى العرس بالتيلة لما الشيلة ولوازم العرس عشان الناس ماتشيل حالو وما تلوك في سيرتو
حا يقطع من جضومو عشان يعمل حفلة وعشاء وصيوان اها طبعا الحاجات دي حا يعملة علي حسب قدرتو...... اها جا اليوم الموعود يلا خشو معاي الصيوان عشان نشوف الحاصل شنو.... طبعا شيلات الحال النسوان اول ما يخشن... وووب علي برة وبعيد من وليداتي هسي دا صيوان عرس قايلة روحي طشيت مشيت لي بيت بكا....ويقعدن يقطعن ويعلقن ما يخلن ليهن بشر حايم........ اها جابو العشاء تنط وحدة تمصمص خشما يااختي شوووفي القالو بيتزا دي ناشفة كيفن هسي....انا اطلع من هنا دكتور الاسنان عدل سني اترمت.... والطعمية التقول قلنا ليهم عندنا هبوط....تسكت تقوم رفيقتا وانتي ما شفتي البيبسي وحات الله تقولي منزلنو من النار هسي اها جو العرسان...اسمعو سجم خشمي دي شنو العروس الشينة وكبيرة دي حالتا دفعتو اعدم نظري كان ما عايدة دي زاااااتا عوادة كم سنة....وشوفي الحنة كعوجتا هسي كان جلطتا ساااادة ما احسن ، وعايني المكياج مطيرن ليها عيونا كيفن والله كان قعدت لي انا امكيجا اخير علي دا............وتجي واحدة من ورا شووووووووفي شنات العريس وحات النبي يخوفو بيو الشفع وشوووفي الاضنين غايتو دايرات ليهن بنس......والبدلة دي المكوجية اضربو ، وبدت الحفلة...........دا شنو الحمار الجايبنو يغني دا وحات اسم الله تقولي راديو الرابعة كل غنية من بلد اسمعي بيعولق الاغاني دي كيفن وبعد تنتهي الحفلة وهن ماشات الله بسالنا ادونا السهر ساكت هسي كان قعدنا نمنا في بيوتنا ما كان اخير لينا ..... دا العرس البكونو خسرانين فيهو كم مليون هم محتاجنها عشان الناس ما تشيل حالهم وهنا شيلة الحال بازيادة بتجي...............ماعندي حق بينتهي الزواج بمراسم العقد والعروس للعريس والجري لل.............
صورة العضو الرمزية
السيسبانة
مشاركات: 179
اشترك في: الثلاثاء 2009.5.12 7:27 pm
مكان: السعودية

رد: ينتهي العرس بانتهاء مراسم العقد

مشاركة بواسطة السيسبانة »

احييك اخي العشاري علي الوصف الدقيق وهو بصراحة صورة بالكربون
عن الحاصل في كل المناسبات مش الاعراس بس فالناس ياهم الناس
في كل زمان وكل مكان و زيادة حبتيين في مجتمعنا اللي لا بعجبهم العجب ولا صيام رجب
فانت مهما تحاول تجتهد عشان ترضيهم برضو شيلة الحال راجياك راجياك
وربنا يكون في عون الجميع
وتقبل مروري
صورة العضو الرمزية
ودالفتيحاب
مشاركات: 23
اشترك في: الخميس 2009.5.21 6:52 pm
مكان: السودان
اتصال:

رد: ينتهي العرس بانتهاء مراسم العقد

مشاركة بواسطة ودالفتيحاب »

اخي العاشري
مشكووووور
ع الموضوع
تسلم يداك
صورة العضو الرمزية
بنووتة كيووت
مشاركات: 113
اشترك في: السبت 2009.5.23 3:17 pm
مكان: في قلــNـب

رد: ينتهي العرس بانتهاء مراسم العقد

مشاركة بواسطة بنووتة كيووت »

تسلممم يمييينك ومشكووور ع الموضوووع الرآآئع...
" تقبــــل مروري"
bitadlan
مشاركات: 284
اشترك في: الأحد 2007.10.21 9:01 am
مكان: الخرطوم بحري

رد: ينتهي العرس بانتهاء مراسم العقد

مشاركة بواسطة bitadlan »

والله يالعشاري ابدعت انت ماخد كورس في الحكايه دي ولا شنو؟ تقول قاعد في وسطن وسامع كلامن الله يديك العافيه ويجازي محنك
صورة العضو الرمزية
العشاري
مشاركات: 183
اشترك في: الأحد 2009.4.26 12:34 am
مكان: اسكوتلندا

رد: ينتهي العرس بانتهاء مراسم العقد

مشاركة بواسطة العشاري »

دي حالنا في الزمن التعيس دا
لاتعليق اكثر من ما ذكرتو
دمتم بعافيه يا حلوين
محمد مرتضى
مشاركات: 46
اشترك في: الجمعة 2009.7.3 10:24 am
مكان: جده

رد: ينتهي العرس بانتهاء مراسم العقد

مشاركة بواسطة محمد مرتضى »

عكست الحال بسرد رائع وشيق . ولا إضافة .
أضف رد جديد

العودة إلى ”منتدى الراكوبة“