طلاب الشهاده العربيه : : لن ينجح أحد

واحة المغتربين...كل ما يتعلق بالمغتربين من اسئلة،استفسارات،،،تعارف،،،،تهانى،،تعازى واخبار

المشرف: بانه

أضف رد جديد
بشارابى
مشاركات: 95
اشترك في: الأحد 2008.7.20 2:10 pm
مكان: السعوديه

طلاب الشهاده العربيه : : لن ينجح أحد

مشاركة بواسطة بشارابى »

طلاب الشهادة العربية... لن ينجح أحد!!

كتب



هاشم بانقا الريح*







لم يكن طلاب الشهادة العربية السعودية وأسرهم بحاجة إلى مفاجآت تزيد من همومهم وتضاعف من يأسهم من فرص القبول المتاحة في الجامعات لهذا العام، فقد ظلّت المعايير التي طُبّقت ابتداءً من العام الماضي تلقي بظلالها المادية والمعنوية على كثير من الأسر. لكن توصيات لجنة معادلة الشهادات العربية الخاصة بتوزيع النسب بين الشهادة الثانوية المدرسية واختبار التحصيل العلمي والقدرات بالنسبة للطلاب السودانيين الحاصلين على الشهادة الثانوية السعودية المدرسية للعام 2009م ـ 2010 م، أبت إلا أن تفاقم من هموم هذه الشريحة المغلوبة على أمرها.

جاء في الأخبار الرسمية أن وزارة التعليم العالي والبحث العلمي قد وافقت على توصية لجنة معادلة الشهادات العربية، وهي التوصية التي تنص بأن يكون توزيع النسب بين الشهادة الثانوية المدرسية واختبار التحصيل العلمي والقدرات على النحو التالي: 60% من الشهادة الثانوية المدرسية، 25% من امتحان التحصيل العلمي و15% من امتحان القدرات.

لكن مهلاً عزيزي القارئ لم تنته بعد توصية اللجنة، والتي تمت الموافقة عليها، إذ جاء فيها أيضاً: " على أن تحسب النسبة النهائية للمنافسة مع الشهادة السودانية باستخدام طريقة الرتب المئينية وفق ما كان معمولا به في السنوات السابقة." وهذا يعني، أيها السادة، أن الخصم من الشهادة آتٍ لا محالة، حتى بعد أداء امتحانات القدرات و التحصيل. وبهذا تكون لجنة معادلة الشهادات العربية، ووزارة التعليم العالي قد وجّهتا إنذاراً لكل أسر طلاب الشهادة العربية السعودية الجالسين للامتحان هذا العام، بأن تستعد من الآن و"تلملم" ما بقي لديها من أموال إذا كانت تسعى لتعليم أبنائها في كليات الطب أو الهندسة أو الصيدلة أو المختبرات الطبية، فمع هذا الوضع فلن ينجح طالب واحد من طلاب الشهادة العربية السعودية لدخول هذه الكليات بمعايير القبول العام.

ما ذهبت إليه لم يكن عبثاً أو تخويفاً لأسر طلاب الشهادة العربية السعودية، ولكنني ذكرت ذلك وأمامي نتائج العام الماضي، وهي كانت أحسن حالاً فيما يتعلق بتوزيع النسب بين الشهادة الثانوية المدرسية واختبار التحصيل العلمي والقدرات. في العام الماضي – كما يعلم المعنيون بالشأن- أوصت اللجنة الموقّرة بأن تكون 70% للشهادة الثانوية المدرسية، و 30% لامتحاني التحصيل العلمي و القدرات.

سأكتفي هنا بذكر مثالين لطالبتين متفوقتين جلستا لامتحان الشهادة العربية السعودية العام الماضي. الطالبة الأولى حصلت على نسبة 99.8% في امتحانات الشهادة الثانوية المدرسية، و 91% في امتحانات القدرات و التحصيل. أما الثانية فقد كانت نسبتها في امتحانات الشهادة المدرسية 99.5%، وفي امتحانات القدرات و التحصيل العلمي أحرزت 86%.

في ظني أن هذه من النسب العالية جداً والتي تعد على أصابع اليد الواحدة العام الماضي، لكن ماذا كانت النتيجة؟ أصدقكم القول أن الطالبة الأولى، وهي طالبة مشهود لها بالتفوق منذ الصف الأول الابتدائي، قد تم قبولها بكلية الطب التي ظلت تحلم بها منذ دخولها المدرسة. نعم تم قبول هذه الطالبة بكلية طب جامعة الزعيم الأزهري، وهي محظوظة على كل حال، فقد كان يمكن ألا تجد لها حظ في القبول العام، وإذا لم تتمكن أسرتها من دفع الملايين التي تفوق العشرة، فلن تجد لها مكاناً لتحقيق حلمها في سودان المليون ميل مربع وجامعاته التي فاق عددها ربع المائة.

أما الحالة الثانية، فهي لطالبة متفوقة أيضاً وظلت تحلم بدراسة الطب، فتم توزيعها في كلية الصحة حسب القبول العام، فما كان من أهلها إلا أن ضحوا بالكثير وبالملايين من الجنيهات من أجل تحقيق حلمها وتسجيلها للدراسة في كلية الطب خصماً من مدخرات السنوات الماضية والآتية، ومن باب "مكره أخاك لا بطل".

أظن أنكم وبعد إيراد هذين المثالين، ومن واقع موافقة وزارة التعليم العالي على توصية اللجنة بخصوص توزيع النسب بين الشهادة الثانوية المدرسية واختبار التحصيل العلمي والقدرات هذا العام، وما يعقب ذلك من خصم، أظنكم تتفقون معي أنه لن ينجح طالب هذا العام من طلاب الشهادة العربية السعودية في الدخول – على الأقل – لكليات الطب أو الصيدلة، أو الهندسة، قبولاً عاماً أي من غير ملايين الجنيهات التي تُدفع للقبول الخاص.

الحكومة تعلم أن العاملين بالخارج لن يحملوا السلاح للمطالبة بنصيب أبنائهم من "ثروة" و"سلطة" مؤسسات التعليم العالي، ولذا فهي لم تكتف بأن تجعل أصابعها في آذانها وتستغشي ثيابها كل عام، ولكنها – ومن خلال مؤسسات التعليم الرسمية المعنية واللجان المكلفة- تبذل كل الجهود "لتفريغ" ما بقي من جيوب فئة العاملين بالخارج. و لا تكتفي بذلك بل تسعى سعياً حثيثاً، ومع سبق الإصرار و الترصد، لإجبار العاملين بالخارج على دفع مدخراتهم – إذا كانت لديهم مدخرات أصلاً- مقابل تعليم أبنائهم في وطنهم... فتأمّلوا
صورة العضو الرمزية
ريناد
مشاركات: 442
اشترك في: الجمعة 2008.9.12 4:00 am
مكان: السعودية

رد: طلاب الشهاده العربيه : : لن ينجح أحد

مشاركة بواسطة ريناد »

حسبي الله ونعم الوكيل على العملو القرار ده والله دي كلها حركات بس عشان ياكلو قروش المغتربين اصلا انا عندي شعار اذا اولاد المغتربين دخلو بي نسبهم البلد تعلن افلاسه
صورة العضو الرمزية
بنت أم در
مشاركات: 4
اشترك في: الثلاثاء 2009.6.2 6:11 pm
مكان: KSA

رد: طلاب الشهاده العربيه : : لن ينجح أحد

مشاركة بواسطة بنت أم در »

السلام عليكم
اصبح التعليم ومستقبل فلذات اكبادنا الهاجس الأكبر, شخصيا" ابنائي في بداية الدرب ولكن التفكير فيما يمكن ان يسوء اكثر يعيني.
شاهدت إعلانا" فى سفارتنا بالرياض قبل فترة وأحببت أن أشارككم أياه لعل فيه بصيص أمل, هذا نصه:-[/
color]


[frame="7 80"]بعد الحصول على موافقة الجهات الرسمية لاقامة كورسات لطلاب الشهادة السودانية ،قامت السفارة السودانية بإسناد هذا الأمر لمركز تأهيل طلاب الشهادة السودانية.
ويعلن المركز عن بداية الكورس الصيفي ، كما يعلن عن بداية العام الدراسي في4/7/2009 لقسم البنين وقسم البنات.
يعمل المركز جاهدا" على إعداد أجيال قادرة بإذن الله على تحقيق النجاح والتفوق, ويقدم للوطن أجيالا" نفخر بها يساهمون فى نهضته.فإن تعزيز الإنتماء الوطني يقتضي من المربين والعاملين في حقل التربية خلق برامج فاعلة تـُعرف الطلاب بمفهوم الهوية الوطنية لذلك يعتزم المركز إقامة محاضرات دورية للتربية الوطنية.

يعطي المركز هذه المرحلة أهمية خاصة, فهي تمثل حجر الزاوية لبداية مستقبل واعد,ولهذا السبب تم إختيار نخبة متميزة من الأساتذة مشهود لهم بالتفوق ليس على مستوى التعليم وتوصيل المادة فحسب بل على المستوى التربوي أيضا", ولقد لمس أولياء الأمور هذا الأمر من خلال الكورس الصيفي,وهذا بعض’’ من كثير مما ستجدونه بإذن المولى عز وجل لدى المركز,فسارعوا بضم أبنائكم لركب التاهيل والتفوق.


تفضل زيارة المركز وأحصل على طلب الإلتحاق, ومن رأى ليس كمن سمع.....


0551068250
[/frame]
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: طلاب الشهاده العربيه : : لن ينجح أحد

مشاركة بواسطة ود الزوحي »

الله في عونك يامغترب ...
لملم قروشك وانكرب ...
حتى في بلدك ماليك درب ...
لو مغترب أو في الوطن ..
برضك حتدفع بالضرب ...
يا تبقى واقف في الدرب ..

بالجد الله يكون في عونك يا مغترب يعني كده بالواضح انتو بالذات يا مغتربين لازم تقروا بالقروش بس انشا الله تبقى ع القراية بس يا خوي بشارابي

تحيااااااااتي
بشارابى
مشاركات: 95
اشترك في: الأحد 2008.7.20 2:10 pm
مكان: السعوديه

رد: طلاب الشهاده العربيه : : لن ينجح أحد

مشاركة بواسطة بشارابى »

اولا
الشكر للاخوان ود الزوحى وبنت ام در وريناد
على مروركم الكريم
واقول للاخت بنت ام در ماكفانا خسارت ريالات فى السودان
عاوزين يحصلوا فى الغربه كمان عشان يجمعوا الريالات بفصول التقويه وما ادراك ما التقويه الله يكون فى العون
صورة العضو الرمزية
مصعب الحداد
مشاركات: 3758
اشترك في: الخميس 2008.8.14 10:23 am
مكان: جده أتي & بحر

رد: طلاب الشهاده العربيه : : لن ينجح أحد

مشاركة بواسطة مصعب الحداد »

ود الزوحي كتب:الله في عونك يامغترب ...
لملم قروشك وانكرب ...
حتى في بلدك ماليك درب ...
لو مغترب أو في الوطن ..
برضك حتدفع بالضرب ...
يا تبقى واقف في الدرب ..

بالجد الله يكون في عونك يا مغترب يعني كده بالواضح انتو بالذات يا مغتربين لازم تقروا بالقروش بس انشا الله تبقى ع القراية بس يا خوي بشارابي

تحيااااااااتي
انت THUMBUP.gif THUMBUP.gif THUMBUP.gif THUMBUP.gif THUMBUP.gif
صورة العضو الرمزية
فتى السقاي
مشاركات: 1466
اشترك في: الاثنين 2008.5.12 11:14 pm
مكان: السعوديه / الرياض
اتصال:

رد: طلاب الشهاده العربيه : : لن ينجح أحد

مشاركة بواسطة فتى السقاي »

الســلام ع ــليكم ...

هلا اخوي .. بي حركتهم السوها دي والحاجــة الشبه مستحيلة الطلبنها مننــا ...
شكـــلنا لا ما شكـــلنا انا من ناحيتي ان شاء الله اكيـــد ج ـــامعة حتكـــون بررررررة السودان ...
يا جمـــاعة والله حرام عليــــهم ... هــــم ليه يصعبـــوا علينــا الوضع كدا .. نسوي شنو يعنــي ..؟
اذا مشـــينا المدرسة السودانية في السعودية /الرياض .. كــل يوم والتاني تكون قافلة ..!
ليــه؟..
الوزارة في السعـــودية مـــانعة يفتـــحوا مدارس بالطريقة دي ..!
ونحـــنا طبــعا ما ليــنا إلا نقوول حسبــي الله ونــــ ع ـــم الوكـــيل ...
صورة العضو الرمزية
بسمة الحياة
مشاركات: 2006
اشترك في: الخميس 2009.3.26 10:15 pm
مكان: K.$.A
اتصال:

رد: طلاب الشهاده العربيه : : لن ينجح أحد

مشاركة بواسطة بسمة الحياة »

حسبنا الله ونعم الوكيل عليهم
نحن ذنبنا اننا مغتربين يعني
اصلا اولاد المغتربين ديل اشطر ناس والدليل شهادات الاساس
انا قريت ان نسبة النجاح في شهادة الاساس في السعودية 91%
اما في السودان 60%
وحتى المدرسة السودانية في الرياض جايبين ليها مدرسات من وين ما عارفة ما ليهم اي علاقة بالتدريس
الله يكون في عونا بس
صورة العضو الرمزية
suDaNeSe BoOoY
مشاركات: 76
اشترك في: الأحد 2008.10.5 6:29 am
مكان: السعودية-رابغ

رد: طلاب الشهاده العربيه : : لن ينجح أحد

مشاركة بواسطة suDaNeSe BoOoY »

كفاية ياخي والله زودوها.......
الناس يجيبوليكم قروش من وين انتو قالين الناس غنانين زي زمان ولا شنو......................

ناس الوزارة دل ما عندهم اي كلمة........

قرار فاشل فاشل فاشل فاشل..........
ـــــــــــــــــــــــــــــــــــــــــــــــــــــــ
والمصيبة الكبيرة في القرار دا..............
الاختبار التحصيلي ؟؟؟؟؟
لانو هطتطر تقرا كتب اولى وتانية وثالثه عشان تقدر تحل....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
صورة العضو الرمزية
ريناد
مشاركات: 442
اشترك في: الجمعة 2008.9.12 4:00 am
مكان: السعودية

رد: طلاب الشهاده العربيه : : لن ينجح أحد

مشاركة بواسطة ريناد »

انا بصراحه مابأيد زول يمشي للكورسات دي عليك الله في النهاية مش حتدخل بالقروش خلاص وفر قروشك دي لمصاريف الجامعه بعدين كرار التهامي ده عملو رئيس شؤون المغتربين زاد الطين بلة جا عمل مؤتمر في السفارة عشان طلاب الشهادة العربية والناس فرحانين مشوا جو راجعين بي خيبت امل



لكن مانقول الا حسبي الله ونعم الوكيل
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: طلاب الشهاده العربيه : : لن ينجح أحد

مشاركة بواسطة نهر المحبه »

اولا حسبنا الل ونعم الوكيل
يعني اذا البلد ماعندها قروش او انها بتاكلها الله اعلم الحاصل شنو ده ماهمنا
المهم دم قلبنا البندفع ده ربنا على الظالم ومع المظلوم
صورة العضو الرمزية
مومو و بس
مشاركات: 411
اشترك في: السبت 2009.6.20 1:14 pm
مكان: ماليزيا

رد: طلاب الشهاده العربيه : : لن ينجح أحد

مشاركة بواسطة مومو و بس »

ولا واحد لاحوله ولا قوه الا بالله.....
صورة العضو الرمزية
نور الدنيا
مشاركات: 76
اشترك في: الاثنين 2009.6.29 10:21 am
مكان: السعودية

رد: طلاب الشهاده العربيه : : لن ينجح أحد

مشاركة بواسطة نور الدنيا »

حسبي الله ونعم الوكيل حاجه صعبه شديد انا بت خالتي لين حسي ماعارفة تعمل شنو الله ياخدهم صعبوها الزول يبطل القرايه ولا شنو المشكله الكبيره في خصم السودان بعد الاختبارات دي كلها
صورة العضو الرمزية
kholoud
مشاركات: 1808
اشترك في: الأربعاء 2008.11.26 7:02 pm
مكان: المملكه العربيه السعوديه

رد: طلاب الشهاده العربيه : : لن ينجح أحد

مشاركة بواسطة kholoud »

الله يسهل غايتو ونلقى جامعه تلمنى كلما كده ... والبغيز اكتر انو القدرات والتراكم في تاني وتالته وجمعهم وقسمهم على 2
ددددددددددددددددددددده كلوووووووووووووووووو تجربه في السنه دي بسسسسسسسسسسسس

لو نفع خلاص حيتعمم كل السنوات القادمه لاكن كام ما نفع حيلغو ونكون نحنا بس المتضررين

حقاره صححححححححححححححححححححححححححححححححححححححححححححححححح

عملننا فيران تجارب :001: :001: :001: :001:
صورة العضو الرمزية
بنت أم در
مشاركات: 4
اشترك في: الثلاثاء 2009.6.2 6:11 pm
مكان: KSA

رد: طلاب الشهاده العربيه : : لن ينجح أحد

مشاركة بواسطة بنت أم در »

السلام عليكم
حسبي الله ونعم الوكيل ربتا يعين وأتمنى لما أولادي يببقوا في عمر إمتحان الشهادة يكون الحال إتصلح
ولقوله صلى الله عليه وسلم فيما روى عنه أبو هريرة ( من سئل عن علم فكتمه ألجمه الله بلجام من نار يوم القيامة ) رواه أبو داود والترمذي وقال في الباب عن جابر وعبد الله بن عمرو ثم قال حديث أبي هريرة حديث حسن ، وصححه ابن حبان .
حبيت أقول إني عندي قريبتي كلمتها بالإعلان اللي شفتوا في السفارة بخصوص المركز اللي ما خد تصريح من الوزراة بواسطة السفارة لإقامة" فصول صيفية" للطلاب تزامنا ً مع العام الدراسي السوداني لحدي الإمتحان وفعلا ً إدارتهم أطلعت والدها على التصريح وبرضوا ووجدت أنه تم تعيين المعلمين بناءا ً على تخصصاتهم وسنوات خبرتهم ومنهم من صحح حتى إمتحانات 2008 ,وهي دلوقتي بدأت الدراسة معهم ومرتاحة جدا ً ونتمنى يكون شيء طيب وخطوة لتخفيف الهم عن أولياء الأمور
أضف رد جديد

العودة إلى ”ملتقى المغتربين بالخارج“