آه يا بلـــد

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

آه يا بلـــد

مشاركة بواسطة ندى البيلسان »

[align=center]آه يا بلد

ملعونة سيرة البقربك
يابنية... ما يديك سلام
اويسالك وانتي الوطن
عن كل مشاويرنا البقت
تحسس الوهم الكلام
تتمشى في وجع القلب
تتضارى بينات الحيط
وتدسدس السل في العضام
ملعون ابو الشوق العفن
ان كان بروح قدرتك
ويعلم الناس الفطام
او حتي يسرق فرحتك
وتجابدي في ايد الخلق
وتزاحمي تدخلي في مسام
نيل الوجع كان تمرقي
وتشيلي حسك لي السماء
وتساوي في الناس المقام
يا داخلة شباك المدن
كان ادخل الضو الشقوق
ويروح النور الضلام
وريني مين البشبهك؟
او حتى يشبه قدلتك
يا فاردة شيهك في الغمام
يا بنية من كل المدن
وندية زي كل الغبش
اشتقتى ليك زيك تمام
بتوضي في كل البيوت
اتعشى في ضل العشم
اسهر معاك انسى المنام
اتدبى ليك جوه القلوب
اتشابى امسح عيني فيك
لو يشفى بيك فيني السقام
واتلفحك وانتي الصبر
يا صابرة لي محن الدرب
وتقاسمي في اللقمة الحمام
وان عطشو اولادك سقوك
المويه من زير الوهم
ويلقّموا الجوف الحرام
ملعون ابو الكسرة البقت
بتعفن امخاخ البشر
يدوها لي الناس بالجرام
ملعون ابو الغربه التفج
الحسره في بطن البكوس
اللقمة في بطن الزحام
ويسكت الجوف بالامل
انو الخربف بروي الارض
وبقالد الناس السلام
[/color][/font][/size][/align]
صورة العضو الرمزية
ودالدسـوقي
مشاركات: 1236
اشترك في: الثلاثاء 2008.4.15 12:24 am
مكان: ارض الله واسعـه

رد: آه يا بلـــد

مشاركة بواسطة ودالدسـوقي »



كلمات تنحني لها الحروف لعنفوانها
هذه شجن يحاكى حنينا جارفا الى مراتع الصبا وحضن الوطن الام الحنون
وكما انت بسمة الأمل
فالأمل فى العودة بسمة ترتسم على شفاه الغربه
لتروى عطش سنوات البعد
و
ان كان للرقي عالم
فمداين الروعة سكنت محبرتك
ليس مستغرب عليك اخلاصك الوفي لوطنــــــــك,,,,,
احساس جميل وشعور راقي ومعبره تجاه الوطن,,,

طاب حرفك


صورة
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

[align=center]بل أنت أخي ود الدسوقي مصدر الحرف ومنبعه الأصيل وعنفوانه

حدثت عنك نجمة ساهرة
وزرعت اسمك حارة حارة
في مناديل العذارى
في مشاوير الحيارى
في لحى الاشجار
كتبتو نحتو في صم الحجارة
رحت للشمس البتقدل في مدارا
"بحبك يا بلد"


هذا البلد الذي حبونا فوق أرضه صغاراً و امتلأت أيادينا من ترابه .. وأرتوينا من نبعه الصافي الملئ بالأصالة والنبل والأخلاق .. لابد أن ندينه له بالعشق .. ويا أيها الوطن البشارة .. يخفق قلبك فوق الإعلام المرتفعة .. في الريح الخارجة من الأنهار .. في الضوء الضاحك للأزهار .. في أغنية عذراء ينشدها الرعاة .. في بهجة حقل مغمور بالسقيا .. ويا أيها الوطن المرسوم في كياننا نهراً من الحب .. وساحلاً من الوفاء .. إننا نتنفس حبك .. وعلى صدورنا وسام عشقك يتلألأ يملأنا سروراً وأملاً بهيا .. ففي السودان تلاقت الأفئدة في دائرة حب الوطن .. وتلاقحت الأفكار لوطن السلام .. التحية لأرض المليون ميل مربع .

نحن ابنائك في الفرح الجميل

نحن ابنائك في الحزن النبيل

ونغني لك يا وطني

مثلما غنى الخليل

مثلما صدحت مهيرا تلهب الفرسان جيلاً بعد جيل

ونغني لحريق المك في قلب الدخيل ..

للجسارة .. مثلما استشهد في مدفعة عبد الفضيل

نحن ابنائك في الفرح الجميل

نحن ابنائك في الحزن النبيل


صورة

على المرور الطيب والتعبير الرائع ونتمنى لكم من أعماقنا عوداً حميداً لأحضان هذا الوطن الغالي

بلدي وحق ترابـــك القدسي....... وهواك في يومي وأمســـي
ماكان لي حب سواك ولم يكن...... إياك في وجدي وفي حســـي
أهواك في النغم الحنون يسيل في...... قلبي وفي روحي كما الهمس
أهواك في الصبح الضحوك تبسماَ...... وعلى هواك مشاعري تمسي
[/align]
صورة العضو الرمزية
ودالدسـوقي
مشاركات: 1236
اشترك في: الثلاثاء 2008.4.15 12:24 am
مكان: ارض الله واسعـه

رد: آه يا بلـــد

مشاركة بواسطة ودالدسـوقي »

ندى البيلسان كتب:[align=center]هذا البلد الذي حبونا فوق أرضه صغاراً و امتلأت أيادينا من ترابه .. وأرتوينا من نبعه الصافي الملئ بالأصالة والنبل والأخلاق .. لابد أن ندينه له بالعشق .. ويا أيها الوطن البشارة .. يخفق قلبك فوق الإعلام المرتفعة .. في الريح الخارجة من الأنهار .. في الضوء الضاحك للأزهار .. في أغنية عذراء ينشدها الرعاة .. في بهجة حقل مغمور بالسقيا .. ويا أيها الوطن المرسوم في كياننا نهراً من الحب .. وساحلاً من الوفاء .. إننا نتنفس حبك .. وعلى صدورنا وسام عشقك يتلألأ يملأنا سروراً وأملاً بهيا .. ففي السودان تلاقت الأفئدة في دائرة حب الوطن .. وتلاقحت الأفكار لوطن السلام .. التحية لأرض المليون ميل مربع .


ونتمنى لكم من أعماقنا عوداً حميداً لأحضان هذا الوطن الغالي

بلدي وحق ترابـــك القدسي....... وهواك في يومي وأمســـي
ماكان لي حب سواك ولم يكن...... إياك في وجدي وفي حســـي
أهواك في النغم الحنون يسيل في...... قلبي وفي روحي كما الهمس
أهواك في الصبح الضحوك تبسماَ...... وعلى هواك مشاعري تمسي
[/align]

الاخـت الغاليه ندى البيلسان

ولك وللوطن الغالي ودعـواتكـم الطـيبه


صورة

زولة


زولة بتفتح الروح ضلفتين
تخشك وتمرقك (عادي)
تخشك وتمرقك
ما بتقل الباب من وراها
بس تساسق بين شفقتك وحرقتك
ما بتأذنك ما روحا نفاج غربتك...
هذي البنية الساكنة أسرار فكرتك
هي الشايلة حسك وسترتك...
زولة كما النورس تجي
تنزل شواطي الالفة الزمن الشفيف...
وأنا زي مكتف في الرصيف
مربوط علي حبل السفن
في الظلمة والليل المخيف...
بتجيني تدخلني وتقيف...
شلشلت تيبان السكات
علي ارض رويانة وخريف...
زولة...
بتعرف تدخلك وتقفلك وتغفلك
تقعد علي ناصية هواك وتسجنك...
وانتا بتخلي الغمام كي تجعلك
مطرة ودعاش..
طائر تحلق في السما وارضك فراش
هذا الفراش بيطيرعلي نضرة رحيقا وخضرتا
ومحبتا او ضحكتا وسخريتا ...
وتقعد تهضرب ياولد من حمتا...
ولو تسألك وتحلفك في زمتك او زمتا...
والي متا هذا الجنون والي متي
..كل التفاصيل لمتا...
هذه البنية قد اتت وانتا زاتك كالورق
..كيف تنجو انتا من زاك الغرق..
من زكرياتك تنجو وين وين مهربك..
من دفترك..من مظهرك..
من حرقة الجوف والعرق..
هذي البنية تفتح الروح ضلفتين
وعلي ضفتين..
في نهر احزان الزمن تقعد تلوح باليدين

جمال حسن سعيد


واتمني ان يبقي هـذا البوسـت حـنينا للوطـن

ولى عـوده
صورةصورة

ودالدسـوقي





.
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

[align=center]تختلط العبارات و تتعثر الكلمات عن التعبير و يبقى الإحساس خير دليل على صدق المشاعر على حب الأوطان ... إذا كنا متواجدين في داخل مساحاته الواسعة المليئة بالأصالة والطيبة المتعمقة في أعماق الجذور ... أو كنا بعيدين عنه لأسباب معيشية أو تعليمية أو حتى علاجية دون خاطر منا ... وإن طال البعد عنه وصعب مناله ... فالأغصان تميل والدموع تسيل من كلينا ( قرباً أو بعداً ) في حب هذا التراب الغالي ... فالدعوات تتالى متمنية له الخير والرفعة والسؤدد ... والكل تأتيه لحظات رغم الإنشغال تتجاذب فيها الحروف والكلمات ... لحظات يتغنى فيها القلم بأروع الألحان معلناً فرحه بهذا الإنتماء

:Sudan:

لو هواك انفاســـــــــــى شالا
والغيوم هجبت هـــــــــــــــلالا
اقدر انساكى استحــــــــــــــالة
انسى كيف نبع الاصـــــــــــالة
انسى كيف دنياى بحـــــــــــالة
لو منحت حنان عيـــــــــــــونك
وقلت للحنـــــــــــــــــــــية لالا
افتكرت الريدة تخــــــــــــــلص
ما حتقدر منى تخـــــــــــــــلص
الا انفاس عمرى تخـــــــــلص


:Sudan:

يتمكلنا السعد كلما أحسسنا به يتقدم ويسمو ويرتفع ... ونحس بالألم كلما أصابه سهم غادر هنا ننتفض جميعاً ودون شعور منا ومهما كنا مختلفين وكل له وجهة نظره ... غير أن قلوبنا تهتز وتختلج مشاعرنا وتترقرق الدموع ... وتنتابنا جميعاً حالات لا يستطيع القلم التعبير عنها في دلالة واضحة لعشق هذا الوطن الجميل ... نتفاعل ونتضامن لصد هذا العدوان ونتمنى أن نكون ذلك الحصن الذي يحمى هذا الوطن الجميل .

:Sudan:

نحن أسد الغاب ابناء الحروب
.

لانهاب الموت او نخشى الخطوب

نحفظ السودان في هذه القلوب

نفتديه من شمال او جنوب

بالكفاح المر والعزم المتين

وقلوب من حديد لا تلين

تهزم الشر وتجلي الغاصبين

من نسور الجو او اسد العرين

ندفع الردى نصد من عدا نرد من ظلم



هنا تتجلى روح الوطنية ويكبر الحس بالإنتماء للبلد الرائع ... يتضح مدى قوة التكاتف والترابط التي تجمع أبناء الشعب جميعهم ... وعندما ينجلي ما كان يثقل صدورنا ويكثر همومنا ... نبتهل للمولى شاكرين ... ونغني لهذا البلد .

:Sudan:

بحب بلدى .. وبغنيلها

احب زولا .. اشابيلها

اشيل همس الغنا

الصداح .. وادوبيلها..

بلد ملــــــــــــــيانة ..

حب وســــــــــماح

ولابسة عفافا من

نيـــــــــــــــــــــلها

نار قرانا ماخمدت

بتسمع ديمه ترتيلا

وجنياتا.. زى جمال

الشيل ..دم الحارة

لما يسيل.. كمان

شيلتنا .. بنشيلها

مابننزل وحاتك تب

نحنا صغيرنا ماقال كب

بلد بشراها .. بى ديلا

روعة كسلا بى ناسها

خرير الساقية واجراسها

حِن اطيار تقوقيلها

شوف ياخوى .. بطانة

الخير.. جمل عنافى

قدح ضيفان ..ونم وافى

كلمة تُر وعوافى

وصهيل خيلها..

جزيرة العز ..

نحاسها يرز

وبنوتا تحاكى الوز

قالو الفرقة يا حليلها

خرطوما ..تهدى

الفرحة للجايين..

صباح امدر..

تملى حنين

نجوم بحرى

ب تضويلها..

جنوبنا ..

العزة فى ناسو

غربنا الضاوى

نبراسو.. وطن

غنواتو كل ليلة

:Sudan:
[/align]
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

[align=center]الحب الكبير

يا بلادى الطيبـه جيتـك
عندى ليك كـلام كتيـر
اصلى من بدرى احتويتك
انتى يـا حبـى الكبيـر
***
كنت قبل سنيـن طويلـه
كنت زول هانى وغريـر
وكانـت الايـام جميلـه
والبـلاد مليانـه خيـر
والوطـن كلـو القبيلـه
غيرو ما بنرضى البديـل
والنفـوس كانـت نبيلـه
عامره بالحـب الكبيـر
***
السنيـن لـفـت ودارت
وعجلـة الدنيـا بتـدور
السنيـن كتبـت وقالـت
نحنا شعب صحيح جسور
ولو خطوب الدهر نالت
من صفـاك لازم نثـور
والبدور يزرع ويحصـد
مـا بيـزرع بالقشـور
***
ما بلادنـا الطيبـه جنـه
عامره بالخيرات سخيـه
وانتو طيبيـن يـا اهلنـا
بى خصال راسخه وقويه
لو قبيـل كنـا انشغلنـا
عـن حبيبتنـا الوفـيـه
ليكـى جابتنـا المحنـه
والعرق مهـرك هديـه


اداء :زيدان ابراهيم[/align][/color][/b]
صورة العضو الرمزية
ودالدسـوقي
مشاركات: 1236
اشترك في: الثلاثاء 2008.4.15 12:24 am
مكان: ارض الله واسعـه

رد: آه يا بلـــد

مشاركة بواسطة ودالدسـوقي »

.


صورة


.

ما اروع الحديث عن الوطن وعن مشاعرنا الوطنيه تجاه وطننا

رائع ُ ما خطته أناملك الماسيه ../


من كلمات راقيه ../

تحمل الكثير من المعاني الجميله
وان الحديث عنه يطول
و يحتاج لملايين الصفحات والكتب
ولكن دعني اشكرك على حسك الوطني وحبك له
ومشاطرتنا احزان البعـد عـنه



إقتراح

نكر صوتك صداك

غالطنى الزمن فيك

شهرت على الجفاف وعدك

بطاقاتنا الخريفية

رجع فاضى الكلام مليان

معاك إتبرجت غيمة

وشهق جوايا صوت جدول

مرقت على المطر .. حفيان

لقيتك والرزاز .. مدخل

وناديتك :

أقيفى معاى

نشيل كتف الغنا .. الميّل

ونتخيل

حلم دونك بيتحقق

وقبلك خيل دماى .. واقفة على شريانى .. تتشهق

وعرف صوتك .. صداك .. غنيتى

رشحت حلقك لى إذاعات الشجر

والمنتظر من عودة المدعو المطر

والمسادير .. والطنابير

واللسة فى رحم القصيد

والدابو حسّ فى سوق عكاظ

بين مزادات الحروف

غيبت رسمك .. وإحتكرتك لى الظروف

للزمان الجايى .. واللحظة اللى فاتت

.. منى هسة

.........

يا واقفة بين جرح السحاب

وبين شهقة الأرض البكر

ما كان ده ريد

كان إحتمال تغيير قوانين شهقتك

ما بين حديثنا .. ولحظة الفعل الحقيقى

وإنتباهك إنتى للشارع البيرجع تانى .. لى نقطة بدايتو

وإنحيازك إنتى للشارع البيرشح

فى مسام رملو التوقع

وما أنعرف قانون نهايتو

غايتو أمشى فى الدرب البطابق فيهو خطوك .. صوت حوافرك

يا فرس كل القبيلة .. تلجموا

يكسر قناعاتا ويفر .. يسكن مع البدو .. فى الخلا

ما يرضى غير الريح تجادلو

.. وتقنعوا

........

إفترضتك لون أساسى

يمنح اللوحة إزدواجية القراية

ويفتح الضو

بين خطوط الريشة ..

والخط الإضافى ..
الجايى من شبكية الزول المشاهد

وإكتشفنا ــ الرسمك وأنا ــ برضو التوارد فى الخواطر

نفس أرقام التذاكر

البيها سافرنا وشهدنا

إنفجارك فى الأرض

يا سمرا يا واضحة

ما غنيت يوم جيتك .. صدفة

قبل أبداك كان غصنك .. بشـّر

يوم ما كان إحساسك مسرى

عرج غيمك فينى .. ومطّر

لحظة طار عصفور من صدرك

رتب فينا إحساس بالإلفة ..
ودوزن عصب الزمن الأشتر

وإتوكلت عليكى .. وقلت

المارق منك داخل جرح الوردة
وراسم فوقا غناوى الطل

المارق منك

رجع للغابات الزنج الهاربة

وللعتمور العرب العاربة

وأدى الكون مفتاح الحل

المارق منك

شادد عصب الورقة .. وحرفى

وراصد فى اللاّ وعى سكونو

مواعيد صحوه .. وحلمو ولونو

شارى يقينك فى ظنى

سارق لحظة إنى أفكر

المارق منك

مارق منك .. أو ..

منى !



الاستاذ عاطف خيري

.


.
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

[align=center]يا ود الدسوقي كلمات وإختيارات منتهى الرقي والذوق .. كلما أقول أقيف تجبرني على المتابعة على هذا البوست .. وكاد يخلص ما عندي من الكلام .. رغم أن روعة البلد لا يمسكها مداد ولا توفيها كل الحروف .

السودان الجديد

يا جمالك يـا بـلادى جيـت اغنيلـك نشيـد
ما خلاص نادى المنادى اتولد سـودان جديـد
***
لو عذابك طال كتيـر وبالسنيـن مستحملاهـو
وضقتى ويلات السعير وشفتى من الويل شقاهو
الشـروق ساطـع منيـر والارض مستنياهـو
يبقى كل الجاي خير يمسـح القبلـو ووراهـو
***
وانت يا شعبى النبيل فيك ملمـح مـا بتـزول
انت من اصلك اصيل خاتى كلماته وخاتى قول
انت يا الدغرى وعديل انت يا العارف الاصول
يشهد التاريـخ قبيـل فيهـو مثلـت الفصـول
***
نحن لو كان يوم سهينا مره فى عمـر الزمـان
نحن عهدك ما نسينا ولمـا حـان يـوم الاوان
جينا من غربتنا جينا وتانى لى نفـس المكـان
اتحدنا وبـى ايدينـا بنغسـل الـذل والهـوان
***
وابدأ افرح بيك وأغازل
يا وطن بالعزه حافـل
وأزرعك ورد وسنابـل
يا وطن عارفك مناضل
والبخونك يبقى هـازل
يبقى مكتول وأبقى كاتل
***
وانظم الافـراح نشيـد
ما خلاص نادى المنادى
اتولـد سـودان جديـد
اتولـد سـودان جديـد

أداء : خليل اسماعيل

ونواصل مع العراقة والآصالة
مدينة أم در
العشق الأبدي
[/align][/color][/color]
صورة العضو الرمزية
ودالدسـوقي
مشاركات: 1236
اشترك في: الثلاثاء 2008.4.15 12:24 am
مكان: ارض الله واسعـه

رد: آه يا بلـــد

مشاركة بواسطة ودالدسـوقي »

.

صورة



إختلفت أغراض الشعر وتعددت مدراسه ومذاهبه إلا أن الشعراء باختلاف مشاربهم
وافكارهم وطروحاتهم وتطلعاتهم أجمعوا على شيء واحد هو الوطن وحب الوطن،
فكان الحنين إلى الأوطان وذكر الديار قاسماً مشتركاً بين الشعراء والأدباء..


فالوطن يستمد قوته بابنائه الأوفياء الذين يبذلون لأجله الغالي والنفيس
وهانت عليهم ارواحهم فداءا لوطنهم وذودا عنه في لذة وإقدام وبالتالي
هذا هو التعبير الصادق عن حب الوطن



ياشــــــــعباً تسامى
محجوب شريف



يا شعباً تسامى..

يا هذا الهمام

تفجّ الدنيا ياما

تطلع من زحامها

زى بدر التمام

تدّى النخله طولها

والغابات طبولها

والأيام فصولها

والبذره الغمام

*

قدرك عالى قدرك

يا سامى المقام

يا ملهم

رماحك سننّاها الصدام

أم در والطوابى..

فى صدرك وسام

ملامح..كم تسامح

تغضب لا تلام

*

همّه وعبقريّه

ذمّه وفنجريهّ

ضد العنصريه

تحلم بالسلام

*

فداك وفى حواك..

يامدد الكلام

عَفُوك انت ورضاكا

بِرّنا ليك تام

وبحلم فى هواكا..

بى حسن الختام

دَينك كم علينا

منك والدينا

من يوم السمايه

ومن قبل الفطام

منّّك كل حتّه..

وفى الخاطر صبابه

جنبك نبته نبته

نكبر نحنّ يابا

نسألك انت

وانتَ

ورينا الإجابه

علّمنا الرمايه

والحُجى والقرايه

والمشى بى مهابه

فى الضحىوالظلام






هاشم صديق
الشوق والوطن

يا جنا

فى بعادنا عن أرض الحُنان

الليلة مرت كم سنه

واشوقنا لى نخل الفريق

الضامى فى سَدْره الجنا

وللحلوه ام وجهاً قَمر

ضواى مورد بالمنى

الليلة زارتنا الرؤى

المنسوجه منعُمق الجذور

رَسَمت صور ضّوت جمال

وجوَّه الخيال عاشت دهور

أفراح فريق يوم الحصاد

وزغروده وِصلت للسحاب

وعريس مُعَطّن بالعطور

وجهاد فتح درب الصباح

وشهيد مُلَفّح بالزهور

وشباب بعز ديمة الأرض

شايل مبادى نضالُه نور

وفْ مره طار بينا الخيال

بعد الغياب الطال جرح

شوفنا البخور فى الليل عَبَق

والليل شرب عطر الطَّلِح

والقمرة نامت فى الرمال

والطين شِرِب نديان صِبِح

وحَدَا الصريف قام الخدار

حَاضِن صفيقات القَمِح

والوادى فَرهد بالخريف

الشَّرَّ بى قشُه السَمح

الفين سلام

يا يمه يا شتل المحَنّه

الشَّبَّ فى وسط الجروف

ويا يابا يالدرع المتين

الليهو كم سجدت سيوف

ويا جده يا اْم صوتاً حَنِين

حجواتها بالوادى بتَطوف

ويا سمحه يا شمس الفريق

الليها كم غَنَّت حروف

فى الغربة يا اهلى الحُنان

كم عِشنَا فى قَسوة ظروف

أشواقنا لى أرض الوطن

ولى خُضْرة الوادى العطوف

خلتنا كم ساقنا الخيال

طار بينا لى دار الولوف

والفرحة غَنّت صَفَّقَت

والشوق حَضَن شتل الجروف


صورة

.
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

أخي ود الدسوقي حضوركم الأنيق ومشاركتكم ومفردات هي رونق من بحور الجمال ... وكلمات برائحة دهن العود الساحر المعبق ... ومعاني بهية والله لهي صفة الإبداع التي تتسمون بها دوماً ... حروف متوشحة بالماس بل هي الماس بعينه ... لقد أثريتم هذا البوست بكل ما هو جميل وجعلتم له نكهة ... ولولا وجودكم ما كان له أن يستمر بهذه الصورة ... لقد أضفيتم عليه التميز ... وشجعتمونا على المواصلة ... رغم أننا لسنا نداً لهذا الهرم الإبداعي ... ولن يستطيع يراعنا الصغير أن يجاري يراعاً معطون بمداد الإبداع ... فوالله لكم منا الثناء والإمتنان ولو أنه لن يوفيكم ولو القليل مما تستحقون .
- صورة

الدنيا ليل غربة ومطر
وطرب حزين
وجـّع تقاسيم الوتر
شرب الزمن فرح السنين
والباقى هداهو السفر
*******
ياروح غناى
الغربة ملّت من أساى وغربتى
وبقيت براى حاضن أساى
الوحشة ملت من شقاى ووحدتى
لا غنوة لا موّال يبدد حسرتى
غير الدموع ياملهمة
الغربة مرة ومؤلمة

*********
قولى للنيل ضفة ضفة
والعشيات لما تصفى
والنسيمات البتاخد
من عفاف ريدتنا عفة
إنو شوقى يفيض بحر
شوقى شوق إنسان مضيـّع
ضيعو الليل .. والسفر
لا ينابيع ريدى جفـّت
لا ولا أشواقى خـفـّت
كل يوم فى الغربة زايدة
وبيها كل الدنيا عرفت
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

[align=center][align=center]همسة شوق لعروس الوطن ... الساكنة علي ضفاف النيل ... العاصمة الوطنية والقومية والعامية ... التاريخ وعبقرية الأصالة والنخيل ... أرض الخير والسماحة الدرة النفيسة ... الثقافة والتعليم والرياضة ... أمدر مان بوتقة الإنصهار حيث ذابت فيها كل أعراق وأجناس وسحن وقبائل أهل سوداننا الحبيب ... مدينة وقبة المهدي ... تلك القبة التي أُعتبرت رمزاً مميزاً ... لأمد رمان وأريجاً تعطر بأنفاسها ... وقد أنشد خليل في هذه المدينة والتي سميت بقعة المهدي :

أذكر بقعة أم درمان
وأنشر في ربوعها أمان
ذكر يا شبابي زمان
دارنا ودار أبونا زمان
فيها رفات جدودنا كمان
جنة وحور حماك أمان
بطرا الأسسوك زمان
كانوا يحلحلوا الغرمان
يساهروا ويفقدوا الصرمان
في السودان فتيح معروف
ولسه أب عنجه خوره سروف
ود نوباوي زول معروف
عاين ديك مشارع أبروف
كانوا جبال تقال ومكان
نزلوا أتربعوا الأركان
خلوا البقعة كل مكان
آهلة وزاهية بالسكان



هي الطابية للنيل ... والعافية التشد الحيل ... هي مواقيت يحج إليها الحلم العالق بمخيلات التوق والحنين ... تغيب عنها طويلاً وعندما تعود تستقبلك بالأحضان وبنفس الحنين ... فهي وكأنها تنتظر عودتنا كلما شرقت الشمس ... بنقاء وشفافية مع عظمة الحب الذي يبقى في الأرض ويذهب جفاءً كل ما دونه ... ورغم أن النيل كثيراً ما يغير لون موجه ليواكب المواسم المختلفة ... غير أن كل منهما ظل يعزف على وتر عشقه للآخر ... فيظل النيل وكما المعتاد يمدك بالدفء والراحة ... وتتنفس حروفه صفاءاً لتدوم بينكما وشائج النقاء ... أما هذا الطمي الخصب المستتر بالأمواج تراباً محملاً بالجمال ورونق الحياة ... وأستاذنا خليل فرح وبحسه الوطني العميق ينساب فيها شعراً :

ويح قلبي الما انفك خافق
فارق ام درمان باكي شافك
يا ام قبائل ما فيك منافق
سقى أرضك صوب الغمام
في يمين النيل حيث سابق
كنا فوق اعراف السوابق
الضريح الفاح طيبه عابق
السلام يا المهدي الامام
من فتيح للخور للمغالق
من علائل ابروف للمزالق
قدله يا مولاي حافي حالق
بالطريق الشاقي الترام

صورة[/align][/align]
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

وعندما يكون الأمر متعلق بسويدا القلب هذه ... نضع الأحرف جانباً ونترك الحديث للنبض والهمس والهيام ... وتبقى الكلمة للقلب ليبوح معبراً عن شوقه لهذه البقعة حباً وإخلاصاً ووفاءاً ... وقد أبدع أستاذنا الكبير سيف الدين الدسوقي في الوفاء والإخلاص عبر كلماته حين قال :

كلماتي في زمن الأفراح الوردية .. في ماضي الأيام القاسية المرة
كلماتي تعبر موجات البحر وتصل إليك وتحط على فرح في حقل فؤادك بين يديك
وتقول : أنا أهواك أحببتك حين كان الحب بأرضك غير مباح ممنوع بالقانون
ممنوع يا سمراء لأن الحب هناك جنون وأنا مجنون تعرفني كل الأشعار
يعرفني الليلُ المسدُل سترته وشقاء الفن وكل نهار
لا أحسن أن أبقى من غير الحب والحب حرام في الصحراء
وأنا يا أنتي أيا سمراء إحساسي لا يعرف طعم المال ولا البترول
الشاعر يسمع صوت الحسن ويُحسن كل فنون القول
لكن أن يحيا في أرض جفاف أن يصنع أعصاباً من ألياف
لتكون مكان الحس على الإنسان فمحال ذلك ليس من الإمكان
ولذلك حين عبرت البحر إلى السودان
غنيت سعيداً كالأطفال ونسيت حلاوة طعم المال
ورجعت أغرد بالأفياء بكل مكان وركعت أقبل أم درمان
هذي العاصمة الأنثى أهواك منذ كنت غراماً في عيني أمي وأبي
وحملت الحبّ معي بدمي في رحلة هذا العمر وأحمله حتى ألقى ربي
كلماتي يا زمن الأفراح الوردية عبرتت موجات البحر لتصل إليك
لتقول أنا مشتاق لتُطل قليلاً في عينيك ولتحمل عذري في سفري
فأنا يا سمراء الصحراء هذا قدري أما أعشق أنثى عاصمة
تلك المحبوبة أم درمان

- صورة

نعم هي الشموخ والإباء والكبرياء ... أم درمان هي وجعاً حملناه في دواخلنا لا نعرف منه فكاكاً ولا نريد ... هي عشق لا نسكنه لكنه يسكن فينا منذ القدم ومن شدة الشوق إليه باتت تحمله الأرواح فينــــــا .

حدث الاشواق عن لهفى عليك
كى تعلم الاشواق انى مذ عرفتك لم تعد تقوى على شوقى اليك
حدث الميلاد بلغ شاطئ التاريخ سجل كل احساس لديك
وارسم فراشات الهوى طيفا يهيم على يديك
فالبحر منك يضئية سر الحياة على ارائك مقلتيك
قسما بوجهك ايها الساقى عيون الشمس نور وانسجام
قسما بمجد يا رحيقا سال شهد للانام
قسما بهاتيك العيون الساطعات توهجا
قسما ببحر فوق صدرك لا ينام
لا شئ يبقى غير حبك فى زمانى يتقد
لا شئ بسطع غير قلب يرتعد
للقاك يشرع فى الوثوب ويستعد
والان اقصد مقلتيك لعلنى فى بهو عطفك اتئد
فهناك لاصبح يجى ولا خطابات ترد
فتفرقت كل الدقائق بينى ان تاتى الئ وبينى الا تبتعد
فتعال فى عمق انفعالى لا تغب
واكتب عناوين البريق المحتجب
صلى عليك البحر جهرا كى تجئ وتقترب
وصلى المساء على قطارك منهكا
وبكى الرحيق على اتكائك يا خطى
واتيت انت كما النقاء يزورنا بين الهوية ثابتا مترابطا
تمشى يمينك بالعلا ايماءة تبنى يسارك بالسناء خرئطا
ورجعت اذكر فى البعيد صبابتى من ساق قلبى بالمودة او سطا
يوما علية وفى رحابة دارة لا شقا بابا او ازال حوائطا
والبحر هذا البحر نجمى والحمامة تستريح
لو كان عودك دفا روحى فاملا الافاق ريح
واوثق خطاك بعروتى وتعلم الشوق الفصيح
انى وعدتك والتقى عمر المنابر والضريح فمتى تعود فاننى فى ظل لقياك الفسيح
ساظل انتظر القدوم وارتجى صبحا جديد
متيمنا بالعشق والمطر المبارك والمودة والنشيد
ياراحلا والبرد سيفك عد لنا عودا حميدا كيما يسافر للبعيد
فراشتين تهاجران الى البعيد تتسابقان على الربى
وتوقعان مطالع اللحن الفريد
يوما يرددة المكان كما يريد لنا الزمان وما نريد


المعز عمر بخيت

- صورة
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

[align=center]أمدر مان يا تحية الجمال في كل الأزمان ... يا ختم الندى على خدود الورد ... تثاؤب الظل على تعب الإنتظار ... وضحك الجروف ... تحمل عنا وزر الهجعة إلى حضن المغارب ... وهم الوصل رغم عناء الطريق ... فتتنفس الحروف صفاءاً ... وتغزل الأنامل نبضاً يسقي ورود أرواحنا من جريانه وينثراً رذاذاً حلواً بارداً فنكون على موعد مع الروعة الجمال .

- [align=center]صورة[/align]
يا رائعة يا اجمل الاحلام يا سعد الوجوة الضائعة
بسماتك الافاق تدنو ثم تبسم وادعة
فى كفيك تستلقى بحبات النقاء مدامعة
والحلم فى فلك الرؤى يرنو اليك كراهب متضرع فى صومعة
ويراقب الدنيا تطل بمقلتيك وبحره المجنون يسكن قوقعة
والشمس تخرج من نقائك ساطعة
والصمت يخرج من هدير الزوبعة
يا وردة منسوجة بالعشق ترشف من رحيق الحب كل روائعة
انى رايتك فى المنام اميرة فى مجد عرشك تجلسين تواضعا
ورايت وجهك فى نقاء الصبح يطلع من زوايا الحلم يسحق رونقا بدوافعة
ما كان صحوك فوق افاق انتمائى صدفة او لحظة منسية خلف الغمامة لم تكن متوقعة
بل كان وعدا غير الرؤيا وتوقيع القصيدة والضحى وتوابعة
وفجاة تتكلمين فتصمت الدنيا وياتلق الحنين
وتسقط الغيمات ينشطر الانين
وكل اشلاء الجراح القابعة
وتصمتين فنستكين
وتنظرين فيرتمى حضن الوجود بساعديك كقبعة
شئ بعمقك يحتوينى
شئ يجاذبنى السكون فاسمعة
فيك الشجون جريئة الوانها
فيك الجمال الحق يصرخ من عميق تشبهة
فيك السماحة والوداعة مترعة
فيك الظلال تحاور الاضواء همسا ثم تخضع راكعة
فالقدرة الكبرى تجلت واسعة يا مبدعة


(المعز عمر بخيت)[/align]


-
صورة
صورة العضو الرمزية
ودالدسـوقي
مشاركات: 1236
اشترك في: الثلاثاء 2008.4.15 12:24 am
مكان: ارض الله واسعـه

رد: آه يا بلـــد

مشاركة بواسطة ودالدسـوقي »

.
صورة


د.امال حسان فضل الله
أكاديمية ميتشجان
الولايات المتحدة الأمريكية



عصفور في اليد
يا الف طاير
يا محنن بالطمي
يا مضرضر بالغبار
وينو ليلك و البشاير
يا نخل لريد قديم
غرقت مراكبك في خطاي
و انكسر قلب الاديم
وعثاء سفر
طليت عليك شبهتني
يا صحرا ٠٠٠يا غابه وجبل
فكتوريا سرقت حصتي
انتحلت اسمي
سلبت جسمي
عملت منو ستيانات
مسخت لوني
الا سمر واجمل
كريم بالمنقه و بالبشمل
صابون بالجوز و بالكرمل
عطور بالموز وبالباباي
ويبس صوانينا العدم
شوربه ملح- مرقه جداد
اغاني بن وحجاوي شاي
وفي عيونك شفت همي الشالني منك وجابني ليك
حقة صعوط مرميه في نص الرصيف
زادا الملل
وعممنا لابساها الامم
وعرايا قشينا الدرب
وتيابنا غاسلاها الدما
اعلام ترفرف للحرب
مقتول ومصلوب في الجنوب
جمجمه قامت في الغرب
مكسر مهجر في الشمال
جيعان وعطشان في الشرق
و يا ساري فوق رمضه و حجر
خليني اسمع نبرتك
اديني من قممك صخور
تمتد زي نيلك تطول
تقفل منابع علتك
اعجنا طين بين كفتيك
رجعنا اطفال زي زمان
"والعسكر واقف طابور"
بنيه من قلبك تشب
تغزل خيوط رحطك سهول
وترجع الفوج النزح
وترجح الكيل الطفح
وتنضم عقود محلك حقول
يا مبشر بالغني
يا مهدد بالنحول
يا مبطن بالغرق
يا ملفح بالامل

يامؤرق بالهموم
خليني في حضنك انوم
خليني اتونس معاك
خليني اسمع ضحكتك
يامدثر بالغياب
تقراني في صفحه كتاب
تلقاني في لمة صحاب
نشابي لفجرك نجوم
يامدردر بالسفر
يامدخن بالهشاب
يامدلك با لندي
يامحوط بالتخوم
اديني من ريشك جناح
الوانو زي نور الصباح
خليني فوق قممك اطير
اتلفا حوالينك حرير
انزل فراش في ضفتك
تزرعني في وشك نخيل
تغرسني في عمقك جذور
تبذرني في ارضك حضور
خليني امشي
عشان اجيك
يا الف طاير

يا رسول




صورة



هديك الليلة شوفو الغربة ماشه شوي
وأنا البتضار من عينيها
ما تشوفني وتـنـادى على
وأنا البـتـشـابا فوق للغـيـمة
كان الغـيـمة تـشفع لي
كان الغيمه تخطفني
وتحلق فوق ديارنا العامرة
تسرح بي
ولما الغربة تمشى تفوت
أجيكم تاني بين إيـديكم
اللولتنى لما كنت دابي جني

ولكن أنتو ما عارفين
وقسم الغربة كيف بـيـبـيـن
ولما الحاره تصبح جد
وما هو كـلاما شـيـتــا ً نيء
وكت اللحظة تبقى حـقـيـقـة
ويـن بـنـفــوت ؟
لا بابا ً بمسك الريح
ولا قـدرا ً بـيـعـرف الشب دابو ندي

فراقكم أنتو يا أهلي
دريـبـا ً قاسي كلو شوك
بطعن في القـلـيب الحي
وبـتـذكـــر وداعكم لي
وكـت عـتـبـت باب بيـتـنــا
ودمـوعكم تجرى تصرخ وي
بحس بجريها في ضلوعي
وبـتعـصر في كـبـيـدتي شديد
وما هو شوي
بحس بالخطوة تـبـقى تـقـيـلـة
أريت التانية تـرجـع بـي
وأقــول لـرويـحتي ويــن ماشـه
وتـسـيـبـي الـديـره بـالـفـيـهـا
من الجد العجوز واقف
و لي عـنـد البيحبي حبي
تقولي خلاص ده ياهــو قـدر
ومــيـن بـقدر بحـبـس الـسـيـــل
وكــت يـهــدر يــدوس الـشـتـلـة
ويـســرح تي
وسقت خطاي
وشلت حنانكم الغالي
وحفظتو معاي بـيـن أيدي
وكت أشـتـاق .. أفـــر أيـدي
ألاقيك يمه
الآقى الخالة
الآقى العمة بتقول لي
ودعـتـك الله ود بطني
قريب ترجع تانى
تضوي متـل الضي
دياركم أنتو يا أهلي
ديارا ً زين وبلد الطيبة
كست دروبا حارة .. حارة
و سكه .. سكه .. بي رجلي
بيعرفني الكبير العايش
وبيعرفني الصغير الشلتو فوق كرعي
بتعرفني الرمال الشاربة من موية بحرنا
البيها أتعطرت لما كنت دابي صبي
وحتى قصبنا بشهد بي
بى روائع نيلنا
ساقية الحنان راويه عزَّ الري
دي ما بلدي
وكيفن أنتو
إياكم أنتو ما بلدي
وإياكم أنتو ما أهلي
وإياكم أنتو غـنـوه قديمة في شفتي
بشيلكم آهة في الغربة
وبشيلكم نغمه في الفرحة
وحنانكم يا هو نور عيني

ورضيت بالغربة يا أهلي
رضيت بالغربة شان عزة حروفه غالية
فوق أحلامي تتواري وتقول لي
ياني راجياك تانى ترجع لي
ولو عارف السنين بتهون كفاي الفات
وكان أديتك الباقي
وبراك عارف الحنان العندي
متـل اللبنة صافى نقي
صفا السمحين
دعاء الطيبين
مشاتـل عامره
بى فرح الصغير اللعب من رمل الجروف
الجاريه شاقه ودي

هناك في الغربة يا أهلي
بشوف الناس غريبة وتايهه
في أحزانا طاويه الحي
بشوف في عيونا نظرات الودار
مليون سؤال في جوفي
تكويني وتخلف الكي
وحتى القمرة .. ما بتشبه قمر بلدي
البتضوي الساحة صافى لبي
ووين الخضرة ؟
وين الخضرة وين راحت ؟
وديك المويه فوق للصخرة
تصرخ تبكى وووووب وأحي

وحاتكم أنتو يا أهلي
ما في أحن من أهلي
منو الغيركم بـيـعرف البي
ويقاسمني الزمن لو جاني تـاري على
لكني خلاص
أتيمنت ... و أتيقنت
ما دام الغربة صبحت نغمه
بسمع صوتا فوق أضنى
وطعم الغربة في لساني
وأصابعو تدور تأشر لي
بسلم أمري للأيام
وأجيكم تانى
شان بى شوفتكم أتعطر
وأكحل بيها ضيء عيني




.
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

[align=center]كيف تكون أمدرمان وطناً ؟

عندما تتخيلها بنفس صفرة الشمس هناك ، تعتصرها الأحداث الفاجعة لتوقد زيتها في قلب كل سوداني قريب أو بعيد ... مع أو ضد ... تلك المدينة الذاكرة ، التي تتجاوز الأسطورة بكثير لتستقر في شرايين الشعب ونبض تاريخه وحكاياته ... لا يمكن المرور على أرض الكلام عن أمدرمان دون تذكر ما تمثله هذه المدينة ومدى عمقها في وجدان الشعب السوداني ... ودون المرور على قبة المهدي والبقعة وفضاء ملتقى النيلين وعصاصير علي المك كما عزة خليل فرح . مدينة ثائرة سابقاً وحالمة الآن متسربلة دائماً بحرير الأغنيات وسحر القصائد واللحون يتزود من حضور أدبها الأنيق كل مبدعي السودان وشعرائه ومطربيه .

احبها
واعلم انها تبادلني حبي
لم اتعثر على ارضها بحجر
الا رفعته واعتذرت منه
لم تثقب رجلي شوكة او قطعة زجاج وانا اسير على ارضها
إلا امتعني الألم
كل شيء فيها
احبه ويحبني
الأم في حنانها
ضجيجها ..اوتارها
بخورها .. غبارها
قبابها.. بيوتها والدر من اثارها
احبها وانحني


كانت أمدرمان ضاجة بالحياة والأنوثة مما أغرى مغتالي ضوء نبضها الأنثوي على التجرؤ لتحويل نهارها الماثل على ضفة النيل إلى مقصلة فوق عنقها البهي ولكن ثبتت خطوتها ، كيف لا وللمدينة قصص مقدسة مع الدم ، وكل نصر على أرضها له شفاه ناطقة تصدح به ، ليمضى هؤلاء نحو هاوية الرحيل يجرون خلفهم أذيال الخيبة والندم . لم تصدقهم أمدرمان وتكذب صحوها الأكيد فقد كانت الأحياء التي شهدت خوف المواطنين وهلعهم هي نفسها التي شهدت فرحهم وإصرارهم على الإحساس بالوطن رغم كل شيء وابتكروا أبجدية وطنية جديدة "عند الحارّة" تنسى الجوع والشقاء والبؤس والمرض وتعبق بالذاكرة الشعبية رائحة بارود معركة كرري آتية من على بُعد 110عاماً مرت على وقوعها.

أمــــدرمـــــان

هل ضاع شوقك بالسنيـن و نسيت صيتى و الرنيـن
أم أيـن أيــام الـهـوى بل كيف آهـات الحنيـن
أنكرت أنـك كنـت لـى حبـا عظيمـا لا يلـيـن
كم عطـرت نفسـى رؤاك و زحزحت همى الدفين
مـا أنــت إلا نسـمـة فى الصيف روّحت الأنين
مـا أنــت إلا عـقـد د رٍ زان صدرى و الجبيـن
أيقظـت لاعـج شوقـنـا حرّكت أحـزان السجيـن
يا أم مـن سـاروا إلـى كـررى ليوثـا كاسريـن
يـا أم أفــذاذ الـرجـا ل و أم من صدقوا الخدين
يـا أم أحمـد بـن بشـير و أم خاتـم أم زيــن
يـا أم مصبـاح الفـنـو ن بسحر ريشتـه المبيـن
مرحى باسمك فى القـريض فهل لذكرى تحفظيـن
قد كنـت شاعـر قومـه و أميـر رفقتـه الأميـن
و لقـد وهبتـك أضلعـى فسكنت قلبـى لـو تريـن
أو تبخليـن علـي بــالأ شبـار أمــى تبخلـيـن
هل صـار فقـرى ذلتـى و غدت حروفى لا تزيـن
ماذا يضيـرك لـو أخـذت العلم و الكلم الرصيـن
بلّـت حروفـى أدمعـى بـادرت بالقـول المتيـن
إنـى أحبـك هـل كفـى حبـى و هـلا تعطفيـن
ماذا حصدت مـن البعـا د و ما جنيت سوى أنيـن
أذكيـتِ نـار صدورنـا أفقرغتِ دنـى و المعيـن
قد عدتً مدفوعـا لدنـي ا الشعر مدحـور اليميـن
الله لى فـى البعـد عـن وطنـى وأهلـى الطيبيـن
الله لـى فـى غربـتـى و غداة مزّقنـى الحنيـن
أهـفـو لوالـدتـى و أخ وانى و أهلـى الذاكريـن
مـاذا تفـيـد قصـائـدى إن فجّر الحـزن الوتيـن
مـن لـى بنيلـك قربنـا من لى بأهلك كـل حيـن
قبّلت أرضـك رغـم بـع دى ليـت أنـك تعلميـن
ردى غـرامـى مثلـمـا أحببـت أهلـك أجمعيـن
قولـى إذا نبئـت عنـى إن ذكــرى لا يشـيـن
قولـى بانـى قـد وفـيت و ما أقصّر أن أديـن
سأعـود ثانـيـة الــيك إذا سعدت مع السنيـن
[/align]
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

[align=center]الغربة تفتح آفاقاً للذكريات وتزيد مساحات الحزن والأوجاع ، ويرافق ذلك

آمال باللقاء وطموح للنجاح واثبات الذات

الإنسان في الغربة ينتظر أي نسمة هواء من نسمات وطنه


كل طائر مرتحل عبر البحر قاصد الأهل حملتو أشواقي الدفيقة


الغربة تجعل الإنسان أكثر شفافية وصدقاً مع نفسه بل تجعله يشعر بقيمة وطنه

ويكون في حالة حنين و ارتباط دائم بكل ذرة من رمال الوطن


أكون كضاب

لو اترددت شان أستقبلك جواي!!

ولو قاومت حد السيف

بريقو بلخبط الهداي!!

صحيح قبلك

شراع الدهشة ماصفق

ولا كان العِرِق وداي

دي حتى الأغنيات قبلك

حروف أبياته كانت ساي

بس الحاصل

بدورك تسمعي شوية

فترت من السواحل ديك

وغشوني المراكبية

كنت بلملم الضحكات

وحاجز في البياض نية

و لما غلبني ريح الليل

قلت براي اعود واهي

غلبني أساوم الرجعه

ده ليل الغربه متناهي

فيهو الغربه

قبلو الغربه

بعدو الغربه

و الأفق الرقد ساهي

أمد ايديا بس لي وين

أقاوم كيف زمن لاهي.

لا نفع التودد فيهو

لا جاياهو حنيه

شتت أملي في الموجات

كسر في العشم جيه

ده كلو من السواحل ديك

و من ظلم المعديه

أنا البعت الفرح للنيل

وغشوني المراكبيه


عندما يكون الشخص بين الأهل والأحباب فإنه يري الدنيا واسعة وكل ما فيها جميل ومبهج

أما وعندما يصبح في قبضة الغربة والوحدة فإنه يشعر بضيق هذه الدنيا


يا ليل البعد يا مضيع سنيني معاك

وتتمدد تطول يا ليل بعيدة سماك

وتتعب في قليب مسكين بيتوجع وما هماك

يا ليل البعد لو عارف حكايتي معاك

طويلة طويلة طول ليلك

لكن على الجميع أن يتذكروا دائماً أن حضن الوطن

هو الأجمل والأطهر سواء اتسعت الدنيا أو ضاقت
[/align]
صورة العضو الرمزية
راح الشاربين
مشاركات: 41
اشترك في: الاثنين 2008.9.15 8:02 pm
مكان: السودان

رد: آه يا بلـــد

مشاركة بواسطة راح الشاربين »

ندى البيلسان كتب:
[align=center]آه يا بلد

ملعونة سيرة البقربك
يابنية... ما يديك سلام
اويسالك وانتي الوطن
عن كل مشاويرنا البقت
تحسس الوهم الكلام
تتمشى في وجع القلب
تتضارى بينات الحيط
وتدسدس السل في العضام
ملعون ابو الشوق العفن
ان كان بروح قدرتك
ويعلم الناس الفطام
او حتي يسرق فرحتك
وتجابدي في ايد الخلق
وتزاحمي تدخلي في مسام
نيل الوجع كان تمرقي
وتشيلي حسك لي السماء
وتساوي في الناس المقام
يا داخلة شباك المدن
كان ادخل الضو الشقوق
ويروح النور الضلام
وريني مين البشبهك؟
او حتى يشبه قدلتك
يا فاردة شيهك في الغمام
يا بنية من كل المدن
وندية زي كل الغبش
اشتقتى ليك زيك تمام
بتوضي في كل البيوت
اتعشى في ضل العشم
اسهر معاك انسى المنام
اتدبى ليك جوه القلوب
اتشابى امسح عيني فيك
لو يشفى بيك فيني السقام
واتلفحك وانتي الصبر
يا صابرة لي محن الدرب
وتقاسمي في اللقمة الحمام
وان عطشو اولادك سقوك
المويه من زير الوهم
ويلقّموا الجوف الحرام
ملعون ابو الكسرة البقت
بتعفن امخاخ البشر
يدوها لي الناس بالجرام
ملعون ابو الغربه التفج
الحسره في بطن البكوس
اللقمة في بطن الزحام
ويسكت الجوف بالامل
انو الخربف بروي الارض
وبقالد الناس السلام
[/color][/font][/size][/align]
مممشكوره علي الكلام الريععععععععععععععععععععع 61.gif 61.gif 61.gif 61.gif 61.gif THUMBUP.gif
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

راح الشاربين كتب:مممشكوره علي الكلام الريععععععععععععععععععععع 61.gif 61.gif 61.gif 61.gif 61.gif THUMBUP.gif
شكراً اخي على المرور الطيّب
مزنة الباقر
مشاركات: 18
اشترك في: السبت 2009.4.11 11:01 pm
مكان: السعودية

رد: آه يا بلـــد

مشاركة بواسطة مزنة الباقر »

بلادى بلادى اهلا يا بلادى الف تحية ليك من الفؤادى
بلادى بلادى اهلا يا بلادى صدورنا حماية ليكى من الأعادى
بلادى أنا
بلاد ناسا فى أول مواريثهم كتاب الله
وخيل مشدود و سيف مسنون حداه درع
تقافيبهم تسرج الليل مع الحيران
وشيخا فى الخلاوى ورع
وكم نخلات تهبهب فوق جروف الساب
وبقره حلوبة تتضرع وليها ضرع
بلادى أنا
تشيل الناس وكل الناس وساع بى خيرو لينا يسع
وتتدفق مياه النيل على الوديان
بياض الفضه فى وهج الهجير يشع
بلادى سهول بلادى حقول
بلادى الجنه لي الشافوها أو للبره بيها سمع
بلادى أنا.... تكرم الضيف
وحتى الطير يجيها جيعان ومن أطلااف تقيها شبع
بلادى الصفقه والطنبور و داراتا تنح فى الليل
وبنوتا تحاكى الخيل...يشابن زى جدى الريل
وشبالا مكنكن فى طريفو ودع
بلادى ...بلاد من التاريخ
من ترهاقا لى عن ميسنا ..حتى الجاى خيل و دروع
بلادى أمان ..بلادى حنان ..وناسا حنان
يكفكفو دمعه المفجوع...يبدوا الغير على ذاتهم
يقسموا اللقمه بيتاتهم ..ويدوا الزاد
حتى ان كان مصيرهم جوع
يحبوا الدار ..يموتو عشان حقوق الجار
ويخوضوا النار ..عشان غد دمعه
وكيف الحال اكان شافوها سايلة دموع
ديل أعلى البقيف فى الداره ..وسط الداره واتنبر ا
واقوللدنيا ...ديل أهلى..كل الدنيا ..ديل أهلى
عرب ممزوجة بى دم الزنوج الحارة ..ديل أهلى
وديلة قبيلتى لما ادور أفصل ..للبدور فصلى
أقول بعضى ألاقيهم تسربوا فى مسارب الروح بقوا كلى
أصحاب روحى والاحساس..
و سافر فى بحار شوقهم كمان عقلى
محل قبلت ألقاهم معاى ..معاى ..زى ضلى
لو ما جيت من زى ديل ..كان أسفاى...وا مأساتى ..وا ذلى
تصور كيف يكون الحال ,,لو ما كنت سودانى ..
وأهل الحارة ما أهاى
كلمات اسماعيل حسن
اداء: محمد وردي
منقوووووووووول
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: آه يا بلـــد

مشاركة بواسطة ندى البيلسان »

[align=center]أخت مزنة لك مني كل الود والتقدير

سعيدة جداً بمشاركتك القيمة معي في هذا البوست

جزاك الله ألف خير ... ودمتي[/align][/color]
أضف رد جديد

العودة إلى ”همس القصيد“