رقراق ضو

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
صورة العضو الرمزية
حموودى
مشاركات: 1836
اشترك في: الجمعة 2007.6.29 1:49 pm
مكان: السودان الخرطوم
اتصال:

رقراق ضو

مشاركة بواسطة حموودى »

عندما تظلم الدنيا نبحث عن شعاع الضوء ليبدد الظلمة من حولنا


ونحن الان متجهون الي العتمه

فالمنتدي اصبح البعض منا يدخل المنتدي من اجل الدخول للمنتدي
يعني موضوع لي اللا موضوع
وبالتالي اضبحت المواضيع ليس كلها بل بعضها ركيك وبلا موضوع
واصبحت الردود طابعها المجامله واظهار حسن النوايا
ومرات مرات لبس ثوب الظرافه من اجل ترك انطباع جميل


دي فكرتي وده رأيي عن الفترة الاخيره
هناك بعض الاقلام تحاول وتجتهد بشكل نشفق عليه ونخاف عليه من الاحباط
لان بعض الردود لاترتقي للموضوع المكتوب

طبعا موضوع الموضوع والردود ده اثير كتيييير جدا
ولكن لسسسسه الموضوع عايم وما انحسم
zaina
مشاركات: 1309
اشترك في: الخميس 2008.6.12 10:02 am
مكان: بورتسودان مدينتى

رد: رقراق ضو

مشاركة بواسطة zaina »

الاخ حموودى(الليلة ظهرت من وين كدة):

هذا الموضوع تحدث عنه لبعض الاعضاء ولكنى لم اجد احدهم يضع حلولا ايجابية
الركاكة والملل ربما هى شئ طبيعى لكل المنتديات مع مرور الزمن (فالانسان بطبعه يحب الجديد ويكره الروتين )
يعنى ممكن المواضيع التى طرحت من قبل ان يطرحها اخر ولكن بطريقة اخرى جديدة ودى طريقة بشوفها فى البرامج التلفزيونية الناجحة
فاذا كنا جميعا اخ حموودى سنتحدث عن الركاكة فمتى سنجدد (يعنى هل من الصعب ان تكون هنالك حلول لهذه المشكلة التى مازالت عايمة كما ذكرت ونحن ايضا عايمييين معاها )

ممكن تختوا لينا حلول انتم كمشرفين وتكون فى شكل نقاط محددة
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: رقراق ضو

مشاركة بواسطة sunni »

من يومين كنت في المكتب، وطالع ماشي مشوار لواحدة من الشركات البتعامل معاها،،، فتشت على مفتاح العريبة ما ليقيته،، قلبت الواطا وعدلتها،،، مافي فايدة،، إتوترت أعصابي،، هجت في الحولي،، (الرمى مفتاحي منو؟) ،، الشالو منو.؟ ماهو ما ممكن الواطا تبلعو؟ انا لما أجي المكتب بختو قدامي، وما بيتحرك إلا وأنا راجع،،،، قربت أقد جيوبي،، إتوترت ووترت الناس معاي.
آخر حاجة،،، ولما الزمن ضايقني ومواعيدي قربت،،، قررت امشي ولو بتاكسي،،، عاينت للساعة،، كانت 12:30، وانا مواعيدي بعد نص ساعة،، الطريق ماشي جاي،، محتاج لكل واحد منهم نص ساعة،، يعني لو مشيت وجيت بس،، برجع الساعة واحدة ونص،،، هو الإجتماع ممكن يكون أقل من ساعة؟ مستحيل،، يبقى ما ح أرجع قبل 2:30،، وتكون ساعات العمل الرسمية إنتهت،، معنى كدة لازم أقفل اللاب توب بتاعي وأشيله معاي،،، مسكت الماوس،، shutdown ،، ويندوس سخيفة جدا لما تكون مستعجل،، دقيقة والشاشة ضلمت،، مسكت سلك الكهربا وفصلته،، بعدها جبت شنطة اللاب توب،، وبديت افصل منها بقية الأسلاك،، الطابعة،، فصلتها،، سلك الشبكة،،، فصلته،،، في تاني حاجة دخلة في الجهاز،،، يااااه،،، دي الذاكرة Memory Stick ال USB،، نسيت إني أمس بالليل عملت تقرير وحفظته فيها،، ومن الصباح ركبتها في الجهاز وكملت التقرير وطبعته،،، ومنها والمفتاح بالذاكرة في الجهاز، ومغطياه الشاشة... يعني انا الأخفيته من نفسي ونسيته،،، يعني الحل كان في يدي أنا،، وهجت في الناس ووترتهم،، ياربي أعتذر ليهم ولا أعمل رايح؟

كان لازم أفهم انه كل زول مفتاحه في يده،، ولو ضاع منه، يبقى هو المسؤول، لأنه هو الفكاه من يديه
حبوبة
مشاركات: 1274
اشترك في: الثلاثاء 2008.5.13 11:03 am
مكان: Damscus

رد: رقراق ضو

مشاركة بواسطة حبوبة »

حموودى كتب:
عندما تظلم الدنيا نبحث عن شعاع الضوء ليبدد الظلمة من حولنا

ونحن الان متجهون الي العتمه

دي فكرتي وده رأيي عن الفترة الاخيره
هناك بعض الاقلام تحاول وتجتهد بشكل نشفق عليه ونخاف عليه من الاحباط
لان بعض الردود لاترتقي للموضوع المكتوب

طبعا موضوع الموضوع والردود ده اثير كتيييير جدا
ولكن لسسسسه الموضوع عايم وما انحسم

سلامات سلامات

حمودي طوطوت الضل بقيت تكوس في الرقراق :D

بي غادي غادي ليك مدة ما بِنت وفجأة طليت وللحوار نورت ...
أها دخلنا نتاوق للرقراق لقيناك تتلمس متلنا انا واحمد يس وود الدرديري وآخرين...
نحن خوف من الاحباط ده ذاتو قلنا نشوف الناس رايها شنو ... واكان ماعندهم حل نجيب الاحتياطي المركزي ... والا كيف؟؟

العتمة والضلمة دي كافالله شرها ما بندورها طب ... كدي شمر وكوس معانا .... الرقراق happy0005.gif
صورة العضو الرمزية
حموودى
مشاركات: 1836
اشترك في: الجمعة 2007.6.29 1:49 pm
مكان: السودان الخرطوم
اتصال:

رد: رقراق ضو

مشاركة بواسطة حموودى »

zaina كتب:الاخ حموودى(الليلة ظهرت من وين كدة):

هذا الموضوع تحدث عنه لبعض الاعضاء ولكنى لم اجد احدهم يضع حلولا ايجابية
الركاكة والملل ربما هى شئ طبيعى لكل المنتديات مع مرور الزمن (فالانسان بطبعه يحب الجديد ويكره الروتين )
يعنى ممكن المواضيع التى طرحت من قبل ان يطرحها اخر ولكن بطريقة اخرى جديدة ودى طريقة بشوفها فى البرامج التلفزيونية الناجحة
فاذا كنا جميعا اخ حموودى سنتحدث عن الركاكة فمتى سنجدد (يعنى هل من الصعب ان تكون هنالك حلول لهذه المشكلة التى مازالت عايمة كما ذكرت ونحن ايضا عايمييين معاها )

ممكن تختوا لينا حلول انتم كمشرفين وتكون فى شكل نقاط محددة

تسلمي اولا علي المرور الرقيق
وانا عندما اثرت هذا الموضوع كنت احدث نفسي (تري هل هذا هو احساسي لوحدي؟؟؟)
وثانيا قصدي ليس الركاكة وحدها بل (كسير المقاديف)
ودي عايزه ليها صفحتين تمنتاشر كده
كدي بجيك راجع
صورة العضو الرمزية
حموودى
مشاركات: 1836
اشترك في: الجمعة 2007.6.29 1:49 pm
مكان: السودان الخرطوم
اتصال:

رد: رقراق ضو

مشاركة بواسطة حموودى »

عزيزنا السيد المشرف المبجل (عمو السني)


لوان احدنا يستطيع ان يجد مفتاحه لحظة احتياجه له لاستطاع ان يعيش وحده دون حوجة منه لاحد بجانبه
الانسان ولد وفطر علي الجماعيه لايستطيع احدنا ان يقضي ساعة لوحده
بل ان من اساليب التعذيب الحديثه (العزله)
وكل منا لابد من ان يضيع مفتاحه حتي يحس بقيمة من حواليه عندما يثبون لمساعدته والوقوف بجانبه
هكذا نحيا وبلا هذا نتحول لكائنات لابشريه
ومفتاحنا الضائع هنا لاأستطيع انا او احد اخر في الدنيا ان يجده لوحده
لانه مفتاح جماعي يحتاج لعين وقلب وعقل كل منا حتي نجده ونمسك به جيدا حتي لايضيع منا

.....
العكليت
مشاركات: 49
اشترك في: الجمعة 2009.6.12 1:10 am
مكان: ksa - jeedah

رد: رقراق ضو

مشاركة بواسطة العكليت »

الفاضل حمودي لك التحية ..

قرأت الموضوع ولم أقرأ ردود المتداخلين لكي لا تؤثر على ردي ..

عضويتي جديده في المنتدى .. إنطباعي العام عن المنتدى من خلال المواضيع المطروحة في الصفحات الأولى من مختلف الأقسام .. غالبية المواضيع والردود .. اما منقوله والذي نقلها لا يتسع افقه والمعلومات التي عنده بالرد والنقاش فيكتفي بالعبارات المعهوده شكراً على المرور والرد ..

وكذلك الردود الغارقة في المجامله .. والثناء المفرط على المواضيع وإن كانت منقوله

وقد يعود ذلك للعديد من الاسباب ..

منها عدد كبير من الاعضاء صغار في السن .. والبعض حديثي عهد بالمنتديات وثقافة المنتديات وهم من أتوا عن طريق الشات أو غيره ..

وذلك لا ينفي وجود أقلام ومواضيع يشار إليها بالبنان ..

وتوفيراً للوقت والجهد على من يرغب في الفائده .. إذا أفردت الإدارة قسم مخصص .. يتم فيه وضع شروط مختلفه عن اللوائح الأخرى .. بحيث يمنع نقل المواضيع فيه .. وردود القوالب الجاهزه ويفرد للطرح الجاد والنقاش المثمر .. ربما يكون واحة فكر للكثيرين .

نأسف على الإطالة .. ولكم وافر الود والأمنيات بإرتقاء الصرح
أضف رد جديد

العودة إلى ”حوارات جادة“