الشكل والشكالين ليه كترو؟؟؟

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

الشكل والشكالين ليه كترو؟؟؟

مشاركة بواسطة ودعازة »

ظاهرة الشكل والشكالين بدأت بالآونة الاخيرة فى ازدياد، خصوصا بالشارع، الواحد زى العايز ليو سببن افش فيو خلقو ومستنى على الهبشة، شنو السبب؟ أدونا رأيكم واسمعو نصيحتى تحت..

هاى يا زول الزم الجابرة
كشف الحال
شين القول..ماهو تمام..
كترة الغيبة
سيرة الناس
اكان بالدين كلو حرام..
وين المتعة برد النبزة
وشتمة بشتمة
وسب الغير كأنو لزام..
ماهى غنيمة رد الشينة
كلمة شر بكلمة شر
وشجار وشتام..
ووين الحكمة ازعل زول
اشرشح فيو
امسخر فيو ونعيش فى خصام..
اطرا الآخرة
واذكر ربك
عمل الخير ولو بى بسمة تلقاو قدام..
صورة العضو الرمزية
ريانه إمام
مشاركات: 3455
اشترك في: الاثنين 2009.5.11 8:56 am
مكان: أقصر من السماء بحبلين

رد: الشكل والشكالين ليه كترو؟؟؟

مشاركة بواسطة ريانه إمام »

[grade="00008B FF6347 008000 4B0082"]ود عازه ،،

الشكل بقي حاجه عاديه ،، الناس بقت اخلاقها ضيقه ،،

ونحن السودانيين بالذات اخلاقنا ضيقه جدا ،، من حياتنا العايشنها ،،

ظروف معيشتنا بقت صعبه ،، وهمومنا كترت ،، والسخانه زاتها مطلعه عينا ،،

المواصلات بقت اصعب ،، والكماسره يخلوك تحرد الطلوع ،، وتيت تيت في صواني المرور

تجيب ليك الجلطه في نفس اللحظه ،، البنات في البيت دي دايره ودي ماشه ودي عيانه ،،

اولادك كل واحد عندو موضوع براه ،، وكل واحد دايرمصروف يومي من 10 جنيه وانت طالع ،،

قاعدين ليك في قلبك وانت ياعيني عليك موظف علي قدر حالك وشغل مافي بقي زاتو ،،

ولو نقص شلن واحد العوه تضرب ،، سيد الدكان داير قروش الحساب ،، والكهربه كملت يا ابوي

المحاضر ما جه المحاضره ،، والمشرف علي المشروع قال في غلط فيه ،،

بعد ده كلو دايرنا ما نتشاكل ؟؟
كيـــــــــــــف !![/grade]
حبوبة
مشاركات: 1274
اشترك في: الثلاثاء 2008.5.13 11:03 am
مكان: Damscus

رد: الشكل والشكالين ليه كترو؟؟؟

مشاركة بواسطة حبوبة »

ودعازة كتب:

ووين الحكمة ازعل زول
اشرشح فيو
امسخر فيو ونعيش فى خصام..
اطرا الآخرة
واذكر ربك
عمل الخير ولو بى بسمة تلقاو قدام..



لا فُضَ فُوك ياهمام
بس الصبر فاض
والبطن حزاها شد الحزام
قريت رد البنية بت الامام ؟؟
اهو كلو من ده والخوف من الجاي قدام
هموم الدنيا ..
خلت العين جافاها المنام
البلد في جهجه ..
والعالم تلهث رغم الزحام
ومرة مرة .. يرجعو يستغفروا
يسألو لطفو خالق الأنام ...
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

رد: الشكل والشكالين ليه كترو؟؟؟

مشاركة بواسطة ودعازة »

ريانه امام كتب:
[grade="00008B FF6347 008000 4B0082"]ود عازه ،،

الشكل بقي حاجه عاديه ،، الناس بقت اخلاقها ضيقه ،،

ونحن السودانيين بالذات اخلاقنا ضيقه جدا ،، من حياتنا العايشنها ،،

ظروف معيشتنا بقت صعبه ،، وهمومنا كترت ،، والسخانه زاتها مطلعه عينا ،،

المواصلات بقت اصعب ،، والكماسره يخلوك تحرد الطلوع ،، وتيت تيت في صواني المرور

تجيب ليك الجلطه في نفس اللحظه ،، البنات في البيت دي دايره ودي ماشه ودي عيانه ،،

اولادك كل واحد عندو موضوع براه ،، وكل واحد دايرمصروف يومي من 10 جنيه وانت طالع ،،

قاعدين ليك في قلبك وانت ياعيني عليك موظف علي قدر حالك وشغل مافي بقي زاتو ،،

ولو نقص شلن واحد العوه تضرب ،، سيد الدكان داير قروش الحساب ،، والكهربه كملت يا ابوي

المحاضر ما جه المحاضره ،، والمشرف علي المشروع قال في غلط فيه ،،

بعد ده كلو دايرنا ما نتشاكل ؟؟
كيـــــــــــــف !![/grade]
اختى ريانة كل ما قلتيه صحيح، ولكن هل الاخرين لهم ذنب فيما نعانى؟ اليس الصمت ادعى اتباعه بدل التلفظ والتخاصم ؟ ولتسمعى هذا الحديث: عن أبى موسى قال قالوا يارسول الله أى الاسلام أفضل؟ قال: (من سلم المسلمون من لسانه ويده).كما قال صلى الله عليه وسلم :(إن المؤمن يجاهد بسيفه ولسانه).
لكى كل التقدير لمرورك الكريم،،

اقرار:
انا زاتى مرات شكال بس بدعى ربى الهداية وبستغفر..
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

رد: الشكل والشكالين ليه كترو؟؟؟

مشاركة بواسطة ودعازة »

حبوبة كتب:


لا فُضَ فُوك ياهمام
بس الصبر فاض
والبطن حزاها شد الحزام
قريت رد البنية بت الامام ؟؟
اهو كلو من ده والخوف من الجاي قدام
هموم الدنيا ..
خلت العين جافاها المنام
البلد في جهجه ..
والعالم تلهث رغم الزحام
ومرة مرة .. يرجعو يستغفروا
يسألو لطفو خالق الأنام ...
ولا فض فاه البرد بخير الكلام
والصبر ما مفتاح الكروب
والبطن بالشكل مابتتملى ولا بالخصام
وريانة كلاما واقع معايش
لكن شن نستفيد لو عدم السلام
والدنيا ياهو حالا
كان اتشبك ولا اتصلح كل الانام
والجهجه ما صعب امتحان
وابتلا ممن خلق الورىو صاحب المقام
نسألو هدايةً ورحمةً
يجنبنا الشرور وكل انواع الحرام
صورة العضو الرمزية
همسة حنين
مشاركات: 664
اشترك في: السبت 2009.5.9 7:26 pm
مكان: مصر
اتصال:

رد: الشكل والشكالين ليه كترو؟؟؟

مشاركة بواسطة همسة حنين »

شنو دا وينو الشكل دا انا السنة دي طالعة من المدرسة زعلانة زعلة لان ماشفتلي ولا شكلة
صورة العضو الرمزية
زوزو الجامعي
مشاركات: 1228
اشترك في: الأحد 2009.5.3 12:00 am
مكان: ليبيا

رد: الشكل والشكالين ليه كترو؟؟؟

مشاركة بواسطة زوزو الجامعي »

هههههههههه ياهموسه
هم ماعارفين انه عندنا الشكل ده حاجه ممتعه والظريف انه لما ايكون في ناس بيتشاكلو مافي حد بيقرقهم الكل بيقعد يتفرج لمن نشوف اخرتا
صورة العضو الرمزية
عثمان محمد
مشاركات: 7
اشترك في: الأحد 2009.5.10 5:45 pm
مكان: الامارات
اتصال:

رد: الشكل والشكالين ليه كترو؟؟؟

مشاركة بواسطة عثمان محمد »

دا كلو راجع الي التدهور الاقتصادي وضيق المعيشه والفقر
عشان كده بتلاقي الناس كلها ماعندها صبر الا من رحم
صورة العضو الرمزية
همسة حنين
مشاركات: 664
اشترك في: السبت 2009.5.9 7:26 pm
مكان: مصر
اتصال:

رد: الشكل والشكالين ليه كترو؟؟؟

مشاركة بواسطة همسة حنين »

اي والله يازوز انا بفرح فرح لما اشوف شكلو
واكتر حاجة تزعل لما يكون في شكلة ولما تمشي تتفرجي تلقيها انتهت وااااااااااااااي وقتها بزعل زعل
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

رد: الشكل والشكالين ليه كترو؟؟؟

مشاركة بواسطة ودعازة »

همسة حنين كتب:شنو دا وينو الشكل دا انا السنة دي طالعة من المدرسة زعلانة زعلة لان ماشفتلي ولا شكلة
ياهمسة ليك التحية ..
لا حولا ولا قوة الا بالله يااخى معقول انك بتدعى ومناصرة للشكل والشكالين!!
وين تعاليم الدين السمحة? لا يهجر المسلم اخاه فوق ثلاثة ليال..تعرفى انو واحدة من مواضع تحليل الكذب الثلاثة اصلاح ذات البين؟
الله يهديكى ويهدينا..
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

رد: الشكل والشكالين ليه كترو؟؟؟

مشاركة بواسطة ودعازة »

زوزو الجامعي كتب:هههههههههه ياهموسه
هم ماعارفين انه عندنا الشكل ده حاجه ممتعه والظريف انه لما ايكون في ناس بيتشاكلو مافي حد بيقرقهم الكل بيقعد يتفرج لمن نشوف اخرتا
اديكى العافية زوزو..

ردى ليك شرحو بالنسبة لهموستك..
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

رد: الشكل والشكالين ليه كترو؟؟؟

مشاركة بواسطة ودعازة »

عثمان محمد كتب:دا كلو راجع الي التدهور الاقتصادي وضيق المعيشه والفقر
عشان كده بتلاقي الناس كلها ماعندها صبر الا من رحم
سلام اخوى عثمان..

الله يرفع الكرب من عبادو ويصلح الاحوال..بس كمان ياابو عفان لا تزر وازرة وزر اخرى..يعنى انا مديرى فى الشغل يطلع عينى اقوم افكها فى الكمسارى بتاع الحافلة..ولا كيف؟
صيف العبور
مشاركات: 13
اشترك في: السبت 2009.6.20 8:07 pm
مكان: الامارات

رد: الشكل والشكالين ليه كترو؟؟؟

مشاركة بواسطة صيف العبور »

يا جماعه الصراحه والله احنا السودانيين اكتر شعب مسالم مع كل الضغوط الحاصله ولو كان في
شعب مضغوط زينا كان اتشاكل مع رموش عينه لما ترمش
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

رد: الشكل والشكالين ليه كترو؟؟؟

مشاركة بواسطة ودعازة »

صيف العبور كتب:يا جماعه الصراحه والله احنا السودانيين اكتر شعب مسالم مع كل الضغوط الحاصله ولو كان في
شعب مضغوط زينا كان اتشاكل مع رموش عينه لما ترمش
سلام صيف العبور..
ببصم معاك بالعشرة نحا من احسن واطيب شعوب العالم ..والشعب السودانى مشهود ليو بوصال بعضو من العدو والحبيب..وهنا احنا مافى مجال مقارنتو بباقى الشعوب لانو بحالتنا الحالية نحن من الافضل الموجود..بخبرتى المحدودة مع بعض الاجناس الاخرى ما فى شعب مهذب زينا ومتكافل ومتراحم..بس الخوف لو استمرينا بتبرير الاسباب لانتكاسة المعايير والاخلاقيات بنبقى زى الشعوب المازينا وهنا الكارثة..مفروض نحافظ على الجميل الفينا عشان ما ينعدم وبكرة نبقى كل زول فى همو وماطايقين بعض..احنا للآن عندنا الناس بتنصح بعض وبتقول يازول اخطا فلان دا زول شكال.. يعنى الشكل لازال معيوب..بس الكارثة لما يكون حالة عادية وشنو تانى بيبقى فاضل من المسالمة..
صورة العضو الرمزية
محمد سليمان
مشاركات: 765
اشترك في: الاثنين 2009.2.2 12:07 pm
مكان: مدينه الحب العالميه
اتصال:

رد: الشكل والشكالين ليه كترو؟؟؟

مشاركة بواسطة محمد سليمان »

والله الشكل بقاء زي الاكل كل لحظه ناس متشاكله
عالم فايقه ورايقه

؟؟؟؟؟؟؟؟؟؟؟؟؟؟؟؟
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

رد: الشكل والشكالين ليه كترو؟؟؟

مشاركة بواسطة ودعازة »

محمد سليمان كتب:والله الشكل بقاء زي الاكل كل لحظه ناس متشاكله
عالم فايقه ورايقه

؟؟؟؟؟؟؟؟؟؟؟؟؟؟؟؟
اخى محمد سلام..
المشكلة انو الناس لا فايقة ولا رايقة..الواحد يسيب الشاغلو وممكن يتأخر من مشوار مهم وفيه الفايدة عشان يكمل شكلتو مع الكمسارى وسواق الحافلة..دا تسميو شنو؟؟؟
صورة العضو الرمزية
هامونيت
مشاركات: 118
اشترك في: الجمعة 2009.6.19 7:44 pm
مكان: المانيا

رد: الشكل والشكالين ليه كترو؟؟؟

مشاركة بواسطة هامونيت »

ودعازه تحياتنا القلبيه
الله ما جاب الشكل ..................
شكلك كده.......................:D
ودمت بعافيه وتسلم
صورة العضو الرمزية
بت مختبرات
مشاركات: 113
اشترك في: الأربعاء 2009.5.27 2:48 pm
مكان: sudan - khartoum

رد: الشكل والشكالين ليه كترو؟؟؟

مشاركة بواسطة بت مختبرات »

السلام عليكم
تحية طيبة
بتفق مع ريانة فى كلامها
بس برضو شايفة بعد الناس عن الدين وضعف ايمانها هو البزيد المشاكل
كل زول همو فى روحو وفى مصلحته ،،،غابت التضحيات وغاب الصدق فى التعامل بين الناس،،، اصبحوا مهتميم بالدنيا لحد كبير وكانها مخلدة ،،غاب الدافع البخليهم راضين عن حالهم وعن عيشتهم ويجعلهم مسامحين متسامحين كاتمين الغيظل (لا ياسو على ما فاتهم ولا يفرحو بما اتاهم)وهو الدييييييييييين
فى وجود الايمان اكيد مشاكل الدنيا ما كبيرة وما بتاخد اكبر من حجمها


همسوسة مالك علينا ربنا يكفينا شر المشاكل
تقبل مرورى
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

رد: الشكل والشكالين ليه كترو؟؟؟

مشاركة بواسطة ودعازة »

هامونيت كتب:ودعازه تحياتنا القلبيه
الله ما جاب الشكل ..................
شكلك كده.......................:D
ودمت بعافيه وتسلم
ولك التحايا القلبية والفكرية هامونيت..
ان شاالله الكل يبقى شكلو كدا واولم انتى..
تسلمى على المرور ودمتى بكل خير،،
ودعازة
مشاركات: 763
اشترك في: الأربعاء 2009.6.17 3:31 pm
مكان: الرياض

رد: الشكل والشكالين ليه كترو؟؟؟

مشاركة بواسطة ودعازة »

بت مختبرات كتب:السلام عليكم
تحية طيبة
بتفق مع ريانة فى كلامها
بس برضو شايفة بعد الناس عن الدين وضعف ايمانها هو البزيد المشاكل
كل زول همو فى روحو وفى مصلحته ،،،غابت التضحيات وغاب الصدق فى التعامل بين الناس،،، اصبحوا مهتميم بالدنيا لحد كبير وكانها مخلدة ،،غاب الدافع البخليهم راضين عن حالهم وعن عيشتهم ويجعلهم مسامحين متسامحين كاتمين الغيظل (لا ياسو على ما فاتهم ولا يفرحو بما اتاهم)وهو الدييييييييييين
فى وجود الايمان اكيد مشاكل الدنيا ما كبيرة وما بتاخد اكبر من حجمها


همسوسة مالك علينا ربنا يكفينا شر المشاكل
تقبل مرورى
عوافى بت مختبرات..
اتفق معك جملة وتفصيلا وقطاعى كمان..المشكلة عدم رحمنة والناس زى النست ان الامور تأتى بقدر..
نسأل الله حق اليقين وهداية السراط المستقيم والفوز بالجنة ويجنبنا الشكالين وناس هموسة الحماشين..
ولك التحية،،،
أضف رد جديد

العودة إلى ”حوارات جادة“