ما معني الاتي:

المشرف: بانه

أضف رد جديد
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

ما معني الاتي:

مشاركة بواسطة امال الناس »

1/نعيب زماننا وما لزماننا عيباً سوانا
2/البيته من قزاز ما يشتر الناس بالحصي
3/اذا اتتك مزلة من ناقص فهي شهادة لك بانك كامل
4/الشايل ليه قربة مقدودة بتخر علي راسه
5/ابعد البيضة من الحجر والمراءة من الرجل



يلـــــــــــــــــــــــــــــــــــــــــــــــــــــــــــــي نشوف الشطار وخاصة الاشيتر
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: ما معني الاتي:

مشاركة بواسطة ود الزوحي »

انا حسادة ساي في الاشيتر حجاوب قبله ..

يعني اذا فيك عيب .. مافي داعي تذكر عيوب الناس ...

الليلة يا الاشيتر دخلتك في زقاق
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: ما معني الاتي:

مشاركة بواسطة ام صبا »

1/نعيب زماننا وما لزماننا عيباً سوانا

البعرفه انه الزمن ما بتغير نحنا البنتغير لمانغلط نرمى غلطنا على الزمن
والعيب بكون مننا
2/البيته من قزاز ما يشتر الناس بالحصي

والانسان الفيه عيب ما يعيب الآخرين
وقبيح من الانسان أن ينسى عيوبه
ويذكر عيبا فى اخيه قد أختفى
ولو كان ذا فضل لما عاب غيره
وفيه عيوب لو رآها به اكتفى
3/اذا اتتك مزلة من ناقص فهي شهادة لك بانك كامل
والله الكمال لله والانسان الناقص دائما يغطى نقصه بتصغير غيره
وكلما ادبنى الدهر ارانى نقص عقلى
وإذا ما ازددت علما زادنى علما بجهلى
4/الشايل ليه قربة مقدودة بتخر علي راسه

كل انسان يحاسب بغلطه وهو اول من يحصد نتائج اخطاؤه
5/ابعد البيضة من الحجر والمراءة من الرجل

والله كلام غريب شويه انا بعرف انه يبعدوا البيضه عن الحجر
خوفا من انها تنكسر بس حتة المرأة من الرجل عندى فيها وقفه
ومعذره اتلاقفنا قبل صاحب السؤال لكن الموضوع عجبنى



يلـــــــــــــــــــــــــــــــــــــــــــــــــــــــــــــي نشوف الشطار وخاصة الاشيتر وتسلمى ياغاليه
صورة العضو الرمزية
الاشيتر
مشاركات: 2886
اشترك في: الخميس 2008.2.7 10:53 am
مكان: الدوحه

رد: ما معني الاتي:

مشاركة بواسطة الاشيتر »

امال الناس كتب:1/نعيب زماننا وما لزماننا عيباً سوانا
2/البيته من قزاز ما يشتر الناس بالحصي
3/اذا اتتك مزلة من ناقص فهي شهادة لك بانك كامل
4/الشايل ليه قربة مقدودة بتخر علي راسه
5/ابعد البيضة من الحجر والمراءة من الرجل



يلـــــــــــــــــــــــــــــــــــــــــــــــــــــــــــــي نشوف الشطار وخاصة الاشيتر



انا شاطر شطاره جد

ابعد البضه من الحجر والمراءة من الرجل

ده التقول قلتيهو انتي المثل ده

المراه ما قاعده تقول ضل راجل ولا ضل حيطه

مالو الاشتير حسع داخل في الموضوع بالعرض كده

والمثل بالبقول

غايتو جنس غايتو سمعتي بيهو ده
صورة العضو الرمزية
الاشيتر
مشاركات: 2886
اشترك في: الخميس 2008.2.7 10:53 am
مكان: الدوحه

رد: ما معني الاتي:

مشاركة بواسطة الاشيتر »

ود الزوحي كتب:انا حسادة ساي في الاشيتر حجاوب قبله ..

يعني اذا فيك عيب .. مافي داعي تذكر عيوب الناس ...

الليلة يا الاشيتر دخلتك في زقاق


كدي زح لي تاني ياود الزوحي خليني النسمع كلام البت دي ونجيك راجع

عشان انا رديت ليها سريع كده

وداير اقعد ليها بي رواقه

اشوفها مالها

شوف الزقاق ده ساكت بي رواقه قال ليك


ياشاطر ياشاطر

اسمع في اغنيه كده لي واحده بتغني شاطر شاطر اسمعها وتعالي لي يالبلال

شوف الزقاق ده التاني .
صورة العضو الرمزية
الاشيتر
مشاركات: 2886
اشترك في: الخميس 2008.2.7 10:53 am
مكان: الدوحه

رد: ما معني الاتي:

مشاركة بواسطة الاشيتر »

امال الناس كتب:1/نعيب زماننا وما لزماننا عيباً سوانا

5/ابعد البيضة من الحجر والمراءة من الرجل



يلـــــــــــــــــــــــــــــــــــــــــــــــــــــــــــــي نشوف الشطار وخاصة الاشيتر



شايف ام صبا ما قصرت وامانه ماقعدت الكلام قعيد بي فهم

وانا كدي النشوف فهمي تاني معاكي يا امالنا

لعلمك انا اي زول بجيب اسمي في بوست بقول ليهُ يشوتك بي كورة شراب تعمل ليك وجع راس بس انتي عشان ضيفتنا الايام دي ما بقولها ليكي .


/نعيب زماننا وما لزماننا عيباً سوانا

دي طبعاً الشاعر براهو جاوب عليها

وقال

نهجو ذا الزمان واذا نطق الزماااااااااااااااان هجانا


دي واحده .


2/البيته من قزاز ما يشتر الناس بالحصي

هي مش ما يشتر تاني مفروض نجيب كورة الشُراب هنا لكن مافي داعي برضوا
يجدع الناس .


ودي دايماً بتزكرني باليهود لما يضربوا الفلسطنيين ولما يقولوا الاسلام دين ارهاب
ناسين نفسهم هم الارهابيين وفي الضرب يقتلوا بالميات والالالف عشان خاطر تلاته يهود ماتو
كل ما اسمع المثل ده اتزكر اليهود ديل الله ينصرنا عليهم
.


3/اذا اتتك مزلة من ناقص فهي شهادة لك بانك كامل
او نقول
اذا خاطبهم الجاهلون قالو سلاما .



4/الشايل ليه قربة مقدودة بتخر علي راسه
او نقول المثل المصري
العلي راسهُ بطحه يتحسسها


5/ابعد البيضة من الحجر والمراءة من الرجل

عاد سمعتي ليكي بي راجل كسر ليهو مره الا كان الكسير حق الزمن المعروف ده
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: ما معني الاتي:

مشاركة بواسطة ام صبا »

الاشيتر الناس من كترة حبها ليك ما عارفه
تقول شنو عايزين يعبروا وانت قدرها
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: ما معني الاتي:

مشاركة بواسطة امال الناس »

ياخونا شكراً ليكم علي مروركم الكريم لكن والله العظيم ده مثل سوداني قالته لي حبوبتي وورتني معناه لكن خجلت افسره ليكم يلي فسره ذي ما دايرين وانت يا الاشيتر انا ما لقيت البقطع لسانك الطويل واكيد حا افتش لمن اجده
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: ما معني الاتي:

مشاركة بواسطة احمد يس »

امال الناس كتب:1/نعيب زماننا وما لزماننا عيباً سوانا
2/البيته من قزاز ما يشتر الناس بالحصي
3/اذا اتتك مزلة من ناقص فهي شهادة لك بانك كامل
4/الشايل ليه قربة مقدودة بتخر علي راسه
5/ابعد البيضة من الحجر والمراءة من الرجل



يلـــــــــــــــــــــــــــــــــــــــــــــــــــــــــــــي نشوف الشطار وخاصة الاشيتر
العزيزة امال الناس

طبعا الامثال كلها واضحة شديد الا مثل حبوبتك دا .......... لكين انا عايز اسألك انتى قاصدة تفسير للامثال والا ماخدة على خاطرك ودا كلام بين السطور ...........
بالنسبة لمثل حبوبتك ناس الخبرة جاوبوا ( ام صبا ) مع تحفظها عن نصف التفسير المهم ....... لكين نوعدك بتفسيره فى منتدى الكبار........... لكن برضو البيضة والحجر استخدموا فى امثال اخرى يعنى مثلا احيانا يقولوا الزول دا بيلعب بالبيضة والحجر ده دليل على حرفنته وذكائة على حفظه للبيضه من الكسر فى وجود الحجر .................... تحياتى
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: ما معني الاتي:

مشاركة بواسطة امال الناس »

احمد يس كتب:العزيزة امال الناس

طبعا الامثال كلها واضحة شديد الا مثل حبوبتك دا .......... لكين انا عايز اسألك انتى قاصدة تفسير للامثال والا ماخدة على خاطرك ودا كلام بين السطور ...........
بالنسبة لمثل حبوبتك ناس الخبرة جاوبوا ( ام صبا ) مع تحفظها عن نصف التفسير المهم ....... لكين نوعدك بتفسيره فى منتدى الكبار........... لكن برضو البيضة والحجر استخدموا فى امثال اخرى يعنى مثلا احيانا يقولوا الزول دا بيلعب بالبيضة والحجر ده دليل على حرفنته وذكائة على حفظه للبيضه من الكسر فى وجود الحجر .................... تحياتى
استاذي احمد يس
يدك العافية ابعد البيضة من الحجر اكيد الحجر لو اصتدم بالبيضة حيكسيرها ولا مش كده
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: ما معني الاتي:

مشاركة بواسطة احمد يس »

امال الناس كتب:
استاذي احمد يس
يدك العافية ابعد البيضة من الحجر اكيد الحجر لو اصتدم بالبيضة حيكسيرها ولا مش كده

اكيد طبعا بيكسرها ...... ونحنا يهمنا البيضة تكون سليمة عشان ريحتها ما تطلع ........ تحياتى
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: ما معني الاتي:

مشاركة بواسطة امال الناس »

احمد يس كتب:اكيد طبعا بيكسرها ...... ونحنا يهمنا البيضة تكون سليمة عشان ريحتها ما تطلع ........ تحياتى
يدك العافية وجيت معاي في التايم
كذلك مثلها كمثل وابعد المراة من الرجل
أضف رد جديد

العودة إلى ”منتدى الراكوبة“