ما كان العشم!!!!!

واحة المغتربين...كل ما يتعلق بالمغتربين من اسئلة،استفسارات،،،تعارف،،،،تهانى،،تعازى واخبار

المشرف: بانه

أضف رد جديد
جذاب وما كذاب
مشاركات: 606
اشترك في: الاثنين 2007.2.26 10:29 pm
مكان: india_malaysia

ما كان العشم!!!!!

مشاركة بواسطة جذاب وما كذاب »

[frame="7 80"]قد تستغربوا من عنوان الموضوع بس والله بالجد ما كان العشم

الليليه وزي كل يوم وزي اي طلبه في (انديا) طلعنا عشان نتعشي في مطعم بقدم اكل عربي يعني شاورما وفلافل وحاجات زي دي طبعا المطعم ده اول ما تخشوا تقول نفسك في السوق العربي ودي حاجه بتسر وتفتح النفس بس الادهي والامر والبسد النفس ويخليك تتململ وتكره انديا بما وسعت السودانيين
اي والله السودانيين
اول حاجه مافي زول بخسر نفسوا عشان يسلم علي التاني كانو لا انت سوداني ولا من طينه واحده ولا شاربين من بحر واحد
المفروض انو السلام ده ابسط حاجه واكبر قيمتا بالذات عندنا نحنا السودانين ..
وتقعد عشان ننطفح الواحد يعاين ليك من فوق لي تحت كانو انت قاعد تاكل في لحمو
وكان انت بادرت بالطيب وسلمته عليهو يا ويلك كانو ارتكبت جريمه وتندم علي انو سلمته عليهو لانو برضو حايحدر ليك حدره تنسيك اسمك طبعا هو باباقي الدم العندو حيقوليك (اهلا) بكل عجرفه وبرود دم
والله ما عارف دي الغربه السوت في الناس كده ولا الكعب كعب من بيتهم ؟؟؟؟؟؟؟؟
[/frame]
صورة العضو الرمزية
ماذن
مشاركات: 13
اشترك في: الأربعاء 2007.4.4 1:00 pm
مكان: الهند

رد: ما كان العشم!!!!!

مشاركة بواسطة ماذن »

[frame="2 80"]والله يا جذاب كلامك صاح مية المية
انت عارف يا جذاب اول ما جيت البلد دي كنت بفرح من جوه قلبي
لمن اشوف سوداني لكن الغربة بتغير الناس بالجد وبتعلم الجفا
وعندك مثلا شباب تولوشوكي شباب حلويين ما زي شباب مهدي بيتنام
لكن برضو في الناس الكويسين والكويس من بيتهم لا غربة بتغيروش لا حاجة
لكن بالجد حاجة تالم
والله يكون في عون الجميع
[/frame]
صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: ما كان العشم!!!!!

مشاركة بواسطة عمران عوض »

الاخ جذاب
اكيد الغربه مساويها اكتر من محاسنها
وفيها كميه من التضحيات بس انت بتضحي
من اجل الانت جيت عشانه اذا كان دراسه
او عمل في النهايه انت مجبور علي الانت
فيه بس عليك بالصبر والاحتساب عشان
تقضي مدتك بامان وبالجد في سودانين
الغربه بتغيرهم كتير جدا بس والله
نحنا هنا في السعوديه وبحكم انوها بلد
عربي السودانين مترابطين وحلوين جدا
مع بعض بس طبعا اكيد في ناس نفوسهم
ما طيبه وفي ذي الانت بتقول عنهم ديل
بس فئه بسيطه وربنا يصبركم علي الانتوا
فيه وربنا يرد غربتنا جميعا الي بلدنا
الحبيب
ودمت اخي جذاب
صورة العضو الرمزية
sarona
مشاركات: 1776
اشترك في: الخميس 2007.2.15 1:14 pm
مكان: المملكة العربية السعودية

رد: ما كان العشم!!!!!

مشاركة بواسطة sarona »

العزيز جذاب...
موقف مشابه حدث مع صديقتي المقيمة
بأمريكا عندما حضر لمقر العمل عندها سوداني ...
ففرحت جدا وبادرت بالسلام ...
فرد عليها بجفاء شديد (هي في ولاية المسلمين فيها اقلية )

...
عموما الانسان الاصيل بظهر في المواقف الزي دي
وأصابع اليد ما واحدة...
وما ح أقول غير...المشكلة ما في الغربة
....نعيب زماننا والعيب فينا .....

تقبل مروري وعذرا للاطالة
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: ما كان العشم!!!!!

مشاركة بواسطة ودالدرديري »

يا جذاب كيفك ياحنين
الكعب دا لو كوركت وسط السوق وقلت ياااالكعب حيقول ليك هووووي




خليها على الله بس......


احزن عليك؟؟ لا.. ومستحيل أزرف دموعي على الوهم
بدلت توبك توب جديد والله ماكان العشم




بالله عليك اكتبها في ورقة صغيرة و أي واحد يعمل كدا اصرف ليهو واحدة
جذاب وما كذاب
مشاركات: 606
اشترك في: الاثنين 2007.2.26 10:29 pm
مكان: india_malaysia

رد: ما كان العشم!!!!!

مشاركة بواسطة جذاب وما كذاب »

[frame="7 80"]اخي عمران تسلم علي المرور الاخاذ
والله الواحد لو ما قاعد يطري الهم بالفرح وينسي الناسيو كان الواحد جنه بس زي ما قلته احسن الزول
يركز في الهو جاي عشانو


ويا ود الدرديري واللله افصحت ابلغت واختصرت الكلامم كلو تسلم يا راقي

وزي ما قاتي يا سارونا الاصيل بظهر في المواقف الزي دي
[/frame]
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: ما كان العشم!!!!!

مشاركة بواسطة استارو »

اخى العزيز
جذاب بالجد نحن المغتربيين بنمر بظروف
تخلى الواحد مايشوف القدامو
اكيد الناس مازي بعض
وربنا يكون فى عون الجميع
السودانيين بطبيعت حالآ حنينين بس
جف الغربة حار
اديك الف عافية
وفى انتظار جديدك
تقبل تحياتى ومرورى
اخوك
استارو
صورة العضو الرمزية
معتز
مشاركات: 1635
اشترك في: الأحد 2007.3.25 11:08 am
مكان: ليبيا
اتصال:

رد: ما كان العشم!!!!!

مشاركة بواسطة معتز »

الاخ جذاب والله فعلا ديل ناس ما عندهم دم خليك من كونه الواحد سوادنى بس حتى فى الاسلام السلام سنة الاسلام وبس انا مابضن انه الغربة هى السبب بل العكس الواحد فى الغربة مايصدق يشوف سودانى زيه وانا بعتقد انه الواحد من بيتهم جاى كدا
جذاب وما كذاب
مشاركات: 606
اشترك في: الاثنين 2007.2.26 10:29 pm
مكان: india_malaysia

رد: ما كان العشم!!!!!

مشاركة بواسطة جذاب وما كذاب »

[frame="7 80"]شكرا لمرورك

والله يدي الصبر
[/frame]
صورة العضو الرمزية
سودانى معذب
مشاركات: 110
اشترك في: الأحد 2007.3.18 7:53 pm
مكان: السعودية - جدة

رد: ما كان العشم!!!!!

مشاركة بواسطة سودانى معذب »

جذاب خليك أحسن منهم وبادر دائما بالسلام وانتا ذكرتا الموضوع ده ودى دلالة على معدنك الاصيل وخليك ســـــــــــــــــــــــــــــــــــودانى
جذاب وما كذاب
مشاركات: 606
اشترك في: الاثنين 2007.2.26 10:29 pm
مكان: india_malaysia

رد: ما كان العشم!!!!!

مشاركة بواسطة جذاب وما كذاب »

[frame="7 80"]
سودانى معذب كتب:جذاب خليك أحسن منهم وبادر دائما بالسلام وانتا ذكرتا الموضوع ده ودى دلالة على معدنك الاصيل وخليك ســـــــــــــــــــــــــــــــــــودانى


تسلم عزيزي سوادني
انا سوداني حتي النخاع
اتنفس نسيم النيل العليل
اعيش لكي يكون لي الشرف في نهضه هذا الوطن ورفعته
كل نبضه من قلبي تنبض بحب الوطن
[/frame]
صورة العضو الرمزية
احسان
مشاركات: 9771
اشترك في: الأربعاء 2007.3.7 1:01 pm
مكان: السودان/الفاشر

رد: ما كان العشم!!!!!

مشاركة بواسطة احسان »

جذاب وما كذاب كتب:[frame="7 80"]قد تستغربوا من عنوان الموضوع بس والله بالجد ما كان العشم

الليليه وزي كل يوم وزي اي طلبه في (انديا) طلعنا عشان نتعشي في مطعم بقدم اكل عربي يعني شاورما وفلافل وحاجات زي دي طبعا المطعم ده اول ما تخشوا تقول نفسك في السوق العربي ودي حاجه بتسر وتفتح النفس بس الادهي والامر والبسد النفس ويخليك تتململ وتكره انديا بما وسعت السودانيين
اي والله السودانيين
اول حاجه مافي زول بخسر نفسوا عشان يسلم علي التاني كانو لا انت سوداني ولا من طينه واحده ولا شاربين من بحر واحد
المفروض انو السلام ده ابسط حاجه واكبر قيمتا بالذات عندنا نحنا السودانين ..
وتقعد عشان ننطفح الواحد يعاين ليك من فوق لي تحت كانو انت قاعد تاكل في لحمو
وكان انت بادرت بالطيب وسلمته عليهو يا ويلك كانو ارتكبت جريمه وتندم علي انو سلمته عليهو لانو برضو حايحدر ليك حدره تنسيك اسمك طبعا هو باباقي الدم العندو حيقوليك (اهلا) بكل عجرفه وبرود دم
والله ما عارف دي الغربه السوت في الناس كده ولا الكعب كعب من بيتهم ؟؟؟؟؟؟؟؟
[/frame]

والله معاك الحق تزعل يا جذاب
بس ما مشكلة الملائكة ردة عليك
انت عايز شنو احسن من كدى
بس بقول ليك الكعب كعب من بيتهم
يعنى انت مثلا لو جا زول وقال ليك السلام عليكم
اكيد حترد عليهو صح
معناها انت ما كعب فعلى كيفهم
وخليك زى ما انت وسلم دايما
لمن تلقى الانسان البرد عليك السلام كويس
wd halfa
مشاركات: 14
اشترك في: الاثنين 2007.4.16 1:20 pm

رد: ما كان العشم!!!!!

مشاركة بواسطة wd halfa »

بسم الله الرحمن الرحيم
السلام عليكم ورحمة الله وبركاته
أصلوا هكذا حال الغربة حتي ناسها أيضآ غريبة بس الصبر يافردة مع إحترامي الشديد بالزات ناس المقيمين في السعودية....أكرر الآسف لانو الحقيقة مرة أنا مشيت مرتين الواحد في بيت اللة ماداير يسلم عليك أين سوف يسلم عليك كدي وروني,,,,,,,,,,,,,,,,اللة يهدي ويرجعنا لوطننا سالمين غانمين,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
الأستوبر
مشاركات: 8
اشترك في: السبت 2007.4.21 3:59 pm

رد: ما كان العشم!!!!!

مشاركة بواسطة الأستوبر »

أخونا جذاب .... تحياتي

والله حالتي دي أنا كنت حردان لكن لما قريت موضوعك قلت أداخلك بغرض إزالة بعض الغم عنك

شوف ياخوي .... تقول ليهم القالو لينا بابكر !!!؟؟؟
وبابكر هذا واحد زميلنا في الثانوي العام كان يمنطقنا في أي غلاط بأن يقول لنا قال الله سبحانه وتعالى كذا وقال رسول الله صلى الله عليه وسلم هكذا ونحن شفع ما ناقشين حاجة وما عندنا بعد كلام الله والرسول أي نقاش
ذات صباح وبينما نحن في انتظار بص الطلبة رأينا بابكر جاي وكنا مطلعين تلك الأيام حكاية (الشرة) بمعنى نتفق ما نرد السلام لشخص قادم يعقب ذلك صمت أشبه بوقفة اللعيبة دقيقة حدادا على المرحوم وبعض ذلك ننفجر في الضحك شقاوة عيال وكدا
المهم اتفقنا على بابكر وهو من النوع الذي يسلم بصوت جهوري مثل الساوند سيستم وفعلاً تم المرسوم كما يجب ولكن كانت المفاجأة عندما بدأنا الضحك حيث عالجنا بابكر بقوله:
يعني شنو بالله؟ قال رسول الله صلى الله عليه وسلم : أحرموني ولاتحرموني سنة الإسلام السلام
طبعاً ضحكنا على هذا الموقف ولازلنا نضحك عليه كلما نتذكره وقلنا له معليش دي قالها ود الرضي أتاريك من زمان بتألف لينا من حقيبة الفن ؟؟؟
ضربة حرة مباشرة:
القصة دي بتاعتي أنا وأنا أهديتا لجذاب أوع تكونوا قريتوها وكان قريتوها إن شاء الله ماتنفعكم
ياجذاب أحجز لي في أول سفرية بلدكم دي تذبل الكبد
جذاب وما كذاب
مشاركات: 606
اشترك في: الاثنين 2007.2.26 10:29 pm
مكان: india_malaysia

رد: ما كان العشم!!!!!

مشاركة بواسطة جذاب وما كذاب »

[frame="7 80"]ههههههههههههههههههههههههه
الله يجازي محنك يا الاستوبر
والله قرقرته عديل كده ما ضحكت بس
ياخي دي تهري الفشفاش
تسلم يا استوبر مرور نموذجي
وبديك ضربتين جزاء معاهم تلاته نفاط
اقوليك اديناك الكاس زاتو يلا افرح


مشــــــــــــــــــــــــــــــــــــــــــكور
[/frame]
كيمو
مشاركات: 623
اشترك في: الأحد 2007.4.22 10:09 am
مكان: الســــــــودان

رد: ما كان العشم!!!!!

مشاركة بواسطة كيمو »

والله يا جزاب كلامك في محلو

بس اقول ليك دي الغربه يا مان

لكن نقول شنو عايتو ما في احسن من دي

(حسبنا اللـــــــــــــه ونم الوكيــــــــــــــــــل)

السودانين الهنا طبعهم اتخرب وباظو عديل كده

تسلم يا رائع ومشكوووووووووووووووووور
صورة العضو الرمزية
سالى
مشاركات: 915
اشترك في: الأحد 2007.6.3 6:29 pm
مكان: الا مارات

رد: ما كان العشم!!!!!

مشاركة بواسطة سالى »

يل خوى خليك منهم العايز يرود اهلين عمو والمعايز شكرن عمو و
العلى سويتو صح ؟
أضف رد جديد

العودة إلى ”ملتقى المغتربين بالخارج“