انتو جنسكم شنو ؟؟؟؟؟؟

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

انتو جنسكم شنو ؟؟؟؟؟؟

مشاركة بواسطة استارو »

بسم الله الرحمن الرحيم

اكتر حاجة بتغيظ انو الواحد يسالك انت جنسك شنو؟ حاكون شنو يعنى ماسودانى 0
لاكين المحزن انو السؤال دا بقى اساسى في اى حته تمشى الزول يسالك انت من وين ؟ بقصد القبيلة طبعآ ،ااااخ من السؤال دا، بحرق فى القلب جوه والناس بقت همها الاساسى انت من وين؟طيب الناس من وين اساسآ ؟ فى ناس تقول ليك الشايقية مثلآ نحنا ما بنحبهم يعنى كيف ما بتحبوهم المناسبة شنو ؟ موش مواطن زيو زيك ؟ طيب انت بتتفوق عليهو بشنو ؟ ميزتك الاساسية الخلتك تتعالى على جنس ضد التانى ؟ ونفس الزول البقول ليك مابحب الشايقية تلقاهو يبكى مع غنا النعام ادم ولا بلص ؟ ولا جعفر السقيد؟؟؟ عجايب طيب ماديل بغنو شعر شايقى مكتوب فى منطقة الشايقية وغزل شايقى ، طيب العيب شنو لمن تسمع اغنية شايقية وتطرب ليها؟ مثلآ يعنى الفنان الغنى الغنية والشاعر الكتب الاغنية مايهن الانت بتقول عنهمن كعبين ديل ، حقيقى فصام غريب ولا واحد يقول ليك مابحب الناس المن الغرب ، ولا من الجنوب، وحتى فى الغرب فى خيار وفقوس بشرى ، وفى الشرق نفس المشكلة ، وفى الجنوب نفس الامر ، طيب (حضرتكم بتحبو من يعنى؟) موش كلنا اولاد تسعة ؟مش حملتنا امهاتنا وولودونا اكان فى المستشفى ولا فى البيت ؟وصرخنا صرخت الحياة الاولى ؟ المشكلة وين؟ المشكلة فينا من اقصى نقطة فى الجنوب لاقصى نقطة فى الشمال ، مابنحب بعض ليه ؟ البعض بقول ليك **((لافرق بين عربي وعجمي الا بالتقوة ))** (( والناس سواسية كاسنان المشط))** طيب ماانت عارف مشكلتك شنو ؟ لايه بتفتش على نواقص الناس ؟ ؟ اياك انت تقول خلوق كامل الكمال لله قالوا فى ارباء الناس بفرقوا بيناتنا باللون ، هنا ماعندنا ؟ اكان اللون ولا العرق ولا الانتماء القبلى ، خسارة انو الزول نحاكموا بلونو ولا قبيلتو ولا الجهة الجغرافية0
وفى نوع تانى يقول ليك ديل ماناس ، لانهم من الجهة الفلانية ، يعنى قرود؟؟؟ ولا يقول ليك انحنا ناس امدرمان ، ولا ناس الخرطوم محل الطيار بتقوم والرئيس بنوم ، نحنا بحرى ، طيب مالو، ماتكون اى جهة بس خلينا نتلاقا فى الانسانية ، يقول ليك الانسانية دى محطة فى امبدة ، دى مامحطة بس خيمة كبيرة نقعد تحت منها بتتسع كل الناس ، دا جعلى ودا دنقلاوى ودا دينكاوى ودا برناوى 000 الى الاخر يعنى انحنا من الغرون الفاتت ولقاية الان بنتعامل بنفس التعامل ؟ حقيقى شى مؤسف !!!!!!
((اتوصل الى انسانية الانسان ماباللون بقدر ما بالانسانية فى التعاطى مع الحياة))
الدايريز نوصل ليهو حقو نتعامل مع الانسان فى عملو بمقدرتو على الانتاج ودعم حركة الحياة ، مش باللون او القبيلة البنتمى ليها ونقول للدنيا
*** انـــــــــــــــــــــــــــــــــــــــــــا سودانى ***
جذاب وما كذاب
مشاركات: 606
اشترك في: الاثنين 2007.2.26 10:29 pm
مكان: india_malaysia

رد: انتو جنسكم شنو ؟؟؟؟؟؟

مشاركة بواسطة جذاب وما كذاب »

[frame="7 80"]الله يا عزيزي استارو

طرح جميل جدا
فعلا الكلام ده بقي زي البطاقه الشخصيه يعني اني وير اني تايم اني زول بسالك السوال ده

ومعا نحو رفع شعار
(انا ســــــــــــــــــــــــــــــــــــــــــــــــــــــــــــــــــــــــــــــوداني )
وبس
[/frame]
صورة العضو الرمزية
alex muaaz
مشاركات: 156
اشترك في: الخميس 2007.1.11 8:32 pm
مكان: السودان

رد: انتو جنسكم شنو ؟؟؟؟؟؟

مشاركة بواسطة alex muaaz »

أنا بتنفق معاك استارو في النقطة دي
بالنسبة لي ما قاعد أشتغل بيها كتير لأني أصلا ما بعرف كل القبائل وماعندي معاها أي شغلة
ولازم الناس تبطل العادة السيئة دي
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: انتو جنسكم شنو ؟؟؟؟؟؟

مشاركة بواسطة استارو »

حقيقى الواحد
سعيد بمشاركاتكم وتفاعلكم
مع الموضوع كلنا سودانيين
والاغلبية العظمة مننا مسلمين
يعنى حتى المسيحين عندنا جزء بسيط
اذا لماذا التفرقة العنصرية
حتى فى سوالنا من بعض
اخوانى المبدعين فى سما انا سودانى
1/جذاب وما كذاب
2/alex muaaz
3/والذين دخلو متصفحى ولم يردو
لكم منى جزيل الشكر على مروركم
انارت كلماتكم متصفحى واتمنا دائمآ مروركى
تقبلو تحياتى
صورة العضو الرمزية
هتان
مشاركات: 551
اشترك في: الخميس 2006.11.2 12:59 pm
مكان: التراب الغالي الما ليهو تمن
اتصال:

رد: انتو جنسكم شنو ؟؟؟؟؟؟

مشاركة بواسطة هتان »

اخي العزيز استارو
حقيقه الموضوع ده موضوع مهم
حس القوميه الوطنيه و الانتماء الي هذا الوطن تلاشت اصبح الكل ينادي و يتفاخر بقبيلته
لماذا و ليه ؟
هسي المصري ما برضي في مصر دي اي حاجه و لو بالهظار
بينما نحنا السودانين ما شغالين بالسودان ده كتير
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: انتو جنسكم شنو ؟؟؟؟؟؟

مشاركة بواسطة استارو »

اخى العزيز هتان لكى منى اسمى ايات التجلى والتقدير
لمرورك طعمآ خاص تسلم ايدك
تحياتى لك
صورة العضو الرمزية
تونقا 2
مشاركات: 32
اشترك في: الأحد 2007.4.8 9:51 pm
مكان: السعوديه / الرياض

رد: انتو جنسكم شنو ؟؟؟؟؟؟

مشاركة بواسطة تونقا 2 »

مشكور يا استارو موضوعك جميل
ومن خلا عادتو قلت سعادتو
طيب يا اخوي تعال النسعلك انت مش من ناس بحر ابيض
هامس
مشاركات: 1098
اشترك في: السبت 2007.3.31 6:20 pm
مكان: أبو ظبى

رد: انتو جنسكم شنو ؟؟؟؟؟؟

مشاركة بواسطة هامس »

اخى استارو موضوعك جميل تشكر عليه-- واخى الصغير هتان نحن ما شغالين بالسودان. لا والله نحن روحنا ودمنا فى (عزة) ولكن الحاصل فى السودان ان كان من الشعب او المسئولين ملخبط موازينا كلها شوف الغلاء الحاصل- المعيشة الصعبه- الحس الوطنى المفقود- الابتعاد عن القيم الجميلة- الانغماس فى المحرمات- قطع الارحام -الانانيةو حب الذات---- دى اشياء تهد الجبل يا رجل
زوز
مشاركات: 26
اشترك في: السبت 2007.4.7 1:03 pm
مكان: قطر

رد: انتو جنسكم شنو ؟؟؟؟؟؟

مشاركة بواسطة زوز »

الاخ استارو ....
لك التحية وانت تنكأ جراحات غائرة في هذا الجسد السوداني العزيز .....
لكن لابد ان تنكأ هذه الجراحات ..حتى ينظف الجرح ويسهل اندماله وشفاؤه .....
عندنا في السودان خطوط حمراء حتى وقت قريب كان لايستطاع تجاوزها ....لاعتبارات كتيرة امكن دا مش مجال مناقشتها ..لكن وعلى العموم ..... المسائل بتاعة القبيلة وما ادراك ما القبيلة دي الملاحظ انها كترت في الفترة الاخيرة دي اكتر من اي وقت مضى ...... وحقيقة السبب شنو ما معروف ... زمان مسالة السوال عن القبيلة دي كانت محصورة في مسائل الزواج والنسب والحاجات دي(والبعض يجد مبررا لهذا السؤال في مسائل الزواج ) ... لكن هسع بقت سؤال اساسي في الجامعة والعمل والمناسبات الاجتماعية والسفر وغيره ودي اماكن لا تجدي فيها اجابة السؤال دا... المهم ربنا يكفينا شر التفرقة والتعصب للقبيلة
واللي نقدر نقولوا : ارفع رأسك انت سوداني .............وكفى
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: انتو جنسكم شنو ؟؟؟؟؟؟

مشاركة بواسطة استارو »

تونقا 2 كتب:مشكور يا استارو موضوعك جميل
ومن خلا عادتو قلت سعادتو
طيب يا اخوي تعال النسعلك انت مش من ناس بحر ابيض


iiiiiiiiiiiiiiiiiiiiiiiiiiiiiiiiiiiiiiiii
؟؟؟؟؟؟؟؟؟؟؟؟؟؟
هههههههههههههههههههه
هههههههههههههههههههه
تسلم يامان والله حكايتك حكاية شنو ياقبور
على العموم تسلم
اخى ودفعتى وحبيبى تونقا2
انارت كلماتك متصفحى
ماتنقطع
تحياتى
صورة العضو الرمزية
معتز
مشاركات: 1635
اشترك في: الأحد 2007.3.25 11:08 am
مكان: ليبيا
اتصال:

رد: انتو جنسكم شنو ؟؟؟؟؟؟

مشاركة بواسطة معتز »

والله عندك الحق يا اخ استارو يكفى انه انا سودانى دى براها كافية لعرض هويتى والباقى كله مافى ليه داعى
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: انتو جنسكم شنو ؟؟؟؟؟؟

مشاركة بواسطة استارو »

هامس كتب:اخى استارو موضوعك جميل تشكر عليه-- واخى الصغير هتان نحن ما شغالين بالسودان. لا والله نحن روحنا ودمنا فى (عزة) ولكن الحاصل فى السودان ان كان من الشعب او المسئولين ملخبط موازينا كلها شوف الغلاء الحاصل- المعيشة الصعبه- الحس الوطنى المفقود- الابتعاد عن القيم الجميلة- الانغماس فى المحرمات- قطع الارحام -الانانيةو حب الذات---- دى اشياء تهد الجبل يا رجل


كل السعاد بهذا الهمس الذى اثلج صدرى
لك الف تحية تفعلك بمتصفحى افرحنى
اخى هامس
ربنا يكون فى العون نتمنا ان يزول
الكلام دا
وتسلم اخى على هذا التفاعل
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: انتو جنسكم شنو ؟؟؟؟؟؟

مشاركة بواسطة استارو »

زوز كتب:الاخ استارو ....
لك التحية وانت تنكأ جراحات غائرة في هذا الجسد السوداني العزيز .....
لكن لابد ان تنكأ هذه الجراحات ..حتى ينظف الجرح ويسهل اندماله وشفاؤه .....
عندنا في السودان خطوط حمراء حتى وقت قريب كان لايستطاع تجاوزها ....لاعتبارات كتيرة امكن دا مش مجال مناقشتها ..لكن وعلى العموم ..... المسائل بتاعة القبيلة وما ادراك ما القبيلة دي الملاحظ انها كترت في الفترة الاخيرة دي اكتر من اي وقت مضى ...... وحقيقة السبب شنو ما معروف ... زمان مسالة السوال عن القبيلة دي كانت محصورة في مسائل الزواج والنسب والحاجات دي(والبعض يجد مبررا لهذا السؤال في مسائل الزواج ) ... لكن هسع بقت سؤال اساسي في الجامعة والعمل والمناسبات الاجتماعية والسفر وغيره ودي اماكن لا تجدي فيها اجابة السؤال دا... المهم ربنا يكفينا شر التفرقة والتعصب للقبيلة
واللي نقدر نقولوا : ارفع رأسك انت سوداني .............وكفى


صاحب الاحساس المرهف
والكلمات الرائعة
ايامن زرعj الورود بمرورك
اخى المتالق
زوز
انت دائماً عندي تميز يستديم نقاء
عندك ترقص الآمال تنبض روعة اللقياء
تشرق كل ايامي جمال محبة وصفاء
وتملأ فرحتي الطرقات والآفاق والارجاء
سلمت يمينك
سعد بمرورك بمتصفح
لاتحرمنا من هذه الطلة
لاعدمناك
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: انتو جنسكم شنو ؟؟؟؟؟؟

مشاركة بواسطة استارو »

معتز كتب:والله عندك الحق يا اخ استارو يكفى انه انا سودانى دى براها كافية لعرض هويتى والباقى كله مافى ليه داعى


المبدع المتالق
معتز
انارت تلك الكلمات متصفحى
لمرورك صدى طيب اكيد انت سودانى
ارفع راسك عاليآ واعتز بسودانيتك
سلمت يمينك اخى
ولاتحرمنى من مرورك
الذى اسعدنى
زوز
مشاركات: 26
اشترك في: السبت 2007.4.7 1:03 pm
مكان: قطر

رد: انتو جنسكم شنو ؟؟؟؟؟؟

مشاركة بواسطة زوز »

عزيزي استارو ...
همسة : ارجو ان تفتح بوست الترحيب الخاص بي( زوز) وعنوانه ( صفقوا ليا صفقة قوية ) خصوصا التوضيح اللي كتبناه لكل الاعضاء بشأني انا ..المهم هناك توضيح ارجو قراءته ولمزيد من الايضاح ارجو الرجوع لبوست اي عضو يدخل يورينا مجال عمله .. واستسمحك ايضا ان تقرأ مشاركة زوز
لك حبي وتقديري يا راقي ونلتقي بعد قراءة المكتوب فوق دا بس ما تغير رأيك فيني ......اتفقنا؟؟؟
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: انتو جنسكم شنو ؟؟؟؟؟؟

مشاركة بواسطة ودالدرديري »

استارو ياانسان ياجميل
احييك لحدما تتضايق زاتو
ياخي نحن تعبانين من الحاجة دي جدا ومنجضننا نجاض عديل كدا
وفعلا ارفع راسك ويكفي انك سوداني ومامهم من وين المهم من السودان وبس :Sudan:
وانا غايتو بعتبر سودانيتي جواز سفر لأي جنسية تانية :Sudan:
والماعاجبو يشرب من اقرب ترعة جمبو
انا سودااانييييييييي وبس :Sudan:



يديك العافية
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: انتو جنسكم شنو ؟؟؟؟؟؟

مشاركة بواسطة استارو »

ودالدرديري كتب:استارو ياانسان ياجميل
احييك لحدما تتضايق زاتو
ياخي نحن تعبانين من الحاجة دي جدا ومنجضننا نجاض عديل كدا
وفعلا ارفع راسك ويكفي انك سوداني ومامهم من وين المهم من السودان وبس :Sudan:
وانا غايتو بعتبر سودانيتي جواز سفر لأي جنسية تانية :Sudan:
والماعاجبو يشرب من اقرب ترعة جمبو
انا سودااانييييييييي وبس :Sudan:


**((شايف فى جماعة بشربو من الترعة ماعارف الحاصل شنو))**
يديك العافية
ود الدرديرى
ياصديقى يارائع
والله الواحد نفسو يصلح اشياء كثير خطا فينا نحن السودانيين ولاكن
ماباليد حيلة
اخى اسعدنى مرورك واتمنا تواجدك الدائم
عند متصفحى ولك منى الف تحية
صورة العضو الرمزية
ibn batoota
مشاركات: 1429
اشترك في: الاثنين 2007.2.5 1:02 am
مكان: on sea

رد: انتو جنسكم شنو ؟؟؟؟؟؟

مشاركة بواسطة ibn batoota »

الرائع إستارو

صراحة أنا عن نفسي قعد أسال موش من الجنس أو القبيلة لكن من المنطقة ودايما سؤالي ده بكون شأن أقوي المعرفة بينا ماأكتر...


ومؤمن تماما بي كلام الشاعر
يكفي النيل أبونا والجنس سوداني



بغادي كده
إنت جنسك شنو؟
:040:
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: انتو جنسكم شنو ؟؟؟؟؟؟

مشاركة بواسطة حافظ عوض الله محمد »

إستارو معا نحاول تأكيد الهوية السودانية .
ليكن التنوع القبلى اداة قوة وليس ضعف .
ولكن اخشى على بلدى من دعاة القبلية وهم يروجون لها .
هى موجودة فى السودان من المهدية
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: انتو جنسكم شنو ؟؟؟؟؟؟

مشاركة بواسطة استارو »

ibn batoota كتب:[color=#
0000FF]الرائع إستارو

صراحة أنا عن نفسي قعد أسال موش من الجنس أو القبيلة لكن من المنطقة ودايما سؤالي ده بكون شأن أقوي المعرفة بينا ماأكتر...[/color]

ومؤمن تماما بي كلام الشاعر
يكفي النيل أبونا والجنس سوداني



بغادي كده
إنت جنسك شنو؟
:040:
المتالق فى وجدانا

ابن بطوطا

ما أرق هذا التواجد

وما اروعها من كلمات

اشكر لك تواجدك الرقيق

لك مني اجمل زهرة

دمت بكل الود

بينى وبينك
انا س ا
ههههههه
هههههه[/align]
أضف رد جديد

العودة إلى ”حوارات جادة“