الحب زمان

المشرف: بانه

أضف رد جديد
صورة العضو الرمزية
القلب الملك
مشاركات: 9797
اشترك في: الجمعة 2009.7.31 1:40 am
مكان: بعد سن الأربعين ،،،

الحب زمان

مشاركة بواسطة القلب الملك »



آه ه ه ،،، قول يا زمان يرجع يا زمان ،،،

تعالوا يا جيل الديجتال ،، والبلوتوث ،، والأس أم أس ، والنت ،، أكلمكم على الحب في زمننا ،،،

كان الواحد لما يحب واحدة ،،، كان جارة واللا قريبة ،، واللا معرفة ،،،

كان جارة ،،، كان العصريات اطلع الكرسي جنب البيت ،،، وانتظر الطلة ،،،، وكان لازم يكون صبور ،،، كان في متعة في القنص ،،،خاصة لما البت تعرف إنو القعدة دي عشانا ،،،

ولو كانت قريبة ،،، أهو دا البرنامج بتاع المسلسلات ،، الواحد كان يعملها حجة يحضر المسلسل مع جماعة لأنو متعة المشاهدة الجماعية أحلى ،،، والناس في وادي وإنتو يالجوز في وادي تاني،،، كان قعدت بعيد منك ،، أها كل شوية ترمقها بي نظرة وهي غافلة لحدي ما تحس بيك ،، تقوم تديك واحدة زيها ،، ويا ويلك لو جات معاها ابتسامة خفيفة ،،،

ولو كانت معرفة ،، الناس كلها تعرفك يوم المسوح والعطر الكبيتو لتر ،، والمشي بالراحة من الغبار لحدي ما تصل الدار ،، وهاك يا شاي المغربية ،،،
والبوستة عارفنا شنو ؟؟؟ أكيد المخدة ،،،، تخت الرسالة وتشيل الرد ،،،وخليك حريف وخفيف عودم إنك تخت المخدة في كرعيك ،،،

كان الرسائل ليها طعم ،،،إعداد وتحرير ،،، وإخراج ،،، ومراقبين خبراء،،،

وكان طريق المدرسة ،،، حجة كبرى في البدايات ،،، من عمود كهرباء ،،، لي تحت شجرة ،، وقيسو علي كدا،،،

ويا سلام لو كانت في مناسبة ،،، أكيد هي بتكون يا بتعمل في الشاي واللا مع ناس التحلية ،،، وإنت يا حبيبي صبارة الشاي تشيلها تكشحا في الضيوف وتجي تملا ،،،
والتحلية دي طبعا ما بسوها إلا الناس الحلوين،، وهاك يالنظرات ،، وهاك يا أمل ،،، وهاك يا عتاب ،،،

لكن هسي يا أولادي وبناتي جيل الديجتال ،، والبلوتوث ،،، والأس أم أس ،، والنت ،،، ما عندكم معاناة في الوصول للهدف ،،، كلو بكبسة زر،،،

متعة القنص غايبة في عالمكم ،،، أكيد إنتو مستمتعين بي حياتكم دي لأنكم ما شفتو حياتنا ،، وما عديتو الأيام ،،، ولا انتظرتوا الفرص ،،،

كان نفسي آمال الناس تتجاوب مع المذكرات وتقول لينا كيف كان الحب في زمنم....زمن البطان ،، الواحد ما كان بقدر يرقص مع واحدة أو يشيل الشبال إلا بعد يضرب بالكرباج ...في زمنكم الرقيص ساهل مع البنت ،،، دا لو ما الناس قعدت ركبة ركبة ،،،

حبكم ساااااهل ،،،، يا حليل زمان ،، ويا حليل ...... كدي النجيب العود أعزف ليكم أيام صفانا،،، :040:
صورة العضو الرمزية
بسمة الحياة
مشاركات: 2006
اشترك في: الخميس 2009.3.26 10:15 pm
مكان: K.$.A
اتصال:

رد: الحب زمان

مشاركة بواسطة بسمة الحياة »

لكن يا القلب الملك
عيشتنا في جو تاني

يا ريت كمان لو يجو الباقين يحكو لينا عن زمنكم شوية
صورة العضو الرمزية
نهـاد
مشاركات: 5023
اشترك في: الثلاثاء 2009.6.9 11:11 pm
مكان: في المجهول

رد: الحب زمان

مشاركة بواسطة نهـاد »

زمنكم اسمو الزمن الجميل وطعم الحب اكيد ما زي أسي

لكن حب بطرق رهيبة :D تصدق عجبتني الحكاية مجازفات ومخاطرة تخت الرسالة في المخدة

أسي كان جا أخو البت من هناك شال المخدة دي ما حققك راح banana.gif banana.gif


تحياتـــــــــي
صورة العضو الرمزية
ابو رتاج
مشاركات: 22
اشترك في: السبت 2009.8.22 10:47 pm
مكان: الخرطوم

رد: الحب زمان

مشاركة بواسطة ابو رتاج »

متعتنا الله دييك العافية وياريت كنا عشنا في الزمن الجميل دا لانو الحب في زمننا بقي مزيف

61.gif 61.gif 61.gif
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: الحب زمان

مشاركة بواسطة ابن عوف »

يا سلام على زمنكم كان جميل

اتاريك يا عمو ما مخلى ليك عامود ما مشخبط عليه ولا جدار سمح


قلت لى تكتل فى عيوناتك وتوزع البسمات ( وراء البسمات كتمت دموع بكيت من غير تحس بي ) زمان تتمنو الملاريا عشان تجى تقوليك سلامتك وشايلة ليك شريط ودالامين ماقالو متالم شوية ياخى بعد الشر عليك الرسايل تشرك بيها فى درب المدرسة وقت الفطور ونهاية الحصص كنت بتكتب شنوعلى شنطة المدرسة حرف (س ) انا ما بنسى اشيل طبشيرة واكتب س
بس زمنكم جميل يا عمو تعال كب باقى زمنكم


مرفق ودى
وجهة نظر
مشاركات: 260
اشترك في: الثلاثاء 2009.8.11 4:27 am
مكان: الدوحة - قطر

رد: الحب زمان

مشاركة بواسطة وجهة نظر »

والله شكلك كده كنت خبير في القنص وبكل الوسائل
وبيني وبينك الحب لو الواحد وصل ليه بسهوله ما بيكون ليه طعم..الذ شي الواحد يتعذب ويتعذب ويتعذب عشان يصل لحبيبتو ويقنعا.. والعذاب ده هو احلى شي لانو بتحس انك انجزت..مافي جنه بدون نار
وكمان لو الواحد اتعذب في الوصول للبنت صدقني ما حيفرط فيها بسهوله..عشان كده اي علاقه تبدى سريع بتنتهي سريع

لكن هسه وين الواحد يلقى بنت تقيله كده او صعب يلاقيها؟؟ البنات كلهم قاعدات على الهبشه خاصة في السودان :D
البنت ممكن الواحد يلاقيها في النت او الجامعة او المواصلات الليله ...
يضرب ليها تاني يوم..
يلاقيها ثالث يوم يعزمها في كافتيريا ظريفه ويصارحها بحبه لكن ما حتوافقك ليه طوالي<< حتقوليه افكر نظام تقيلة :D
رابع يوم تجيه الموافقه وانتهى الموضوع
تاخد اسبوع والعلاقه تنتهي
يعني الموضوع كلو بيكلف ثلاث ايام وكبايه عصير في كافتيريا وتلاث كلمات حلوات :D :D
^^^^^
البنات ما يزعلوا انا بهظر ساي :040: :040:
صورة العضو الرمزية
بنت الاصايل
مشاركات: 281
اشترك في: الأحد 2009.8.16 9:13 pm
مكان: الســعودية

رد: الحب زمان

مشاركة بواسطة بنت الاصايل »

قصة حلوة موت وشوقتنا لزمن الماضي
الله ياعفيييييك
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: الحب زمان

مشاركة بواسطة نهر المحبه »

ياسلام على الزمن الجميل
وقصصهم وحكايتهم بالجد كانت حاجه فظيعه
لمن تنتظر الرساله المكتوبه على احر من الجمر تكون ملانه كلها مشاعر واحاسيس واشواق
مش زي اسي بالموبايل
الاشواق ما بقت حاره زي زمان
اه يالقلب الملك خلتني اتمنى لو كنت معاكم في زمنكم
صورة العضو الرمزية
القلب الملك
مشاركات: 9797
اشترك في: الجمعة 2009.7.31 1:40 am
مكان: بعد سن الأربعين ،،،

رد: الحب زمان

مشاركة بواسطة القلب الملك »

بسمة الحياة ، نااناا ، أبو رتاج ، ود ابنعوف ، وجهة نظر ، بنت الأصايل ، نهر المحبة ،،،

مشكورين أعزائي علي المرور الكريم ،،،

شايفين كيف ،،

صعوبة الوصول عند جيلنا والقبلو والقبلو ،،، هي الألهبت الشعراء ،، خلتم ينظمو الأشعار الجميلة البتسمعوها في الغناء الأصيل ،،، غناء زمان الإنتو برضو بتطربو ليهو ...


يو تيرن ،،،

هي قناة النيل الأزرق بتجيب التياب دي من وين ؟؟؟؟؟ :cool:
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: الحب زمان

مشاركة بواسطة مها »

والله بالغت عديل يازول
زكرتنى الايام الجميله الحلوة
بعدين الحنين الخلانى ارد ليك بخلينى ارجع الجمع والاجازات الكنت
خاصماها من عمرى يعنى فى داعى ؟؟؟؟؟
صورة العضو الرمزية
القلب الملك
مشاركات: 9797
اشترك في: الجمعة 2009.7.31 1:40 am
مكان: بعد سن الأربعين ،،،

رد: الحب زمان

مشاركة بواسطة القلب الملك »

لووووول هو إنت من زمننا يا مها ؟؟!! شفتي زمننا حلو كيف ؟


ورينا صفحة من صفحات الدفتر الأحمر بتاعك :040:
صورة العضو الرمزية
القلب الملك
مشاركات: 9797
اشترك في: الجمعة 2009.7.31 1:40 am
مكان: بعد سن الأربعين ،،،

رد: الحب زمان

مشاركة بواسطة القلب الملك »

نهر المحبة ،،، أظنك بعد دا بتعزلي مخدات مناسبة :cool:
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: الحب زمان

مشاركة بواسطة مها »

حاااااااااااااااااااااااااااااااااضر ياسيدى انت بس تأمر
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: الحب زمان

مشاركة بواسطة ابن عوف »

لووووووووووووووووووووووووووول




اها دى جرت البمبر THUMBUP.gif :D
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: الحب زمان

مشاركة بواسطة مها »

شنو الحكايه الزول لو عايز اهبش شويه تنطوا
ليه فى حلقه ...........؟؟
يعنى كسير الثلج خليتو ..................
ودفتر الماضى ....طويتو ا

خليتك لى الله
صورة العضو الرمزية
القلب الملك
مشاركات: 9797
اشترك في: الجمعة 2009.7.31 1:40 am
مكان: بعد سن الأربعين ،،،

رد: الحب زمان

مشاركة بواسطة القلب الملك »

ود ابنعوف ما تخلي البت تعبر ،،، ما لك عليها ،،، قولي يا مها خلي ود ابنعوف أصلو انا عارف البيهو ،،، الراجل معذور :040:
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: الحب زمان

مشاركة بواسطة مها »

يا راجل انا اكبر منك شنو البت دى
هسى انا قلت نبقى نسايب
انا عندى الدولارات لوعندك الامورات بتجرى وراى
ولو زى كده وليدات بس حقنا راح
صورة العضو الرمزية
القلب الملك
مشاركات: 9797
اشترك في: الجمعة 2009.7.31 1:40 am
مكان: بعد سن الأربعين ،،،

رد: الحب زمان

مشاركة بواسطة القلب الملك »

مها ،،، من لا يعرف لا يلام ،، أصلك داسة عمرك ،،،

<<<انا عندى الدولارات لوعندك الامورات بتجرى وراى ولو زى كده وليدات بس حقنا راح>>> :confused: :confused: :confused:
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: الحب زمان

مشاركة بواسطة مها »

انا ماداسه عمرى انا بس مطلعه الجمع والعطلات الرسميه
الايام دى الرجال بدسو عمرن خلى النسوان
بعدين حكايه العمر خليها
بجاريك بى كل الاعمار
يا بو النسب
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: الحب زمان

مشاركة بواسطة ابن عوف »

القلب الملك كتب:ود ابنعوف ما تخلي البت تعبر ،،، ما لك عليها ،،، قولي يا مها خلي ود ابنعوف أصلو انا عارف البيهو ،،، الراجل معذور :040:


هووووووووى يا انت


ما تفتنى مع الاخت مها انا جريت البمبر عاوز استمتع بالقصة بس لانه الزمن داك جميل شديد

اغانى البنات كانت فى عصريات العرس جميلة ما زى هسى راجل المرة واضربنى بمسدسك و ورا ورا

والضب العريس قنبلة ........


وكويس الجات ردت ليك

يلا يا اخت مها انداحى


ودمتم بود
أضف رد جديد

العودة إلى ”منتدى الراكوبة“