اصطفيتك

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
مهاجر_101
مشاركات: 55
اشترك في: الأحد 2009.6.14 2:01 am
مكان: السعودية

اصطفيتك

مشاركة بواسطة مهاجر_101 »

نجمة في ليلي الطويل
أنا كنت راصد اصطفيتك
دربي بيها
كنت داخرك للمسافات
البتبكي عيوني فيها
وكنت دايرك تبقي لَيْ
شمسي البتشرق
وانتظر في شوق مجيها
لما طال حبل الصبر
ما عرفت بس لي نهايتو جيهة
* * *
كنت دايرك ترأفي وتتعطفي
وتشتاقي زي أشواقي ليكي
كنت برتاح لما أحلم بي عيونك
لما أطراك واشتهيكي
كنت بنتظر المواعيد البتفرِح
جاية منك وماشة ليكي
إلا راح الكان رجيتو
وخاب عشم دنيايا فيكي
* * *
اصطفيتك
يا سراب غشاني نهرو
وانتظرتك ليل طويل
مستني فجرو
وديمة راجيك
بي حنين حرّقني جمرو
عشان هواك يا ست هواي
حيّرني أمرو
عشان دوام أنا ليكي وافي
صورة العضو الرمزية
ساره السر
مشاركات: 14
اشترك في: الجمعة 2009.8.28 3:32 am
مكان: المملكه العربيه السعوديه ( الطائف )

رد: اصطفيتك

مشاركة بواسطة ساره السر »

اخ مهاجر بالجد شعرك جميل وربنا يديك العافيه
صورة العضو الرمزية
حنين وغربه
مشاركات: 45
اشترك في: الأربعاء 2009.8.26 3:30 pm
مكان: المملكه العربيه السعوديه ( الطائف )

رد: اصطفيتك

مشاركة بواسطة حنين وغربه »

انت شاعر بمعنى الكلمة ربنا يديك الصحه ونشوف منك كل جديد ارجو قبول مروري
أضف رد جديد

العودة إلى ”همس القصيد“