زواج الاجانب

المشرف: بانه

صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

زواج الاجانب

مشاركة بواسطة احمد يس »

الاخوة والاخوات
كان لى موضوع سابق عن زواج بنات المغتربين واشترك معى فى مناقشة الموضوع مشكورات الاختين بت ابوظبى وشاربة توت ....... يعنى اثنان فقط من مجموع الاعضاء البالغ عددهم 83 عضو مما يعنى ان نسبة الاشتراك اقل من 3% من عدد الاعضاء المسجلين وقعدت افكر فى سبب عزوف الناس عن المشاركة ويمكن الاسباب فى رائى لعدم المشاركة تنحصر فى التالى:
1) اتجاه عام للاعضاء فى عدم المشاركة
2) قد يكون الموضوع لايهم شريحة كبيرة من السادة الاعضاء
3) كل ما اخشاه هو العزوف الفعلى عن الزواج بين الشباب لاسباب اخرى كما ذكرت الاختين بت ابوظبى وشاربة التوت

عموما الموضوع هنا استوحيت فكرته من الاختين وخاصة ان احدهم خاضت التجربة بشكل فعلى..... الغرض من طرح هذا الموضوع هو الاستفادة من تجارب الآخرين فى الزواج من الاجانب سواء كان زواج السودانية من غير السودانى او العكس.................. بيان السلبيات والايجابيات........ بيان التداعيات المستقبلية لمثل هذا الزواج
والمطلوب اراء السادة الاعضاء من الجنسين بكل صراحة وخاصة اللذين لديهم تجربة شخصية
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

مشاركة بواسطة احمد يس »

كل يوم افتح منتدى الحوار العام وخاصة موضوع الزواج من غير السودانيين وعينى بتروح سريع على خانة المشاركات واجد الرقم زيرو فى الخانة يصيبنى بعض الاحباط ولكنه وللحمدالله لم يصل بعد الى مرحلة اليأس
هل الخوض فى تفاصيل التجربة او على الاقل الكلام بصراحة عن سلبياتها او الايجابيات فيها من الصعوبة بمكان او هل يعتبر اصحاب التجربة انه شىء شخصى والاقتراب منه هو من الخطوط الحمراء.............
اعتقد ان الغرض من الكتابة عن تجربة شخصية ما هو نوع من الافادة للاخرين يستفيدون من السلبيات ويستمتعون بالايجابيات................
منتظرين من اصحاب التجارب ان يدلوا بدلوهم
محمد عبدالله محمد موسي
مشاركات: 2
اشترك في: الأحد 2006.10.29 1:16 pm

مشاركة بواسطة محمد عبدالله محمد موسي »

بالامس فى تلفزيون السودان كانت هنالك حلقة فى برنامج ساعه شباب ، تناقش مشكلة عزوف الشباب عن الزواج
ربما يكون للامر صلة بموضوعك ، الشي الذى دفعنى للتطرق للحلقة . إجماع المشاركين والمتادخلين فى الربنامج على الوضع الاقتصادي المترديء فى البلد ، فهل تشاركني الرأي فى ذلك
ولى عودة لموضوعك الاساسي
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

مشاركة بواسطة احمد يس »

الاخ محمد عبدالله
شكرا للمشاركة........ نعم اشاركك الرأى وبشدة ويمكن فى بوست هنا اسمه الكلام ده مابينفع واعتقد حتلقى فيهو مشاركات جيدة جدا من الاخوات والاخوان
منتظر رايك ولو هناك تجربة شخصية كمان او امثلة فى المجتمع المحيط بك نكون شاكرين
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

مشاركة بواسطة احمد يس »

منتظرين مداخلاتكم واراءكم وتجاربكم......................
صورة العضو الرمزية
شاربة توت ولابسة بوت
مشاركات: 1202
اشترك في: السبت 2006.11.4 10:50 am
مكان: ابوظبي

مشاركة بواسطة شاربة توت ولابسة بوت »

ردا على موضوع الزواج من أجانب ،،،
في البداية عندي اعتراض بالنسبة لمصطلح أجنبي .. هل أجنبي تعني غير سوداني أم ماذا ؟
وحتى لو أجنبي مسلم ( غير عربي ) نقول عليو أجنبي ؟؟ ،،، لأنه طالما مسلم وعربي فده حرام نقول عنه أجنبي !!
زي ما أنا قلت في البداية أنه قسمة و نصيب .. ثانيا صحيح أنا سودانية 100 ال 100 ، لكن السبب الخلاني أتزوج من غير سوداني .. صراحة ما كان في انسجام بينا وبحس بجمود وبرود اتجاهم ،، حتى اللي حولي كانوا بيقولوا شكلك ما حتعرسي سوداني !!
وكنته بقول كيف ح ارتبط بسوداني وكيف ح نكون اسرة وكيف حسعده.. اسئلة كتيييرة كانت بتجول في خاطري واعتقد المسالة دي مسالة شخصية.يعني السبب بيكمن في الشخص نفسه سواء ارتبط بسوداني او غير سوداني.وسمحت الظروف اني ارتبط بفارس احلامي الغير سوداني ولقيت فيه كل المواصفات يعني اغلبه اللي في بالي من حيث الانسجام الروحي والعقلي دي المواصفت الداخلية .. حتى المواصفات الخارجية لقيتها.

ودمتم سالمين .....
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

مشاركة بواسطة احمد يس »

اخيرا زول شجاع........ قرر ان يشارك بتجربته فى موضوعنا فلكى الشكر
طبعا واضح انك كنتى متردده فى الخوض فى هذا الموضوع...... ولكى العذر...... فالموضوع يعتبر شخصى
ولكن بما اننا بالمنتدى وهدفنا الاستفادة من تجارب الاخرين فلا حرج من الخوض فى تجاربنا دون التفاصيل
ويمكن وضعك يختلف بعض الشىء عن الحالة العامة للسودانيين..... فهناك تواصل بين السودانيين فى بلاد الغربة مما يجعل الشعور بالجو السودانى والمناسبات والعادات غير غريبة عنا كمغتربين.
نحن دايرين بناتنا يستفيدوا من تجربتك اذا كانوا مقدمين لخوض نفس التجربة وهناك بالتأكيد اسئلة كتيرة تدور فى اذهانهم
--- هل هناك صعوبة فى اللغة اذا كان غير عربى
--- هل واجهتك صعوبة فى التأقلم على عادات بلده
--- هل شعرتى بالندم فى اى لحظة
--- هل هو على استعداد ان يعيش معك بالسودان اذا عدتى الى بلدك
--- هل لو رجع بك الزمن الى نقطة الاختيار سيكون نفس الاختيار قائم

واخيرا سوف احاول ان اغير عنوان الموضوع وانا اقصد بالاجنبى ( غير السودانى)
صورة العضو الرمزية
شاربة توت ولابسة بوت
مشاركات: 1202
اشترك في: السبت 2006.11.4 10:50 am
مكان: ابوظبي

مشاركة بواسطة شاربة توت ولابسة بوت »

بالعكس يا اخ احمد ما كنت متردده ولا حاجه بس كنت مشغولة شوية .. وده موضوع عادي وما فيه اي خجل ولا عيب ..وكنت مشغولة في الاقسام التانية للمنتدى زي ما انت عارف.. وده حديث الساعة زي ما بيقولوا. بالنسبة للاسئلة.
السؤال الاول: لا توجد صعوبة في اللهجة فهو عربي ومن الاساس عندي اتقان تاام للهجة زوجي .. السؤال الثاني في البداية واجهتني بعض الصعوبات بس مع الممارسة والعشرة اصبحت مسيطرة على الوضع زي ما بيقولوا. وصراحة ماحسيت بالندم ابدا ومقتنعة وراضية تمام الرضى باختياري وبالمناسبة هو اللي اقترح انو يستثمر ويتملك بيت في السودان وبحب السودان كتير فوق ما تتصور يا اخ احمد.ولو رجع بي الزمان الى الوراء اكيد اكيد اكيد حيكون نفس الاختيار بدون تنازل.

ودمتم سالمين...
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

مشاركة بواسطة احمد يس »

شكرا جزيلا على الرد واعتقد انو فرصة جميلة ان تمتلكوا بيت فى السودان ويكون له استثمار هناك كى تتواصلى مع الاهل والاحباب....... وتظلين انتى واطفالك على صلة حميمة بارض الاجداد..............
فى انتظار اصحاب التجارب الاخرى.................. والا شنو يا اخ صلاح
صورة العضو الرمزية
صلاح يحيى سليمان
مشاركات: 3213
اشترك في: الاثنين 2006.10.23 11:47 pm
مكان: المانيا
اتصال:

رد: زواج الاجانب

مشاركة بواسطة صلاح يحيى سليمان »


الاخ احمد ...يا راجل ده اسموكلام؟؟؟؟ تصور انا لسع منتظر البوست بتاعك ده وما عارف انكم بديتو
فى الموضوع من يوم 9/11....!! لغاية ما جيت بالصدفة بى هنا...ده ان دل فانما يدل ياجماعة انو شوية
شويه المنتدى بتاعنا كبر والواحد بقه يضيع فيهو.
ندخل فى الموضوع... انا حقيقة عندما حضرت للدراسة فى سويسرا كنت صغير فى السن يعنى يا دوب
كملته الثانوى العالى وقتها...حضرت الى سويسرا وطبعا الواحد فينا عاش العجائب.....شى وحيد كنت
افكر فيه طوال مدة الدراسة الا وهو خلص يازول واكسح بلدك....العشرة هنا ما بتنفع معانا...صداقات
ومتعة اوكى....بس الارتباط يكون مع ايه واحده لابسه توب....فعلا بعد الانتهاء من الدراسة رجعت
السودان فورا...مع دهشت كل الاصدقاء والمعارف...بين يوم والتانى كسحته وما كلمته ايه زول.
جيت السودان...وكلى اقتناع...وعارف بعمل فى شنو؟؟؟؟المهم بعد حوالى سنتين بدو يتكلموا معاى
فى موضوع العرس...واتذكر حتى اليوم ردى عليهم....البنت السودانية المفروض انا ارتبط بيها...
دى لسع ما اتولدت....يازول باختصار شديد ...لو بنات السودان كلهم ادونى ليهم بامجانى...ما دايرم
ومافى واحده فيهم ماليه عينى...طغيت...واتفنجرت فيهم...والسودانية فى نظرى ما بتفهم فى الحياة
ولا حتى حا تفهم الدنيا ( ومازالت كذلك .....وده رائى حتى اليوم لم يتغير ) ومافى واحده بتستاهلنى
( جاى من سويسرا) المهم..حدث ان جات صديقتى وهى المانية لزيارتى فى السودان...تعرفت بالاهل
والاخوات...وبعد ان قضت وقت الزيارة صارحت الاهل باننى اود الارتباط بها ( صداقة دامت
10 سنوات) ...رجعت اوربا وتزوجنا...ولنا بنت نادية...وآخر سعادة و مرتاح معاها جدا جدا ...وفعلا
كانت تجربة افتخر بها وقتها كثير من السودانين...وكلهم شايفين تجربتنا ناجحة...
بين يوم والتانى...بديت اشعر بانو حياتى ماشه كويس ...بس ما بالطريقة العاوزه انا...مافى بيناتنا ايه
مشاكل...انا الفجأة اتغيرت...صارحت زوجتى....وفعلا كان تجاوبه غير متوقع....كانت كل هذه المدة
متوقعة هذا اليوم...وكونو افكر بالرجوع للجزور حاجه طبيعية ( مع مرور السنين).
باختصار شديد رجعت افتش لاختى السودانية...وذى ما كنته زمان بستفز ...ان شاء الله ايه واحده
لابسه توب...واتعرفت عليها بالطريقة البدائية عن طريق صديق دكتور فى جامعة الخرطوم.
المرة دى قلت الحب والريده نبدا فيها بعد الزواج ...فعلا مراسيم الزواج والجوطه ...الخ كلها
كانت مزعجه ( وده موضوع البوست التانى)....عشنا فى المانيا 9سنين ما رجعنا السودان...
حفظنا بعض...وظبتنا امورنا تمام والحمد لله ...عندنا راشد ، رنا ، ورزان ...واليوم جد والله
انا اسعد زول.....( فى المانيا) .
اخى احمد...عندما تحدثت وقتها مع بعض الاخوة السودانين بنية الزواج من الالمانية...بعض الاخوان
( كبار السن) نصحونى وحزرونى وقالو ليه يازول احنا الصبقناك اتمقلبنا ...ما تمقلب نفسك......شفتها
نوع من الانانية والحقد...وما عايزين الكويس.....الخ.....والله يا احمد الكلام ده انا اليوم بقولو وبصوت
عالى....ياشباب زواج الاجنبية فاشل....وبجى اليوم البطرشق فيهو....رغم الحب والتفاهم والاطفال.
واهلنا الطيبين جد كلامم ما بقع ساكت...

البفوت اهلو.......بهلك..!!!
ودى ما عايزه ليها شرح

مع تحياتى

صلاح
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: زواج الاجانب

مشاركة بواسطة احمد يس »

الاخ صلاح
شكرا جزيلا لمرورك فى هذا البوست.... فى الحقيقة انا اعدت قراءة مداخلتك اكثر من مرة لانها دسمة بمعنى الكلمة ويمكن تكون مدخل لمشاركين كثير ومواضيع اخرى متفرعة.........
اولا : موضوع الصداقة بين الطلاب السودانيين ومواطنات الدول التى يدرسون فيها وماهى عمق او سطحية هذه
العلاقة
ثانيا : اذا كانت هذه العلاقة حميمية فهل هى من اجل التجربة ام من اجل اثبات الذات.
ثالثا : بالنسبة للطرف التانى من العلاقة لم توضح لنا هل مازالت على ذمتك ام تم الانفصال واذا تم الانفصال ما هو
موقع الابنة نادية من ذلك كله
رابعا : والاهم ما شرحت لينا الفروقات الصريحة بين ابنة البلد والزوجة الغير سودانية.
خامسا : لم توضح لنا متى كان شعورك بالرغبة فى الارتباط ببنت البلد ......... ام كانت تراكمات وضحت بعد
تلك المدة الطويلة من العشرة والحياة تحت سقف واحد.
صورة العضو الرمزية
احسان
مشاركات: 9771
اشترك في: الأربعاء 2007.3.7 1:01 pm
مكان: السودان/الفاشر

الزواج من جنسية مختلفة عن جنسيتك

مشاركة بواسطة احسان »

مارايكم فى الزواج من جنسية مختلفة عن جنسيتك بس نفس ديانتك
صورة العضو الرمزية
Halimeek
مشاركات: 165
اشترك في: الاثنين 2006.10.23 2:31 am
مكان: الخـــرطـــوم - بـــري
اتصال:

رد: الزواج من جنسية مختلفة عن جنسيتك

مشاركة بواسطة Halimeek »

لإختلاف العادات والتقاليد واللهجة والموطن والديار أنا لا أراه مناسبا
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: زواج الاجانب

مشاركة بواسطة احمد يس »

الاخوة والاخوات الاعضاء
السلام عليكم
اشكر الاخت احسان عضوتنا الجديدة ................ على نشاطها بطرح موضوع الزواج من الجنسيات الآخرى
ونسبة لوجود موضوع يناقش نفس الجزئية ......... فقد رأينا ان نضم الموضوعين حتى تتوحد جهود الاعضاء فى المشاركات....................... عضوتنا احسان لها الفضل فى تنشيط هذا الموضوع ...........ومنتظرين مشاركتكم
اقدم شكرى مرة اخرى لاختنا احسان ونرجوا ان تعذرنا على هذا الاجراء
Still I Need U
مشاركات: 503
اشترك في: الثلاثاء 2007.6.19 11:19 am
مكان: بلاد الله الواسعه

رد: زواج الاجانب

مشاركة بواسطة Still I Need U »

[align=justify]أخي الكريم والرااااااااااااائع دوما وأبدا وأنت تريد بقدر الإمكان أن تخرجنا من جو الإعتيادية وتحيطنا بوقار قلمك الرائع والهادف إلى حد بعيد ،،

بالنسبة لهذا الموضوع الجميل والراقي في تناوله تجدني ارد وأبدأ بقول لن أتزوج من أجنبية مهما كان واقع الأمر عندي لأسباب كثيرة جدا ، وقبل ذكرها دعوني أقول لك شئ وبكل صراحة متناهية ،، انا الآن لم يقسم لي الله سبحانه وتعالي بالزواج ولكن قبل ذلك كان من المفترض أن كون الآن متزوج واب في نفس اللحظة ،، ولكن القسمة لعبت دورها وانا مؤمن بها حق الإيمان ، الشئ الثانية وهي والدتي الكريمة أطال الله لي في عمرها وهي تريدني أن أتزوج من اقربائها في قاهرة المعز من بنات اخواتها وأخوانها ، ووالدتي مصرية الجنسية وهذه أيضاُ معلومة لا أخفيها عليكم طالما أني أتحدث هنا بمبدأ المنطق ليس إلا ، ثالثا وحتي رغبة والدتي كانت تدور في أنها لا ترغب في أى بنت من خارج نطاق الأسرة بصورة عامة سواء ان كانت من ناحية الوالد أو ناحيتها ،، لا لشئ سوي أنها تعلم جيدأً من هم بنات اليوم وما يحملونه في تربية ناقصة وأشكال وألوان مختلفة إلخ ،، وهذا جانب آخر ،، فقط تريد الإطمئنان على أبنها وهذا حق مكفول لها بكل المقاييس ، أعود إلى لب الموضوع وهو أنني وما أحمل من فكر وتربية في بيئة معينة وأحمل ثقافية معينة وتعليم معين وأتمسك بأشياء أكثر الفتيات الآن لا يتحملونها ولا يطيقونها ويمكن أن يطلقوا على في هذه اللحظة بأني إنسان ( متخلف ) إذا حاولت الدخول في عالمهم الآن ستجدهم هم الآن يبحثون عن شاب يكون في نفس اللونية ونفس الفهم ونفس كل شئ ، لذلك تنبع هنا الإختلاف الحقيقي وهو أن العادات والتقاليد لها دورها الأساسي اللهم إلا إذا كان الشخص لا يكترث لهذه الأشياء ، فهذا عليه بالزواج فوراً لانه لا يعلم من هي ومن أى أسرة وحتي إذا علم كل شئ عنها من المعروف أيضاً ان طبيعة البني السوداني لا تتوافق مع اى بيئة ولا أى شخص ، هنالك عوامل كثر إذا لم تتوفر فتأكد تماما أنها مهما طال الزمن بها أو قصر ستكون هنالك الكثير من المشاكل ، وقليل جدا ما ينجحون وهذا يدل على أن واحد منهم يتناول دائما عن أشياء لكي تستمر الحياة ، وهذه الأشياء أيضاً تحتاج لتعقيب آخر .

زواج الأجانب حقيقة لها عواقبها الكثيرة ،، وحقيقة لا أنكرها أيضاً لقد من الله على بكثير من الرحلات الخارجية وقد كنت مقيم في دولة الإمارات في دبي وكنت مقيم في المملكة العربية السعودية بالرياض لمدة خمس سنوات ،، ورأيت بأم عيني الفتيات بكل شئ تفكيرهم ومظهرهم ومستوي تربيتهم وتعليمهم وكل شئ يتعلق بهم الفتاة الآن لا نتظر أبدً سوي لأشياء معينة بالتحديد إذا توفرت كان الزواج من لا ( إحم ، لا دستور ) أصدقكم القول وأقسم على ذلك ، وأسألوني ، كيف لي أنن أتزوج بفتاة غير سودانية وهي لا تعلم من أنا وأنا لا أعلم من هي ،، ثم ثانياً وأهم شئ عندي وبالنسبة لي كيف أعرف أنها فتاة تعبد الله وتتقيه ولا تكون مثل اللواتي آراهم اليوم أمام أعيني ؟ وما يجعلني اليوم أعزف عن الزواج هم السبب الرئيسي في ذلك ، لأني لا اقبل إلا فتيات بمواصفات معينة حتي أضمن بأني بالفعل أتعايش مع زوجتي وأن آراها أمام أعيني تربي أبناءها بصورة صحيحة ، وأن تخاف الله ربها ،، وان تتزين بلبس الإسلام ، وأن تعلم أن الحياة ليس فيها سوي الصراط المستقيم ،، وأن تعلم جيداً أن الحياة الزوجية ليس الخروج للتنزه أو اللبس بالأوان المختلفة والأشكال ، وما شابه ، كل فتيات هذا الزمان وبمختلف جنسياتهم وحتي السودانيات ناقصات تربية ودين وخلق ومخافة الله وكل شئ ربما لا ترون ما آراه في اليوم الواحد مئات المرات أحبائي ،،

أحمد يس أؤكد لك بأن لي عودة ، وآخر ما أسطره لك بأني لن أقبل الزواج من أى فتاة أجنبية على الإطلاق مهما كانت ولي عودة ،،

تحياتي لك تحية خاصة وأنت تنبش ما أريد البوح به في كثير من النواحي التي تهمنا كبشر ولكن للأسف قد أكتب وأكتب وأكتب ولكن ومع كل إحترامي وتقديري لكل شخص ليس هنالك من يتفهم ما أكتبه وأريد البوح به لذلك تجدني معتصم لأن الأقلية هم من يريدون الحديث والفائدة التي تهمنا في كثير من النواحي الإجتماعية ولكن كما ذرت أنت وتفضلت في بداية حديثك بأن الكل ومن المحتمل لا يرغب أو ربما يهرب لعدم القدرة على الرد ، تحياتي مرة أخري،،[/align]
صورة العضو الرمزية
سودانى معذب
مشاركات: 110
اشترك في: الأحد 2007.3.18 7:53 pm
مكان: السعودية - جدة

رد: زواج الاجانب

مشاركة بواسطة سودانى معذب »

السلام عليكم ورحمة الله وبركاته

والله ياجماعة الموضوع غاية فى الاهمية بس عندى سؤال مالمقصود بالاجنبية يعنى الخواجية ولا من جنسية تانية, وبعدين لفت انتباهى انه كمية كبيرة من الشباب السودانى فى المملكة وخصوصا معانا فى مدينة جدة بقو يتزوجو من الجنسية الاثيوبية (حبشية) سواء ان كانت مسلمة او مسيحية والحكاية دى بعتقد انه عواقبها وخيمة فى المستقبل لأنه معظمهم حضرو للمملكة بقصد العمل فى البيوت كخادمات وهذه هى الخطورة يعنى اتخيلو معاى الاولاد فى المستقبل حا يكون وضعهم النفسى والتربوى والاجتماعى كيف هذا بالاضافة الى تفاقم العنوسة بداخل الوطن الحبيب وشكرا على مواضيعكم الهادفة وبجد منتدى راقى واتمنى ليكم مزيد من التوفيق.
Still I Need U
مشاركات: 503
اشترك في: الثلاثاء 2007.6.19 11:19 am
مكان: بلاد الله الواسعه

رد: زواج الاجانب

مشاركة بواسطة Still I Need U »

[align=justify]يا سوداني معذب ،ن تقبل تحياتي ،، ما تناولته في الرد قبلك كان فيه جزئية كبيرة من ما أقصد ، وأكر او أوضح مرة أخري بأن الشخص لا يكترث لأي شئ فما بالك بالشباب الذين ذكرتهم وقامو بالزواج من الأثيوبيات ، جنسيتهم فقط تكفيك عن الإجابة ،، والمقصود من الأجانب عزيزي سوداني أن تكون الفتاة غير سودانية بصورة عامة من دون تحديد اللهم إلا إذا كان الأخ الكريم أحمد يس يقصد غير ذلك ولا أظنه كذلك، لي عودي مرة أخري ،،[/align]
صورة العضو الرمزية
استارو
مشاركات: 1280
اشترك في: الأحد 2007.3.4 8:27 pm
مكان: السعودية

رد: زواج الاجانب

مشاركة بواسطة استارو »

مراقبنا العام
احمد يس
جزاك الله عنا كل خير وعن الذي
يقدمه لنا يراعك
حقيقى الموضوعة فى قمة الاهمية
فى المقام الاول نضع
القسمة والنصيب ذى ماقالو اخوانا
ثانيآ له سلبيات اكثر من ايجابيات
دئمآ ماتبدد بالفشل
نسبة الى عدم التوافق فى العادات والتقاليد
ممايؤدى الى فشل الزواج
ولك خالص الود
اخى
احمد
تقبل تحياتى القلبية
اخوك
صورة
صورة العضو الرمزية
احسان
مشاركات: 9771
اشترك في: الأربعاء 2007.3.7 1:01 pm
مكان: السودان/الفاشر

رد: زواج الاجانب

مشاركة بواسطة احسان »

هااااااااااااااااااى اخوانا الاعضاء والمشرفين
اود ان اقول لكم ليس لدى مانع من اضافة الموضوع الى موضوع مشابه لاكن الاهم هى مشاركاتكم وعايزة اعرف راى الموجودين كلهم لو امكن
صورة العضو الرمزية
فنونة
مشاركات: 265
اشترك في: الجمعة 2007.1.12 4:23 pm
مكان: في مكان ما

رد: زواج الاجانب

مشاركة بواسطة فنونة »

موضوعك مهم جدا يا سيدنا احمد
بس لاحظتا من كلامك شوية في بعض التعليقات عدم ارتياح لي البت السودانية
وجرحتوها شديييييييييييييييد؟؟؟
مغلق

العودة إلى ”مكتبــــــة احمد يس“