اغنيات الحقيبة وجماليات كلماتها......

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

اغنيات الحقيبة وجماليات كلماتها......

مشاركة بواسطة ودالدرديري »

اخوتي الاعزاء
كلنا تذوق هذا الفن وكلنا سمع أغنيات الحقيبة الرائعة والتي تعتبر أساس الغناء السوداني
تتلمذ على كلماتها كبار المطربين وكانت بداية لظهور اعظم الفنانين في السودان الذين كانوا يؤدونها أولا ويجيدونها حتى يستطيعوا المضي قدما وتسجيل اسماءهم في خارطة هذا الفن الجميل.
كانت ولازالت اغنيات حقيبة الفن هي المقياس والاختبار الحقيقي للفنان الحقيقي واكبر دليل على هذا ان كل متقدم الى لجنة الاستماع واجازة الاصوات بالاذاعة السودانية أو المصنفات الفنية عليه ان يجتاز الاختبار الذي يتكون من أغنية واحدة من سبعة أغنيات تم اختيارها بعناية من أغنيات حقيبة الفن ثم أغنية واحدة خاصة به.
اعزائي في هذه المساحة أدعو كل من يملك أغنية أو أكثر ويعرف شاعرها من أغنيات حقيبة الفن ان يمدنا بها لكي تعم الفائدة وأنا بدوري حأنزل ليكم مجموعة من هذه الأغاني الرائعة مع شرح لجمالياتها ومناسبتها بإذن الله تعالى




وليييييييي قدام
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »

ذات صباح أتى احد الفنانين المعروفين (وأحسبه سرور أو كرومة والله أعلم) اتى الى قهوة ودالآغا في امدرمان - هذه الرواية على لسان الشاعر الراحل محمدبشيرعتيق رحمه الله - والتي كانت ملتقى الشعراء والفنانين في ذلك الوقت ووجد جمع من اصدقاءه الشعراء ومن بينهم الراحل ودالرضي رحمه الله وقال لهم :- شوفو ياخوانا (فلانة) مسافرة الليلة هي وأمها بالباخرة وماشين الرجاف (وهو اسم جبل بجنوب السودن اخذت المنطقة المحيطة به اسمه) وانا ماشي مشوار وجاييكم بعد صلاة الظهر وعلي الطلاق لوماوصلتوها لي من هنا لحد هناك بي قصيدة , تاني لابيني لابينكم.
وقد كانت أغنية من الاسكلا و حلا
والاسكلة هذه لمن لايعرفها هي محطة نهرية كانت على النيل الازرق بالخرطوم وموقعها على النيل مقابل مابين قاعة الصداقة والمتحف حاليا وللعلم ايضا فإن فلانة المعنية بهذه القصيدة لم تركب الباخرة من محطة الاسكلا بل من منطقة المجرور مكان سكنها وهي تقع على النيل الابيض من الغرب مقابل ناحية الري المصري وودالعقلي.


من الاسكلا و حلا قام من البلد ولا
دمعي الـ للثياب بلا

بي داهي العذاب حلا وبى تذكارو بتسلى
عقلي الذاب و إختلا وين بدر التمام هلا

صفر ودع البابور راكبين قمره اتنين دور
البابور مر (بالمجرور) شال ظبيا سكونو خدور

(جبل اولياء) حبيبي غشا وحصًـل (للقطينة) عِشا
ياقلبي الطفش وفشا الماء ليته ينكفشا

حل زي الصقر خـوى بالبدر (الدويم) ضوا
عاد لاحول لاقوه حبيبي الليلة في (الكوه)

صباح الخير على أم نفلين أحيي البيها محتفلين
سيد الحسن رب اللين شرف (كوستي والجبلين)

هنيئا حان وقت زهاك (الرنك) احتفل ببهاك
وين الليلة يالنشهاك ياريت كنت في (جلهاك)

بقدومك (كدوك) أصبح سوقو من الكساد أربح
أنا من نواحي صرت أبح كأني في (مبرك المذبح)

من دا الهم ما بنجا (تركاكا) حلت العنجا
ياخالق الخلوق تنجا حبيبي الليلة في (تونجا)

وتواصل الاغنية في سرد المحطات (وهي مابين القوسين) الى :-

صب يادمعي لاتكون جاف وياقلبي ليه بقيت رجاف
البدر الخفى الانجاف اليوم شرف (الرجاف)
وهي آخر محطات هذه الرحلة القصيدة والتي تمتاز بلحنها الرائع الا رحم الله شعرائنا ومطربينا وكل من اضاف جمال الى دنيانا ونواصل مع قصة أغنية أخرى.


ولييييي قدام
صورة العضو الرمزية
مهند عبد الرحمن
مشاركات: 377
اشترك في: الثلاثاء 2006.12.12 1:36 pm
مكان: السعودية جدة

رد: اغنيات الحقيبة وجماليات كلماتها......

مشاركة بواسطة مهند عبد الرحمن »

الاخ الدرديري طبعا الشاعر الكبير ود الرضي في الحساب جدي وطبعا من الطرائف في الاغنية اتى واحد لي الرضي وقال ليهو ذكرت المناطق دي كلها الا منطقتنا ونحنا منطقتنا الفلانية ( دون ذكرها) ود الرضي قال ليهو عاد لا حول لاقوة دي انا قاصد بيها منطقتكم
مع شكري وحبي
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »

مهند عبد الرحمن كتب:الاخ الدرديري طبعا الشاعر الكبير ود الرضي في الحساب جدي وطبعا من الطرائف في الاغنية اتى واحد لي الرضي وقال ليهو ذكرت المناطق دي كلها الا منطقتنا ونحنا منطقتنا الفلانية ( دون ذكرها) ود الرضي قال ليهو عاد لا حول لاقوة دي انا قاصد بيها منطقتكم
مع شكري وحبي




مهند ياخ دي صدفة سعيدة انك حفيد العظيم الراحل ودالرضي وعظيم الشرف لينا
وعاد لاااااااااااحول لااااقوة :028: لقيت جدك مباااااااالغة :040: :040:
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »

هذه اغنية رائعة كتبها شاعرها بعد ان سمع أغنية (حاول يخفي نفسو وهل يخفى القمر في سماهو)
واعجب بها جدا وسأل شاعرها عن مناسبتها وعندما عرف المناسبة أصرشاعرنا على رؤية تلك التي قالوا فيها الاغنية التي جاء فيها :-

مرة تخالو (بدر) ومرة تخالو (زهر)
ومرة تقول دا سحري ومرة تقول دا شعري
تغلب فيهو إسما وبرضو تشوفو أسمى


وثم رآها شاعرنا ورأى فيها جمالا يفوق الوصف وأحس بأن زملائه الشعراء لم يوفوها حقها فأتت تلك الأغنية الخالدة التي كتبها شاعرنا محمدبشيرعتيق تعبيرا ووصفا لتلك الفاتنة:-


يالأوصفوك بالبدر أو بالزهر هم ماأنصفوك

كيف يجهلوك وعلى الجمال العادي راحو يمثلوك؟
لو بادلوك عين الحقيقة وبالبصيرة تأملوك
بالنار أو بالنور أو بقدر ماصاغ الخيال ماعادلوك


وبعد هذا اللوم والعتاب للشعراء الذين وصفوها قبله لتقصيرهم في وصفها حسب اعتقاده أتى وصفه هو رائعا كعادته فكان صورة لامثيل لها حيث قال :-

كوكب منزه في علوك
سحرك غريب شخصك بعيد....
ولو كان قريب انوارو ضاربة بدون سلوك
يبرق سناك في غيهب الليل الحلوك
أغرب شمايل زاملوك وهم أكملوك
أدبك هبة
وفيك موهبة
حسن الظبا و طبع الملوك




اتمنى تعجبكم والى اللقاء في أغنية أخرى من روائع حقيبة الفن


ولييييييي قدام
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »

وهذه أغنية أخرى من اغاني الحقيبة الرائعة وقصتها كما جاء على لسان شاعرها هي:-
كان صاحبنا وفي أول كل شهر ميلادي يصاب بشيء من (الزهج) ويتمنى الا يأتي هذا الـ (أول الشهر) أبدا . فقد كان والده يملك بيتا في منطقة بانت بأمدرمان (على شارع الاربعين) وهذا البيت مؤجر لعائلة تركية وكان هذا حوالي عام 1925م تقريبا.
وكان شاعرنا يسكن في (ابوروف) ويتم تكليفه شهريا بالذهاب الى منطقة بانت لجلب الايجار بصورة منتظمة وكان يكره هذا المشوار أشد الكره فهو يستقل (الترماج) أو (الترام) كما يسمى في مصر من محطة (الاسكلة)على النيل بابوروف وحتى المحطة الاخيرة (الاسكلة) بسوق امدرمان , ويضطر لمشي باقي المسافة على الأرجل لعدم توفر مواصلات عرضية في ذلك الزمان (أو كما قال) واستمر على هذا المنوال حتى أتى يوم ورأى فيه فتاة فائقة الجمال شديدة الحسن ومبهرة تطل من نافذة في الدور العلوي من المنزل الملاصق لمنزلهم المؤجر, فأعجبته تلك الفتاة أشد الاعجاب وتوله بها حبا فصار ينتظر مشوار أول الشهر هذا على احر من الجمر وصار له ذلك المشوار كالفسحة على النيل وكالنسيم العليل وحدث ان سافرت عائلة تلك الفتاة بعد خمسة أشهر أي بعد أن رآها خمسة مرات فكتب تلك القصيدة التي تغنى بها الراحل الرائع عبدالعزيزمحمد داؤود


.

بعيد الدار ك/ محمدبشيرعتيق


بعيد الدار طال بي بعدك
متى يامولاي تنجز وعدك

بعيد الدار
انت جميل جمال ودار
جميل جدا لكن غدار
متين ياظبي تكون حاس بي
تزيل البي أنا في عرضك


ليك غنيت
وجدتك قاسي ماحنيت
اكون معذور انا لوجنيت
أراك ياظبي نكرت البي
و جرت علي



والباقي لما اجيكم صادي
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »

عن شعراء حقيبة الفن وفنونها


* اعتلى قائمه شرف الشعر العربي في السودان اثناء وبعد ثوره 1924 شعراء عظام جددوا في كلمات ومضامين شعر الغناء في بلادنا وجرى التواضع على تسميتهم في ما بعد بشعراء حقيبه الفن على راس هؤلاء | .
1- الشاعر والفنان والملحن خليل فرح(1894-1923)
2- الشاعر ابراهيم العبادي من مواليد 1894م .
3- الشاعر صالح عبد السيد ابو صلاح.
4- الشاعر سيد عبد العزيز .(1900 - 1976 ).
5- الشاعر عبيد عبدالرحمن (1908 - 1986).
6- الشاعر والملحن عبد الرحمن الريح من مواليد 1920.
7- الشاعر والمغني والملحن عمر البنا .
8- الشاعر احمد عبد الرحيم العمرابي.
9- الشاعر علي المساح.
10- الشاعر احمد حسين العمرابي.
11- الشاعر محمد بشير عتيق مواليد 1909م
12- الشاعر محمد علي عبد الله (الامى) مواليد 1913م
13-الشاعر احمد عبد المطلب حدباي .
14- الشاعر محمد ود الرضي.
*قبل عهود هؤلاء الشعراء كان الغناء السائد هو مايصف بطولة المحاربين الشجعان في القبيلة واغاني الحصاد والدميرة التراثية ويطلقنها الفنانات الشعبيات أو مانسميهن الحكامات وغير ذلك كان هنالك ما يمكن ان نسميه (بالسطحيه والاسفاف ) في كلمات الاغنيه السودان التي كانت في مفرداتها ومعانيها لازالت (متخلفه) ولا تعبر عن عبقريه الانسان السوداني والقدرات الكامنه فيه ... غير ان هؤلاء الشعراء قد انتقلوا بكلمات الاغنيه السودانيه ومضامينها الي المجلات اعمق وارحب واكثر انسجاما مع قيم المجتمع وفطرته السليمه ومع الوعي الذي انتظم بلادنا بعد نهايه الحرب العالميه الاولى وتمخض عن ثوره 1924 فكان شعرهم تجديدا ونهضه وتوافق ذلك مع التجديد في الالحان
والانبعاث الذي شهدته الاغنيه السودانيه وظهور الالات الموسيقيه الحديثه في موكب ابداعي تجديدي قاده الشاعر خليل أفندي فرح بدري .









منقول
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »

ومع هؤلاء الشعراء الامجا د كان ميلاد الفنانين الذين استطاعوا تحويل كلماتهم الخالده الي الحان شجيه واغنيات ستظل على مر الاجيال تتردد في سماء الغناء السوداني ......وهم:-
*الفنان الحاج محمد احمد سرور مواليد 1901 .
*الفنان عبدالكريم عبد الله (كرومه)1910-1947م.
*الفنان الامين برهان.
*الفنان عبدالله الماحي.
*الفنان ابراهيم عبد الجليل.
*الثنائي اولاد المورده (عطا كوكو ومحمود عبد الكريم).
*الثنائي ميرغني المامون واحمد حسن جمعه.
*الفنان احمد يوسف.
*الفنان فضل المولى زنقار.
*ومن مميزات شعراء حقيبه الفن ما يلي :-
*أولا:
انهم ولدوا في فتره او حقبه زمنية واحده تقريبا وبالتالي كانت نشاتهم متقاربه وبرغم انهم لم يتلقوا تعليما عاليا الا ان دراستهم للقران الكريم واللغه العربيه في الخلاوي وسعة المامهم ومواكبتهم لاحداث عصرهم عوضتهم عن ذلك فتمكنوا من تحويل موهبتهم الفطريه الي عمل فني جمالي غنائي متكامل ومثلوا تجديدا في شعر الغناء وتطورا للاغنيه السودانيه......
*ثانيا:
* كانت نشاتهم في فتره تعبير انتقاليه بالنسبه للشعب السوداني وعاصروا نهضه الشعب في ثورته (1920-1924) ثم انتقل نضال شعبنا ليأخذ طابعا ثقافيا اجتماعيا في مواجهة المستعمرالانجليزي ولذلك نجد الوطنية في اشعارهم داعين للوحده والتماسك والنهوض وتعليم المراه وتاكيد القيم الايجابيه في المجتمع السوداني ومنهم من لعب دورا مباشرا في مواجهه المستعمر مثل الشاعر الفنان الملحن خليل فرح .
*ثالثا:
تميزت البيئه التي نشأ فيه هؤلاء الشعراء بالمحافظه واحترام المراه وصون كرامتها ولذلك كان شعرهم الغزلي تمجيدا للمراه التي تصون عفافها وتتمسك بالقيم الايجابيه في المجتمع حيث يصفون جمالها وحسنها ولكنهم يضيفون الى تلك الصفات عفافها وعدم تبرجها وحفاظها علي شرفها وكرامتها وتمجيد تلك الصفات الايجابيه فيها...........
*رابعا:
موضوعات الشعر الاساسيه في ابداعات هؤلاء الشعراءكانت الغزل والطبيعه والوطنيات والاجتماعيات كمحاور اساسيه تدور حولها اشعارهم
واعتبروا الطبيعة مصدرا من مصادر الهامهم وتفننوا في وصفها واجا دو...
*خامسا
مزج هؤلا الشعراء بين اللغة العربية الفصحى و اللغة العامية السودانية و تأثروا بمفردات القرآن الكريم والشعر العربي عبر مختلف عصوره
ومزجوا بين كل ذلك وبين البيئه السودان
يه فكانت ابداعاتهم تشكل نمطا فريدا اعطى للشخصيه السودانيه طابعها المميز ضمن الاطار العربي العريض الذي يقبل التنوع في اطار الوحده .
بقى ان نشير الى ان البعض يستنكرون تسميه هؤلاء الشعراء بشعراء حقيبه الفن او تسميتهم بالشعراء القوميين وفي تقديري ان هذا الاستنكار لا معني له وذلك لان مصطلح حقيبه الفن قد اصبح متعارفا عليه وهو لايحمل اي تقليل من شأن هؤلاء بل يعطيهم طابعهم المميز علي مر الدهور .
صورة العضو الرمزية
سودانى معذب
مشاركات: 110
اشترك في: الأحد 2007.3.18 7:53 pm
مكان: السعودية - جدة

رد: اغانى الحقيبة ...!!!

مشاركة بواسطة سودانى معذب »

حزن والله الليلة خليتها فرح خصوصا اغنية دمعة الشوق لى زمن بفتش عليها شكرا ياسيدى على المجهود الرائع وان دل يدل على ذوق عالى
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »



نشير هنا الي انه في البدايات الاولي للغناء السوداني كان هناك عازف من منطقة الشمالية وهو بشير الرباطابي وله تسجيل في اذاعة امدرمان وهي كانت قصيده للشاعر ابو صلاح ولها السبق في انها اول اغنيه حقيبة بصحبة الطمبور وهي:-

لوتجازي لوتسمحي *مني ريدك مابتمحي
بي خيول الشوق أرمحي *واروي دمعي البطمحي
بس عشوقك لاتقمحي *بي طريف العين المحي
برضي فاهم سر الوحي* الفي حواجبك بتلوحي
تمسي هجعة ونور تصبحي *وفي قلوب الناس تربحي
ياالحمامة البتصيحي *بي فريعك بتميحي
كيف عزولك لاتروحي *وانت جنة ونار تقدحي
يازهير الروض فتحي *والنسيم بالطيب كتحي
من غصونك ماتبرحي *يوم تبكي ويوم تفرحي
المبكم بتنصحي *وبي نغيمك بتفصحي
هاك عقلي الطاش انصحي*وكان مغيب والان صحي


كانت تلك الاغنيه من اوائل الاغاني المسجلة في الاذاعه السودانيه انذاك


صورة العضو الرمزية
عمران عوض
مشاركات: 419
اشترك في: الثلاثاء 2007.4.3 11:16 am
مكان: السعوديه - الرياض

رد: اغنيات الحقيبة وجماليات كلماتها......

مشاركة بواسطة عمران عوض »

الرائع دوما
ود الدرديري
يديك العافيه ومشكور كتير علي الطرح الجميل
والتوثيق الرائع لكوكبة الفن السوداني الاصيل
شعراء الحقيبه الذين اتحفونا بدررهم وروائعهم
ومن روائع الحقيبه
قصيدة " حبيبي عـرّج بي و ميل " للشاعر محمد بشير عتيق
تلحين و غناء خضر بشير.

حبيبي عــرّج بي و ميل
نتأمل الأفق الجميل
فعل الغزالة مع الصباح
***
عـرّج بي و ميل
في الشاطئ نتأمل قليل
شوف حكمة الصانع الجليل
النيل خلال روضو الظليل
ينعشنا بي روحو العليل
شكل الغزالة مع الصباح
أما الطيور ، عاشقة الزهور
في هنا (ء) و سرور
من طيبها ، تستنشق رياح
و تغني ، أغنية الصباح
شكل الغزالة مع الصباح
***
حبيبي سيب الإستحـــا
متــع مناظرك و ســرّحا
شـاهد الطبيعة و مســرحا
شكل البلابل مع الضحـــا
الورد كان نايم صــحا
و الزهرة باسمة و مـُفرجة
شكل الغزالة مع الصباح
***
و الشمس للنيل ، يا خدين
ترسل خيوط متبهرجين
زي تبري ذايب في لـُجين
و الروضة في ندى و اٍرتشاح
الكون ثميل ، من طيبها يتوشح وشاح
شكل الغزالة مع الصباح
***
باللــه ، يا رمز الوفا
خلينا من شوقنا و كفى
عاين أمام و أنظر قفا
تلقى الزهور ما ألطفا
مقتبسة من لونك صـِـفة
و النهر زي خـدك صــِفا
شكل الغزالة مع الصباح
***
هنـا .. هنـا يا ظريف
الظـِل وريف
و الجـو لطيف
و أنا و اٍنت في حلل العفاف
أرواحنا ممتزجو اٍئتلاف
كلما أقول ليك اٍقتراح
ترضاه بكل اٍرتياح
صورة العضو الرمزية
شـهد الكلامـ
مشاركات: 671
اشترك في: الأحد 2007.2.25 8:46 am
مكان: بلد المليون ميل

رد: اغنيات الحقيبة وجماليات كلماتها......

مشاركة بواسطة شـهد الكلامـ »

ود الدرديرى : ياصاح

انا معاك ونواااااصل والروعه برفقة ما طرحت

اكيد حتكون عندنا كتابات لها ايقاع بهناااااااا

اسمع انا كلمتا اولاااد جيرانا واخوانى فضل صلاااااااااح :040:

خليك جاهز مايبقى دعايه ساااااى هههههههه




صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »



عمران ياود ياراقي انت

عرج بي وميل نتأمل الافق الجميل
شكل الغزالة مع الصباح

يديك العافية والف شكر على المرور الدافيء


و....



هل من مـزيـــــــــــــد؟؟؟؟


صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »

شـهد الكلامـ كتب:
ود الدرديرى : ياصاح

انا معاك ونواااااصل والروعه برفقة ما طرحت

اكيد حتكون عندنا كتابات لها ايقاع بهناااااااا

اسمع انا كلمتا اولاااد جيرانا واخوانى فضل صلاااااااااح

خليك جاهز مايبقى دعايه ساااااى هههههههه






شـــــهــد

ياخ انا يومداك كنت بهظر معاك ساي
انتو بس الواحد اصلو مايهظر معاكم :001:
لاما لي الناس ديل كلهم يعني انا امشي وين
كان تجيبيهم واحد واحد ياخ:000:
وبعدين انا زاتو ماقاعد امشي الميدان داااك بعد المغرب نأنو شنو... امي مابتخليني ياخ :005:



صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »



حاول يخفي نفسه


للشاعر سيد عبد العزيز
غناها الحاج محمد أحمد سرور والكثيرون

حاول يخفي نفسه وهل يخفى القمر في سماه
أبداً لا وطبعاً لا شفناه شفناه
حاول يخفي نفسه وغير اتجاهه
سطع النور في أفقه وكل إنسان رآه
خلنا البدر أشرق كامل في علاه
وخلنا الزهر فتح من أنفاس شذاه
جذاب حسنه رايع لادن خلقه مايع
رقص البان مشيه تحب تنظر وشيه عيونك تختشيه
من قوة ضياهو ومن شدة حياهو
مرة إذا نظرته ونظره إليك رناه
قلبك ينشرح له وترتاح لي لقاه
دون تشعر تحبه وتلهج في ثناه
مرة تقول كبدر ومرة تقول كزهر
مرة تسمي شعري ومرة تسمي سحري
تغلب فيه أسما وبرضه تشوفه أسمى
كل وصفا تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلالي والكواكب تتناثر حداه
فيه الحسن أودع ما ملكت يداه
مفرح وشوفته تفرح
بتلقاك باسم كالزهر المنسق في زمن المواسم
تشوف في مقلتيه حياه دلاله تيه
واللحظ البجرح والوجد المبرح
أنا من دون أصرح
لي قلب اصطفاه وهسه هناك معاه


حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: اغنيات الحقيبة وجماليات كلماتها......

مشاركة بواسطة حافظ عوض الله محمد »

جاهل وديع مغرور

جاهل وديع مغرور فى احلام صباه نايم خلى ومسرور ماعرف الهوى فى سورو داخل سور فى روض الزهور غنى قصور فى قصور آية جمال مبهور احلام الربيع فى هيبة المنصور باهى الدلال موفور محجوب الخدور ماهو الخليع وسفور يذداد نفور فى نفور
واصبح قلبى فى ايدو اليمين عصفور

لو ينفع المحزون مالى ومال هواهو الضامر المفزور

قاسى ومنيع مابزول لكن دابو سال جاهل صغير
معزور


خلى الهلال فى حجور متقلب نجوم لافح حزار
لايجور


مابرحم المهجور محسور الجمال قال برضى حكم
الجور


ناعس لواحه حور هاروت لو رلآهن مثلى كان
مسحور


فاق الحسان الحور فى خدو الزهور زاهية وجواره
بحور

صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »

الاخ الرائع حافظ
لك التحية والتجلة على المرور الانيق
ولك آلاف التشكرات على امدادنا بهذه الاغنية الرائعة
واستميحك عذرا ايها الراقي في توضيح بعض كلماتها
وفي انتظار مايخطه مدادك دائما
وليييييييييييي قدام





جاهل وديع مغرور

جاهل وديع مغرور فى احلام صباه
نايم خلي ومسرور ماعرف الهوى


فى سور وداخل سور فى روضة زهور غناء وقصور فى قصور
آية الجمال مبصور اخلاق الرضيع فى هيبة المنصور

باهى الدلال موفور محجوب الخدور ماهو الخليع وسفور
زاد في نفورو نفور واصبح قلبى فى ايدو اليمين عصفور

لو ينفع المحزور مالى ومال هواهو الضامر المفزور
قاسى ومنيع مابزور لكن دابو تاب لسع صغيرمعذور

هلا الهلال فى حجور متقلد نجوم لافح إزار ديجور
مابرحم المهجور مأسور الجمال قال برضى حكم الجور

ناعس لواحظ حور هاروت لو رآهن مثلي صار مسحور
فاق الحسان الحور فى خدو الزهور زاهية وجواره بحور




حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: اغنيات الحقيبة وجماليات كلماتها......

مشاركة بواسطة حافظ عوض الله محمد »

الاخ ود الدرديرى شكرا للتوضيح فى اغنية جاهل وديع مغرور


]العاطفة النبيلة

بإسم الحب بقدم ليك حياتى ومعاها العاطفة النبيلة

عليك ياحب تحياتى
عليك اوقفته غاياتى
لحبى اضحى بحياتى
ter
احب الحب وايامو
وذكرياتو واحلامو
ومايوحيه الهامو

حياة الحب اسميها السعادة بكل معانيها
اقيف ليلاى اغنيها روح ياليل تعال ياليل

احب فى كل اوقاتى الاقى حبيبى يوماتى
اقيف ليهو يقول لى العهود بيناتنا مرعية

اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى
على تميل

عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى

احبك وانسى فيك زاتى
حبيبى غرامى تقديسك ويرتاح قلبى بى حديثك

حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل
[/size]
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: اغنيات الحقيبة وجماليات كلماتها......

مشاركة بواسطة ودالدرديري »

حافظ
لك الروعة يارائع
باسم الحب اقدم ليك حياتي ومعاها العطف النبيل




وباسم الخوة والصداقة وباسم الروعة ارجوك زدنا من هذا الامتاع
متعك الله بالعافية


ولييييييييييييي قدام
صورة العضو الرمزية
Suhaib
مشاركات: 1030
اشترك في: الأحد 2006.12.17 8:48 pm
مكان: Al-Hilal

رد: اغنيات الحقيبة وجماليات كلماتها......

مشاركة بواسطة Suhaib »

[align=center]كلمات: محمد بشير عتيق


ما بنسي ليلة كنا تايهين في سمر بين الزهور
انا وانت والنيل والقمر

وين يا جميل يوم كنا تايهين في سمر
من انسنا اتمتعنا بي جني الثمر
كم قلبي بالانفاس لانفاسك غمر
الجو سكر من ريك اتعطر خمر

ما بنسي ليلة كنا في شاطي النهر
نتعاطي خمر الحب بكاسات الزهر
والبدر مزق ظلمته و سفر ازدهر
في النيل سطع بي نوره واتقطع بهر

الليل هدا والجو صفا وغاب الاثر
النسيم بجيب من توتي اصوات المتر
اتا يا جميل بي صوت ضميرك المستتر
من شعري كم اسمعتك الحان في وتر

شفت النجوم تنظرنا بي نظرة شذر
لما القمر في افقه بغيابه اعتذر
صافين عفاف ياحبيبي خالين من قدر
في هوانا لا واشي ولا مراقب حذر

انا بي غرامك ياحبيب دمعي انفجر
وانا بي غناك ايقظت سكان الشجر
قبال اراك انا كنت في حيرة و ضجر
اليوم حظيت بلقاك يا ظبي الحجر،،،،



يـا روحــــي

كلمات: عبد الرحمن الريح


يا روحي أنصفني
في حكمك لأنو قاسي علي أنا يا حبيب ظلمك
تظلمني والأيام قد تنصف الانسان
نشاهد المحبوب عفوا عيان وبيان
بالنسبة للطفك والرقة يا فتان
ما كنت تظلم من قد أضحى بيك ولهان
تتركني للماضي مع انه في الامكان
نجدد الذكرى وتنسى كل الكان
هيامي بيك يا فاتن مصدره الانصاف
انصفت حسنك حب وانصفت حبي عفاف
ذوبت روحي معاني دقيقة في الاوصاف
هومت نفسي خيال في معبدك طواف
سكبت روحي على كاس المحبة سلاف
هل بعد ذلك كل سهام نواك اهداف
يا حبيبي غرامي تركته للايام
تركت حب ودموع تركت شوق وهيام
عودت نفسي اذا ما اشتدت الالام
اصبر على الحرمان واضحي بالاحلام
جنة هواي العذري ندية كالانسام
تخلي نار الشوق بردا علي وسلام





ود الدريري البوست شيق ،،وفيهو توثيق جميل ،،ساكون حاضرا دوما ،،تسم يا عزيز ،،،[/align]
[/color][/font][/size][/B]
أضف رد جديد

العودة إلى ”همس القصيد“