القرر لكم

يهتم هذا القسم بكل المعلومات عن وطننا الحبيب .

المشرف: بانه

صورة العضو الرمزية
نداوي
مشاركات: 133
اشترك في: الخميس 2009.9.10 2:32 am
مكان: المملكة العربية السعودية \ الرياض

القرر لكم

مشاركة بواسطة نداوي »

من سينتخب البشير لي يظل في حكم السودان ولماذ
صورة العضو الرمزية
نهـاد
مشاركات: 5023
اشترك في: الثلاثاء 2009.6.9 11:11 pm
مكان: في المجهول

رد: القرر لكم

مشاركة بواسطة نهـاد »

الســـــــــلام عليكم ورحمة الله

أخت نداوي بصراحة انا مالي كتير بالسياسة ولا من محبيها
بس ممكن أنتخب البشير للحكم ولأسباب كتيرة

منها أنو ساهم كتير في تغير البلد وقدم ليها الكتير من الأنجازات
وفي عهدو هو أتحقق السلام في الجنوب أخيراً
والأنجازات الفي عهدو لا تحصى
وغير كدا هو بكون عايز ينمي ويمشي البلد وعرف كلو شي فيها
عكس الشخص الي حيكم يادوب البلد
حيكون عايز يعمل قوانين جديدة ويغير النظام كلو ودا حيأخرنا كتير أكتر ممن ما نحنا متأخرين


ودا راي بسيط لواحده ما عندها علاقة بالسياسة :005:

تحيــــــــاتـــــــــي

تخريمة ::
الله يستر أهلي أنصار المهدي ما يقرو الكلام د
ا :028:
صورة العضو الرمزية
احساس الكون
مشاركات: 847
اشترك في: السبت 2007.8.25 9:40 pm
مكان: ليبيا
اتصال:

رد: القرر لكم

مشاركة بواسطة احساس الكون »

انا مع البشير لماذا
الكل بيقول البشير انشاءالله نحن من 15 سنه وماشين فى تقدم ليش ما نقول البشير
صورة العضو الرمزية
رءوف
مشاركات: 5329
اشترك في: الأربعاء 2009.7.29 12:24 pm
مكان: مكة

رد: القرر لكم

مشاركة بواسطة رءوف »

نرشح البشير لانو سودانى ولازم ننصرو على الغريب (بالنسبة للمحكمة الدولية) ونرشح البشير لانو ماتم فى عهده لم يحصل فى كل فترات الحكم السابقة من الحكم الثنائي الى عهد جعفر نميرى ، فى عهده عرفنا معنى السيادة والحرية وبقى لنا اسم وقرار لاننا اصبحنا نملك قوت يومنا وكنا قبل البشير كل شى لازم تقيف فى الصف لو عاوز خبز لاهلك تقوم من صباح الرحمن ولو عاوز موية برضو نفس الشى ولو عاوز بنزين كان لازم تنوم فى المحطة عشان فى الصباح يعطوك جالونين اصبحنا الان والحمد لله نصدر البنزين . ونرشحه لاهتمامه بالبنية التحتية من مستشفيات وجامعات ومدارس ووووووووو كثير جدا جدا وهذا ليس معناه انه لم تكن له سلبيات ،،،، بالعكس له سلبيات ومن اهمها الضرائب من يوم ماتدخل السودان سواء عن طريق المطار او ميناء سواكن .... كل شى بالفلوس واحيانا ياخذو فلوس من دون شى وكثرة الرشوة ..... لو هذه الاشياء الحكومة اهتمت بها مابتروح لينا عوجة تب
ودة راى واحد مالوش فى السياسة
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: القرر لكم

مشاركة بواسطة عمار ود الشرفه »

فخامه الرئيس المشير عمر حسن احمد البشير القائد الاعلي لقوات الشعب المسلحه ..
في اعتقادي لولا البشير ما كنا بنتواصل معاكم كده يا نداوي بكل سهوله ونتبادل الاراء والمواضيع ..
ومع انو اعلي سلطه في البلاد وحقق المستحيل واوقف اطول حرب اهليه في افريقيا ..
نحن مع البشيييييييييييير ..
وسيييييييير سيييييييييير يا البشييييييييييييير
صورة العضو الرمزية
ThEwWw
مشاركات: 484
اشترك في: الجمعة 2009.5.8 1:32 pm
مكان: الاردن

رد: القرر لكم

مشاركة بواسطة ThEwWw »

و الله انا والسياسه ما بنتفق و اغلب سنوات عمري قضيتها خارج البلد ...
بس من الشفناه في الاونه الاخيره انا مع البشير علي طول إنشاء الله والله يمد في عمره عشان نشوف كل خير يار ر ر ر ر ر ر ر ر ر ر ب
عجوز لكن منقه
مشاركات: 53
اشترك في: الخميس 2009.8.27 9:36 am
مكان: أرض الطيبين

رد: القرر لكم

مشاركة بواسطة عجوز لكن منقه »

اكيد اكيييييييييييييييييييييييييييييييييد مع البشير
ماشهده السودان فى عهده لم يشهده فى اى عهد اخر فى كل المجالات
وهذا واضح للجميع
وسير يابشير ونحن من خلفك نشد من ازرك :022:
صورة العضو الرمزية
patshe
مشاركات: 1205
اشترك في: الأحد 2009.7.12 10:04 pm
مكان: جدة..k.s.A
اتصال:

رد: القرر لكم

مشاركة بواسطة patshe »

[glow=3300ff]
نرشح البشير



وسير سير يا بشير
الله أكبر الله أكبر الله أكبر الله أكبر
[/glow]
صورة العضو الرمزية
ملاك الورد
مشاركات: 5979
اشترك في: الجمعة 2009.5.29 3:26 pm
مكان: السودان الحنون

رد: القرر لكم

مشاركة بواسطة ملاك الورد »

صراحه بنتخب الرئيس البشير
ما ممكن يكون للسودانيين في السنين دي الا البشير
مش عشان هو احسن رئيس سوداني
اصلا كفايه انه بحب السودان من قلبه
هو اكتر واحد يستحق للمنصب المهم و الخطير ده
و كده يكون الوضع السياسي هادئ و ثابت
و السودانيين يقفلوا موضوع الانتخابات الممل و مين حيكون الرئيس و حرق الاعصاب
و يشوفوا مشاكل السودان و مصايب الدنيا و مكائد الغرب علينا و يحلوها
ما يعلقوا في الانتخابات و البلد يقيف من المضي للأمام
و الحمد لله السودان في عمار مستمر

مشكوره على الموضوع
لكن انت معليش يعني مالك و مال السياسه
لمن تبقي 18
بخلوكي تسوقي سياره و تنتخبي و كده
لكن هسي خليكي مع الامور الفرفشه
و تقبلي مروري

صورة العضو الرمزية
حلوة وكلها ملح
مشاركات: 274
اشترك في: الثلاثاء 2009.9.8 10:24 pm
مكان: K.S.A

رد: القرر لكم

مشاركة بواسطة حلوة وكلها ملح »

والله انا ما بحب السياسة كلو كلو
صورة العضو الرمزية
Mr.POGIz
مشاركات: 622
اشترك في: الجمعة 2008.11.14 1:41 pm
مكان: ₪∫ წ∫ USA ∫ წ ∫₪≝

رد: القرر لكم

مشاركة بواسطة Mr.POGIz »

انا ما بفهم في السياسة برضو
لكن

في مفاهيم اتغيرت في الواقع وما اتغيرت عند كتير من السودانين
منها فهم الانقاذ بشكل عام
وانا افسدت البلد وانها دكتاتورية الى حد ما

وانا شايف انه حكومة البشير تماشت مدا حكمها مع متطلبات الشعب

وانا بصوت للبشير
لانه رجل في البداية بحب السودان وماسك الطريق صاح
ورجل زي ما قال الطيب صالح رحمه الله ابسط مافيه انه متواضع
والسودان في عهده اتطور تطور كبير جدا


يا بنتي احنا بقينا نصنع طاااااااائرات
zaina
مشاركات: 1309
اشترك في: الخميس 2008.6.12 10:02 am
مكان: بورتسودان مدينتى

رد: القرر لكم

مشاركة بواسطة zaina »

رءوف كتب: . ونرشحه لاهتمامه بالبنية التحتية من مستشفيات وجامعات ومدارس ووووووووو

ياربى نكون مادريانين
صورة العضو الرمزية
ملاك الورد
مشاركات: 5979
اشترك في: الجمعة 2009.5.29 3:26 pm
مكان: السودان الحنون

رد: القرر لكم

مشاركة بواسطة ملاك الورد »

عايزين تصوتوا لمنو يعني غير البشير

*سلفاكير مثلا : الجنوب الصغير بتعداده البسيط ما قادر يديره هههههه و لا قادر يعمل كنترول لوزراءه الشغالين نهب في عز الظهر

*و لا محمد نور المقيم في باريس و متفق مع اسرائيل ضد السودان ؟؟؟

*و لا ابراهيم خليل الما قدر يرحم الاطفال و عملهم جنود و هجم على " سودانيين" بدبابات و قنابل و مسدسات؟؟!!!!!!!!

*و لا كمان في واحد دكتور "طبيب " عايز يبقى الرئيس " و هو شاعر حنون مرهف الاحساس كمان ههههه"
لمن سألته المذيعه في قناة الشروق عن الخطة الإستراتيجية التنمويه البدير بيها البلد اسمها شنو؟
قال ليها اسمها ( صباحات الروعه!!!!!! ) :blink: :blink:
و قال : لتكن _ ص صحه للجميع
ب بيت للجميع
أ أكل للجميع
هسي دي حاله دي
اقول احسن لينا المشير البشير من انه الدستور السوداني يبقى قصيده غزل
صورة العضو الرمزية
رءوف
مشاركات: 5329
اشترك في: الأربعاء 2009.7.29 12:24 pm
مكان: مكة

رد: القرر لكم

مشاركة بواسطة رءوف »

zaina كتب: ياربى نكون مادريانين
زينة عنك بس مدينتك بورتسودان شوفيها زمان كيف وهسع كيف على فكرة انا كنت فى بورتسودان قبل 8 اشهر بقت روعة وخاصة الكورنيش
zaina
مشاركات: 1309
اشترك في: الخميس 2008.6.12 10:02 am
مكان: بورتسودان مدينتى

رد: القرر لكم

مشاركة بواسطة zaina »

رءوف كتب:زينة عنك بس مدينتك بورتسودان شوفيها زمان كيف وهسع كيف على فكرة انا كنت فى بورتسودان قبل 8 اشهر بقت روعة وخاصة الكورنيش
طبعا يارؤف ماده القصد من جملتى فمن ينكر انجازات الانقاذ الا يكون عميان وشى طبيعى حكم لمدة عشرين سنة لازم يكون فيه انجازات حتى وان كانت قليلة "ومنها سد مروى هو انجاز عظيم للسودان رغم انوا لسه ماشفنا منو شئ ملموس "

ولكن مع كل الانجازات الملموسة للاسف توجد"... بلاوى "برغم ان كل حكومة لديها سلبيات " ولكن سلبيات الانقاذ والله طغت على الايجابيات بكثير

وربنا يصلح الاحوال
صورة العضو الرمزية
رءوف
مشاركات: 5329
اشترك في: الأربعاء 2009.7.29 12:24 pm
مكان: مكة

رد: القرر لكم

مشاركة بواسطة رءوف »

zaina كتب:طبعا يارؤف ماده القصد من جملتى فمن ينكر انجازات الانقاذ الا يكون عميان وشى طبيعى حكم لمدة عشرين سنة لازم يكون فيه انجازات حتى وان كانت قليلة "ومنها سد مروى هو انجاز عظيم للسودان رغم انوا لسه ماشفنا منو شئ ملموس "

ولكن مع كل الانجازات الملموسة للاسف توجد"... بلاوى "برغم ان كل حكومة لديها سلبيات " ولكن سلبيات الانقاذ والله طغت على الايجابيات بكثير

وربنا يصلح الاحوال
واكثر البلاوى والتى تستنزف الناس ايصالات السيارات وبتاعين المرور وعلى عينك كدة السنة الماضية جيت ببورتسودان وكان معى بوكس والله العظيم من بورتسودان الى الخرطوم انا بدفع رشاوى الى ان وصلت مع العلم ان الاوراق كلها نظامية وتعال لم قلت عاوز اغير اللوحات من سعودية لسودانية باقى ليهم بس يقولو لى البوكس دة لازم تطلع ليهو باسبورت ورقم وطنى وكل شوية بتاع المرور يمسكنى فى الشارع ويقول لى رخصتك سعودية وانت سودانى كيف دة؟؟؟ ولو عاوز تفهمو الوضع ياتديهو رشوة او تقعد تسكلب فى الشارع ويقولو عليك مخك ضرب اودوك التجانى الماحى
صورة العضو الرمزية
bob marley 2009
مشاركات: 1050
اشترك في: الجمعة 2009.6.19 7:51 am
مكان: sudan
اتصال:

رد: القرر لكم

مشاركة بواسطة bob marley 2009 »

قال البشير قال والله ارشح لى واحد بتاع ورنيش وما ارشحو

انتو شاربين حاجه ولا شنو
صورة العضو الرمزية
نداوي
مشاركات: 133
اشترك في: الخميس 2009.9.10 2:32 am
مكان: المملكة العربية السعودية \ الرياض

رد: القرر لكم

مشاركة بواسطة نداوي »

ياملاك الود وين كانت الحكومة لما دخلوى الشفع با الدبابات والقنابل عشان يحاربة الحكومة بجد حسستينى ان الي دخلوى دول ماسودانين بجد شكلك بتحسبيهم امركان وبعدين اسئلى الي اللبشير وقليلة ندى علي بتقليك وين راحوي الشفع الي هاجمة العاصمة
صورة العضو الرمزية
ملاك الورد
مشاركات: 5979
اشترك في: الجمعة 2009.5.29 3:26 pm
مكان: السودان الحنون

رد: القرر لكم

مشاركة بواسطة ملاك الورد »

ندى انتوا لو عايزين ليكم رئيس مثالي دا ما الوقت المناسب
ما عندكم و قت و لا ظروفكم بتسمح , مشاكل مع المحكمه الدوليه و مشاكل انفصال
حلوها و احسن الوضع هسي من ما تقعدوا تضيعوا السنين الجايه في البحث عن رئيس
خصوصا السودانيين اي زول عايز يبقى رئيس و جنهم اعتراض لو زول قال الشمس صفرا يغالطوه
دا ما وقت النقاش دا وقت السودانيين يقيفوا يد واحدهو يبعدوا اوكامبوا و بعدين اعملوا انتخاباتكم
صورة العضو الرمزية
همسة عطر
مشاركات: 577
اشترك في: الأربعاء 2008.3.19 2:29 pm
مكان: الرياض

رد: القرر لكم

مشاركة بواسطة همسة عطر »

نرجو من الله العلي القدير أن يولى بلادنا من يصلحها .. وأن يبعد عنها كل الفاسدين...

ودمتم اخوتي وسودننا الحبيب في خير ونعمة
أضف رد جديد

العودة إلى ”منتدى السودان العام“