بٌــراق طيفــك

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

بٌــراق طيفــك

مشاركة بواسطة ندى البيلسان »

[glow=cccccc]
أيا بحر الهوى التريان

دوام بحواك زي القيف

وأرسل ليك عصافير شوقي

شان تقدر تترجم ليك

نغم حرفين بزاحمن ديمه نبضاتي

ويسرن فيني مسرى دماي

يعيشن جوّه شرياني

يكونن لي معنى حياتي

بهجة عمري كل دُناي

وأرسل ليك طيور ريدي

دُعاش مطري ونسيم هبباي

تزورك في نهار الصيف

تحجب ليك شعاع شمسك

ويبقى الضُل حِداك وريـف

ترفرف ليك جِنيحاتها

يجيك هواها حاني لطيف

ترسل لي إشاراتك

رسالة رقيقة من قلبك

شايلا طير أمين زاجل

مترجما عقل واعي حصيف

أشد صهوة براق الطيف

وأجيك فِسراع

نتبادل كؤوس الريد

نعيش نشوة حياة عُشاق

وحب طاهر شفيف وعفيف
[/glow]
صورة العضو الرمزية
osman hassan
مشاركات: 49
اشترك في: الثلاثاء 2009.8.25 10:24 am
مكان: السعودية

رد: بٌــراق طيفــك

مشاركة بواسطة osman hassan »

[foq1]والله كلام جمييييييييييييييل خالص يا اخت ندى وما اجمل الحب لو كان كل الناس بتحس بيهو كدا
الله يديك العافية وتقبلي مروري ولك كل الود .
[/foq1]
صورة العضو الرمزية
ابورزقه
مشاركات: 103
اشترك في: الاثنين 2009.8.17 1:00 pm
مكان: sudan

رد: بٌــراق طيفــك

مشاركة بواسطة ابورزقه »

تسلمي علي هذا القريض.................
مزيدا من الابداع................
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: بٌــراق طيفــك

مشاركة بواسطة ام صبا »


كــلــمـــات فـــى غـــايــة الــروعــة
سـلــمــت يــداك عــلــى هــذا الــجــمــال
أضف رد جديد

العودة إلى ”همس القصيد“