احلامي وحياتي

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

احلامي وحياتي

مشاركة بواسطة نهر المحبه »

طبيعة الفتاة تحب الجمال واللبس ومنذ صغرها تحلم كل فتاة بفارس احلامها الذي ياتيها على الحصان الابيض وياخذها بعيدا ويعيشا في حب وسعاده دائمه
لكن هذه الاحلام في زمننا هذا اصبحت تحكمها اشياء كثيره مشكلة العنوسه اصبحت مشكله كبيره تواجه الكثير من الفتيات واسبابها كثيره وعديده منها غلاء المهور وما الى ذلك من الاسباب
عندما يتقدم الشاب الى الفتاة تبدا الطلبات
المهر- ايجار صالة الافراح- طباعة الكروت- الحنه- الحفل الكبير -تاسيس المنزل - مصاريف شهر العسل ........................والقائمه تطول
وكل شياء منذ الدهر تعارف عليها اجدادنا واصبحت عادات وتقاليد تمسك بها الاولون لان ظروف الحياة كانت ايسر
لكن الان مع غلاء الممعيشه وقلة الرواتب اصبح من الصعب التمسك للإيفاء بجميع تلك المتطلبات
مثلا لو تخلت الفتاة عن بعض من تلك الطلبات ووافقت على البعض الاخر هل ستكون راضيه عن نفسها بكل صراحه هل من السهل ان تتخلين عن حلمك الذي لطالما عاشت الفتاة وهي ترسم ملامحه
طبعا قد تضطر الفتاة لفعل مثل هذا احيانا وللتفادى مشكلة العنوسه
هل من الممكن ان نغير من تلك العادات والتقاليد التي هي من الاسباب التي تجعل الشباب يحجمون قليلا عن الزواج عند اعادة الحسابات والنظر فيها ام ان التمسك بها اصبح واقع لابد لنا ان نرضى به
ومشكله اخرى هي مشكلة المباهاه امام الاصدقاء والاقارب بالمهر او مايسمى(البوبار) من جهة والدة العروس كيف لنا ان تفادى مثل هذه المشاكل
ارجو ان تكون الردود واقعيه اكثر من ان تكون مثاليه
ودمتم اعزائي بود
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: احلامي وحياتي

مشاركة بواسطة ود الزوحي »

بالنسبة للرد ..أعتقد إنو البنات هم أهم شريحة ممكن ترد عليك ..
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: احلامي وحياتي

مشاركة بواسطة نهر المحبه »

ود الزوحي كتب:بالنسبة للرد ..أعتقد إنو البنات هم أهم شريحة ممكن ترد عليك ..
اولا اشكرك اخي العزيز على التواجد
بالنسبه للرد اعتقد انو برضو ردكم مهم لانكم برضو معنين بهذه المشكله
صورة العضو الرمزية
مهاجر في البلد
مشاركات: 27892
اشترك في: الأربعاء 2008.2.13 8:57 pm
مكان: السودان - الخرطوم

رد: احلامي وحياتي

مشاركة بواسطة مهاجر في البلد »

الاخت الفاضلة نهر المحبة

الزمن فعلا اتغير والحياة امتلأت بالضغوط المعيشية وفي نظري انو الناس لو رجعت الى ( إذا اتاكم من ترضون دينه وخلقه فزوجوه )

اذا جاك الشخص المناسب وذو الخلق القويم وعندو شغل يستر حالو حقو الناس ماتتوقف وربنا بيت الحلال بتمو والارزاق بيد الله مامعروف بكره بحصل شنو
وياريت الناس خاصة الامهات
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: احلامي وحياتي

مشاركة بواسطة نهر المحبه »

الاخ العزيز مهاجر
في البدايه بشكرك على تواجدك في البوست وردك
وياريت الناس ترجع زي ماقلت وبالمواصفات دي زاتها
بس في حاجات هي بتخلي الناس يعني مايرضو بالشخص كده طبعا كل واحد بسببه
واسعدني مرورك
صورة العضو الرمزية
ملاك الورد
مشاركات: 5979
اشترك في: الجمعة 2009.5.29 3:26 pm
مكان: السودان الحنون

رد: احلامي وحياتي

مشاركة بواسطة ملاك الورد »

نتفاداها بالعلم و الفهم و الثقافه
و المبالغه في المهور مشكله كبيره بتؤدي الى تضخم مشكلة العنوسه
لأنه مستوى معيشة الفرد السوداني ما عالي - فكيف نفرض على العريس يجيب مهر كبير
و ما كل الناس ليهم نفس المستوى المعيشي بسبب ظروف السودان و مشاكله الاقتصاديه

تقبلي مروري
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: احلامي وحياتي

مشاركة بواسطة ود الزوحي »

كده نشاركم شوية ..

أعتقد انو السبب التاني المهم في الموضوع ده هو الآباء .. فبتكون الأم أو الأب الواحد فيهم عاش تجربة صعبة وماعايزين واحد من أبناءهم يكرر نفس الماساة ..

بس زي ما ذكرت .. البنات بالذات في الزمن ده .. بقى عندهم قوة شخصية .. فالوحدة تلقاها بتختار الحاجة العايزاها .. ولو أهلها رفضو بتلقاها بتصر على رايا ..


يعني زي ما ذكرت آنفا .. إنو البنات هم الشريحة المهمة في هذا الموضوع ..


والله يكون في عون الزينا ديل ...
صورة العضو الرمزية
ابن عوف
مشاركات: 7729
اشترك في: الخميس 2008.6.19 7:51 pm
مكان: وسط اهلى الطيبين وسمحين

رد: احلامي وحياتي

مشاركة بواسطة ابن عوف »

نهر المحبة يديك العافية


نعم الظروف تغيرت بالمحيط الحولنا ليس السودان وحده بل اعتقد مشكلاتنا متاربة مع بعض


غلا المعيشة وارتفاع الايجارات يعنى غلا عام هى لها دور فى احجام الشباب عن الزواج


اذا الطرفين المعنيين بالامر جلسو وتفاهمو اكيد المشكلة بتحل اما عن طلبات الفتاة يمن قبل الزواج تتنازل


عن بعض منها ومع الايام تقدر تتأقلم مع الوضع وبطريقتها الخاصة تقدر تحقق ما تنازلت او اجلته

من قبل


واسف عى الاطالة


ودمتم جميعا بود
صورة العضو الرمزية
امال الناس
مشاركات: 27686
اشترك في: الأربعاء 2009.6.17 9:57 am
مكان: السودان

رد: احلامي وحياتي

مشاركة بواسطة امال الناس »

ود الزوحي كتب:بالنسبة للرد ..أعتقد إنو البنات هم أهم شريحة ممكن ترد عليك ..
فعلاً البنات هن الضلع الاساسي ولكن نحنا نقولها بطريقة اجمل يا ود الزوحي اذا اتفقا الولد والبنت يبقي [3mr=backgrounds/16.gif][color=9ACD32[img3]]خلاص مافي مشكلة لان الزواج اتفاق بين اثنين والباقي تمامة خير انا بعرف بنت اهلها اثريا لحد بعيد ولما اتفقت مع زميلها في الجامعة سافر هو بلجيكا بعد التخريج علي طول ورسل عملوا العقد وعملت غداء فقط وحنة وسافرت يعني كانت ممكن تقلب الدنيا لكن اكتفت بشريك حياتها الاختارته لانه هو فرحتها الكبري يا اريت كل البنات والاودلاد يكوني ذي رندة وعادل رغم زعل اخواتها منها الا اقنعتهم بانها هي الحاتتزوج مش هن[/3mr][/img3][/color]
صورة العضو الرمزية
توقن فنتي
مشاركات: 302
اشترك في: الأحد 2009.10.4 7:24 pm
مكان: سعوديه

رد: احلامي وحياتي

مشاركة بواسطة توقن فنتي »

الغاليه نهر المحبه
السلام عليكم
يعطيك الف عافيه

قبل اي شيئ احكليكم تجربتي في الزواج والان كثير من اصدقائي سلكو نفس الخطه ونجحو فيها كنت على علاقه بخطيبتي منذ عام بدون اعلان رسمي او ما يسمونه الخطوبه بقولة حير فقط وبعد ان جهزت نفسي معنويا وماديا ارسلت لها مبلغ معين لشراء ملبوسات لها ومبلغ لتجهيز نفسها للسفر الي دوله عربيه بدون سد مال ولا صالات ولافنان ولالالالالا ووكلت اخي ليكون وكيلا عني وقضيت شهرين عسل بدل شهر واحد وهذا وفر لي الكثير الكثير ونا اعيش والحمدلله حياة هانئه وسعيدة مع اسرتي الصغيرة
وارجع لموضوعك واقول الاب والام ما زي زمان عايزين سترة البنت واذا كان في تفاهم بين الاثنين ممكن يعملوها كرامه والامور كل بيد الزوج وانا اشوف انوالمهر في السودان ما يشكل اي هاجس في الزواج حضرت لي مؤتمر في وادي حلفا كان عن تعداد سكان محلية وادي حلفا وتشجيع الرجال على الزواج وحتى بزوجه ثانيه وثالثه ورابعه وضمن المحاضرين البروف احمد الامام وضمن الاحصاءت 20فتاة مقابل شاب واحد تخيل لو اخذت اجمل وحدة فيهم ال19 يمشي وين اذا المشكله ما مشكله الاب والام المشكله مشكلة فتيات يبطلو الانانيه كل يمشي في السليم يعني يقبل بالثانيه وهي ايضا تقبل ان تكون هي الثانيه رقم علمي بان هذه المداخله سيجني كلام كثثثثثثثثثثثثثثثثثثثثثثثثثثثثير من وزارة الداخليه
السلام عليكم ورحمة الله وبركاته
ودالفضيل
مشاركات: 65
اشترك في: الأربعاء 2009.8.12 10:25 am
مكان: الخرطوم

رد: احلامي وحياتي

مشاركة بواسطة ودالفضيل »

حقيقة الموضوع حي بشكرك عليه
بالنسبة لهذه المشكلة يا ما عملت ندوات
وتكلم الناس في المنتديات ووسئل الاعلام المختلفة
لكن لا حياة لمن تنادي .
الوالد يكون حاضر الناس وهي بتامن علي ترك غلاء المهور
ولمن يجي صاحب النصيب الما اصلا حيبقي صاحب نصيب تلقي الوالد
يرجع لعرس بت فلان والعجب الامهات ...
الحل في نظري يكمن في مزيد من البورة حتى يدرك اولياء الامور
معني الزواج هل هو مباهاة ام سترة حال ......تسلموا
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: احلامي وحياتي

مشاركة بواسطة نهر المحبه »

ملاك الورد كتب:نتفاداها بالعلم و الفهم و الثقافه
و المبالغه في المهور مشكله كبيره بتؤدي الى تضخم مشكلة العنوسه
لأنه مستوى معيشة الفرد السوداني ما عالي - فكيف نفرض على العريس يجيب مهر كبير
و ما كل الناس ليهم نفس المستوى المعيشي بسبب ظروف السودان و مشاكله الاقتصاديه

تقبلي مروري
عزيزتي ملاك اسعدني مرورك
نعم نتفادها بالعلم والثقافه والفهم
واحترم رايك كثيرا
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: احلامي وحياتي

مشاركة بواسطة نهر المحبه »

ود الزوحي كتب:كده نشاركم شوية ..

أعتقد انو السبب التاني المهم في الموضوع ده هو الآباء .. فبتكون الأم أو الأب الواحد فيهم عاش تجربة صعبة وماعايزين واحد من أبناءهم يكرر نفس الماساة ..

بس زي ما ذكرت .. البنات بالذات في الزمن ده .. بقى عندهم قوة شخصية .. فالوحدة تلقاها بتختار الحاجة العايزاها .. ولو أهلها رفضو بتلقاها بتصر على رايا ..


يعني زي ما ذكرت آنفا .. إنو البنات هم الشريحة المهمة في هذا الموضوع ..


والله يكون في عون الزينا ديل ...
كويس انك راجعت نفسك ورديت
بس برضو ياود الزوحي قوة الشخصيه على ما‘أعتقد ماشي سيء
تصر على رايها وتدافع عن نفسها اذا الشي مافي صالحها او انه اهلها اجبروها على حاجه معينه
ودور الاباء والامهات اعتقد انه هم بحاولو مايعيشو ابناؤهم في نفس الزمن الصعب الهم عاشو بس احيانا الادوات والاساليب البستخدموها هي البتكون المشكله
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: احلامي وحياتي

مشاركة بواسطة نهر المحبه »

ود ابنعوف كتب:نهر المحبة يديك العافية


نعم الظروف تغيرت بالمحيط الحولنا ليس السودان وحده بل اعتقد مشكلاتنا متاربة مع بعض


غلا المعيشة وارتفاع الايجارات يعنى غلا عام هى لها دور فى احجام الشباب عن الزواج


اذا الطرفين المعنيين بالامر جلسو وتفاهمو اكيد المشكلة بتحل اما عن طلبات الفتاة يمن قبل الزواج تتنازل


عن بعض منها ومع الايام تقدر تتأقلم مع الوضع وبطريقتها الخاصة تقدر تحقق ما تنازلت او اجلته

من قبل


واسف عى الاطالة


ودمتم جميعا بود
مشكور اخي العزيز ابن عوف على مرورك الكريم
ورايك اعجبني كثيرا وفعلا حسب مافهمته من ردك من ترك شيئا لله عوضه الله خير منه في الدنيا والاخره
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: احلامي وحياتي

مشاركة بواسطة نهر المحبه »

امال الناس كتب:فعلاً البنات هن الضلع الاساسي ولكن نحنا نقولها بطريقة اجمل يا ود الزوحي اذا اتفقا الولد والبنت يبقي [3mr=backgrounds/16.gif][color=9acd32[img3]]خلاص مافي مشكلة لان الزواج اتفاق بين اثنين والباقي تمامة خير انا بعرف بنت اهلها اثريا لحد بعيد ولما اتفقت مع زميلها في الجامعة سافر هو بلجيكا بعد التخريج علي طول ورسل عملوا العقد وعملت غداء فقط وحنة وسافرت يعني كانت ممكن تقلب الدنيا لكن اكتفت بشريك حياتها الاختارته لانه هو فرحتها الكبري يا اريت كل البنات والاودلاد يكوني ذي رندة وعادل رغم زعل اخواتها منها الا اقنعتهم بانها هي الحاتتزوج مش هن[/3mr][/img3][/color]
خالتو امال نورتي الصفحه
ومشكوره على المثال الحقيقي الرائع اللي عرضتيه
يالله هي راضيه ليه المجتمع حوالينها ما يكون راضي يعني بوجود قناعتها هي بالموضوع الا انه الاطراف المحيطه بيها ما راضيه هي شخصيتها قويه قدرة تقنع الحولها وتحقق حلمها وتعيش حياتها بس في كتير مابقدرو يعملو زيها لانهم بكونو موضوعين داخل سجون ليس لهم مطلق الحريه في التحكم بذاتهم بسبب تدخل الاخرين
اسعدني مرورك كثيرا
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: احلامي وحياتي

مشاركة بواسطة نهر المحبه »

توقن فنتي كتب:
الغاليه نهر المحبه
السلام عليكم
يعطيك الف عافيه

قبل اي شيئ احكليكم تجربتي في الزواج والان كثير من اصدقائي سلكو نفس الخطه ونجحو فيها كنت على علاقه بخطيبتي منذ عام بدون اعلان رسمي او ما يسمونه الخطوبه بقولة حير فقط وبعد ان جهزت نفسي معنويا وماديا ارسلت لها مبلغ معين لشراء ملبوسات لها ومبلغ لتجهيز نفسها للسفر الي دوله عربيه بدون سد مال ولا صالات ولافنان ولالالالالا ووكلت اخي ليكون وكيلا عني وقضيت شهرين عسل بدل شهر واحد وهذا وفر لي الكثير الكثير ونا اعيش والحمدلله حياة هانئه وسعيدة مع اسرتي الصغيرة
وارجع لموضوعك واقول الاب والام ما زي زمان عايزين سترة البنت واذا كان في تفاهم بين الاثنين ممكن يعملوها كرامه والامور كل بيد الزوج وانا اشوف انوالمهر في السودان ما يشكل اي هاجس في الزواج حضرت لي مؤتمر في وادي حلفا كان عن تعداد سكان محلية وادي حلفا وتشجيع الرجال على الزواج وحتى بزوجه ثانيه وثالثه ورابعه وضمن المحاضرين البروف احمد الامام وضمن الاحصاءت 20فتاة مقابل شاب واحد تخيل لو اخذت اجمل وحدة فيهم ال19 يمشي وين اذا المشكله ما مشكله الاب والام المشكله مشكلة فتيات يبطلو الانانيه كل يمشي في السليم يعني يقبل بالثانيه وهي ايضا تقبل ان تكون هي الثانيه رقم علمي بان هذه المداخله سيجني كلام كثثثثثثثثثثثثثثثثثثثثثثثثثثثثير من وزارة الداخليه
السلام عليكم ورحمة الله وبركاته
مرحب بيك اخي العزيز وعندي الفضول لمعرفة ما معنى توقن فنتي
اولا الف مبروك وياريت كتير يعملو كده بس كلامك الباقي ده عايز ليه موضوع براهو ممكن ترضى في البدايه لكن المشاكل حتزيد بعدين كيف احنا نضمن انهم مايعيشو على اساس انهم ضرات قبل كده جابو في التلفزيون راجل متزوج 4 حريم عايشين مع بعض واولادهم كمان المشكله كلها في الرضى
واسعدني مرورك الكريم
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: احلامي وحياتي

مشاركة بواسطة نهر المحبه »

ودالفضيل كتب:حقيقة الموضوع حي بشكرك عليه
بالنسبة لهذه المشكلة يا ما عملت ندوات
وتكلم الناس في المنتديات ووسئل الاعلام المختلفة
لكن لا حياة لمن تنادي .
الوالد يكون حاضر الناس وهي بتامن علي ترك غلاء المهور
ولمن يجي صاحب النصيب الما اصلا حيبقي صاحب نصيب تلقي الوالد
يرجع لعرس بت فلان والعجب الامهات ...
الحل في نظري يكمن في مزيد من البورة حتى يدرك اولياء الامور
معني الزواج هل هو مباهاة ام سترة حال ......تسلموا
اخي ابن الفضيل مشكور على مرورك ونعم مليون مؤتمر ومنتدى عمل لمناقشة هذا الموضوع ويخرجون بتوصيات لكن لا نجد لها اي اثر على ارض الواقع لماذ؟؟؟؟؟
مالك علينا ماشاء الله عليك متفائل جدا
يالله معناها المشكله فينا كلنا كاسره الكل مشترك فيها الفتاة وامها وابوها طيب كيف نقدر نقنع الاطراف دي وتغير فكرتها عشان الموضوع ده يتحل
هذار
مشاركات: 221
اشترك في: الأحد 2009.10.4 8:21 am
مكان: بينكم

رد: احلامي وحياتي

مشاركة بواسطة هذار »


الحقيقه انا قرات الموضوع واترددت في الرد علي الموضوع
لان الان اصبحنا لا نقدر نفتي ولا نقول كلمه في الموضوع ده
مين اللي قال انو البنت بقت تصر علي رأيها وتفرضو علي اهلها
عشان تتزوج واحد اختارته بنفسها . الاسره هي وكلمة الاب والام
هي النافذه وماتنسو دور الاخوان في البيت كل واحد عايز يفرض رأيه
يعني اولياء الامور متعددين كمان في البيت واختيارهم بيعتبرو هو الصاح
وهو البيمشي, وفي وجهة نظرهم وبعد تمحيص وتدقيق في النسب والحسب
ناهيك عن البحث عن الوضع المادي .احنا مابنقدر نفهم عقلية الاكبر مننا كيف بيفكرو
عايزين الضمان و الامان المادي والاجتماعي والمستقبل لبنتاهم بالرغم الكل تقريبا
صار متعلم ومتثقف من البنات وعندهم سلاح العلم بيقدورو يتخطو به اي محنة
لكن لسه الاهل بيختارو ويقررو لان الزوج الجديد بيكون فرد من الاسره فعايزين
البناسب بيتهم وعائلتهم , وانا بطرح هنا وجهة نظر الاهل واما وجهة نظري لا استطيع
ان اعلنها ,انا مابقدر اقول,, انا مابقدر اصرح ,, امكن .........................
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: احلامي وحياتي

مشاركة بواسطة نهر المحبه »

سمراءالنيل كتب:
الحقيقه انا قرات الموضوع واترددت في الرد علي الموضوع
لان الان اصبحنا لا نقدر نفتي ولا نقول كلمه في الموضوع ده
مين اللي قال انو البنت بقت تصر علي رأيها وتفرضو علي اهلها
عشان تتزوج واحد اختارته بنفسها . الاسره هي وكلمة الاب والام
هي النافذه وماتنسو دور الاخوان في البيت كل واحد عايز يفرض رأيه
يعني اولياء الامور متعددين كمان في البيت واختيارهم بيعتبرو هو الصاح
وهو البيمشي, وفي وجهة نظرهم وبعد تمحيص وتدقيق في النسب والحسب
ناهيك عن البحث عن الوضع المادي .احنا مابنقدر نفهم عقلية الاكبر مننا كيف بيفكرو
عايزين الضمان و الامان المادي والاجتماعي والمستقبل لبنتاهم بالرغم الكل تقريبا
صار متعلم ومتثقف من البنات وعندهم سلاح العلم بيقدورو يتخطو به اي محنة
لكن لسه الاهل بيختارو ويقررو لان الزوج الجديد بيكون فرد من الاسره فعايزين
البناسب بيتهم وعائلتهم , وانا بطرح هنا وجهة نظر الاهل واما وجهة نظري لا استطيع
ان اعلنها ,انا مابقدر اقول,, انا مابقدر اصرح ,, امكن .........................
عزيزتي سمراء شكر لمرورك الكريم الذي انار صفحات موضوعي
ورايك وردك جميل جدا ووجهة نظرك انا معك فيها
صورة العضو الرمزية
توقن فنتي
مشاركات: 302
اشترك في: الأحد 2009.10.4 7:24 pm
مكان: سعوديه

رد: احلامي وحياتي

مشاركة بواسطة توقن فنتي »

نهر المحبه لك التحيه
بما انني عشت الثلث الاول من حياتي في اقصى الشمال بلاد النوبه والثلث الثاني بحري الحاج يوسف والثلث الاخير الذي انا بها الان مغترب مطرب بل الثلث الاول لها طعم خاص مهد طفولتي وصباي لها مكانه خاصه الرمز قبه في قريتي توقيعي الغروب في بحيرة النوبه وتوقن فنتي معناه البلح الذي يتساقط من النخل بعامل الرياح وهي كلمه نوبيه توق يعني الرياح فنتي تعني البلح وشكرا لك نهر المحبه وانا سعيد جدا بسؤالك الذي سميتها بالفضول
[mshosh1]«®°·.¸.•°°·.¸¸.•°°·.¸.•°®»توقن فنتي«®°·.¸.•°°·.¸¸.•°°·.¸.•°®»[/mshosh1]
أضف رد جديد

العودة إلى ”حوارات جادة“