ظاهرة العمالة الاظجنبية في السودان محيرة

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
علي ابكرش

ظاهرة العمالة الاجنبية في السودان محيرة

مشاركة بواسطة علي ابكرش »

[frame="7 60"]عمالة اجنبية با اعداد كبيرة تلاحظ موخر بانها اصبحت في معظم المرافق.
خاصة المستشفيات.وشركات النظافة وسايقن الركشات ونظافة الطرق.اما باالنسبة لي المطاعم الراقية با نلقها كلها اجانب شي يحير .
ولحدي هنا الموضوع عادي .
في حجات بقت تعتقد في البلد دى يعني كل يوم بنسمع نسبت العطالة بذيت كيف يمكن ان نصف هذا المسلك محاربة لااقتصاد البلد ام افراز من افرازت البترول.او ارتفاع مستوا المعيشة.ام تقلير اعمي لي دول الخليج.
ام فرصة للثراء با ستقلال هذة العمالة الرخيصة.ام ماااااااااااااذا؟
هل القطاع الخاص هو المسؤال عن دخول العمالة الاجنبية با السودان؟
ام وزارة العمل هياء المسؤلة عن دخول هذة العمالة؟
[/frame]
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: ظاهرة العمالة الاظجنبية في السودان محيرة

مشاركة بواسطة sunni »

عزيزي علي، في إجازتي الأخيرة، كان عندي إجتماع مع مدير قسم التدريب في جهه كبيرة جداً في الدولة (ما ح أقدر أذكره لأني ما مخول بالحكاية). وأنا كنت أمثل شركة عملناها نحن مجموعة جماعة كمبيوتر وإتصالات. المهم حكى لينا انه بعد إكتمال مبناهم، إتعاقدوا مع شركة سودانية للضيافة والخدمات،،، كلها شهرين وفسخوا العقد معاهم وجابوا شركة أجنبية،، والموضوع بقى تمام التمام.

الحاصل يا أخ على إننا نحن شعب لا ننظر إلى التجويد ف العمل،، يعني ممكن واحد يعمل ليك شغل (قد) يكون بمواصفات عالية جداً، ولكن اللمسات النهائية Finishing تكون أزفت من الزفت. طيب أقول ليك حاجة،، قبل ما تدخل العمالةالأجنبية للسودان، أنا باعرف واحد قام ببناء بيته كاملاً، ولما وصل مرحلة البياض ثم الكهرباء والأصباغ وخلافة،،،، قااااام جاب عمالة أجنبية وخلص الشغل. الموضوع ما رخصة ولا شيء، الموضوع مستوى أداء، ونحن لا نقبل التوجية ولا الإنتقاد، عشان كدة نحن أفهم ناس، وشغلنا أحسن شغل ووووو. لكن في الحقيقة، جودتنا صفر، وصفر على الشمال. خلو العمالة الأجنبية تدخل، بس على شرط، انه عمالنا لازم يوعو ليه العمالة دخلت، ويقوموا يتعلموا منهم الإلتزام والجودة.

تحياتي
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: ظاهرة العمالة الاظجنبية في السودان محيرة

مشاركة بواسطة سودانية نار »

علي شكرا ع طرح هذا الموضوع الهام
الحقيقة الحكاية دي ملاحظة جدا
في الاونة الاخيرة في السودان
وحتي سالت كم جهةتعتمد علي العمالة الاجنبية من من باب الفضول
لماذا تفضلون العمالة الاجنبية ع السودانية
وكلهم اجمعوا
وانا باكد اجمعوا
ع ان العمالة الاجنبية ارخص
وافيد
لان الشباب السوداني يترفع عن القيام ببعض الاعمال التي تقوم بها العمالة الاجنبية
بينما خارج وطنه لايمانع في ادائها
اليوم في السوداني
العمالة الاسيوية والمصرية والافريقية
اكثر تفضيلا من العمالة السودانية
موضوع حي اتمني ان ينال حظه من الناقش
تسلم علي
صورة العضو الرمزية
sarona
مشاركات: 1776
اشترك في: الخميس 2007.2.15 1:14 pm
مكان: المملكة العربية السعودية

رد: ظاهرة العمالة الاظجنبية في السودان محيرة

مشاركة بواسطة sarona »

الاخ علي ابكرش

لك التحية على طرح الموضوع الهام ده....

حقيقي البلد محتاجة ليهم لان الموجود غير صالح ...

والدليل نظافة المطار ...المستشفيات ....والمصالح الحكومية

فمرحب بيهم برغم السلبيات اللي ممكن تحصل..

بس بجد البلد محتاجة ليهم...

تقبل مروري
صورة العضو الرمزية
شيطون
مشاركات: 44
اشترك في: الاثنين 2007.4.16 6:24 pm
مكان: السعودية

رد: ظاهرة العمالة الاظجنبية في السودان محيرة

مشاركة بواسطة شيطون »

والله الكلام ده يخوف !!!!!!!
صورة العضو الرمزية
عاشقة محمود عبد العزيز
مشاركات: 669
اشترك في: الجمعة 2007.3.2 12:17 pm
مكان: الامــــارت

رد: ظاهرة العمالة الاظجنبية في السودان محيرة

مشاركة بواسطة عاشقة محمود عبد العزيز »

والله ياعلي....
في الوقت اللي بتسعى فيه أغلبية الدول الى التوطين
نسعى نحن وبشده لاستقبال العماله الأجنبيه وأغلبية الشباب
نايم في بيوته.......الله يكون في العون

تقبل مروري
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: ظاهرة العمالة الاظجنبية في السودان محيرة

مشاركة بواسطة sunni »

يا أخوان، مافي حلاوة من غير نار، ونحن لو عاوزين نتخلص من عيوبنا، علينا أن نتقبل الضغط. خلينا نشوف دول الخليج والحاصل فيها،،، ليه أولادهم بمجرد ما إتخرج عاوز يشتغل مدير؟؟؟ ليه لغاية أسه، وحتى يوم الدين ح يكونوا شعوب معتمدة على غيرها ما لم يغيروا ما بأنفسهم؟؟؟

نحن كشعب عندنا أنفة غريبة وفيها مفاهيم خاطئة،،، نعتقد أن الشغلانة الفلانية ممكن تقلل من قيمة الإنسان، وننسى ان الرسول (ص) كان يرعى الأغنام. أحبتي، خلوا العمالة الأجنبية تدخل، وتنافس العمالة الوطنية. وما ننسى ان العمالة الأجنبية هي في النهاية أجنبية، وما بتقدروا يعملوا شيء غير إنهم يشتغلوا، وياخدوا قروش ويطلعوها من البلد. عشان كدة مافي خوف على العمالة بالشكل المطلق، لكن ح تكون التضحية من الجيل الحالي من العمال السودانيين، وهم عليهم ان إما يتقبلوا الوضع ويبدأوا يغيروا من مفاهيمهم، أو يقبلوا أن يظلوا على الرف. والكلام هنا يا أخوان ما للعمال بس، لأ، الكل، المهندس والمعلم والطبيب وووووو. الكل في رقبته في سيف،،، البلد ماشية متقدمة، والولادة متعسرة، ولازم يكون هناك ضحايا، فلكل الخيار، إما الكد والجد وعدم الإلتفات للوراء، أو ان يقبل أن يكون عالة على غيره، عار على أبنائة.

يمكن كلامي يكون حار، لكن فتح الجرح لازم يكون على الآخر حتى نعالج كل ما فيه من تقيحات
صورة العضو الرمزية
هتان
مشاركات: 551
اشترك في: الخميس 2006.11.2 12:59 pm
مكان: التراب الغالي الما ليهو تمن
اتصال:

رد: ظاهرة العمالة الاظجنبية في السودان محيرة

مشاركة بواسطة هتان »

السلام عليكم

فعلا ظاهرة العماله الاجنبيه ظاهرة تستحق التوقف عندها و النظر فيها
لانو حتي الشغالات في البيوت اجنبيات و دي اخطر حاجه لانهن بيكونن طوالي مع العيال
و هن جايات من مجتمع تاني يعني عادات و قيم اخلاقيه تانيه خلاف بتاعتنا السودانيه مما يؤثر سلبا علي العيال
أضف رد جديد

العودة إلى ”حوارات جادة“