شوق ليك بقى ما اعتيادي ..

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

شوق ليك بقى ما اعتيادي ..

مشاركة بواسطة ود الزوحي »



شوقي ليك بقى ما اعتيادي
يا الألم الفيني باقي
وريني كيف أنساك تاني

أنا قلت أبعد بطريقي
أختا حبك غادي غادي
إلا الظروف جابتني ليكي
و أهو يوماتي أنا بيك بهاتي

معقولة تبقي وريف حياتي
كل المواسم والشهور
ترجع تجيبك ليا تاني

والله ما بقدر وحاتك
اتكبد الشقى في بعادك
وأبكيك دموع ...
اتحسر العمر الفات عشانك

خليني ابداك من هنا
ابداك سراب ...
زي منية من خاتم المنا

خليني من حبك أسير
وأتنفس آهاتك زفير
يا قصة الحب المرير

مالليلة مكتوب لي أنسا
وابكيك كلمات في السطور
واطويك في جواي قصة
وأبقى كايس لي فرصة
ابدا حب من تاني قصة
انسى فيها العشته كله
ومن صدودك ألقى عبرة

إلا برسل ليك تحية
بيها تحي وبيها تمسي
وابقى فاكرة قليب بعزك
شال همومك حتة حتة
وهمو كان كيفن يحسك
وغيمة وارفة ظلال تظلك

حنساك خلاص ..
حنساك هنا ..
من لحظة انكتب السطر
من لحظة اخترت القلم
وكتبت ليك ..


حاجة فيك .. خلتني أرجع للقلم .. واتحدى بالحرف الألم
صورة العضو الرمزية
ام صبا
مشاركات: 4302
اشترك في: الأربعاء 2009.3.4 3:30 pm
مكان: المملكه العربيه السعوديه

رد: شوق ليك بقى ما اعتيادي ..

مشاركة بواسطة ام صبا »

شــوقـــى لــيـــك شــوق مــا اعـــتــيــادى
يــا الــبــقــيــت آخــــر الــمــــرافــــىء
كـــنـــت فــى ظـــلــمــة عـــواطـــف
والــحـــنـــان فـــى عــمــرى مـــافـــى
ويــوم لــقــيــتـــك يــا مــنــــاي
عــشــــت بـــيــــك لــحــظـــات تــصـــافـــى

ود الــزوحــى لــك كــل الــود
كــلـــمــات جــمــيــلــه روعــه لــهــا وقــع
فــى الــنــفــس جــمــيــل وواجــب عــلــيــنـــا
نــقــيــف ونــتــأمــل ذلــك الــشـــوق الــبــقـــى
مــا اعـــتـــيـــادى وتـــســلـــم عــلــى الــروعــــه
صورة العضو الرمزية
ود الفضل
مشاركات: 66
اشترك في: الأربعاء 2009.5.13 11:36 am
مكان: السعودية - الرياض

رد: شوق ليك بقى ما اعتيادي ..

مشاركة بواسطة ود الفضل »

الشوق مااعتيادي
فارى من قيلت فيه يستحقها واكثر
وارىأن
الحروف الفي انتظارك رافلة في الزي السماوي
عارفة انو الريدة غيرك ياحنين مابتســـــــــاوي
امين كوستي
مشاركات: 17
اشترك في: الاثنين 2009.11.23 12:44 am
مكان: المملكة العربية السعودية

رد: شوق ليك بقى ما اعتيادي ..

مشاركة بواسطة امين كوستي »

شوقي ليك شوق ما ا عتيادي
ماانتي سعدي وكل ودادي
لما ارحل عن عيونك وفي بعادي
بلقى قلبي ديمة باسمك بنادي
ابقى سهران ابقى احلم بمرادي
عشان عيونك وحبي ليك الشايفو زادي
برضي خايف وياما كم لاقيت اعادي
................
حكم القدر وابعدني عنك والشوق بزيد
لكن تاكدي ان سعدتا او شقيت
انتي في داخلي واصلك انتي ما بعيد
العايزو منك لو انتي جد قلبك بريد
تملي دنياي فرحة وكل لحظة اكون سعيد
................
بعاهدك انتي افضل احبك حتى الممات
يوم يكون عمل كل انسان ليهو زاد
بضو بفضل حبك انتي زاد للمعياد
أضف رد جديد

العودة إلى ”همس القصيد“