مصر

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
صورة العضو الرمزية
أبو أحمد
مشاركات: 1287
اشترك في: الجمعة 2008.5.9 8:35 pm
مكان: الخرطوم_السودان

مصر

مشاركة بواسطة أبو أحمد »

الواحد لما يقدم خير لزول و يلقى منو جحود و نكران ... حاجة صعبة شديد
و غير محتملة أبداً ... أخواننا المصريين الغنى ليها الأستاذ الفنان بتاعنا
الكبير الكابلى بقوله (مصر يا أخت بلادى يا شقيقة) .
التجاوزات العملناها ليهم هم و الجزائريين فى المطار من إجراءات السفر
و الكرم و الحفاوة القابلناهم بيها لما دخلوا أراضينا العزيزة جداً علينا و
إبتساماتنا و تلويحنا ليهم لما نلقاهم فى الشارع إفتكروا إننا خلاص هبل
و ناس ما بنفهم حاجة :smiels0: .. و الله أنا من شدة ما زعلان من الحركة
دى ما كنت قادر أتكلم أو أكتب أى حاجة ... و كمان البغيظ أكتر إنو ناسنا
بعد دة كلو برضو إتجاوزوا ليهم القوانين فى المطار و خلوا أنصاف الفنانين
و الفنانات يتبجحوا بقولهم إنوا المطار بتاعنا زى الزريبة و إنوا ما عندنا
أمن و استادنا بتاع الكورة ما قانونى و أنحنا ما بنعرف ننظم عيد ميلاد ناهيك
عن كرة قدم زى دى ... و كمان يقولوا إنو البلد ما آمنة ... طيب كانوا
يسألوا المصريين القاعدين بياكلوا من خيرنا هنا الكتار ديل عشان يعرفوا
فيها أمن و لا لأ و بعد داك قالوا إعتزروا لينا ... بالله شوف.
وعلى النقيض تماماً كان الجزائريين يعنى إحترمونا و شكرونا و أشادوا
بالإستاد و بالتنظيم و بالأمن و بالكرم بتاعنا .
أضف رد جديد

العودة إلى ”حوارات جادة“