نمرة 2 !!!

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
صورة العضو الرمزية
بنت ملوك النيل
مشاركات: 91
اشترك في: السبت 2009.11.21 9:11 pm
مكان: السودان

نمرة 2 !!!

مشاركة بواسطة بنت ملوك النيل »

لطالما حيرني موضوع الزاوج الثاني والزوجة الثانية وساكيولوجية التفاعل بين الزوجتين والزوج بعد ان اصبح الموضوع هذه الايام عاااااااااااااادي جدا !!
هل ياترى يفكر الرجل في الزواج الثاني اذا كان يملك زوجة رائعة وانعم الله عليه بالبنين والبنات ؟ ام يسعى للزواج الثاني فقط عندما يشعر بنقص ما او بحثا عن زينة الحياة الدنيا دون الهروب من مسئوليات البيت الاول بالطلاق؟
كيف يؤقت مشاعره ويجدولها بيحث يحب كل واحدة في الوقت المخصص لها فقط ؟
في فهمي الزواج شراكة حياة بين اثنين فقط فكيف يستطيع الرجل ان يقسمها الى اثنين او اكثر؟؟

عزيزي الرجل هذه اسئلة لم اجد لها اي اجابة عندي فهل اجدها لديك؟!
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: نمرة 2 !!!

مشاركة بواسطة omar babikir »

ليس بالضرورة ان يشعر الرجل بنقص..... وربما لا يبحث عن زينة الحياة الدنيا ...
ولكن بعض البنات احيانا يقمن بجر الرجل جرا نحو الزوجه الثانيه... باتخاذ كل الحيل
حتي يقع في الشرك واصبحت هذه ثقافة يتم تداولها بين الناس...

يعني راجل المرا دا حلو حلا ...... اغنيه هنديه!!!!
صورة العضو الرمزية
بنت ملوك النيل
مشاركات: 91
اشترك في: السبت 2009.11.21 9:11 pm
مكان: السودان

رد: نمرة 2 !!!

مشاركة بواسطة بنت ملوك النيل »

معقولة دا كلام راجل مكتمل العقل لا ينقصه شئ تجرجره بت لحاجة ممكن تدمر اسرته وتخرب حياته للأبد معقولة في راجل عاقل يعمل كدا من غير سبب؟؟؟!!!!!!!!!
صورة العضو الرمزية
الهنوف
مشاركات: 20559
اشترك في: الأحد 2009.10.18 1:19 pm
مكان: ..........

رد: نمرة 2 !!!

مشاركة بواسطة الهنوف »

اختي بنت ملوك النيل موضوعك اكثر من روعة تسلمي
والله عطيك العافية أجمل تحية لكي
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: نمرة 2 !!!

مشاركة بواسطة omar babikir »

بنت ملوك النيل كتب:معقولة دا كلام راجل مكتمل العقل لا ينقصه شئ تجرجره بت لحاجة ممكن تدمر اسرته وتخرب حياته للأبد معقولة في راجل عاقل يعمل كدا من غير سبب؟؟؟!!!!!!!!!
اولا : ليس كل زيجة ثانيه ممكن تدمر اسرة وتخرب بيت ...ناس كتيره متزوجين اتنين وعايشين
ثانيا : طبعا ممكن راجل مكتمل العقل تجرجرو بت لغاية ما يتزوجها .. حا تقولي لي كيف ، حا اقول
يطول شرحو ... لانو فيه طرفين ( الجار والمجرور يعني زي النحو )
ولكن حا اقول الجانب البخص الرجل حتي لا اتجني على المرأة وربما اخطئ بالحكم ..

انا اعرف امرأة تزوجت ثلاثة مرات وجميعهم راجل مره ( عيني بارده تخصص راجل مره ) ..
سألتها : اشمعنا اي راجل اتزوجتيه راجل مره ... ليه ما يكون مطلق او عزابي او ارمل
قالت : اقول ليك سر ما تقولوا زول
قلت ليها : سرك في مافي بير واحد في ثلاثة ابيار
ضحكت وقالت لي : عارف اسهل راجل ممكن يقع في شباك المره منو
قلت ليها منو يا حكيمة عصرك واوانك
قالت : راجل المره .. ووقعدت تعد في الاسباب ... والله فعلا مره حكيمه... قالت اول حاجه قلبو رهيف
خاصة اذا كان فوق ال 45 سنة .. زي ما بقولو ناس العلم كده في طور المراهقة التانيه... وممكن يكون زهجان من مرتو .. وممكن وممكن المهم قالت حاجات كتير جدا..
وانا لقيت كلامها اشبه بالواقع وليس كل الواقع

ولكن طبعا ما كل رلاجل ممكن تجرجرو مره ولكن احيانا النفوس ضعيفه ... والهوى غلاب
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: نمرة 2 !!!

مشاركة بواسطة omar babikir »

ما من شك ان ان المسئول الاول عن الزواج بامراه ثانيه هو الرجل .. مهما كانت اسبابه ومبرراته
ولكن كان لابد من الاشاره الى ان المرأه احيانا تتحمل جزء من المسئوليه سواء كانت الزوجه الثانيه
او الزوجه الاولي .... وما من شك ان الرجل يذهب للزواج من ثانيه بكامل حريته وارادته ... ولكن قبل
قبل اتخاذ هذه الخطوه الخطيره .. لابد ان تكون هناك دافع قوي جدا وهذا الدافع القوي غالبا ما يكون
الزوجه الثانيه نفسها والتي تساهم بصورة او باخري في دفع الرجل الى الزواج بخطوات اسرع وتقوب من رغبته في الزواج... وهذا ما قصدته بانها تجره نحو الزواج ...
خلاصة القول الرجل هو صاحب القرار اما المرأه فهي العنصر المساعد والدافع القوي لتنفيذه

تحياتي لك
صورة العضو الرمزية
بنت ملوك النيل
مشاركات: 91
اشترك في: السبت 2009.11.21 9:11 pm
مكان: السودان

رد: نمرة 2 !!!

مشاركة بواسطة بنت ملوك النيل »

omar babikir كتب:ما من شك ان ان المسئول الاول عن الزواج بامراه ثانيه هو الرجل .. مهما كانت اسبابه ومبرراته
ولكن كان لابد من الاشاره الى ان المرأه احيانا تتحمل جزء من المسئوليه سواء كانت الزوجه الثانيه
او الزوجه الاولي .... وما من شك ان الرجل يذهب للزواج من ثانيه بكامل حريته وارادته ... ولكن قبل
قبل اتخاذ هذه الخطوه الخطيره .. لابد ان تكون هناك دافع قوي جدا وهذا الدافع القوي غالبا ما يكون
الزوجه الثانيه نفسها والتي تساهم بصورة او باخري في دفع الرجل الى الزواج بخطوات اسرع وتقوب من رغبته في الزواج... وهذا ما قصدته بانها تجره نحو الزواج ...
خلاصة القول الرجل هو صاحب القرار اما المرأه فهي العنصر المساعد والدافع القوي لتنفيذه

تحياتي لك
مالا استطيع فهمه الى الان ماهو الدافع القوي الذي يجعل الزوج يزلزل حياة مستقرة من غير ان يدرى ماهى نتائج ولا ضحايا هذا الزلزال؟؟!! وحتى بعد الدافع و"الجرجرة "كما قلت كبف يستطيع ان يسير حياته بين اثنتين تنتظران منه كل الحب والاهتمام (طبعا اكيد حيكون دخل على الزوجة التانية بمبدا الحب الافلاطوني ) ؟!!
اما بالنسبة للمثال الذي ذكرت فلا اظن ان هذه المرأة كانت تبحث عن الاستقرار لان الزواج من رجل متزوج يعني الحياة تحت التهديد وقوع الطلاق في اي وقت!

شكرا على المرور الجميل
zaina
مشاركات: 1309
اشترك في: الخميس 2008.6.12 10:02 am
مكان: بورتسودان مدينتى

رد: نمرة 2 !!!

مشاركة بواسطة zaina »

الزواج الثانى عزيزتى ليس دائما خراب بيوت فهنالك بيوت خربة اصلا تحتاج التى اعادة ترميم
وممكن يكون الزواج الثانى حل بس طبعا مش دائما
مامن حقنا نقول ليه وليه طالما دى حاجة ربنا شرعها بشروط صعبة جدا يتغاضى عنها الكثيرون
بس ممكن نقول "ايه الاسباب "
بتتعدد الاسباب بس عموما شروط العدل صعبة جدا "من كانت له زوجتان ولم يعدل بينهما جاء يوم القيامة وشقه مائل"
الرجل فى الغالب بيتغاضى عن النقطة دى هو يبحث عن مايجلب اليه السعادة ويتناسى انه ممكن جدا يقدر يجد السعادة المفقودة مع الاولى ان بحث عن الاسباب والحلول ولكنه فى الغالب يهرب الى الاخرى من دون ان يكلف نفسه عناء البحث عن الحل
لو لاحظتى النساء عموما"الانانية طبع متواجد فى اغلبهم عارفة كيف"
اى زوجة ممكن تقول ليك مابقبل زوجى يتزوج على ولكن هى نفسها ممكن ترضى تتزوج رجل متزوج وتكون زوجة تانية
انا بشوف الزواج برضوا شركة ثنائية بالنسبة لى لاتحتمل مشاركة ثالث
صورة العضو الرمزية
omar babikir
مشاركات: 3592
اشترك في: السبت 2009.12.12 11:39 am
مكان: السعوديه

رد: نمرة 2 !!!

مشاركة بواسطة omar babikir »

بنت ملوك النيل كتب:مالا استطيع فهمه الى الان ماهو الدافع القوي الذي يجعل الزوج يزلزل حياة مستقرة من غير ان يدرى ماهى نتائج ولا ضحايا هذا الزلزال؟؟!! وحتى بعد الدافع و"الجرجرة "كما قلت كبف يستطيع ان يسير حياته بين اثنتين تنتظران منه كل الحب والاهتمام (طبعا اكيد حيكون دخل على الزوجة التانية بمبدا الحب الافلاطوني ) ؟!!
اما بالنسبة للمثال الذي ذكرت فلا اظن ان هذه المرأة كانت تبحث عن الاستقرار لان الزواج من رجل متزوج يعني الحياة تحت التهديد وقوع الطلاق في اي وقت!

شكرا على المرور الجميل
الدوافع للزواج الثاني كثيره ومتعدده ... بحاول لاحقا كان ربنا هون اعددها .... لكن في موضوع الزواج

الثاني دا في حاجه مزعلاني شديد وداير اقولها .....

الايام دي (مولانات اخر زمن ) ومن لف لفهم ... قايمين في حكاية التعدد ...
تسأل مولانا تقول ليه اتزوجت تاني ليه مرتك فيها عيب لا سمح الله .... ولا في مشاكل اسريه ...
يقول ليك ... الحمد الله عندي الاولاد والبنات ومافي مشاكل لكن اقتداءا بالسنة النبويه ،،،

ونعم بالله يا مولانا عداك العيب في دي .... وكثر الله من امثالك ..... اها اتزوجت منو يا مولانا ؟

يقوم يقول ليك : فلانه بت ناس فلان الفلاني !!!!

مولانا طبعا اتزوج ناس عمر الزهور عمر الهنا .... ناس ال 19 سنه،،،،،،

مولانا اتزوج السمحة نورت فريقنا.... خلا شباب الحلة خشمم ملح ملح .. وريقم ناشف

مولانا يتزوج واحده بتربي في ايتام كلا وحاشا...... اتزوج ارمله لا والف لا ....

ولا ايتزوج واحده من قرايبو الاتاخرت شويه في الزواج نهي ومليون نهي....

معقوله لكن يا مولانا 19 سنه

مع تحياتي واحترامي
صورة العضو الرمزية
بنت ملوك النيل
مشاركات: 91
اشترك في: السبت 2009.11.21 9:11 pm
مكان: السودان

رد: نمرة 2 !!!

مشاركة بواسطة بنت ملوك النيل »

zaina كتب:الزواج الثانى عزيزتى ليس دائما خراب بيوت فهنالك بيوت خربة اصلا تحتاج التى اعادة ترميم
وممكن يكون الزواج الثانى حل بس طبعا مش دائما
مامن حقنا نقول ليه وليه طالما دى حاجة ربنا شرعها بشروط صعبة جدا يتغاضى عنها الكثيرون
بس ممكن نقول "ايه الاسباب "
بتتعدد الاسباب بس عموما شروط العدل صعبة جدا "من كانت له زوجتان ولم يعدل بينهما جاء يوم القيامة وشقه مائل"
الرجل فى الغالب بيتغاضى عن النقطة دى هو يبحث عن مايجلب اليه السعادة ويتناسى انه ممكن جدا يقدر يجد السعادة المفقودة مع الاولى ان بحث عن الاسباب والحلول ولكنه فى الغالب يهرب الى الاخرى من دون ان يكلف نفسه عناء البحث عن الحل
لو لاحظتى النساء عموما"الانانية طبع متواجد فى اغلبهم عارفة كيف"
اى زوجة ممكن تقول ليك مابقبل زوجى يتزوج على ولكن هى نفسها ممكن ترضى تتزوج رجل متزوج وتكون زوجة تانية
انا بشوف الزواج برضوا شركة ثنائية بالنسبة لى لاتحتمل مشاركة ثالث
لا يختلف اثنان على ان التعدد حلله رب العالمين بنص القرآن الكريم (وان خفتم الا تقسطوا في اليتامي فأنكحو ما طاب لكم من النساء...) الى اخر الآية اللتي يحفظها جميع الرجال عن ظهر قلب لكن من غير اي فهم.. السؤال هو هل يأخذون الامر بشروط الشرع ولا بس التعدد حلال وكل زول يتصرف بالطريقة البتريحو(ودا الحاصل الان).
السؤال الاخر هل يجد الزوج السعادة المفقودة مع الاخرى ام يضيع امله بين محاولات ارضاء الاثنتين؟؟!! في رأيي الرجل يتحمل مسئولية الزواج الثاني لانه اختار بكامل وعيه وارادته ولا انفي المسئولية على المرأة التى تختار ان تكون الثانية.. !

ما زلت محتارة التعدد ليس امر سهل بل صعب جدا والحياة بين حياتيين بتفاصيل مختلفة مرهقة جدا بل قاتلة كيف اذن يقبل الرجال عليه بهذا اللهفة؟؟!!
صورة العضو الرمزية
بنت ملوك النيل
مشاركات: 91
اشترك في: السبت 2009.11.21 9:11 pm
مكان: السودان

رد: نمرة 2 !!!

مشاركة بواسطة بنت ملوك النيل »

:confused: :confused: :confused:
مازلت ابحث عن الاجابة ؟؟؟
أضف رد جديد

العودة إلى ”حوارات جادة“