البايرات ارجوكم بدون زعل................

المشرف: بانه

أضف رد جديد
صورة العضو الرمزية
ahmedBolbol
مشاركات: 8086
اشترك في: الأحد 2008.12.21 6:04 pm
مكان: الامــاراتــــــ / دبـــــــــــــى
اتصال:

البايرات ارجوكم بدون زعل................

مشاركة بواسطة ahmedBolbol »

البايركــــس قالو



لي إيــدينا بنــــــــرفع *** والعازب كلو بيســــــــمع

نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***


بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***



ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلـــ ـع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع



اهداء خاص ل الاخوات البايرات فى المنتدى بمناسبة العام الجديد 2010
مع خالص الامانى لهم بفك بورتهم فى هذا العام
خالص..
ودى واحترامى وتقدير
بلبل...
صورة العضو الرمزية
السودانى الاصيل
مشاركات: 8054
اشترك في: الاثنين 2008.9.1 9:24 pm
مكان: المملكه العربيه السعوديه /جازان سحر الطبيعه

رد: البايرات ارجوكم بدون زعل................

مشاركة بواسطة السودانى الاصيل »

هههههههههههههههههههههههههه

يعنى قصدك قالن الروووووووب وكدا

عشان تانى اتعززن ههههههههههه
صورة العضو الرمزية
ahmedBolbol
مشاركات: 8086
اشترك في: الأحد 2008.12.21 6:04 pm
مكان: الامــاراتــــــ / دبـــــــــــــى
اتصال:

رد: البايرات ارجوكم بدون زعل................

مشاركة بواسطة ahmedBolbol »

السودانى الاصيل كتب:
هههههههههههههههههههههههههه

يعنى قصدك قالن الروووووووب وكدا

عشان تانى اتعززن ههههههههههه
اخى وصديقى الحبيب السودانى الاصيل رمز الاصالة والابداع داخل منتدانا
اديييييييييييييك العافية يامان ونورتنا والله اليوم شديد شدد والله مشتاق لمداخلاتك
دى وردودك ومواضيعك الجميلة يا عشششل وربنا ارجع الباقين ان شاءالله


شفت عليك الجرسة دى كيف والله بنات حواء ديل الله اكفينا شرهم بس
تابع معاى نديك رد الشباب الغلابة المساكين ردو قالو ليهم شنو .....
صورة العضو الرمزية
ahmedBolbol
مشاركات: 8086
اشترك في: الأحد 2008.12.21 6:04 pm
مكان: الامــاراتــــــ / دبـــــــــــــى
اتصال:

رد: البايرات ارجوكم بدون زعل................

مشاركة بواسطة ahmedBolbol »

ورد الشباب عليهم.............




[foq1]للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
[/foq1]


***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع



***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــع أرجــع



***
دايرين زنقيل ومقنــــــدل *** لو كان تمســـــاحا يبلع
وبشرط الشــيلة العامـرة *** والكرسي الجابر يلمـــع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
وناكـــل فاكهة طـــــــازجة *** وبالخير نتمتع ونشـبع
ماجينا زمان شـــــــن قلتو *** يامبهدل أوعك تطمـع




***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع




***
[foq1]ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
[/foq1]



***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعت وا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع

صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: البايرات ارجوكم بدون زعل................

مشاركة بواسطة ود الزوحي »


ياجماعة ما تشتغلو الجماعو ديل كده ..

كده بنفقد روح الحسادة في الراكوبة ..


بلبل ياخي امسح الكلام ده ..


وسجل لي البورة ..
صورة العضو الرمزية
ahmedBolbol
مشاركات: 8086
اشترك في: الأحد 2008.12.21 6:04 pm
مكان: الامــاراتــــــ / دبـــــــــــــى
اتصال:

رد: البايرات ارجوكم بدون زعل................

مشاركة بواسطة ahmedBolbol »

ود الزوحي كتب:
ياجماعة ما تشتغلو الجماعو ديل كده ..

كده بنفقد روح الحسادة في الراكوبة ..


بلبل ياخي امسح الكلام ده ..


وسجل لي البورة ..
انتى يا ود الزوحى ما شفت طول لسانهم والعجب رغوده وزات الشجون
ياخى ديل من شدت البورة بقو اقابضو فى الشباب زى هناى صاحبنا داك


اسه السودانى الاصيل قال احسن اشوف ليهم شقلة وفتح ليهم مكتب بسط امن شامل فى الراكوبة
صورة العضو الرمزية
ahmedBolbol
مشاركات: 8086
اشترك في: الأحد 2008.12.21 6:04 pm
مكان: الامــاراتــــــ / دبـــــــــــــى
اتصال:

رد: البايرات ارجوكم بدون زعل................

مشاركة بواسطة ahmedBolbol »

تشكراتـــــــى
أضف رد جديد

العودة إلى ”منتدى الراكوبة“