الراكوبة السودانية

**Still I Need U** · #1 05-12-2006, 13:24

كلنا عارفين انو حياة الإنسان فينا مليانه بالمشاكل والمشاغل والهموم وحاجات تانية كتيرة قد تحمي الزول من الترفيه عن النفس والطلوع من عالم المسؤولية والضغوطات الحولنا .. محاجين حقيقة للضحك والونسة الخفيفة والشمارات والنكات وكل حاجة بترفه لينا عن نفسنا ،،

عشان كدا أنا فكرت يا شباب نعمل لينا راكوبة هنا نجي كل يوم نتونس فيها ونضحك ونفرفش فرفشة شديدة
لكن الراكوبة دي الحاجات العندي نقصت ما لقيت طريقة أتمها داير لي أول حاجة أربعة ( قنايات ) كبيرة من سوق ليبيا القريب من سوق ليبيا بالله يا شباب يمد رجلو يجيبها لينا معاه ودايرين حصير 5 لفات عشان شايف جاي جاي ناس الشمارات والناس البتحب القعدة كتااااااااااااااار ودايرين زير من السوق الشعبي ( الله نسيت حاجة مهمة شديد ) المنقد بتاع الفحم حنشد الجبنة والشاي وين ؟؟؟ :000: المشرف العام ده شكلو كده بتاع جبنات سااااااااكت ،، جيب معاك منقد وأنت جاي وبنديك حقو من الـشيرين ) بتاع الشباب ، ما قلت ليكم أنا نساي ، اها شفتو هس أنا نسيت البنابر ، كان شلتو حالي ، هسه لو جانا ضيف حيقعد وين ، اها الحايجيب البنابر من سوق أمدرمان منو يا جماعه ، اى برضو قرببببببببببت أنسي كبابي الشاي والجبنة ، البجيبا لينا يجيب كبابي كبار وفناجين القهوة ديرنا حاجة كده تشرفنا بالله واحد منكم يتناولها كويس .. أها تاني في حاجة ناقصة عشان الراكوبة دي لمن نجيها ما نلقي حاجة ناقصة معليش يا جماعه بس ما تضحكو فيني الخرطوش البرنشبيه دايرننا نقعد في السخانة دي كيف؟ البجيبو يجيبو طويل شوية عشان المكان كلو ويبقي مية مية .

اها شباب دايرين الشباب كلهم بعد ما نخلص الوارانا والقدامنا نجي نقعد هنا في الراكوبة دي نشرب لينا قهوة كده بي مزااااااااااااااااااااااج تشغلب العيون ونتونس نفرفش ونضحك وننسي همومنا ونشوف الشمارات
شنو العذابي الما قادر يعرس لي هسه ده مالو ؟؟ وقالو البنات كترو شديد والأولاد قلو بقو مافي عديل يعني البنات كلهم بقو بايركس سااااااااااااااااااااااي .. طبعا الشمارات كتيرة لكن كدي انا منتظركم لمن نجي كلنا نقعد نشوف الحاصل شنو ونتم الشمارات بتاعتنا
ما تنسو الحاجات معاكم يا شباب كويس

**السلقاوي** · #2 01-10-2008, 09:36

صباح الخير يا نا س يا حلوين
ازيكم يا احلا كراكيب في الراكوبة ام همبريب
احسان الزير مالو كده فاضي
معتز هووووي يازول كده ادينه اخبارك
الشباب بدون فرز شوووووووووووووووووووووق
كـميــــــــــــــــات

**فجر** · #3 01-10-2008, 20:03

ازيكم يارواكيب وكل سنه وانتم طيبين
احسان. سلقلق .حمودى. معتز
وبطتنا حمدلله على السلامه
وكل الغالين الموجودين والغايبين
عيدكم سعيد

**احسان** · #4 01-10-2008, 22:19

**السلقاوي** · #5 01-10-2008, 22:33

[QUOTE=احسان;254958]

[grade="00BFFF 4169E1 0000FF"]سلقاوي

وفجورة العسوووولة

عيــــــــــــــد سعيــــــــــــد عليكـــــــــــم وعليـــــــــــــــنا [/g

rade]

[/QUOT]

ازيك احسان ست الاحسان كل عام وانتم بخير
لامين وتااااااااميين يا رب العالمين

**ibn batoota** · #6 04-10-2008, 23:28

سلام بلا غرض وطيبين بلا مرض ياكراكيب

سته وسته جوني

ومن النوم صحوني

اهداء لابوسته بمناسبه العيد

بالمنافسه مشتاغين وكده ياولدنا

**السلقاوي** · #7 05-10-2008, 09:26

السلام عليكم جميع
الرواكيب اخباركم
يا ناس يا احلا من الشهد

**بشارابى** · #8 07-10-2008, 14:02

ناس الراكوبه سسسسلام كيفنكم لى زمان ماشفتكم
يله بكره جمعتنا فى الراكوبه للمعايده لكن كل واحد يجيب ليه
شويه خبيز ان كان ناعم والله غريبه والله بتفور والله بسكوت
وانا عليه الشاى باللبن والجبنه المدنكله وبجيب ليه حلاوه كرمله
عشان نحلى بيه الشاى الايام ده السكر معدوم

**حافظ عوض الله محمد** · #9 07-10-2008, 16:53

كل سنة وانتو طيبين
العيد الجاى يلقاكم باحسن حال

منور ياقبطان
رشل رقم التلفون

**ibn batoota** · #10 07-10-2008, 17:24

اقتباس:

المشاركة الأصلية كتبت بواسطة حافظ عوض الله محمد

كل سنة وانتو طيبين
العيد الجاى يلقاكم باحسن حال

منور ياقبطان
رشل رقم التلفون

ياخ اتصل وعيد علي الناس

ولا بث جاري للملح بتاع عمك صلاح ده

والله متشعلقين ليك ولي ناس الطايف وكوبر لمن غلط ياحبيبنا

الرقم برسلو ليك في الخاس ياحبيب

**استارو** · #11 08-10-2008, 11:48

والله كلام عجيب جداً جداً
الناس ياكافى البلا مامشتاقة للراكوبة دى خلينا نحن
العيد ماجابنا لينا وين ناس هنايا
ومونى واصيلة وحافظ وودالحداد وضهيب ياقبطان الحاصل شنو
العيد ماجاب البشر ديل ولحظة واستيل والمكعوج
ادونا خبركم ياحلوين