ناس الطاشراات وبس

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
البنيه
مشاركات: 62
اشترك في: الأربعاء 2010.1.27 10:42 pm
مكان: الامارات

ناس الطاشراات وبس

مشاركة بواسطة البنيه »

حلتنا من كم سنة مضت ما سمعنا واحدة خطبوها بالغلط
حلتنا طبعاً بالعوانس و البايركس اتملت
الشباب هاجر طفش و البنات مشن الظلط
بقن يقشرن ...
و يتحنكشن...
و يتلبسن ...
و يشاغلو في سيد اللبن ....

و واحدات عديييييل اتعقدن
قالن هييي القبور ولا نبور مشن اتجندن
فاتو الحرب ماتو الرجال هن تاني جن

و بناتنا مقسومات فئات
الفئة الأولي سن ثلاثين فما فوق عانسات تحت ما يسمي موظفات
أوصافهن كالاتي في مشيتن مستعجلات
في وقفتن مطرفات....
في قعدتن مسترجلات..
انوثه مافي معضلات ...
من الوقوف ال في الصفوف و دفر كمان في مواصلات
و ديل فئة من الفئات قطر العرس بالنسبة ليهم عدا فات
كان عرست واحد يكون طلع المعاش و بعد سنه بنسمع بيهو(.....)

الفئة التانية ديل الطالبات في الجامعات
سنة أولي حب سنة تانية حب سنة تالتة شوكشا فات
أو
سنة أولي حب سنة تانية حب سنة تالتة جاها عريس و عندو مؤهلات
كان عرست اتخارجت و كان (..... ) حتمشي تلحق ناس حيات
و دي الجامعة لامة جنس بنات يييييييييييييك

الفئة التالتة ديل الطاشرات
الطاشرات السيسبان سكر نبات الساقو نور و زاد حلاة و كهربتو جات
كان داير تعرس أقع الطاشرات مالك و مال الكيست و الجكست و الشوكشا فات
أقع الصغار السوقو حار

و بقت البورة بي الجملة
و قامن ضربن الجرسه
ها يا يمة عريس ان شاء الله كان ككو
من البورة نتفكو بس هو يجي
ها يا يمة عريس ان شاء الله ما واعي
يجيب الشيلة قطاعي بس هو يجي
ها يا يمة عريس ان شاء الله كان أحوص
يسك الرقشة قايلا بص بس هو يجي


لو بتعرفي يا بنية العرس توب العفاف خليهو القضية
أخير تتزوجي تجيبي مية بدل تخش فيك بورة
و وش ممسح بي الديانة أخير عليهو قدوم البندقية
أضف رد جديد

العودة إلى ”همس القصيد“