طيف ورؤى

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

طيف ورؤى

مشاركة بواسطة ندى البيلسان »

[frame="10 50"]
وأستناك...
طيفاً... يجي يسالم
يناجي قليبي ويناغم
ويرجع تاني يتضارى
حلماً... أشوفو ليل وصباح
وكل ما تهجع الأرواح
يروح بعيد ويتوارى
أناديهو...
أقيف يا طيف
سؤال واحد بدور ردو
يقيف لحظة يدور ينضم
أشوف الحسرة في عينيه
تجري الدمعة في خدو
يقيف قلبي
يدور يمرق من أسوارو
يلقى السور وراهو السور
ماشي معلي في جدارو
أناجيهو...
ياحلمي البعيد وبعيد
متين ترجع ليالي الريد
متين الايد تسالم الايد
متين نمسحها دمعة خد
ونتبادل غصون الورد
نتقاسم هوانا يزيد
نوزع للفرح في الكون
ونسقيهو شتيل الحب
نكون لي بعض مهما يكون
نواصل حتى آخر درب
ومهما تظلم الأيام
ما تصيبنا لحظة خوف
نملاها الدنيا سلام وغرام
نرسخ للفرح في الجوف
تعال يا حلم أقيف يا طيف
خلاص فارقنا دنيا الهم
روح ياحزن... وفوت يازيف
تعال يا حب وبيك ننعم



نهلة
[/frame]
صورة العضو الرمزية
الهنوف
مشاركات: 20559
اشترك في: الأحد 2009.10.18 1:19 pm
مكان: ..........

رد: طيف ورؤى

مشاركة بواسطة الهنوف »

[align=center]خيتو ندي الله يعطيك العافية
لك التحية
[/align][/b]
أضف رد جديد

العودة إلى ”همس القصيد“