مابين جيل الحداثة .. وقوقعة الفكر الحديث

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

مابين جيل الحداثة .. وقوقعة الفكر الحديث

مشاركة بواسطة ود الزوحي »


نظرت من حولي .. فوجدتني أقبع مابين حداثة الجيل .. وقوقعة الفكر الحديث

جيل السبعينيات وما قبله .. جيل اتسم بالشدة والعقلانية التي وضعت ملامحا لا تكاد تهتريء فأصبح مدخرا لا ينضب لثقافة شعب كامل ...

من نسى قديمه تاه .. والماعنده قديم ما عنده جديد ..

كلمات أصبحت تتردد على ألسنة معظم من سبقونا من أجيال .. في حين أختلط الحابل بالنابل في ظل دخول ما يسمى بالعولمة ..


جيل فاشل ..


جيل غير مدرك لما يقوم به ..


جيل غير مبال ..


جيل اتكالي ..


كل ذلك ينصب على كاهل هؤلاء الجيل .. وليس هناك من يجد أو يلتمس لهم العذر .. كيف بات بهم الحال إلى ما هم عليه ..


وجدتني من ضمن هؤلاء الجزئية التي باتت لا تملك حتى حرية الفكر أو الحوار وكل ما أجده هو كلمات تؤكد بأننا لسنا سوى جيل فاشل .. والترصد بكل ما هو ناتج عن هذا الجيل ..

ذنبا الوحيد اننا وجدنا أنفسنا ضمن أجندة تاريخية تحمل في طياتها ..

من مواليد التسعينيات .. (جيل فاشل) .. حليل زمنا .. وهلم جرا ..

أليس أنتم من وضعنا في هذه الدائرة .. (جيل مانافع)

أليس انتم من وجد لنا ما يسمى بعصر المعلوماتية ..

أليس أنتم من وضع منهاجا للتعليم يضعنا تحت ما يسمي بعصر التجديد ..

أسئلة كثيرة أردت طرحها .. ولكن أعلم أن نهايتها .. (نعم أنتم جيل فاشل) .. وبدون مبررات ..


ملاحظة ..

عضو فاشل ... من مواليد (جيل الفشل) ..
صورة العضو الرمزية
patshe
مشاركات: 1205
اشترك في: الأحد 2009.7.12 10:04 pm
مكان: جدة..k.s.A
اتصال:

رد: مابين جيل الحداثة .. وقوقعة الفكر الحديث

مشاركة بواسطة patshe »










جيل اتكالي ..
بلاشك..............
عضو فاشل ... من مواليد (جيل الفشل) ..
أما دي,,ههههههههههههه
صورة العضو الرمزية
samraa alsudan
مشاركات: 635
اشترك في: الأربعاء 2008.8.13 8:17 am
مكان: السودان-Ph

رد: مابين جيل الحداثة .. وقوقعة الفكر الحديث

مشاركة بواسطة samraa alsudan »

بسم الله الرحمن الرحيم
والله كتبت كمية من الرد ما عارفة مشي وين
كدي اشوف المشكلة وين وبرجع شكلو ده الحديث .
صورة العضو الرمزية
samraa alsudan
مشاركات: 635
اشترك في: الأربعاء 2008.8.13 8:17 am
مكان: السودان-Ph

رد: مابين جيل الحداثة .. وقوقعة الفكر الحديث

مشاركة بواسطة samraa alsudan »

[align=center][align=justify][align=justify][align=right][align=center][align=center]ابن الزوحي جمعة مباركة عليك


فعلا هنالك فرق كبير وشاسع ما بين جيل السبعينيات وجيل التسعينيات من حيث الثقافات
والعادات والتقاليدوحتي في الفكر وطبعا اذا سالت من هم في الجيل القديم عن نظرتهم للحديث
فحتما ستكون الاجابة انهم سطحين وغير مبالين وما قادرين علي اتخاذ القرار الايجابي حتي
بقول ليك انو لا يعتمد عليه في ابسط الاشياء وغير كده ح يقولو جيل تقليد وبقلد الغرب في
اي حاجة طبعا دي نظرتهم تجاه الحديث للأسف الشديد .واكيد وجهة نظرهم مبنية ع اساس
انهم هم جيل يتمتع بالحكمة والقرارات الصائبة وانهم اكثر علما من الحديث .طيب اذا كانت
دي نظرتهم للحديث وين المشكلة اذا اذا عايزين نبدل الافكار والقناعات للاحسن وتطور
حسب الزمن العايشنو وما يتناسب معاهم اكيد هم عاشو زمن غير زمنا وعندهم عادات
وافكار حسب البيئة الكانوا عايشين فيها اكيد كل انسان جيل بحب التجديد بس التجديد
الايجابي وليس السلبي .
وهناك فرق شاسع بين زمنهم وزمنا
موضوعك بستحق النقاش من كل النواحي
مشكور ع الطرح ودمت في حفظ الرحمن ورعايته
[/align][/align][/align][/align][/align][/color][/font][/size][/align][/b]
صورة العضو الرمزية
مهاجر في البلد
مشاركات: 27892
اشترك في: الأربعاء 2008.2.13 8:57 pm
مكان: السودان - الخرطوم

رد: مابين جيل الحداثة .. وقوقعة الفكر الحديث

مشاركة بواسطة مهاجر في البلد »

زحزحة

والله كلامك عين العقل بس الغلط من منو
هل الغلط في الجيل الاصلي الذي لم يورث ذلك الارث الطيب
ام انه في الجيل الجديد
مع العلم ان هنالك علم اسمه توارث الاجيال نجده حتى في الحيوان والنبات
وفي النبات نجد ان ظروف المناخ والبيئة قد تحدث تغيرات في الاجيال
لكنها تغيرات مطلوبة حتى تستمر الحياة ولا ينغرض النوع
اما الاجيال البشرية فنجدها تتغير حسب الهوى والرغبات ومتتطلبات العيش
اليوم في الجمامعات تجد مؤسسات بلا طالب وعلم بلا علماء
وذلك لعدم وجود التخصصية والمنهجية الهادفة فتجد اجيالنا اليوم تجري وراء العولمة ولكن دون جدوى
فالعولمة تاخذ ولا تعطي وفي الحقيقة ان العولمة ربما تعطي ولا تاخذ
انظر حولك تعرف من انت وانظر خلفك تعرف اين انت وانظر امامك تعرف اين تكون
البعض اعتبرها سلبا للعقول العربية والاسلامية وللشعوب من العالم الثالث الافريقية
هذا الجيل والذي يليه هم اتباع للمادة وذلك نتيجة لخواء الروح والعقل
هنا في السودان تجد اجيال مواليد 88 الى 92 فاكثر هم من مرتادي محلات الشيشة والبلي استيشن ومقاهي النت لتنزيل اخر الكليبات الجنبية والعربية ولا يعرف من اين تاتيه لقمة العيش
جيل اصبح يدخر من مصروفه لا ليستثمره في مشروع صغير يحسسه بالمسئولية بل ليقتني اخر موديل من الجوالات دون الحوجة الشديدة ...
لقد اصبح الجيل جيل فاشل ليس بسبب الحكومات او بسبب العولمة ولكن بسبب التربية
فقد اصبحت ليالي الــ DJ واعياد الميلاد والــ Over Night اهم من ذكر الله واهم من الكد والمثابرة للنجاح
نعم هذا هو الحال فقد اضحى الـ New Look شيء هام للولد قبل البنت والسيستم وحبيبي اديني حقنة وبابا شطفني وفصل الدين عن الدولة هي الملابس الرائجة والبضاعة الرابحة ... لقد اضحت شركات الاتصالات في بلدي هنا تسهل الكثير لدمار الاجيال ومنها اتصال مجاني من الساعة الثانية عشر ليلا الى الخامسة مساءا ... من يستخدم هذه الاغراءات غير الشبابا المراهق
طيب لو وفرنا للشباب هذه الخدمة كيف يقوم في الصباح الباكر بنشاط وحيوية ليذهب الى دراسته ويفهم الدروس ويتمي فكره للتطوير
اذا كانت المخدرات توضع على احر الشفاه والبدرة للمساعدة على الادمان فاين الرقيب واين الحسيب والايمان يكاد يفارق القلوب
ان التربية شيء اساسي ومهم لخلق اجيال جبارة تدفع بعجلة العولمة لصالحها وصالح بلدها

اخي ود الزوجي ... اننا نعرف كل هذه الاشياء
دعنا ننشئها في انفسنا بتكوين الاسر الطيبة الراسخة الجزور ونفهمها لغيرنا بالتي هي احسن

والحديث ذو شجون وذو حاجات كثيرة () () ()
اتمنى ان لا نكون اعضاء فاشلون من جيل الفشل
فالعزيمة مهمة والاحساس بالمسئولية اهم والبداية من الاسرة
ولك ودي وتقديري


تخريمة وزقاق :::
[align=center]من الواسوق أبت تطلع !!
من الأبرول أبت تطلع !!
من الأقلام أبت تطلع !!
من المدفع طلع خازوق .. خوازيق البلد زادت
يفيض النيل نحيض نحنَ .. يظل حال البلد واقف
تقع محنه ولا النيل القديم ياهو … ولا يانا
نعاين في الجروف تنهد … ولا يانا
رقاب تمر الجدود تنقص … ولا يانا
متين إيد الغبش تتمد لا قدام … لا قدام
تتش عين الظلام بالضو .. تفرهد شتلة لا هدام ..
ولا فيضاً يفوت الحد .. عقب يانيل تكون ياك ..
ونكون أهل البلد بالجد ...
[/align]

يا مطر عز الحريق ..
يا مصابيح الطريق ..
يا المراكبية البتجبد ..
من فك الموج الغريق ..
جينا ليك والشوق دفرنا ..
يا نشوق روحنا ودمرنا ..
يا المحطات الحنينة ..
القصرت مشوار سفرنا ..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\
يا ما شايلك فيني حايم .. لا اليالي المخملية
لا العمارات السوامق .. لا الأسامي الأجنبية
بتمحى من عيني ملامحك ..
وإنتِ جايهِ المغربيهِ .. داقسهِ دايشهِ المغربيهِ
وشك المكبوت مكندك .. سمصونايتك زمزميهِ
كون شبر طوريه منجل ..
سبحه فانوساً مدردح ..
قلتي بيهن لي زمانك ..
يا زمان الآهه حدك ..
يا زمان الحاجة عندك ..
لا تطي الوردة الصبيه ..
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مابين جيل الحداثة .. وقوقعة الفكر الحديث

مشاركة بواسطة ود الزوحي »

samraa alsudan كتب:
[align=center][align=justify][align=justify][align=right][align=center][align=center]ابن الزوحي جمعة مباركة عليك


فعلا هنالك فرق كبير وشاسع ما بين جيل السبعينيات وجيل التسعينيات من حيث الثقافات
والعادات والتقاليدوحتي في الفكر وطبعا اذا سالت من هم في الجيل القديم عن نظرتهم للحديث
فحتما ستكون الاجابة انهم سطحين وغير مبالين وما قادرين علي اتخاذ القرار الايجابي حتي
بقول ليك انو لا يعتمد عليه في ابسط الاشياء وغير كده ح يقولو جيل تقليد وبقلد الغرب في
اي حاجة طبعا دي نظرتهم تجاه الحديث للأسف الشديد .واكيد وجهة نظرهم مبنية ع اساس
انهم هم جيل يتمتع بالحكمة والقرارات الصائبة وانهم اكثر علما من الحديث .طيب اذا كانت
دي نظرتهم للحديث وين المشكلة اذا اذا عايزين نبدل الافكار والقناعات للاحسن وتطور
حسب الزمن العايشنو وما يتناسب معاهم اكيد هم عاشو زمن غير زمنا وعندهم عادات
وافكار حسب البيئة الكانوا عايشين فيها اكيد كل انسان جيل بحب التجديد بس التجديد
الايجابي وليس السلبي .
وهناك فرق شاسع بين زمنهم وزمنا
موضوعك بستحق النقاش من كل النواحي
مشكور ع الطرح ودمت في حفظ الرحمن ورعايته
[/align][/align][/align][/align][/align][/color][/font][/size][/align][/b]
الحقيقة الأنا حاولت أتفادها فعلا إنو نحن فعلا جيل غير موثوق به .. ولكن تكمن الاجابة هنا ..أنه لماذا غير موثوق بنا .. هل لأننا درسنا عن مجتمع لا يقبل التغيير .. أم أنه من باب اللانتقالية بين حداثة الأجيال ..

سألت أحد معاصري جيل السبعينيات عن ماهية نظرته حول هذا الجيل فأجابني أنه .. غير متفائل بهذا الجيل .. ولم يجد لي المبررات الكافية لتلك الاجابة .. فأخبرته بأنني مصر على معرفة الأسباب ..

فأجاب بأننا جيل غير فاهم .. طيب الفهم هو بحدي زاتو شنو .. وشنو المفروض نفهمه عشان نكون بمثابة جيل يفتخر به .


عزيزتي سمراء هناك الكثير من التساؤلات التي لن تجد لها إجابة .. وسيبقى الحال على ما هو ..
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مابين جيل الحداثة .. وقوقعة الفكر الحديث

مشاركة بواسطة ود الزوحي »

مهاجر في البلد كتب:زحزحة

والله كلامك عين العقل بس الغلط من منو
هل الغلط في الجيل الاصلي الذي لم يورث ذلك الارث الطيب
ام انه في الجيل الجديد
مع العلم ان هنالك علم اسمه توارث الاجيال نجده حتى في الحيوان والنبات
وفي النبات نجد ان ظروف المناخ والبيئة قد تحدث تغيرات في الاجيال
لكنها تغيرات مطلوبة حتى تستمر الحياة ولا ينغرض النوع
اما الاجيال البشرية فنجدها تتغير حسب الهوى والرغبات ومتتطلبات العيش
اليوم في الجمامعات تجد مؤسسات بلا طالب وعلم بلا علماء
وذلك لعدم وجود التخصصية والمنهجية الهادفة فتجد اجيالنا اليوم تجري وراء العولمة ولكن دون جدوى
فالعولمة تاخذ ولا تعطي وفي الحقيقة ان العولمة ربما تعطي ولا تاخذ
انظر حولك تعرف من انت وانظر خلفك تعرف اين انت وانظر امامك تعرف اين تكون
البعض اعتبرها سلبا للعقول العربية والاسلامية وللشعوب من العالم الثالث الافريقية
هذا الجيل والذي يليه هم اتباع للمادة وذلك نتيجة لخواء الروح والعقل
هنا في السودان تجد اجيال مواليد 88 الى 92 فاكثر هم من مرتادي محلات الشيشة والبلي استيشن ومقاهي النت لتنزيل اخر الكليبات الجنبية والعربية ولا يعرف من اين تاتيه لقمة العيش
جيل اصبح يدخر من مصروفه لا ليستثمره في مشروع صغير يحسسه بالمسئولية بل ليقتني اخر موديل من الجوالات دون الحوجة الشديدة ...
لقد اصبح الجيل جيل فاشل ليس بسبب الحكومات او بسبب العولمة ولكن بسبب التربية
فقد اصبحت ليالي الــ dj واعياد الميلاد والــ over night اهم من ذكر الله واهم من الكد والمثابرة للنجاح
نعم هذا هو الحال فقد اضحى الـ new look شيء هام للولد قبل البنت والسيستم وحبيبي اديني حقنة وبابا شطفني وفصل الدين عن الدولة هي الملابس الرائجة والبضاعة الرابحة ... لقد اضحت شركات الاتصالات في بلدي هنا تسهل الكثير لدمار الاجيال ومنها اتصال مجاني من الساعة الثانية عشر ليلا الى الخامسة مساءا ... من يستخدم هذه الاغراءات غير الشبابا المراهق
طيب لو وفرنا للشباب هذه الخدمة كيف يقوم في الصباح الباكر بنشاط وحيوية ليذهب الى دراسته ويفهم الدروس ويتمي فكره للتطوير
اذا كانت المخدرات توضع على احر الشفاه والبدرة للمساعدة على الادمان فاين الرقيب واين الحسيب والايمان يكاد يفارق القلوب
ان التربية شيء اساسي ومهم لخلق اجيال جبارة تدفع بعجلة العولمة لصالحها وصالح بلدها

اخي ود الزوجي ... اننا نعرف كل هذه الاشياء
دعنا ننشئها في انفسنا بتكوين الاسر الطيبة الراسخة الجزور ونفهمها لغيرنا بالتي هي احسن

والحديث ذو شجون وذو حاجات كثيرة () () ()
اتمنى ان لا نكون اعضاء فاشلون من جيل الفشل
فالعزيمة مهمة والاحساس بالمسئولية اهم والبداية من الاسرة
ولك ودي وتقديري


تخريمة وزقاق :::
[align=center]من الواسوق أبت تطلع !!
من الأبرول أبت تطلع !!
من الأقلام أبت تطلع !!
من المدفع طلع خازوق .. خوازيق البلد زادت
يفيض النيل نحيض نحنَ .. يظل حال البلد واقف
تقع محنه ولا النيل القديم ياهو … ولا يانا
نعاين في الجروف تنهد … ولا يانا
رقاب تمر الجدود تنقص … ولا يانا
متين إيد الغبش تتمد لا قدام … لا قدام
تتش عين الظلام بالضو .. تفرهد شتلة لا هدام ..
ولا فيضاً يفوت الحد .. عقب يانيل تكون ياك ..
ونكون أهل البلد بالجد ...
[/align]

يا مطر عز الحريق ..
يا مصابيح الطريق ..
يا المراكبية البتجبد ..
من فك الموج الغريق ..
جينا ليك والشوق دفرنا ..
يا نشوق روحنا ودمرنا ..
يا المحطات الحنينة ..
القصرت مشوار سفرنا ..
\\\\\\\\\\\\\\\\\\\\\\\\\\\\\\\\\\\\\\\\\\\\\\\\
يا ما شايلك فيني حايم .. لا اليالي المخملية
لا العمارات السوامق .. لا الأسامي الأجنبية
بتمحى من عيني ملامحك ..
وإنتِ جايهِ المغربيهِ .. داقسهِ دايشهِ المغربيهِ
وشك المكبوت مكندك .. سمصونايتك زمزميهِ
كون شبر طوريه منجل ..
سبحه فانوساً مدردح ..
قلتي بيهن لي زمانك ..
يا زمان الآهه حدك ..
يا زمان الحاجة عندك ..
لا تطي الوردة الصبيه ..

العزيز مهاجر .. المشكلة إنو نحن تابعين لأهلنا وأسرنا وبرضو لذلك الجيل المعلم .. فالأسرة والأستاذ هم المسؤولون المسؤولية التامة عن ذلك .. وليس هذا الجيل ..

مثال بسيط .. ياخي الموهبة ده ربنا بديها لزول معين يعني ما بتتصنع .. فلما تلقى مثلا فنان صوتو جميل من الجيل الحديث وتجد تنفسه للفن .. بكون في مواجهة مع الجمهور ولا أقصد هنا الجمهور الحديث ولكن الجمهور المتشبع بصوت الفنانين القدامى وماعايز أقول الفنانين العمالقة .. لأنو هنا تكمن المشكلة

الجمهور هو البصنع الفنان .. وليس تاريخ ميلاده .. حسي أتحدى لو جينا وعددنا فنانين الجيل الزمان .. ويجيك واحد ويقوليك الفنان ده ما كويس .. مش لأنو كويس بل لأنو من جيل العمالقة كما يزعمون .. في حين أن هناك هضم لتلك المواهب الجديدة والتي ربما كانت هي الأفضل ..

حقيقة ليس هناك جيل فاشل ولكن هناك معلم فاشل واسرة فاشلة ..

أريد فقط أن أعلم فقط هل الأفضلية دائما لمن سبق .. أم أن في الحديث رواية أخرى ..
مجدى عكاشه
مشاركات: 1581
اشترك في: الاثنين 2007.9.24 9:53 am
مكان: السودان

رد: مابين جيل الحداثة .. وقوقعة الفكر الحديث

مشاركة بواسطة مجدى عكاشه »

ود الزوحي سلام ..

حقيقي الواحد طول من الدخلة وطول حتي من متابعت مواضيعك الانيقة ..
نخش فى الموضوع طوالي

حقيقي .. انا ماعايز اتكلم كتير نحو فشل الجيل الحالي
بل العكس ممكن نتكلم عن فشل الجيل السابق فى ايام شبابو ..
وفشل الجيل القبالهم فى فترة شبابهم وهكذا ..

كل جيل بينظر لى نفسو علي اساس ان جيل مميز ومدهش وقادر ان يتطور ويواكب المتغيرات بطرق اكثر تقنية واختصارآ للزمن .. ودة التعريف المناسب للتطور فى سودانا الجميل ..

اضافة لى ان جيل الخمسينات رافض سلوك جيل السبعينات .. وهكذا


وبرجع تاني لمناقشة بعض النقاط البتتعلق .. بي الجيل الحالي تحديدآ ........... !!




تسلم كتير يارائع
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مابين جيل الحداثة .. وقوقعة الفكر الحديث

مشاركة بواسطة ود الزوحي »

مجدى عكاشه كتب:ود الزوحي سلام ..

حقيقي الواحد طول من الدخلة وطول حتي من متابعت مواضيعك الانيقة ..
نخش فى الموضوع طوالي

حقيقي .. انا ماعايز اتكلم كتير نحو فشل الجيل الحالي
بل العكس ممكن نتكلم عن فشل الجيل السابق فى ايام شبابو ..
وفشل الجيل القبالهم فى فترة شبابهم وهكذا ..

كل جيل بينظر لى نفسو علي اساس ان جيل مميز ومدهش وقادر ان يتطور ويواكب المتغيرات بطرق اكثر تقنية واختصارآ للزمن .. ودة التعريف المناسب للتطور فى سودانا الجميل ..

اضافة لى ان جيل الخمسينات رافض سلوك جيل السبعينات .. وهكذا


وبرجع تاني لمناقشة بعض النقاط البتتعلق .. بي الجيل الحالي تحديدآ ........... !!




تسلم كتير يارائع
العزيز كما يحلو لي ... ود عكاشة

السبب الرئيسي الخلاني أكتب عن هذا الموضوع .. هو جلوسي مع أحد السلف السابق الذين وجدتهم يتناولون أطراف الحديث وكانهم من خلقو الذرة .. متناسيين أن هذه الذرة التي خلقوها هي أبنائهم ..

وجدنا في زمن وكما قلت لا يعترف بالقادم ولكن يعترف بالماضي ..

سؤال طرحت عليهم .. قلت ليهم نجي نمسك واحد من شباب الجيل ناس الموضة ومجارات العادات الدخيلة ونعرس ليه .. على سبيل المثال ..

هل حيكون تفكيره مازال محصور في اللبس والموضة واللعب والسهر .. أم انه حيفكر يكون لي نفسه مستقبل يقدر يحمي بيه زوجته واسرته من شرانق الحياة ..

عارف ردو قالو شنو .. برضو قالو حيكون عديم المسؤولية وحيخلي مرتو جارية ورا تربية الآولاد وتدبير أمور المعيشة ..


ياخي ده كلام ..


طيب إيه رايكم أنا عندي ناس قاربو على مشارف الستين .. ولسه حايمين بدون مرسى وزوجاتهم هم البصرفو على الأولاد ..

يعني برضو في من الجيل السابق ناس ماعندها ذرة مسؤولية ..



طيب ده يسموه شنو .. والا خلاص لقو شماعة يعلقو عليها فشل جيل سابق على جيل قادم ..


معليش .. انا جيلاني فاشل (تصغير جيل) .. وعايز لي شماعة أعلق عليها فشلي ..
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مابين جيل الحداثة .. وقوقعة الفكر الحديث

مشاركة بواسطة ود الزوحي »




لو قمنا مثلا ورجعنا لواحد من أصحاب النيو لوك على حد تسميتهم .. وذهبنا معه في صحبه إلى منزله وانتظرنا وقت أو مواعيد الغداء ..

هل تفتكرو إنو حيكون هناك تغيير نوعي في الأكلات أم أن هناك أصناف لا بد وان تكون متواجده على طاولة الطعام ..

وهل تفتكرو أنو التغيير الخارجي سبب رئيسي للحكم على جيل بأنه جيل فاشل ؟..
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: مابين جيل الحداثة .. وقوقعة الفكر الحديث

مشاركة بواسطة مها »

الاخ الغالى ود الزوحى.......
لكل جيل سلبيات وايجابيات ..وبفتكر انه الاجيال السابقه ما عظيمه بالقدر الخاتا نفسه فيه
برضو بنجد سلبيات كثيره امتدت حتى وصلت الاجيال التى تليها وهكذا ...
اما بالنسبه للجيل الحالى ...هو جيل مظلوم ....لم يجد التواصل والادراك والتماسك الاسرى اللازم
وضع تحت لائحة جيل العولمه والاتصالات الحديثه ...واولياء امورهم من الاسر او الدوله
كل يبحث عن سبل الراحه والاستقرار لنفسه ولابنائه ......متناسين الجيل نفسه....وان الماديات لا يمكن ان تعوض ......فقدان الذات والفكر
صورة العضو الرمزية
ندى البيلسان
مشاركات: 1578
اشترك في: الخميس 2009.1.29 11:17 am
مكان: أرض المحنة الشاربة من النيل

رد: مابين جيل الحداثة .. وقوقعة الفكر الحديث

مشاركة بواسطة ندى البيلسان »

تحية مباركة أخ ود الزوحي

موضوع جميل والنقاش فيه لا مرفأ له

أولاً أؤيد الأخت مها في عبارة لكل جيل سلبياته وإيجابياته وهذه السلبيات والإيجابيات

تختلف حسب وجهات النظر ... الفشل عند البعض لا يكمن في العولمة لأن هذه تأتي في باب

المعرفة ولا في الماديات (خاصة عند أهلنا الكبار) ولكنهم وحسب ما أرى ترتبط كلمة الفشل

عندهم في تجاوز العادات والأعراف ,اسلوب التعامل والسلوكيات لحد كبير

وهذا بالطبع لا ينفي وجود السلوك الطيب والسيئ ... وسأعطيك أمثلة من واقع ملموس لي :


فهم حسب ما يروا أن التلميذ في زمنهم كان له إحترام خاص للمعلم أما حالياً فصار يرد عليه بل

يتطاول إن لم يوجه الإساءات ... كان للكبير خال أو عم أو كل ما يعد والي إحترامه حتى لو كان

من الشارع ليس هناك من إبن يدخن أمام والده أو خاله أو يرفع صوته بوجودهم ...... الخ


أما اللبس فليس معنى كلامهم أن نلبس مثلهم لكن على الأقل ليكن لبسنا لائقاً بنا سوى للولد كرجل

أو للمرأة ... الأكل كل يأكل حسب مزاجه وما يهوى ولا أظن أن في هذا نقص للأجيال بإختلاف

أزمانها حتى لو كان لديهم رأي في هذا .

أما التعليم بجد هناك المتعلم وغير المتعلم في الزمانين لكن سابقاً حتى غير المتعلم تجده

واسع الإدارك والخبرة حسب زمانه حتى وإن كان لا يعرف القراءة والكتابة

بعكس اليوم حتى خريج الجامعة منهم من تجد تفكيره محدود .

عدم تحمل المسئولية يؤخذ كنسبة ... نعم في أزمان غابرة هناك عديمي المسئولية

لكن عدم تعد نسبتهم وهل كانت نسبة الطلاق كما اليوم ؟ وكم يستمر الزواج في أحياناً كثيرة ؟

الموضوع متشعب وذو جوانب كثيرة والنقاش فيه مستفيض ويأخذ مساحات

لكـــــــــــــــــــــــــــن

هذا ما أستخلصته من المنتقدون في مواقف كثيرة ما ذكرته سابقاً هو الذي جعلهم يصفون

الجيل الحالي بالفشل


ولي عودة
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: مابين جيل الحداثة .. وقوقعة الفكر الحديث

مشاركة بواسطة مها »

الاخت ندى البيلسان ......تحياتى
اسمحى لى اختى اختلف معك فى نقطه وهى ان الطفل يتطاول على المعلم عكس الجيل السابق
اختلافى معك هو .....لا يتجرأ التلميذ التطاول على معلمه ما لم يكن على درايه تامه بان والده او امه
تقف بالمرصاد لذلك المعلم المغلوب على امره....
سابقا عندما يشتكى التلميذ يقف الاهل جميعا امامه وبلسان واحد ( ما فى استاذ بغلط على تلميذ )....واليوم اغلبية التعليم خاص وتجد اولياء الامور لديهم عقده نقص ....
واذا اشتكى الابن ....ياتى والده وبصوت عالى .....انا ولدى عايزو كده......واذا كان لمدرسه راى اخر
يقوم والده بنقله الى مدرسه اخرى .......ويدفع الملايين ........
هذا السلوك اكيد اختى يضع التلميذ فى هذا الموقف ......ويعطيه كل الحق للتطاول على معلمه
وبعد ذلك على الكبار سنا ثم الاهل ثم وللاسف ابيه وامه
كيف لا يكون الجيل فاشل اذا كان ولى الامر فاشل
صورة العضو الرمزية
ملاك الورد
مشاركات: 5979
اشترك في: الجمعة 2009.5.29 3:26 pm
مكان: السودان الحنون

رد: مابين جيل الحداثة .. وقوقعة الفكر الحديث

مشاركة بواسطة ملاك الورد »


صورة

ما عارفه ليه لكن احس انه لمن الاهل يقولوا لينا "انتو جيل فاشل" كانهم بغيروا مننا
نحن بدون ما هم يشرحوا و يفهمونا عارفين لو ما اكتر منهم ,,, عارفين زيهم في اغلب الامور الهمه في الحياه ....... و معتمدين على نفسنا اكتر منهم لمن كانوا في عمرنا ....

بعدين هم بقولوا التكنلوجيا و العولمه حاجات جديده و نحن جيل الانترنت و ما بتكلوا علينا
العارفاهو انه لمن جينا للدنيا دي لقينا الحاجت دي كلها جاهزه و مخترعه و مظبته و المسأله
انه استعملناها اكتر منهم بس , و اضف نا ليها
يعني الكمبيوتر و الموبايل , شاشات الديجيتال و الانترنت اعتقد ما اخترعوها الجيل الفاشل

الجيل البإذن الله حينصر الاسلام
قارن بين امهاتنا زمان و بنات الجيل الهسي ... فرق في المعرفه الدينيه و الالتزام
زمان نادر تشوف شاب متدين هسي عااااااادي و كتير ما شاء الله

بقول و الحمد لله نحن واعي و فاهم جدا جدا و عنده حكمه و معرفه عن الامور المهمه في الحياه
الاتكاليه بتجي بسبب التربيه "سببها جيل السبعينيات= الاهل"
و شكرا على الموضوع المهم

صورة

صورة العضو الرمزية
samraa alsudan
مشاركات: 635
اشترك في: الأربعاء 2008.8.13 8:17 am
مكان: السودان-Ph

رد: مابين جيل الحداثة .. وقوقعة الفكر الحديث

مشاركة بواسطة samraa alsudan »

ملاك الورد
بعدين هم بقولوا التكنلوجيا و العولمه حاجات جديده و نحن جيل الانترنت و ما بتكلوا علينا
العارفاهو انه لمن جينا للدنيا دي لقينا الحاجت دي كلها جاهزه و مخترعه و مظبته و المسأله
انه استعملناها اكتر منهم بس , و اضف نا ليها
يعني الكمبيوتر و الموبايل , شاشات الديجيتال و الانترنت اعتقد ما اخترعوها الجيل الفاشل


طيب يا ملاك انا معاكي انو الحاجات دي في زمنهم كانت مافي وانو جات للأجيال البعدهم
ما بتفتكري انو التكنولوجيا او العولمة اُستخدمت بطريقة سئية جدا من قبل الجيل الحالي [/

الجيل البإذن الله حينصر الاسلام
قارن بين امهاتنا زمان و بنات الجيل الهسي ... فرق في المعرفه الدينيه و الالتزام
زمان نادر تشوف شاب متدين هسي عااااااادي و كتير ما شاء الله.

صاح زمان ما كانو مدركين لكتير من الحاجات الدينية وصحيح كانت عندهم اخطاء
ليه لانو كتير منهم ما متعلم بالذات المرة كان عيب انو تقرتء تو تطلع لي قراية
خارج منطقتها او القرية الساكنة فيها الا ما ندر جدا . وبعدين بي عدم وعيهم للدين ده
ما كان بيخطئو زي الجيل الهسي العارف ومتعلم ومتثقف وعارف الحلال من الحرام
ويمكن انت تكوني شفتي نمازج كتيرة في النقطة دي 0
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: مابين جيل الحداثة .. وقوقعة الفكر الحديث

مشاركة بواسطة نهر المحبه »

مشكور الأخ ود الزوحي على طرحك
جملة (انتو جيل فاشل) اصبحت كالنغمه التي تتردد على مسامعنا
من اباءنا وهم يرون عدم مقدرتنا على تحمل المسؤليه ويبدو كانهم شبه فاقدين الثقه في انه ممكن نصبح اباء وامهات نقدر نقود الركب الى الأمام
بتفق مع ملاك صحيح احنا وجدنا كل شيء امامنا جاهز واحنا جينا استعملنا حسب نظرتهم لينا(احنا جيل مستهلك أكتر من ماهو منتج)
نقطه تانيه عدم اعترفاهم بالتعليم البنتلاقاه جميع السبل سهله امامنا من انترنت وغيره
بس ماننكر (انه بعض من هذا الجيل استخدم الاشياء اللي لقينا جاهزه)استخدام سيء
بيحكمو علينا من المظهر بس
بس احنا جيل متعلم وفاهم اكتر من الاول واكتر ثقافه منهم
وستبقى المشكله قائمه انه مافي جيل عاجبه الجيل اللي سبقه او الجيل اللي بعده
وفي بعض مننا كده عندنا راي في الجيل الذي يلينا
بس اتمنى تكون نظره ايجابيه اكتر من ماهي سلبيه
ولي عوده
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مابين جيل الحداثة .. وقوقعة الفكر الحديث

مشاركة بواسطة ود الزوحي »

مها كتب:الاخ الغالى ود الزوحى.......
لكل جيل سلبيات وايجابيات ..وبفتكر انه الاجيال السابقه ما عظيمه بالقدر الخاتا نفسه فيه
برضو بنجد سلبيات كثيره امتدت حتى وصلت الاجيال التى تليها وهكذا ...
اما بالنسبه للجيل الحالى ...هو جيل مظلوم ....لم يجد التواصل والادراك والتماسك الاسرى اللازم
وضع تحت لائحة جيل العولمه والاتصالات الحديثه ...واولياء امورهم من الاسر او الدوله
كل يبحث عن سبل الراحه والاستقرار لنفسه ولابنائه ......متناسين الجيل نفسه....وان الماديات لا يمكن ان تعوض ......فقدان الذات والفكر

يعني انت بتختي اللوم على الأسر أو بالمعنى الأصح على الجيل السابق .. في ظل وجود ما يسمى بالعولمة وعدم الانتباه لما قد ينتج عن انفتاحية مثل هذه الأشياء على عادات وتقاليد جيل أو شعب كامل ..
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مابين جيل الحداثة .. وقوقعة الفكر الحديث

مشاركة بواسطة ود الزوحي »

ندى البيلسان كتب:
تحية مباركة أخ ود الزوحي

موضوع جميل والنقاش فيه لا مرفأ له

أولاً أؤيد الأخت مها في عبارة لكل جيل سلبياته وإيجابياته وهذه السلبيات والإيجابيات

تختلف حسب وجهات النظر ... الفشل عند البعض لا يكمن في العولمة لأن هذه تأتي في باب

المعرفة ولا في الماديات (خاصة عند أهلنا الكبار) ولكنهم وحسب ما أرى ترتبط كلمة الفشل

عندهم في تجاوز العادات والأعراف ,اسلوب التعامل والسلوكيات لحد كبير

وهذا بالطبع لا ينفي وجود السلوك الطيب والسيئ ... وسأعطيك أمثلة من واقع ملموس لي :


فهم حسب ما يروا أن التلميذ في زمنهم كان له إحترام خاص للمعلم أما حالياً فصار يرد عليه بل

يتطاول إن لم يوجه الإساءات ... كان للكبير خال أو عم أو كل ما يعد والي إحترامه حتى لو كان

من الشارع ليس هناك من إبن يدخن أمام والده أو خاله أو يرفع صوته بوجودهم ...... الخ


أما اللبس فليس معنى كلامهم أن نلبس مثلهم لكن على الأقل ليكن لبسنا لائقاً بنا سوى للولد كرجل

أو للمرأة ... الأكل كل يأكل حسب مزاجه وما يهوى ولا أظن أن في هذا نقص للأجيال بإختلاف

أزمانها حتى لو كان لديهم رأي في هذا .

أما التعليم بجد هناك المتعلم وغير المتعلم في الزمانين لكن سابقاً حتى غير المتعلم تجده

واسع الإدارك والخبرة حسب زمانه حتى وإن كان لا يعرف القراءة والكتابة

بعكس اليوم حتى خريج الجامعة منهم من تجد تفكيره محدود .

عدم تحمل المسئولية يؤخذ كنسبة ... نعم في أزمان غابرة هناك عديمي المسئولية

لكن عدم تعد نسبتهم وهل كانت نسبة الطلاق كما اليوم ؟ وكم يستمر الزواج في أحياناً كثيرة ؟

الموضوع متشعب وذو جوانب كثيرة والنقاش فيه مستفيض ويأخذ مساحات

لكـــــــــــــــــــــــــــن

هذا ما أستخلصته من المنتقدون في مواقف كثيرة ما ذكرته سابقاً هو الذي جعلهم يصفون

الجيل الحالي بالفشل


ولي عودة

حلو جدا .. كده قدرنا نمسك لينا في حبلين ..

الأول هم الجيل السابق نفسه

التاني هو دور الأسرة والتعليم في ترسيخ المفاهيم والعادات التي لا بد من الالتزام بها..
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مابين جيل الحداثة .. وقوقعة الفكر الحديث

مشاركة بواسطة ود الزوحي »

مها كتب:الاخت ندى البيلسان ......تحياتى
اسمحى لى اختى اختلف معك فى نقطه وهى ان الطفل يتطاول على المعلم عكس الجيل السابق
اختلافى معك هو .....لا يتجرأ التلميذ التطاول على معلمه ما لم يكن على درايه تامه بان والده او امه
تقف بالمرصاد لذلك المعلم المغلوب على امره....
سابقا عندما يشتكى التلميذ يقف الاهل جميعا امامه وبلسان واحد ( ما فى استاذ بغلط على تلميذ )....واليوم اغلبية التعليم خاص وتجد اولياء الامور لديهم عقده نقص ....
واذا اشتكى الابن ....ياتى والده وبصوت عالى .....انا ولدى عايزو كده......واذا كان لمدرسه راى اخر
يقوم والده بنقله الى مدرسه اخرى .......ويدفع الملايين ........
هذا السلوك اكيد اختى يضع التلميذ فى هذا الموقف ......ويعطيه كل الحق للتطاول على معلمه
وبعد ذلك على الكبار سنا ثم الاهل ثم وللاسف ابيه وامه
كيف لا يكون الجيل فاشل اذا كان ولى الامر فاشل

ده برضو داخل في أطار دور الأسرة والتعليم ..

يعني لو في تشدد في قوانين واجراءت المدرسة برضو كان حيكون في خوف على مستقبل الابن من الفصل أو العقوبة المترتبة على ذلك من قبل الأسرة .. وألا شنو
صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: مابين جيل الحداثة .. وقوقعة الفكر الحديث

مشاركة بواسطة احمد يس »

العزيز ود الزوحى
الموضوع جد يستحق النقاش وتابعت جيدا ما تداخل به الزملاء كل بما جاد به ببعض من دواخله ورأيت ان اتداخل معكم بحكم اننى هم وانتم نحن وهذا بالفعل ما اثارنى كيف توصل السادة المتداخلون الى الفصل بين الاجيال وجعلهم فريقان يسيران فى خطين متوازيين وكما نعلم فى علم الرياضيات تعريف الخطوط المتوازية بأنها الخطوط التى لا تتقابل مهما امتدت ..... وكيف يتأتى ذلك والاجيال تتقابل طول الوقت فى الشارع وفى المدرسة وفى الجامعة وفى المنزل ..............
دعنى امر سريعا على المداخلات فى مجملها وسوف يكون لى مداخلة اخرى بوجهة نظرى لاحقا ........
الشعور بأن الحديث ينصب على فريقين هم ونحن هو مدخل سىء جدا للحوار بما ادى الى تنمية الشعور بأن هناك صراع قائم بين الآجيال ولو فرضنا جدلا ان هناك صراع قائم بالفعل اتساءل هنا صراع من اجل ماذا ؟
العبارات الرنانة التى يطلقها البعض لاتخدم الموضوع بشكل هادىء ويؤدى فى بعض الاحيان الى الاحتجاج المغلف وليس ادل على ذلك من كلمة الفشل والتى ادت الى توقيعك فى نهاية موضوعك وقد يأخذه البعض بأنه نوع من الفكاهة اوالدعابة ولكنى شخصيا ارى انه
موضوع آخر يستحق ان نفرد له نقاشا منفصلا .......فهو يحمل فى طياته ردا مرسل الى كل من تطلقون عليه اجيال سابقه.....
الحقيقة لقد اندهشت الى درجة الذهول من تعبيرات معينة فى ردود الزملاء واكثرها حدة كان بأن الجيل الجديد يعرف جيدا الحلال والحرام وكأن الاجيال السابقة هى اجيال منحلة وليس ادل من ذلك عبارة وردت بأن سيدات الجيل السابق ليس على وعى بأمور دينهم ...
اخيرا ارى ان كلمة الفشل هى موجودة فى كل الازمنه والاجيال وهى لا تنعت الشخص بالخطيئة والذنب وانما هى عدم النجاح والتوفيق فى شىء ما................ وارى اننا جميعا سوف نكون فاشلون اذا لم نتفق على طريقة الحوار......
لى مداخلة اخرى انشالله بوجهة نظرى فى لب الموضوع ................................ تحياتى
أضف رد جديد

العودة إلى ”حوارات جادة“