حبكانة .. والناس فترانة

المشرف: بانه

أضف رد جديد
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

حبكانة .. والناس فترانة

مشاركة بواسطة ود الزوحي »




هناي :
عليك قومي سريع سوي لينا الغدا

هناية : حسي ده كلمة مشتاقين بتاعتك

هناي : عليك الله أنا جاي من الشغل فتران وماناقص وجع راس

هناية : يعني حسي الكلام معاي بقى وجع راس .. انت ما شفت مهند ونور ورومانسيتهم

هناي : ديلاك مهند ونور .. أنا لا مهند ولا أنت نور .. وقومي سوي الغدا قلت ليك .. (الزول جعان يلا ياخ)

هناية : والله انت من يوم عرستني ما سمعت منك كلمة حلوة ..

هناي : انتي كده ختيني في محل مهند ونور وأنا أشبعك رومانسية .. (مش طيب لما تشبع من الغدا)

هناية : كيف يعني اختك في محلهم .. (أي تشتري ليه محل زي بتاعهم)

هناي : يعني ما معقولة .. أصحي الصباح اقيف ساعة انتظر المواصلات .. وامشي الشغل واطلع الساعة اتنين الظهر .. وبرضو انتظر في المواصلات ساعة حدي ماالبلف يملا الفردة .. وعيني تطلع بالسخانة في الشمس .. وأجي البيت جعان برضو وتقولي لي دايرة رومانسية ما ممكن ..

(أي والله ما ممكن ... تاني قابلني لو سألتك من شي .. ده شنو ياخ .. انا زاتي خجلت ليها) ..


وسجل لي الريدة ..
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: حبكانة .. والناس فترانة

مشاركة بواسطة نهر المحبه »

ههههههههههههههه
خلاص اعملو مهند ونور بظروف سودانيه
حبوبة
مشاركات: 1274
اشترك في: الثلاثاء 2008.5.13 11:03 am
مكان: Damscus

رد: حبكانة .. والناس فترانة

مشاركة بواسطة حبوبة »

هو : السلام عليكم (بصوت عالي من الباب)
هي : وعليكم السلام ( من المطبخ )
هو دخل الغرفة خت الشنطة والجاكيت دخل الحمام ...
هي : يلا يا بابا .. والا يادوب الصلاة ؟
هو : لا لا الليلة جاهزين ... جاي دقيقة (غير للعراقي أو الجلابية)
هي جابت الصينية في الصالة (وجابت الموية والحلا بالجنبة)
هو : والله ماشاء الله إيه الحاجات دي كلها .. وال بالجنبة كمان {يغمز}
هي : {بابتسامة} مليانة ووب نص نص ووبين .. نلقاها من وين عاد
هو : يعني ما متعودين نص الأسبوع .. ما انت يادوب بتلحقي .. والا دي خبرات أجنبية :040:
هي : انت ناسي انو انت يومين متغدي برة .. شان كده بس .. اممم يومك كيف
هو : الحمدلله .. طبعا اللخمة ضارباهم في تجهيزان القمة وناس الرئاسة لاحياة لمن تنادي
هي : عادي .. مافي شمار جديد .. أصلي طولت ما طليتكم
هو : عارفاني ما عندي فيها .. لكن مافي حاجة ظاهرة .. التصحيح ماشي كيف معاك

دي الصورة اليومية المعتادة كتير بيكون فيها توم وشمار بس ده الروتيني .. خِف على نفسك والعزابة المعاك يا زحزحة :d
:064: البعاعيت عند بكور مافي عش الزوجية :040:
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: حبكانة .. والناس فترانة

مشاركة بواسطة فارماس »

هناية: قل لي بأنك تحبني ولو مرة واحدة ، ومن بعدها لن أطلب منك أن تقولها ..

هناي : لا أرغب بقولها لأني على يقين بأن الكلمات ترخص حين نرددها كاسطوانة تدور وفيكل مرة تعود إلى نفس نقطة انطلاقها..

هناية : هذا صحيح لو كنت تستعمل نفس الإسطوانة وفي كل المناسبات..

ولكن الكلام الجميل لا يفقد من قيمته المعنوية، ولا يرخص إلا إذا كانت مشاعر قائلها رخيصة، عندها

صدقني، سيشعر من تلقاها بأنها رخيصة كما قلت، ولكن أن تحرمني من سماعها لأنك رسمت في فكرك

هذه الرأي السلبي عن الكلمات الطيبة ، فهذا لعمري جزاء أناله على ذنب لم أقترفه إنما اقترفه رأيك

الغريب ..

هناي : وهل هذه الكلمة مهمة بالنسبة لك لهذه الدرجة، حتى تطالبيني

بقولها؟؟

هناية : ما أغربك أيها المرافق لمسيرتي في هذه الحياة، نعم هي مهمة

بالنسبة لي، ليست لكلمة بحد ذاتها التي تهمني، أنما يهمني أن تعكس هذا الإحساس من خلالك لتجعله يتخلل

مشاعري التي باتت تشعر بالعطش للإحساس بها وليس بالعطش لسماعها لا غير، ولكي تعطيني قوة

لمتابعة مسيرتي التي بت أحس بأنها قدر محتوم لا يبدده ملل ولا صمت وخمول.

هناي : حسنا ( أحبك ) هل ارتحت الآن ؟؟

هناية : ليتك لم تقلها، ما أرخصها حين نمد يدنا مطالبين بها، فتمتد الأيدي،

مغطية بملامح العطاء وتحت الضباب الذي يلفعها بلا وضوح معالمه . يختبئ حس بالتعالي والتكبر بعطاء

لا يشبه بأي شكل من الأشكال

ليتني مت قبل أن أسمع هذه الكلمة التي قدسها الله حين وهبنا قدسية الإحساس بالحب والمحبة، فاستهرت بها

ونطقت بحروفها دون الإحساس بها، لتخرج خشنة من بين شفتيك، دون أن تمر بصدق الإحساس النقي

الذي يتملكنا عادة حين نشعر بالحب..

هناي : إذن فأنت تشككين بحبي لك؟ لو لم أحبك ما كنت سأتزوجك..

هناية : ما أشقاني وما أتعسك ياقلبي .. رب شرح يوجع أكثر من ألف فهم ..

ليتك لم تقلها والسلام ............

هناي : وعليكم السلام اني متعب فأريد ان انام
حبوبة
مشاركات: 1274
اشترك في: الثلاثاء 2008.5.13 11:03 am
مكان: Damscus

رد: حبكانة .. والناس فترانة

مشاركة بواسطة حبوبة »

فارماس THUMBUP.gif

لو قريت كلامك ده أكيد ما كنت ح انزل مشاركتي ... كنت ح اقول انزل واحدة تانية لكن انت كملت القول تسلم يا رهيب تسلم :022:
صورة العضو الرمزية
حبيب الناس
مشاركات: 1244
اشترك في: الأحد 2009.6.7 2:01 pm
مكان: السعودية - جدة
اتصال:

رد: حبكانة .. والناس فترانة

مشاركة بواسطة حبيب الناس »

هناي : تعرفي انا في شعور كده بيراوضني .
هناية : في شنو قولي الموترك شنو .
هناي : والله بصراحة كده (وتنهييييده من جوه الحشا) انا قررت اني اتزوج .
هناية : ومنو سعيدة الحظ دي
هناي : والله انتي بتعرفيها كويس .
هناية : منو دي يا ربي قول لي سريع شمارك حار .
هناي : يعني ما عارفه انا بكفر في منو ؟
هناية : (ابتسامه ناعمة ولمعة في العين) والله ما عارفه انت القررت ما انا .
هناي : يعني ما حصل لاحظتي اني مشدود لزول كده ؟ وبفتش عليهو لما يغيب ؟
هناية : والله ملاحظه ليك لكين ما عرفت (نظام البت عامله تقليه) .
هناي : طيب ممكن تحددي موعد مع اهلك عشان ناوي ازوركم انا والاهل بعد بكره .
هناية : تشرف وتآنس لكين في شنو ؟ خير (نظام برضو عامله تقليه) .
هناي : انا جاي اتقدم ليك رايك شنو ؟
هنايه : معقولة بالسرعة دي . فاجاتني (نظام البت ما خاته بالها) .
هناي : اها وريني انتي موافقه ولا لا ؟
هناية : انا .... انا .... والله انت زول كويس وانا معجبة بيك من زمان (نظام قال البت دايره تكسر التلج) .
هناي : انا عايزك تكوني زوجتي وأم اولادي .
هناية : ده شرف لي وانشاء الله اقدر اسعدك .
هناي : خلاص بعد بكره موعدنا وحاحدد مع الحاج مواعيد العقد والزفاف .
هانية : ابتسامه رقيقة ، خلاص وانا منتظراك .
هناي : بحبك
هناية : وانا كمان بحبك .

نجيكم بعد بكره نوريكم المقابله كانت كيف ؟
أضف رد جديد

العودة إلى ”منتدى الراكوبة“