العودة   منتدى أنا سوداني > المنتدى العام > حوارات جادة

حوارات جادة يهتم بالحوارات والنقاشات الجادة فقط الرجاء الالتزام !!

   بــيــنـه ... وبــيـنـهــا ... (اخر مشاركة : ريانه إمام - عددالردود : 141 - عددالزوار : 598 )           »          همس ل حبيبي ..! (اخر مشاركة : التائب - عددالردود : 1026 - عددالزوار : 54689 )           »          خذني غرام ولاتفكر تعاني (اخر مشاركة : نونيتا - عددالردود : 8 - عددالزوار : 147 )           »          ماذا ستكتب للشخص الذي في بالك الآن (اخر مشاركة : بانه - عددالردود : 35353 - عددالزوار : 1970290 )           »          سمارا & سمارا (اخر مشاركة : التائب - عددالردود : 3621 - عددالزوار : 67349 )           »          سجل احســـــاســــك بكلمة أو بصــــورة! (اخر مشاركة : بانه - عددالردود : 4231 - عددالزوار : 210054 )           »          تهنئيه بمناسبة العيد السعيد (اخر مشاركة : بانه - عددالردود : 43 - عددالزوار : 3089 )           »          عيد ميلاد سعيد (اخر مشاركة : بانه - عددالردود : 369 - عددالزوار : 12845 )           »          الصيدلة الاكلينيكية (اخر مشاركة : بانه - عددالردود : 2 - عددالزوار : 27 )           »          120 محاضرة للشيخ محمد سيدحاج رحمه الله بصيغة mp3 (اخر مشاركة : 3Aiz A3eesh - عددالردود : 1 - عددالزوار : 23 )           »         

الإهداءات
التائب من العيد مبارك عليكم : تقبل الله منا ومنكم صالح الاعمال وعيد سعيد عليكم كل اعضاء انا سوداني ابن عوف من عيد سعيد : كل عام وانتم بخير ان شاء الله ينعاد عليكم باليمن والبركات بانه من جدو الملك والجميع : كل عام وانتو بالف خير ان شاء الله القلب الملك من عيد الفطر المبارك ،،، : أيها اﻷحبة تقبل الله صيامكم وقيامكم وكل عام وأنتم بخير وسعادة وأمن وهدى وتوفيق في جميع ما يهمكم من رضى الرحمن

رد
 
أدوات الموضوع إبحث في هذا الموضوع طرق عرض الموضوع
  #1  
قديم 26-04-2010, 20:37
ود الاقرع ود الاقرع غير متواجد حالياً
 
تاريخ التسجيل: 19:42, 8th Apr 2010
الدولة: السعوديه الرياض
الجنس : ذكر
المشاركات: 23
افتراضي طلقها بسبب التنباك

طلقها بسبب التنباك
دعنى لاتقترب منى فقد كرهت حتى انفاسك رائحتك نتنه والعرق يخطلت بالتراب العالق بجسدك انت لاتصلح لان تقترب من احد فقد ينفر منك من يعرفك ومن لايعرفك كيف تقبل اولادك كيف تحتضنهم وانت بهذه الروائح النتنه الم اقل لك لاتستعمل التنباك وانت تنام الى جانبى ؛ انت تنام والسفه على فمك وتشخر ويسيل لعابك وانت نائم ويرسم لعابك المخلوط بالتنباك خرائط على الوساده التى تنام عليها انفاسك نتنه كم انت قذر ؛ لقد تعبت من تنظيف بواقى السفه التى تبصقها على الموكيت او حتى على السلة كيف يتعامل معك زملائك فى العمل الا ينفرون منك مافائدة ان تلبس قميص وبنطلون نظيف على روائح جسمك ورائحة فمك الكريهه لقد صبرت عليك وحاولت اصلاحك ولكن انت لاتسمع منى بل تهزأ بى وتزجرنى انظر الى آثار التنباك على اسنانك لقد صارت صفراء مظللة باللون البنى حتى التنباك طفى روعه الابتسامه عندك واحيانا تنام وكيس التنباك على جيبك وينطبع على ملبسك وعلى الملايا والمرتبه لقد تعبت من التنظيف والغسيل الا ترى ذلك ؛ نفذ صبرى ولولا الاولاد مااطيق ان اجلس معك انت حالة نادره
قال لها :- ياوليه انت جنيتى ولاشنو والله تانى اسمعك تجيبى سيرة التنباك ده فى خشمك الا احشيه ليك تنباك ( مرة اخر زمن ) وكمان معاها فلسفه زائده انتى لاتحترمى الكيف ولاوزنه راسى كم سنه وانا مع التنباك تجى تقولى سيبه ؛ تعرفى انا ممكن اسيبك انتى ولا اسيب التنباك
قالت له ؛- انت تقارنى بالتنباك اها ياانا او التنباك اختار ياتو فينا قالتها بحزم شديد
قال لها ياوليه لاترفعى صوتك على واخسى الشيطان على بالطلاق تقولى بقم تانى الا اوريك الضرب المابتعرفيه عشان تتأدبى وماترفعى صوتك علىَ مرة ثانيه
قالت ؛ كمان عايز تضربنى؟
ايوه اضربك واضرب ابو اهلك كمان
وصارت المشاده والكلام من هنا وهناك حتى وقع الطلاق عليها بسبب التنباك
سؤال ؟ هل التنباك مضر للصحه وهل يتأذى الاخرين ممن يستعملونه وما سبب وقوع الشباب فى شباكه قالت لى امرأه فى منتصف الثلاثينيات بدأت قصتى مع التنباك يوم ان كان ضرسى يؤلمنى واعطانى زوجى سفه لكى يخمد الالم الشديد الذى الم بى منتصف الليل ولاتوجد صيدليه ولاحتى شىء يسكن الالم فما ان وضعت تلك السفه حتى شعرت بالارتياح من الم الضرس وكلما شعرت بالالم فى الاضراس اخذت سفه للتسكين ومن ديك وعيك حتى صار لى كيس تمباك خاص بى ؛ فهل يمكن ان يباع التنباك فى الصيدليات كمسكن للالام الاسنان
(((اذا كنت ممن يستعملون التنباك فأحذر ان يقع عليك الطلاق قم بتنظيف اسنانك واجعل لونها الابيض الاصلى وتخلص من رائحة الفم الكريهه وخليك اجتماعى فالتنباك ضار بلثة الفم وسبب رئيس فى السرطان والطلاق ومشوه للاسنان ومنفر للانسان وغير اجتماعى الا اذا كان ضرسك مؤلمك يمكن سفه واحد ثلاث مرات فى اليوم ورابعه عند اللزوم )))
(على فكره انا ذاتى قاعد اسف بالدس )
شمس الدين المبارك الاقرع

 

 

من مواضيع ود الاقرع

رد باقتباس
  #2  
قديم 28-04-2010, 18:56
الصورة الرمزية رفعتي في ديني
رفعتي في ديني رفعتي في ديني غير متواجد حالياً
 
تاريخ التسجيل: 12:36, 28th Apr 2010
الدولة: ودمدني
الجنس : سودانية
العمر: 20
المشاركات: 212
افتراضي رد: طلقها بسبب التنباك

نفسي اعرف العاجبكم في التمباك شنو
شكلو زاتو ما مساعد لمن اختو في خشمي لا حولة
وبعدين مهما كان الزول نضيف وشياكة بيقلل من مظهرو
وكما ذكرت يا اخي اجيب ليك ستين بلوة و مرض والناس ما ناقصة
واكعب حاجة يكمل القروش

 

 

من مواضيع رفعتي في ديني

رد باقتباس
  #3  
قديم 29-04-2010, 11:35
الصورة الرمزية مدثر موسى
مدثر موسى مدثر موسى غير متواجد حالياً
 
تاريخ التسجيل: 11:22, 31st Mar 2010
الدولة: الخرطوم بحرى
الجنس : ذكر / سودانى
العمر: 41
المشاركات: 64
افتراضي رد: طلقها بسبب التنباك

هذا الموضوع حساس وخطير التمباك من الاشياء التى عمت بها البلوى نسأل الله ان يجنبنا شر التمباك وغيره من العادات الضارة الاخرى

 

 

من مواضيع مدثر موسى

رد باقتباس
  #4  
قديم 29-04-2010, 11:41
الصورة الرمزية الشمالي
الشمالي الشمالي غير متواجد حالياً
 
تاريخ التسجيل: 15:23, 4th Feb 2009
الدولة: المملكة العربية السعودية
الجنس : سوداني
المشاركات: 5,145
قـائـمـة الأوسـمـة
افتراضي رد: طلقها بسبب التنباك

موضوع جميل يا ود الاقرع
لكن انت يااااود الاقرع بتحذر فينا ولا
بترغب قينا نسف ( قلت لي بتسف بالدس)
غااااااااااااااااااااااااااغ

 

 

من مواضيع الشمالي

رد باقتباس
  #5  
قديم 29-04-2010, 11:56
الصورة الرمزية بعد الزمن
بعد الزمن بعد الزمن غير متواجد حالياً
 
تاريخ التسجيل: 03:30, 9th Mar 2010
الدولة: حيث يهطل الامل
الجنس : ابو شـــــــــــــــــ ب ــــــــ ن
المشاركات: 15,393
قـائـمـة الأوسـمـة
افتراضي رد: طلقها بسبب التنباك

أنا لو ساعتين ما , ما شنقتلي سفه , بجنى صداع وبكون عصبي , وبشاكل , بتقفل معاي
وقاعد احاول اسيبوا ما قادر , ولد خالتى , قالي , سف عطرون , وبرضوا مانفع
وزاتوا الايام غلى , وبقى سعروا من خمسمية وفوق
وكان الرطل ب 700هسه بقى بجنيه و300
يا الله مع سلامة
والصعود حاجة ما قيافى ..........

 

 

من مواضيع بعد الزمن

رد باقتباس
  #6  
قديم 30-04-2010, 20:46
الصورة الرمزية اروع من الورود
اروع من الورود اروع من الورود غير متواجد حالياً
 
تاريخ التسجيل: 23:47, 19th Jun 2009
الدولة: الــــرياض
الجنس : انثــــى
المشاركات: 1,066
افتراضي رد: طلقها بسبب التنباك

هو زاتو كيف بيجربو عشان يدمنو

ريحتو معفنة وشكلو مقرف كيف بستحملو السجارة ارحم كتيييييييييييير

والله يهدي الجميع

 

 

من مواضيع اروع من الورود

رد باقتباس
  #7  
قديم 30-04-2010, 21:22
الصورة الرمزية ملاك الورد
ملاك الورد ملاك الورد غير متواجد حالياً
 
تاريخ التسجيل: 15:26, 29th May 2009
الدولة: السودان الحنون
الجنس : هنآآية
المشاركات: 5,980
قـائـمـة الأوسـمـة
افتراضي رد: طلقها بسبب التنباك


اعتقد انه نوع من انواع المخدرات
الهنود عندهم نوع كده بسفوه لونه احمر بشوفه في الافلام الهنديه ببقوا زي الاكلوا اسكريم فراوله
و اخواننا في اليمن عندهم القات و كللللهم نفس العينه
ربنا يهدي و يصلح يا رب

 

 

من مواضيع ملاك الورد

 

 

 

توقـيع ملاك الورد




# خربشه ... كديسه ب روح واحدة بث :)

رد باقتباس
  #8  
قديم 01-05-2010, 15:46
الصورة الرمزية بعد الزمن
بعد الزمن بعد الزمن غير متواجد حالياً
 
تاريخ التسجيل: 03:30, 9th Mar 2010
الدولة: حيث يهطل الامل
الجنس : ابو شـــــــــــــــــ ب ــــــــ ن
المشاركات: 15,393
قـائـمـة الأوسـمـة
افتراضي رد: طلقها بسبب التنباك

اقتباس:
المشاركة الأصلية كتبت بواسطة ملاك الورد مشاهدة المشاركة

اعتقد انه نوع من انواع المخدرات
الهنود عندهم نوع كده بسفوه لونه احمر بشوفه في الافلام الهنديه ببقوا زي الاكلوا اسكريم فراوله
و اخواننا في اليمن عندهم القات و كللللهم نفس العينه
ربنا يهدي و يصلح يا رب

كلامك صح, لانوا التنباك فيه نشوة , وعدم استعمال ,لفترة طويلة يعمل
فتور للجسم ............................
والغريبة يأتى من دار فور ..............

 

 

من مواضيع بعد الزمن

رد باقتباس
  #9  
قديم 01-05-2010, 18:15
الصورة الرمزية ملاك الورد
ملاك الورد ملاك الورد غير متواجد حالياً
 
تاريخ التسجيل: 15:26, 29th May 2009
الدولة: السودان الحنون
الجنس : هنآآية
المشاركات: 5,980
قـائـمـة الأوسـمـة
افتراضي رد: طلقها بسبب التنباك

اقتباس:
المشاركة الأصلية كتبت بواسطة بعد الزمن مشاهدة المشاركة


كلامك صح, لانوا التنباك فيه نشوة , وعدم استعمال ,لفترة طويلة يعمل
فتور للجسم ............................
والغريبة يأتى من دار فور ..............


عادي عادي ...... هو قال ليك البنتجو المنتج لازم يستعملوه
مثلا افغانستان من اكبر الدول المنتجه للمخدرات و الحشيش
و شفعهم الصغار بساعدوهم في جمع النباتات البعملوا منها حشيش في المزارع
لكن ما في زول فيهم بقرب منه او بجربه عشان حرام
و هم عارفين اضراره و انه بهد الزول و هم عايزين يستمروا في شغلهم مش يتحولوا لمدمنين

"تابعت فيلم وثائقي في قناة الجزيرة عن تجارة المخدرات في افغانستان"

 

 

من مواضيع ملاك الورد

رد باقتباس
  #10  
قديم 02-05-2010, 20:05
الصورة الرمزية الوفى
الوفى الوفى غير متواجد حالياً
 
تاريخ التسجيل: 03:21, 30th Apr 2010
الدولة: السعودية
الجنس : ذكر -سودانى
العمر: 34
المشاركات: 43
افتراضي رد: طلقها بسبب التنباك

بسم الله الرحمن الرحيم
السلام عليكم ورحمة الله وبركاته
ود الاقرع موضوعك مهم لانه يهم شريحة كبيرة من المجتمع السودانى وهى عادة سيئة
ويجب الاقلاع عنها وهنااطرح عليكم فكرة لاقلاع عنها وهى ناجعة لمن يملك الارادة القوية
واللى هى استقلال شهر رمضان لاقلاع عنها فاذا الصائم يومة كلة صايم وبعد الافطار يخت لية
سفة كبيييييييرة وباقى المساء والى السحور يحاول يقلل ويجعلها خمسة سفات ويواظب عليها
والى منتصف رمضان بقدر الامكان يخليها ثلاث سفات بين الافطار والسحور وعند نهاية الشهر
ممكن تكون سفة واحدة بين الفطور والسحور وشوية شوية يلاقى نفسة تخلص منها . بس لازم
يكون عنده شوية عزيمة والله يهدى الجميع ......وانا زاتى بسف لكن ما بالدس.....!!!!!!

 

 

من مواضيع الوفى

 

 

 

توقـيع الوفى

[size=6][font=Arial]يايمة رسلى لى عفوك ينجينى
من جور الزمان...........
مسكا جسوا

رد باقتباس
رد

أدوات الموضوع إبحث في هذا الموضوع
إبحث في هذا الموضوع:

البحــــــث المتقــــــدم
طرق عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
رمز [IMG] متاحة
رمز HTML معطلة

الانتقال السريع إلى




Schopfheim , Germany, 23.10.2006
Powered by vBulletin® Version 3.8.2
Copyright ©2000 - 2014, Jelsoft Enterprises Ltd anasudani
Adsense Management by Losha

كل ما يكتب فى المنتدى لايعبر عن اراء ادارة المنتدى وانما يعبر عن اراء كاتب الموضوع او المشاركة

Security team