مش اتفقنا على الصراحة ..

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

مش اتفقنا على الصراحة ..

مشاركة بواسطة ود الزوحي »



تحية أعضاء منتدى أنا سوداني ..




واحد : السلام عليكم

واحدة : وعليكم السلام .. مالك اتأخرت أنا منتظراك لي ساعة

واحد : أبدا بس قابلت وئام بت جيرانا الزمان .. وحلفت إلا أعزمها على عصير عشان كده اتأخرت

واحدة : أي تلقاها متعودة على العزومات حقتك ده عشان اشتاقت ليها

واحد : لالا والله ماكان بعزمها ولا شي لكن بس لينا زمن ما اتقابلنا

واحدة : عاين هنا .. انت قايلني هبلة وألا شنو .. أنت قصدك شنو لو زهجت مني كلمني

واحد : ده كلام شنو يا بت .. أنا أزهج منك ..

واحدة : أي .. وبقيت كمان ما بتحبني .. خلاص ما مشكلة أنا ما حزعل منك وربنا يوفقك ..

واحد : يا بت أنا لو ما بحبك .. ماكان كلمتك من أصلا .. نحن مش اتفقنا على الصراحة

واحدة : ده صراحة .. يعني أمشي أجكس واحد عيني عينك .. واقول ليك ده صراحة .. ده حنكك

واحد : انت ليه ماخدة الموضوع كده .. ع العموم انت حرة .. أصلا انا غلطان ..

واحدة : غلطان عشان حبيتني .. شكرا .. أنا زاتي أستاهل


ويبقى الحال على ماهو وعلى المتضرر اللجوء للحوار ..


تعتبر الصراحة هي زاد الروح لدى المحبين والعشاق المتزوجون منهم والآخرون ..
وربما كانت بمثابة عقد مصداقية بينهم ..

ولكن ..

يعتزم أحدنا أحيانا البوح لمحبوبته أو العكس .. ببعض من ما دار أو ما يدور في حياته والتي ليست بذلك الشي الذي قد يغير الشيء الذي بينهما ..

ثم تكون المصيبة هاهنا ...

تتصعد المشكلة تدريجيا لدرجة أنها قد تصل أحيانا إلى حد الانفصال .. في حين أن كل منهما يود أن يطبق ما يسمى بمفهوم السمو في الحب أو ما شابه ذلك .. ومن ثم البوح بكل مافي خاطره تجاه الاخر ..

السؤال ..

هل تجدون أنه من الضرورة البوح بكل ما دار أو ما يدور في حياة كل من الطرفين للاخر حتى وإن كان ذلك قد يؤدي إلى مشاكل ربما يحصل بسببها الانفصال .. تحت مسمى السمو في الحب ..

حجيكم راجع بعدين ..
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: مش اتفقنا على الصراحة ..

مشاركة بواسطة ناجي عثمان عبد الرازق »

اكيد الصراحة عنصر اساسي و خاصة بين المحبين لانه بناءا عليها ستقوم العلاقة بين الطرفين فلازم يكونو صرحين و خاصة في الامور التي لا ينفع فيها التظليل لانها ستكشف مع مرور الوقت
صورة العضو الرمزية
ThEwWw
مشاركات: 484
اشترك في: الجمعة 2009.5.8 1:32 pm
مكان: الاردن

رد: مش اتفقنا على الصراحة ..

مشاركة بواسطة ThEwWw »

وعليكم السلام


الصراحة لازم تكون متواجة بين اتنين تربطم علاقة في مرات مواضيع او ظروف بتحصل مع طرف من الاطراف ما لازم يبوح عنها بتكون امور خارجة عن السيطرة بيعدين حسب نوع شريكك يعني في نوع شكاك في كل حاجة و في نوع بتقبل الصراحه لانوا واثق من شركه و كدة الحياه

مشكور اخي علي الموضوع
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مش اتفقنا على الصراحة ..

مشاركة بواسطة ود الزوحي »

ناجي عثمان عبد الرازق كتب:اكيد الصراحة عنصر اساسي و خاصة بين المحبين لانه بناءا عليها ستقوم العلاقة بين الطرفين فلازم يكونو صرحين و خاصة في الامور التي لا ينفع فيها التظليل لانها ستكشف مع مرور الوقت
ناجي يا ملك ..

أخبرني أحد الأصدقاء بأنه من النوع الذي لا يستطيع أن يخفي عن زوجته شيئا .. ورغم حرصه على ذلك إلا أنه اكتشف مؤخرا .. بأن كثرت طلبات الزوجة بأخذها إلى بيت أهلها بين الحين وألاخر .. نتيجة هذه الصراحة ..

كده وريني من وجهة نظرك .. فرضا عندي حصل موقف خلاني اقابل بت أي كان هي منو .. هل طوالي أمشي أكلم الزوجة بأنو أنا قابلت فلانة .. وحصل بينا كده وكده .. وألا أسكت ع الموضوع أضف إلى أنه زوجتي كانت من النوعية الما بتقتنع بهذا النوع من الأحاديث .. فبتبادر إلى افتعال المشاكل ..
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مش اتفقنا على الصراحة ..

مشاركة بواسطة ود الزوحي »

thewww كتب:وعليكم السلام


الصراحة لازم تكون متواجة بين اتنين تربطم علاقة في مرات مواضيع او ظروف بتحصل مع طرف من الاطراف ما لازم يبوح عنها بتكون امور خارجة عن السيطرة بيعدين حسب نوع شريكك يعني في نوع شكاك في كل حاجة و في نوع بتقبل الصراحه لانوا واثق من شركه و كدة الحياه

مشكور اخي علي الموضوع
دبيلو حبابك ..

حقيقة الموضوع عايز شوية نباهة .. وزي ما انت قلت الناس بتختلف .. في البيقبل وفي الما بيقبل لكن انت ما بتتضمن ممكن البقبل الليلة بكرة ما يقبل .. وألا شنو ..
صورة العضو الرمزية
مهاجر في البلد
مشاركات: 27892
اشترك في: الأربعاء 2008.2.13 8:57 pm
مكان: السودان - الخرطوم

رد: مش اتفقنا على الصراحة ..

مشاركة بواسطة مهاجر في البلد »

اخي المبدع دائما ود الزوحي
اولا مشكور على الريبورتاج النصي الرائع الذي شرح الصراحة التي نحن بصدد الحوار حولها...
في كثير من الاحيان وليس القليل تجد ان الصراحة بالماضي بين اي (اتنين) - مقبلين على تكوين عشة صغيرة - قد تطلق العنان للخيال الواسع عندما يختلط الامر بالغيرة القاتلة والمقارنة المدمرة ... فمن يتحدث لمخطوبته الحالية عن اخرى في الزمن الغابر تجدها تسأل وتبحث ورائه عن كنه العلاقة التي كانت تربطهم ولمازا تم الانفصال او عدم الاتفاق إذا صح التعبير ... وتكثر حملات التفتيش المفاجيء على الجوال وكل الهدف الحصول على ضوء يقود الى ان تلك العلاقة القديمة لازالت ولم تنتهي بعد ... وكذلك الحال مع الشاب حين تصارحه الشابة ببعض مما مضى حول علاقاتها ومن تقدمو لخطبتها وانها رفضتهم او فرق بينهم النصيب ...

لذلك فانني ارى ان ما مضى يجب ان لا يذكر ولو بعد حين, هذا من باب ( الفات مات ) او ( نحن اولاد النهار ده) مثل قول اخواننا المصريين ...
من منا جميعا لم يكن له ماضييه الذي كان يحلم فيه بالواحة الظليلة والسعادة المطلقة ولكن القسمة والنصيب حالت دون اتمام ذلك رغم ان العلاقة او الارتباط وصل مرحلة الخطوبة او العقد ولكن بسبب النصيب لم تكتمل الفرحــــة ... وجاء حب جديد وهكذا

لذلك يجب ان تكون الصراحة في اطار محدود لا يجعل من الصراحة معول للدمار الذي لا يقود الى بر الامان

اتمنى ان لا اكون قد تجاوزت جدار الموضوع فقد احسست ببعض ذلك
مع خالص شكري
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مش اتفقنا على الصراحة ..

مشاركة بواسطة ود الزوحي »

مهاجر في البلد كتب:اخي المبدع دائما ود الزوحي


نني ارى ان ما مضى يجب ان لا يذكر ولو بعد حين, هذا من باب ( الفات مات ) او ( نحن اولاد النهار ده) مثل قول اخواننا المصريين ...
من منا جميعا لم يكن له ماضييه الذي كان يحلم فيه بالواحة الظليلة والسعادة المطلقة ولكن القسمة والنصيب حالت دون اتمام ذلك رغم ان العلاقة او الارتباط وصل مرحلة الخطوبة او العقد ولكن بسبب النصيب لم تكتمل الفرحــــة ... وجاء حب جديد وهكذا

لذلك يجب ان تكون الصراحة في اطار محدود لا يجعل من الصراحة معول للدمار الذي لا يقود الى بر الامان

اتمنى ان لا اكون قد تجاوزت جدار الموضوع فقد احسست ببعض ذلك
مع خالص شكري
والله يا مهاجر .. ماخليت فرضا ناقص .. بالزات الحتة المقتبسة ده .. الكلام فيها مليان ..

لغاية حسي أظن انو الناس اتفقت على انو يبطلو حكاية سيل الاعترافات الصريحة ده شوية وخاصة إذا كانت قديمة نوعا ما ..

ده نقطة ..

طيب يامهاجر .. لو حصلت أي حاجة مثال الموقف المذكور بداية البوست .. تفتكر انت في نظرك شنو هو الحل السليم .. برضو ما نتكلم .. وألا شنو ..

أضف إلى إنها طلعت من اطار (اللي فات مات ) .. ودخلت في إطار (نحن أولاد النهار ده) ..
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: مش اتفقنا على الصراحة ..

مشاركة بواسطة ناجي عثمان عبد الرازق »

ود الزوحي ياحبيب
هناك فواصل لهذه الصراحة مع الزوجات - أنا لاارمي لاشياء غير واضحة ولكن الزوجات وفي كثير من أوساطهن ترى في هذه الصراحة ثغرة للنكد - صحيح ممكن تتقبل الامر والاستماع في لحظتها ولكن بتدي مردود عكسي بعدين
الزوجة مفروض تتعامل معاها بالصراحة في شئون معينة لكن ماكل الشئون بتفيدك فيها الصراحة
ام وسام
مشاركات: 1
اشترك في: الأحد 2010.5.2 1:11 pm
مكان: كوستى

رد: مش اتفقنا على الصراحة ..

مشاركة بواسطة ام وسام »

مشكوووووووووووووووووووووووووووور
صورة العضو الرمزية
brain
مشاركات: 667
اشترك في: الخميس 2009.8.13 11:54 am
مكان: السودان

رد: مش اتفقنا على الصراحة ..

مشاركة بواسطة brain »

الاخ ود الزوحي لك التقدير على هذا الطرح الهام
أتفق مع كثير من الاخوة في أرائهم حول الموضوع فللصراحة حدود حمراء لا يمكن تجاوزها وإلا اعتبرت وقاحة فهنالك ما خاص جداً لا يصلح معة البوح . وهنالك ما يسمح رالبوح به لكن في اطار ضيق وأخر يمكن ان تتسع فيه دائرة البوح وهناك نوع آخر لا يقبل البوح أبداً .
فانا لي تجربة شخصية ففي بداية فترة الزواج وفي جلسة رومانسية سألتنى المدام عن علاقتي في الماضي بالجنس الآخر فذكرت لها تجربتى الوحيدة والتي كانت في منتهى السرية لحساسية العلاقة الاسرية الطيبة التى كانت تربطنى بتلك الإسرة وأجتهدت كثيراً بألا أسيئ لتلك الاسرة باي سلوك من شأنه أن يفسر ضدها . عموماً هي نفسها تفاجأت لأنها تعرف تلك البنت جيداً ولم تلحظ طيلة حياتها أي سلوك يدل على وجود علاقة بيننا وأشادت بحكمتى ورصانتي في التعامل المسؤول هذا . لكنها بكل اسف فقدت الثفة فينى تماماً وأصبحت تشك في أي بنت أتكلم معها سواء كانت من الأسرة أو خارجها . ودخلت في مشاكل لا يعلم بها الا الله فكل ذلك كان بسبب صراحتى . مع العلم ان زوجتي متعلمة ومولودة في حي راقي بأم درمان
صورة العضو الرمزية
مدثر موسى
مشاركات: 64
اشترك في: الأربعاء 2010.3.31 11:22 am
مكان: الخرطوم بحرى

رد: مش اتفقنا على الصراحة ..

مشاركة بواسطة مدثر موسى »

اى علاقة بين طرفين اذا لم تبنى على الصراحة محكوم عليها بالانهيار
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مش اتفقنا على الصراحة ..

مشاركة بواسطة ود الزوحي »

ناجي عثمان عبد الرازق كتب:ود الزوحي ياحبيب
هناك فواصل لهذه الصراحة مع الزوجات - أنا لاارمي لاشياء غير واضحة ولكن الزوجات وفي كثير من أوساطهن ترى في هذه الصراحة ثغرة للنكد - صحيح ممكن تتقبل الامر والاستماع في لحظتها ولكن بتدي مردود عكسي بعدين
الزوجة مفروض تتعامل معاها بالصراحة في شئون معينة لكن ماكل الشئون بتفيدك فيها الصراحة
طيب يا ناجي ومالو .. ممكن تورينا جزء من المعينات ده .. وأهو منه نقدر نقيف على شي يوصلنا لحل مقنع ..

أنا شايف انو راي مهاجر في محله . يعني الناس ما تركز شديد في حكاية زمان ده .. والناس تكون أولاد الليلة .. بس كمان ما تنسى حكاية الصدف البتحصل كل يوم وليلة ..

هل انت شايف انو برضو يكون كتمانها أخير من البوح بها ..
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مش اتفقنا على الصراحة ..

مشاركة بواسطة ود الزوحي »

ام وسام كتب:مشكوووووووووووووووووووووووووووور
والله الشكر ليك كتير على المرور .. بس لكن شايفك مرقت سريع كده ..

مالك الموضوع ماعجبك ..
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: مش اتفقنا على الصراحة ..

مشاركة بواسطة ود الزوحي »

brain كتب:
الاخ ود الزوحي لك التقدير على هذا الطرح الهام
أتفق مع كثير من الاخوة في أرائهم حول الموضوع فللصراحة حدود حمراء لا يمكن تجاوزها وإلا اعتبرت وقاحة فهنالك ما خاص جداً لا يصلح معة البوح . وهنالك ما يسمح رالبوح به لكن في اطار ضيق وأخر يمكن ان تتسع فيه دائرة البوح وهناك نوع آخر لا يقبل البوح أبداً .
فانا لي تجربة شخصية ففي بداية فترة الزواج وفي جلسة رومانسية سألتنى المدام عن علاقتي في الماضي بالجنس الآخر فذكرت لها تجربتى الوحيدة والتي كانت في منتهى السرية لحساسية العلاقة الاسرية الطيبة التى كانت تربطنى بتلك الإسرة وأجتهدت كثيراً بألا أسيئ لتلك الاسرة باي سلوك من شأنه أن يفسر ضدها . عموماً هي نفسها تفاجأت لأنها تعرف تلك البنت جيداً ولم تلحظ طيلة حياتها أي سلوك يدل على وجود علاقة بيننا وأشادت بحكمتى ورصانتي في التعامل المسؤول هذا . لكنها بكل اسف فقدت الثفة فينى تماماً وأصبحت تشك في أي بنت أتكلم معها سواء كانت من الأسرة أو خارجها . ودخلت في مشاكل لا يعلم بها الا الله فكل ذلك كان بسبب صراحتى . مع العلم ان زوجتي متعلمة ومولودة في حي راقي بأم درمان

الله يفتح عليك يا برين ..

أحيانا الواحد بلقى نفسو لا شعوريا دخل في حكاية البوح اللشعوري زي ما انت اتفضلت وذكرت حكاية زوجتك ..

يعني عشان تعمل حسابك من الوقوع في مثل هذه الأشياء .. يفترض عليك التركيز لدرجة (أقيف بجاي) عشان تتوخى زعل المدام أو الإنسانة الانت في صدد الحديث معها .. وده بخليك تمرق من جو الرومانسية زاتو إن صح التعبير ..

وأعتقد انو السكوت هو خير فعل لعدم الوقوع في مثل هذه الأشياء ..
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: مش اتفقنا على الصراحة ..

مشاركة بواسطة ناجي عثمان عبد الرازق »

الكثير منا يبوح بأسراره للأشخاص القريبة منه وبعضنا يبوح بأسراره لأي شخص بدون تحفظ كما وأن هناك من يعرف أسرارنا صدفه دون أن نخبرهم عنها وعلمتنا الحياة ... أن أسرارك التي تبوح بها ... قد تكون في يوم ما السلاح الذي يتخذه البعض لإغتيالك ... وقال الإمام الشافعي رحمه الله
إذا المرء أفشى سره بلسانه ولام عليه غيره فهو أحمق
إذا ضاق صدر المء عن سر نفسه فصدر الذي يستودع السر أضيق

وهناك الكثير من الامثلة في الحياة لاحصر لها في من فرط في سره وباح به وكان الندم - ود الزوحي

لو فرطت في ماتحفظ هل تجد اجابات على الاتي :

- ماذا لو تعرضت لموقف ابتزاز وتهديد من قبل شخص يعرف عنك أسرار لا يعرفه أحد ؟

ماذا تفعل ؟ وكيف تتصرف معه ؟ وإلى أي مدى يمكنك تقديم تنازلات حتى يصمت ؟

ولو طلب منك تنازلات غالية تمس الأخلاق هل ستوافق مضطراً حتى لاتنفضح أو ينكشف سرك ؟

علماً بأن تلك الأسرار في حد ذاتها خطيرة وقد تتسبب في تدمير حياتك ونفسيتك

هذا مثال لسر خطير فماذا عن الذين يمسكون بسفاسف الامور ويلعبون بها كأوراق لصالحهم ؟

صدقني عزيزى ود الزوحي الاسرار دي حساباتها غير !!
صورة العضو الرمزية
الوفى
مشاركات: 43
اشترك في: الجمعة 2010.4.30 3:21 am
مكان: السعودية

رد: مش اتفقنا على الصراحة ..

مشاركة بواسطة الوفى »

السلام عليكم ورحمة الله وبركاته
بسم الله الرحمن الرحيم

شاكرين على الطرح...
وفى راى الشخصى هناك امور تخص الاثنين يجب الصراحة فيها وتتوقف على
نوعية الموضوع من حيث الاهمية ...وانا شخصيا سوف اختبر نصفى الثانى لمرة واحده ولو لقيتها
معقدة الامور صدفنى حتكون اول مرة وآخر مرة اصارحها على مثل هذا الامر ...وكفاية وجع راس...

جبتها ليكم قاطعة....والاشنو....
صورة العضو الرمزية
محسية
مشاركات: 10735
اشترك في: الأربعاء 2010.3.10 7:10 pm
مكان: بين الفكرة ...وممكن واقع

رد: مش اتفقنا على الصراحة ..

مشاركة بواسطة محسية »

اخى الكريم /ود الزوحى




موضوع يستحق النقاش .. شكراً لك على الطرح



حلوه الصراحه بس مجتمعنا مايتقبل هذا الشي
بحكم الغيره مابين الطرفين وخصوصا في موضوع العلاقات
وهذا الصراحه في معظم الاحيانا ودائم تروح والثقه
الصراحه لازم يكون فيها خطوط حمرا

يعطيك العافية

اختك محسية
صورة العضو الرمزية
مهاجر في البلد
مشاركات: 27892
اشترك في: الأربعاء 2008.2.13 8:57 pm
مكان: السودان - الخرطوم

رد: مش اتفقنا على الصراحة ..

مشاركة بواسطة مهاجر في البلد »

ود الزوحي كتب:والله يا مهاجر .. ماخليت فرضا ناقص .. بالزات الحتة المقتبسة ده .. الكلام فيها مليان ..

لغاية حسي أظن انو الناس اتفقت على انو يبطلو حكاية سيل الاعترافات الصريحة ده شوية وخاصة إذا كانت قديمة نوعا ما ..

ده نقطة ..

طيب يامهاجر .. لو حصلت أي حاجة مثال الموقف المذكور بداية البوست .. تفتكر انت في نظرك شنو هو الحل السليم .. برضو ما نتكلم .. وألا شنو ..

أضف إلى إنها طلعت من اطار (اللي فات مات ) .. ودخلت في إطار (نحن أولاد النهار ده) ..

الحتة الاولى

واحد : أبدا بس قابلت وئام بت جيرانا الزمان .. وحلفت إلا أعزمها على عصير عشان كده اتأخرت

المبدع ود الزوحي ... اشكرك على ذلك
اما اذا حصل هذا الموقف وطلعت من الفات مات وبقينا اولاد النهار ده
صاحبنا دا ما مفروض ينبهل للبت بالصورة دي ويقول ليها قابلت بنت جيرانا وعزمتها عصير لان دا ما من باب احنا اولاد النهار ده الا يكون صاحبنا عمل مراجعات وداير يربط هبابات للزولة البتعاتب فيهو وفي كل الاحوال ما صاح يوريها لان دا فيهو جرح لمشاعرها

وطبعا صاحبنا حا يكون قالها وعيونو سارحات عشان كدا بتنا اتضايقت وفهمت انو الزول عاودو الحنين وهي اصلا لا تعرف عن الموضوع شيئا

مع خالص ودي
صورة العضو الرمزية
بحلم
مشاركات: 4790
اشترك في: الأربعاء 2009.7.22 10:04 pm
مكان: مصر ام الدنيا

رد: مش اتفقنا على الصراحة ..

مشاركة بواسطة بحلم »

المميز دائما فى كيفية طرح الفكره
ود الزوحى احيك على فكره النقاش وطريقته
من وجهة نظرى اهم شىء فى العلاقة التى تربط اى اتنين
يجب ان تكون اساسها الصراحه والوضوح
وجد عن تجربه وهى الخطوبة كانت المشكله اللى وجهتنى انى الصراحه
مثل ما قال كتير من الاعضاء سابق فى امور معينه
رغم انى الطرف التانى ما هيكون عايز صراحه فى امور معينه بس
واصلى صراحة امور معينه دى ما بيتكون صراحه ووضوح الصراحة والوضوح
هى ان تكون كتاب مفتوح للطرف التانى لانكم هتعيشوا عمر مع بعض
ولازم كل طرف يتقبل صراحة الاخر بما انه طالبها منه
ومهتم بيها اما حكاية اللى فات مات فدا اكيد ولازم يكون مبداء اى اتنين
بيرتبطوا ببعض ما مهم اللى فات المهم اللى جاى والحاضر
بمعنى انى كلا الطرفين يجب ان يحاسبوا بعض على امور الحاضر والقادم
وليس الماضى ويجب على الزوج او الخطيب او الحبيب ان يراعى مشاعر
الشريكه فى جميع تصرفاته وافعاله كما هى يجب عليها ايضا نفس الشىء
معذرة طولت عليك ولكن نقاش هذا الموضوع بصراحه جميل
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: مش اتفقنا على الصراحة ..

مشاركة بواسطة نهر المحبه »

في البدايه لك الشكر أخي ود الزوحي على موضوعك
مع انه حسيت انه الموضوع يمس الذكور أكثر من الإناث...
طيب ياسيدي...
في رايي انه كلام الأخ مهاجر صح...وفي مكانه...
والمفروض الناس تنسى الفات وزي مابقولو الفات مات....
على شرط انهم يتصارحو مع بعض في أي شيء..حيحصل بعد كده
بمعنى كل واحد ما يخبي على شريكه الشي الحيحصل معاه
لانه المهم الشي الحاضر مش الشي الفات...
كل ما نكتو في مواضيع حصلت زمان وعلاقات جار عليها الزمان...مهما كانت الثقه بين الاتنين حتتأثر..
خلاصة الموضوع والشيء العايزه أو صلو...
إنه مافي داعي انه الناس تحكي عن شي انتهى وخلص ممكن تكون في صراحه بس في حدود بحيث انك ما تدع للطرف الاخر ثغره يقدر يمسكك منها ويشك فيك بعدها اي شيء حسيت انه حيخرب العلاقه بلاش منو واي شي لو صارحت بيه وحسيت انه حيزيد من بناء العلاقه يبقى تصارح بيه...
تشكراتي....
أضف رد جديد

العودة إلى ”حوارات جادة“