أم شامة

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

أم شامة

مشاركة بواسطة طلال الحكيم »



قالوا قمرنا في السودان حلف تاني ما يطلع ...
وحلف ما يشوف عيون الناس ...
ولا الناس تشوف نوره ولو الدنيا تتصدع ...
سألوه ليه يا قمر زعلان ؟
ولكلماتنا ما بتسمع ؟

قال كيف أجيكم يوم وحبيبتي الحلوة ما فيكم ...
ليه خليتوها تمشي بعيد ؟
ليه ما بكيتوا شان ترجع ؟
طول الليل أسابق الشوق لعينيها ...
وعشان أشوف وجناتها وأتمتع ...
من خديها شلت الضوء...
ومن أسنانها أنواري تتشعشع ...
لما ترجع الحلوة بجيكم تاني ...
وإن غابت وأبت ترجع ...
تاني لا بتشوفوني لا بطلع ...

دا حال قمرنا يا الحلوة ...
طيب كيف يكون حال الناس ؟
وكيف لما قلوبها تتجمع ...
على حبك إنت يا أم شامة
كيف بلاك تحيا ؟
وشوفي الناس ...
كيف في هواك قلوبها تتقطع ...

وقلبي الشايل لهيب شوقك كيف يكون حاله ؟؟؟
أكيد فوق نيرانه بتوجع ...
وعيوني الفارقت رموش عينيك ...
تفتش ليك في عيون الناس ...
محال شبهك تلاقيه ...
وكل ما تجفف دمعها الرقراق ...
من جديد تدمع ...

محال أنسى عيونك الحلوات ...
وأنسى جمالك الأروع ...
سنين في هواك...
سنين في الحب ...
سنين في الريد ...
سنين في العشق ...
سنين في الوجد ...
إنت الساكنة في قلبي ...
قلبا ً صادقا ً أبيض ...
لا بظلم ولا بخدع ...
إن جار الزمن عليك مرة ...
بتجي بتلقيه ليك مأوى ...
وإن بسم الزمن لجماك الفتان ...
بتجي بتلقيه ليك مرتع .
صورة العضو الرمزية
سماح البدرى
مشاركات: 1335
اشترك في: الأربعاء 2010.2.3 10:57 am
مكان: الخرطوم

رد: أم شامة

مشاركة بواسطة سماح البدرى »

اخي طلال .. سوف يطلع القمر يوما
.. ومعه مفاجأة سعيدة نتمني ذالك

تقبل مروري مع تحياتي
صورة العضو الرمزية
سماح البدرى
مشاركات: 1335
اشترك في: الأربعاء 2010.2.3 10:57 am
مكان: الخرطوم

رد: أم شامة

مشاركة بواسطة سماح البدرى »

القمر بدون عينيك تاه وما
بعرف مداهو ..
والعيون الحبتك ما فا رقت
يوم لسماهو ..
منتظرة يوم يطلع منور
يوم ترجع معاهو
صورة العضو الرمزية
ود الزوحي
مشاركات: 4078
اشترك في: الثلاثاء 2009.2.17 6:41 pm
مكان: طريق الشوق

رد: أم شامة

مشاركة بواسطة ود الزوحي »

جدعــة يا حبيبنا ...


تحيااااااااااااتي
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: أم شامة

مشاركة بواسطة طلال الحكيم »

سماح البدرى كتب:اخي طلال .. سوف يطلع القمر يوما
.. ومعه مفاجأة سعيدة نتمني ذالك

تقبل مروري مع تحياتي
أختي سماح .. يا ريت يطلع القمر كما تقولين ..
أما المفاجأة السعيدة فهي مرورك الكريم ..
مشكورة يا ستي ...
وتقبلي تحياتي
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: أم شامة

مشاركة بواسطة طلال الحكيم »

سماح البدرى كتب:القمر بدون عينيك تاه وما
بعرف مداهو ..
والعيون الحبتك ما فا رقت
يوم لسماهو ..
منتظرة يوم يطلع منور
يوم ترجع معاهو
القمر بدون عينيك تاه عن مدارو ...
والنجوم من طلعتِك في سمانا غارو ...
وقلبي الوقور الليلة يا حليله ويا حليل وقارو ..
جن من سهم عينيك الفتاك نصالو ..
وكيفن يطيب يا السمحة ؟
شوفيه قاعد فوق جمر الغارام ونارو...
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: أم شامة

مشاركة بواسطة طلال الحكيم »

ود الزوحي كتب:جدعــة يا حبيبنا ...


تحيااااااااااااتي
أشكرك على مرورك يا ود الزوحي ...
وتقبل تحياتي وتحيات روحي ...
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: أم شامة

مشاركة بواسطة نهر المحبه »

61
.gif 61.gif 61.gif 61.gif
ما شاء الله عليك طلال الحكيم
كلمات غاية في الروعه
وفي انتظار ابداعات
ك
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: أم شامة

مشاركة بواسطة طلال الحكيم »

نهر المحبه كتب:61
.gif 61.gif 61.gif 61.gif
ما شاء الله عليك طلال الحكيم
كلمات غاية في الروعه
وفي انتظار ابداعات
ك
شكرا على ذوقك أختي نهر المحبة وربنا يديم المحبة ...
وماعدمناك ..
تقبلي تحياتي .
أضف رد جديد

العودة إلى ”همس القصيد“