الحب سلام

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
mihrab
مشاركات: 565
اشترك في: الثلاثاء 2009.10.20 11:27 am
مكان: الاحلام

الحب سلام

مشاركة بواسطة mihrab »

من يومى العرفتك
ببدأ بيك يومى
وبلقاك فى سعادتى
وفى أشتات همومى
وفى تفاصيل نهارى
وفى دفاترى ورسومى
وبيك أيامى تصفو
وتتبدد .. غيومى

يا الساكن دواخلى
ومانحنى الأمان
بيك صالحت نفسى
وصافحت الزمان
عانقت الأمانى
و والفت الحنان
وابتسمت حياتى
قبّال .. الأوان

روحى بتهفو ليك
يا الخلقوك وليفها
يا البتحس شقاها
ويا النفحة اللطيفة
يا موسم ربيعها
و يا نسمة خريفها
وين بتلاقى زيك
يا صيفها ومصيفها

اتعلمت منك
انو الحب سلام
وانه الريد قناعة
ومسلك واحترام
فى حضرة عيونك
كم يحلو الكلام
بيك كانت بدايتى
وبيك مسك الختام

قبلك ما عشقت ..
وبعدك ما بريد ..
كل الحاضر انت ..
والفات والجديد ..
صورة العضو الرمزية
mihrab
مشاركات: 565
اشترك في: الثلاثاء 2009.10.20 11:27 am
مكان: الاحلام

رد: الحب سلام

مشاركة بواسطة mihrab »



هذه القصيدة مقتطفة من مقتطفات الشاعر الفاضل
شادول
واتمنى ان تنال الرضا منكم
ولكم مني التحايا
صورة العضو الرمزية
فتحى نيل
مشاركات: 911
اشترك في: الخميس 2009.8.6 11:37 pm
مكان: Egypt
اتصال:

رد: الحب سلام

مشاركة بواسطة فتحى نيل »

صورة
تسلمين لي على اطرائك للقصيده وبكلماتك الحلوه الي خلتني انسى كل الشعر

لاااني بصراحه اشوف كلامك احلى من الشعر ياكل الذوق انتي

واذكر اني قريت لك خواطر من فتره وفعلا كانت قمه في الروعه مثلك
الدغري
مشاركات: 3592
اشترك في: الثلاثاء 2010.4.6 9:14 am
مكان: السعودية

رد: الحب سلام

مشاركة بواسطة الدغري »

ما أجمل الحب حين نعشه بصدق
أضف رد جديد

العودة إلى ”همس القصيد“