المدي والمد

يشمل النثر ،، الخواطر ......الخ

المشرف: بانه

أضف رد جديد
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

المدي والمد

مشاركة بواسطة مرسال الشوق »

رحت هناك لشط البحر الخالي
اناوالنسمة
جلست بشيش بشويش
رديت يابحر سلام
بنفس حزينة عميقة جلست
كان الوقت عصيرا بدري
القيت الحمل الشايلو علي الاكتاف
حزمت الزاد من حزن الماضي
والسنوات الكانو عجاف
والمنديل الكان من وهم الدنيا
بمسح بيه دموع العين
كل ما الذكري تهييج قلبي
لو مر خيالك عابر
طاف بين الضفة المدت ساعة الراحة
والنسمات المرو خفاف
سكنتك انت ياقدري المقدور
اهرب منك وين
يا أمرا كاين بين النون والكاف
الرحلة الكانت منك مبدية
والخطوات السرناها معاك
رجعت في جوف الليل مليانه أسية
زي حلم جميل لما سمعتك تهمس
تردد احلي كلام قلناه زمان
عشناه بشائر فرحة هوي وحنية
جلست
قلت انوم من تعب الدنيا
اتوسدت رمالك
لاودعت الحزن الشايلو
ولا رجعت الفرح الراح
زاحمت نجوم الليل اتمني
زيها القي عليك يابحر براح
والساعات بتمر
والشمس هناك مدت للشفق الساعد
نادت ياكون احمر
وارخي الليل الجاي ستار الهم
خفت هتفت يمكن مايطلع فجر
واجني حصاد اشواقي ندم
والصوت الهامس يخرج والانفاس
جواي تسعر
ان انفث في الامواج اقول
منو الزارك ياموج قبالي
لا جاوبني صدي
لاغرقني مداك يابحر
لادورانك لحظ هدي
خدعوني قبيل القالوا
في البحر سكون للناشد راحة البال
لكني لقيت العكس صحيح
استغربت معقول والموج الساكن
يغضب لو حركو تيار ريح
لا بيسامح لابيجامل لابعرف معني التبريح
سهرت الليل ايدي في الخد لصق
والعين الصابرة سكبت دمع الحسرة بكت
مابتغير طبعك يابحر لا ليك عدو لاليك صليح
ولما الخيط الابيض طل ولاح
عرفت خلاص الليل ودع
سألت القيف .... منو الزارك قبالي صباح ؟؟؟
جاوبني ؟؟؟
كان الشاطئ جميل ومريح
منو الحرك فيك سكون
جاوبني من غير تجريح
منو الخلاك زي قليبي المقتول وجريح
شايل جمر الفرقة ينادي منو البسمع والصوت مبحوح
جاوب بس من غير تجريح
اتحداك تخلي حصار الجزر القابعة علي صدرك
عملت ليك ايه سيبو وعود
انا أمري حزمتو خلاص
من مقصورة همك عبرت
شايل قلب الريدة ذبيح
اه يابحر ....
لو حاولنا نعيد الفات ... الفات .... الفات
ونرجع بالايام سنوات .... سنوات ..... سنوات
ونركب تاني سفينة نوح
ايه بنلاقي علي شطانك غير الآسي والنوح
جاوب بس من غير تجريح
تحملت غيابك للمجهول
جاوب قول قبال ماترحل وانت تروح
اصلو مصيرنا معاك معروف
جوفك دافئ ونحن نفتش فيك وحولك
لا لاقيت المرسي ولا بتطل في الافق مرافئ
ومهما مسافة الرحلة تطول
يقودنا سفينك للمجهول
لكن يابحر الايام بيناتنا دول
وحلمي حلمك هم الزاد
والمعني الراسخ والمأمول
ولما يهل الوعد
وتزرع في صحاري الفرقة الورود
بتبقي حياتنا سلام وتصافي
نغنيلك يابحر خلاص
نحن نسينا ليالي البعد
وجسور الوصل البيني وبينك
لابتنكسر لا بتتهد
ابواب الحب النهضت بينا
ما بنسمح في يوم توصد
والسر القلتو حكيتو اليك
راجعلك يابحر معاي مريودي
رفيق العمر شايلين في عيونا
روعة ريد وجمال مشهد
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: المدي والمد

مشاركة بواسطة الشمالي »

قلت انوم من تعب الدنيا
اتوسدت رمالك
لاودعت الحزن الشايلو
ولا رجعت الفرح الراح

سلام عليك عليك يا مرسال
الشـــــــــــــــــــــــوق
كلام يهد الحيل ويكتل خاطر
الريد المجرووووووووووح
احي اوووووووووب يا نخاشيش
قلبي , والله يلزمنا الصبر علي
المطـــــــــــــــــر ده ,
زح شوية خليني انزل الدميعات ديل
:001: :001: :001: :001:
تخريمة
ورينا البتاعة دي لاطشة من وين ؟
عمانية شقية
مشاركات: 162
اشترك في: السبت 2010.5.8 3:54 pm
مكان: بلاد الأصالة

رد: المدي والمد

مشاركة بواسطة عمانية شقية »

[color=0000FF
]يابحر..
يابحر..
لا أحد يسمعني فلجأت اليك..
جئت لأبوح لك غدر السنين.. وخيانة الزمن..
خذني هناك بعيدا..بعيدا..
حيث أنا وأنت..
خذني هناك حيث لا أحزان ولا أتراح..حيث تتحقق الأحلام
خذني مع نسماتك الرقيقة..لكي أراها وهي تقبل الزهور تارة
وتشمها تارة أخرى[/color][/size
]..
تقبل حروفي المتواضعة..لك تحياتي ارسلها مع عصافير الحب
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: المدي والمد

مشاركة بواسطة مرسال الشوق »

الشمالي كتب:قلت انوم من تعب الدنيا
اتوسدت رمالك
لاودعت الحزن الشايلو
ولا رجعت الفرح الراح

سلام عليك عليك يا مرسال
الشـــــــــــــــــــــــوق
كلام يهد الحيل ويكتل خاطر
الريد المجرووووووووووح
احي اوووووووووب يا نخاشيش
قلبي , والله يلزمنا الصبر علي
المطـــــــــــــــــر ده ,
زح شوية خليني انزل الدميعات ديل
:001: :001: :001: :001:
تخريمة
ورينا البتاعة دي لاطشة من وين ؟
مشكور اوي الغالي الشمالي ......
اسعدتني كثيرا بتلك الطلة الجميلة ووجدت عبير احرفك تتناثر هنا وهناك وفاحت علي ارجاء المنتدي حتي الثمالة ووجدتك تبكي في باب اخر من تتطريز عقلك الفطن فتنسمت هواء طلتك ووقفت حائرا عن الرد ...( وتمنيت لوان شخصا بجواري حتي يصفعني من غيبوبة تلك الهامة التي نزلت علي روحي )ولكنني عدت وتمنيت الخلود في هذه الغيبوبة الحلوة لانني لوافقت منها الي اين اذهب اجبني بالله عليك الي حزن يتملكني ام لغربة تعصف بي في صحراء الوحدة .... وتركت قصاصات الورق علي الطاولة وقلمي حائرا لم يجد مايكتبه ...
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: المدي والمد

مشاركة بواسطة مرسال الشوق »

عمانية شقية كتب:[color=0000ff
]يابحر..
يابحر..
لا أحد يسمعني فلجأت اليك..
جئت لأبوح لك غدر السنين.. وخيانة الزمن..
خذني هناك بعيدا..بعيدا..
حيث أنا وأنت..
خذني هناك حيث لا أحزان ولا أتراح..حيث تتحقق الأحلام
خذني مع نسماتك الرقيقة..لكي أراها وهي تقبل الزهور تارة
وتشمها تارة أخرى[/color][/size
]..
تقبل حروفي المتواضعة..لك تحياتي ارسلها مع عصافير الحب

كيف لا نقبل تلك التحايا المنثورة علي هذا البوست وقد تلألأ جمالا بحروف كلماتك التي رشقتينا بها وقد اصبحت عاجزا عن الرد ولم تطاوعني الكلمات حتي اجد مايليق بمكانك ... فلك مني العتبي حتي اجد ضالتي ....

مع فائق حبي وتقديري
مرسال الشوووووق ،،،
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: المدي والمد

مشاركة بواسطة الشمالي »

مرسال الشوق كتب:
مشكور اوي الغالي الشمالي ......
اسعدتني كثيرا بتلك الطلة الجميلة ووجدت عبير احرفك تتناثر هنا وهناك وفاحت علي ارجاء المنتدي حتي الثمالة ووجدتك تبكي في باب اخر من تتطريز عقلك الفطن فتنسمت هواء طلتك ووقفت حائرا عن الرد ...( وتمنيت لوان شخصا بجواري حتي يصفعني من غيبوبة تلك الهامة التي نزلت علي روحي )ولكنني عدت وتمنيت الخلود في هذه الغيبوبة الحلوة لانني لوافقت منها الي اين اذهب اجبني بالله عليك الي حزن يتملكني ام لغربة تعصف بي في صحراء الوحدة .... وتركت قصاصات الورق علي الطاولة وقلمي حائرا لم يجد مايكتبه ...


هووووي يا مرسال الشوووووق انا الكلام ده بعمل غرغرينا في راسي
وقصاصاتك دي بتبوظ اعصابي البراها بايظة وبتعمل لي وجع شووووق
في دواخلي ونحن ما ناقصين ونورت
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: المدي والمد

مشاركة بواسطة مرسال الشوق »

الشمالي كتب:هووووي يا مرسال الشوووووق انا الكلام ده بعمل غرغرينا في راسي
وقصاصاتك دي بتبوظ اعصابي البراها بايظة وبتعمل لي وجع شووووق
في دواخلي ونحن ما ناقصين ونورت
تسلم من كل شر ......افصح وبرطع وطلع كل المحبوس .... الكتمة صعبة
صورة العضو الرمزية
طلال الحكيم
مشاركات: 4056
اشترك في: السبت 2010.5.8 11:08 am
مكان: السعودية

رد: المدي والمد

مشاركة بواسطة طلال الحكيم »

يا بحر جئتك هائم الوجدان
أشكو جفاء الدهر للإنسان

جميل يا مرسال الشوق
تقبل مروري
مع تحياتي
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: المدي والمد

مشاركة بواسطة مرسال الشوق »

طلال الحكيم كتب:يا بحر جئتك هائم الوجدان
أشكو جفاء الدهر للإنسان

جميل يا مرسال الشوق
تقبل مروري
مع تحياتي

مشكور طلال .. كلماتك هجرة عصافير الخريف ... في موسم الشوق الحلو... احساس غلبني اتحملو
أضف رد جديد

العودة إلى ”بوح الخواطر“