ولأول مره في تاريخ السودان

يهتم هذا القسم بكل المعلومات عن وطننا الحبيب .

المشرف: بانه

أضف رد جديد
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

ولأول مره في تاريخ السودان

مشاركة بواسطة عمار ود الشرفه »

لأول مره في تاريخ السودان , بصمه علي جبين التعليم والجامعات السودانية ....
الاخوه الأعضاء اعتز عن إطالة غيبتي لكن الظروف تحول دون أن أتواصل معكم , اليوم أتيتكم عن فراغ مدوي ضرب ارفع كليتين فأصبح طلابها كالمسافرين الذين ينتظرون قطاراً قد تعطلت سكته الحديدية وهم لا يعلمون ...

اعتصام طلاب كليتي الطب بجامعه الخرطوم والمجمع الطبي عموماً وكليه الهندسة بجامعه السودان للعلوم والتكنولوجيا ...
اعتصام طلاب الطب قد يكون امره معروف لتضامنهم مع الاطباء ومشاكلهم المعروفه ... فبعد خروجهم امام المجمع تم استدعاء شرطة مكافحه الشغب وحدث ما لم يحمد عقباه حيث تضرر بعض الطلاب والاخر لم تحمه إلا قاعات الدراسه بعد دخول الشرطه الي داخل الحرم الجامعي ...
اما مهندسين السودان وحمله راية التكنولوجيا , قد اعتصموا لما يحدث داخل الجناح الجنوب وتدهور البيئه الجامعيه ... في ارفع كليه هندسه في السودان ... تخيلوا معي الاخوه الاعضاء ان قاعات الكليه لاتنفع حتي لمدرسه ثانويه ,, وان مياه الشرب لاتكفي لسد حاجة قسم واحد من اقسام الكليه ,, وان الورش والمعامل قد اكل عليها الدهر وشرب ... لايوجد فرق بين الداخل الي مناطق العمليات والداخل الي الجناح الجنوبي فكلانا نتجرع من كأس واحد ..
وبعد التصنيف السيئ للجامعات السودانيه .. اقو ان لديهم الحق ..
كيف لا والطالب الجامعي اليوم في السودان اصبح يعامل وكأنه مجرم حرب من قبل الاداره والاساتذه ..
كيف لا واليوم بعض اقسام الكلية ليس لديها اساتذه او رؤساء للاقسام ولا مراجع حتي ...
كيف لا والمقررات الجامعيه (من زمن حفروا البحر)
كيف لا وقد اصيب احد الطلاب بنزيف في الدماغ داخل المحاضره بسبب الحراره الزائده داخل القاعات وعدم وجود التهوية الكافيه وقد تم نقله الي المستشفي (بالركشه)
كيف لا ورئيسة الشؤن الاجتماعيه في الكليه يوجد تلفاز في مكتبها وتكيف فريون وتشاهد المسلسلات التركيه وعند دخولي اليها اول ماتفوه به فمها كان (زيح ياولد النعلي صوت التلفزيون) ..
كيف لا والطلاب عند دخولهم الي المراسم ينظفوها اول ثم يرسمون وقبل بدء المحاضره كل الكلام الذي يدور بين الطلاب يكون (اجدع المكنسه دي ... جيب منديل ... اسمع : عندك حاجه يتهببو بيها ) وطبع بترسم وانت واقف .. من الطرائف بعد خروجي من المرسم واحد قال لي : الحق الصلاة اقاموها ...
قولت ليهم : يا اخوي انا ما متوضي الفيني دا عرق
الاخوه الاعضاء هذا هو حال التعليم العالي الان في السودان ... ولا ندري الي اين تؤول الامور ,, رفع الاتحاد مذكرات الي مدير الجامعه حتي تكون كلية الهندسه اسم علي مسمي لكن ذهبت مجهوداتهم ادراج الرياح ,,, قلم يجدوا حل غير الاعتصام عن الدراسه ولايزال الاعتصام متواصل علي الرغم من استعانة الاداره بقوات الشرطه ودخولهم الي الكليه والتهديدات وغيرها ظل الطلاب يعتصمون حتي تسترد حقوقهم وينعمون ببيئه جامعيه ترقي بمستواهم العلمي ..
ولنا عوده .....
صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

رد: ولأول مره في تاريخ السودان

مشاركة بواسطة بعد الزمن »

كل التحايا والشكر
لمن قال لا
لهذا التدهور الغير مسبوق
ف التعليم والصحة
وانما هذه الانتفاضة اتت
بعد ما بلغ السيل الزبى
وجميع الابواب اغلقت

وشكرا لك ع الطرق لمثل
هذه القضايا المهمة جدا
من اجل سودان جديد
شمسه مشرقة
املا وابداعا وتقدما
والحمد الله ع سلامتك
صورة العضو الرمزية
( ود البورت )
مشاركات: 2466
اشترك في: الأحد 2009.6.7 7:28 pm
مكان: سودان العزه و الكرامه
اتصال:

رد: ولأول مره في تاريخ السودان

مشاركة بواسطة ( ود البورت ) »

مشكووور علي الموضووع الجميل
صورة العضو الرمزية
pink
مشاركات: 149
اشترك في: الخميس 2010.7.8 8:41 pm
مكان: ارض العزة

رد: ولأول مره في تاريخ السودان

مشاركة بواسطة pink »

مشكوور على موضوعك جاء على جرح
نحن اعتصمنا و فترنا
في جامعة احدى الجامعات حصلت و فيات كبيرة نتيجة لمياه الشرب الملوثة يعني ده الفضل يقتلوا الطلبة
ذكرى الجراح
مشاركات: 1021
اشترك في: الأحد 2010.6.13 10:23 pm
مكان: الدوحه

رد: ولأول مره في تاريخ السودان

مشاركة بواسطة ذكرى الجراح »

وداعآ لحقوق الشعب في التعليم والصحه في السودان وربنا يصلح الحال
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: ولأول مره في تاريخ السودان

مشاركة بواسطة عمار ود الشرفه »

بعد الزمن
ود البورت
pink
ذكرى الجراح
لكم التحيه علي المرور الكريم وعزراً علي الرد المتاخر ...
اتمنا ان ينصلح الحال وترد حقوق طلاب كلية الهندسه وغيرهم

تخريمه ..
باقي الاعضاء الكرام الذين قرءوا الموضوع واكتفوا بالصمت ما بالكم ... اهو التحفظ ام ماذا ؟؟؟
لاتقلقوا لان هذا الاعتصام قد قام به اتحاد طلاب جامعة السودان يعني الحكومة زاااااااته
صورة العضو الرمزية
ودالعاصمة
مشاركات: 1671
اشترك في: الثلاثاء 2009.9.1 1:14 pm
مكان: السودان

رد: ولأول مره في تاريخ السودان

مشاركة بواسطة ودالعاصمة »

اولا لك التحيه الاخ ود الشرفه ...
انا فى الحقيقه مريت بى الموضوع لكن فضلت ارجع بى استفاضه لكن عباره اتحاد جامعه السودان دى استفزتنى شديد لانو المشكله انو الحكومه زااااااااااااااته هى البقت تتطلع مظاهرات لانو فى الحقيقه هى سبب الازمه الحقيقيه لانو فس الحكومه دى هى السبب الرئيسى لتدهور التعليم وباالزات فى جامعه السودان لانو اداره الجامعه تتبع للحكومه والاتحاد يتبع للحكومه (( الاتحاد الذى يصرف الاموال على القوافل الطلابيه والاعمال الوهميه و الاسابيع الثقافيه وميزانيات فوق الضروريه واشياء للاستهلاك فقط .. وعند اخراج ميزانيات موازيه لها تكون تصرف الميزانيات فى ايجار السيارات والافطار والغداء وبدلات اللبس والالتزامات للساده اعضاء الاتحاد والسبب الرئيسى من المشاريع هو الاستفاده من الميزانيات للدخل الخاص
اما موضوع الاعتصام فقد شهدته حادثه فى الاسابيع الفائته
فى الداخليه بتاعت جامعه السودان الجناح الجنوبى وانا مارى باالشارع نلقى البنات فى الشوارع وموقفين العربات وبيكوركو ومافى حته ممكن يطلعو ليها بعد الساعه 11 لانهم بنات ناس وفى اقل من ساعه جات بكاسى النجده والعمليات وفرقتم ورجعتم الداخليه
تخيلو بنات فى داخليه ومافيها مويه ............!!!!!!!!!!!!!
ومافى حته ممكن يطلعو ليها بعد الساعه 11 لانهم بنات ناس
صورة العضو الرمزية
Tawfik omdur
مشاركات: 881
اشترك في: الخميس 2009.8.13 2:25 am
مكان: السعودية

رد: ولأول مره في تاريخ السودان

مشاركة بواسطة Tawfik omdur »

هذا زمانك يا مهازل فامرحي

هي لله هي لله لا للسلطة ولا للجاه

لا لدنيا قد عملنا نبتغي رفع اللواء

على طلاب الجامعات الصبر والصبر الطويل حبل

وعلى طلاب وطالبات جامعة السودان وغيرها من الجامعات الحكومية ان يلوكه الصبر

لان الحكومة تعبانه في تنفيذ المشروع الحضاري ومن ضمنه فصل الجنوب عن الشمال

وابادت ما تبقى من اهل دارفور لحل المشكلة نهائيا اذا لم تنجح مباحثات سلام قطر

والتي قد يكون فيها كمان استفتاء لتقرير مصير دارفور والله اعلم

عليكم بالصبر يا طلاب حتى يصبح السودان الجديد سلة العالم الغذائي

ووقتها ستوفر لكم الحكومة الماء النظيف والمراجع والاساتذة وتمنع دخول قواتها الباسلة

الى حرم الجامعات وضرب الطلاب ( المتمرديين ) ؟؟؟؟؟؟؟؟؟؟؟؟؟
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: ولأول مره في تاريخ السودان

مشاركة بواسطة عمار ود الشرفه »

لك التحية اخي ود العاصمه وTawfik omdur
ونسأل الله ان يرسي بسفينة السودان في اقرب شاطئ حتي ننعم بتعليم يرقي بمستوي العقول الموجودة فيه .. لكم التحية اخواني ...
صورة العضو الرمزية
احاسيس
مشاركات: 4997
اشترك في: الأربعاء 2010.7.7 2:10 pm
مكان: الخرطوم

رد: ولأول مره في تاريخ السودان

مشاركة بواسطة احاسيس »

اولا اشكرك اخى على انك اتطرققت لموضوع مهم جدا وللاسف حاصل بكثرة فى بلدنا لكن صراحة مصيبة الجناح الجنوبى مصيبة حقيقية وانا عايشت فيها كتير من الماسى والاعتصامات والطلبة البرح دمهم هدر والجامعة ما بتهتز فيها شعرة ابسط مثل احنا مدير قسمنا استاذ (ساااطل )اى ساطل عدييلوبجينا المحاضرة عيونو حمر دا لدرجة انو منعو ينزل لبنشات الطلبة حدو منصة المحاضرة بس دا غيرو وغيرو وغيرو بس اخير نخلى الطابق مستور والحمد لله ربنا خارجنا منها وجامعة السودان اكتر جامعة بتنزل ليها ميزانية بس الاتحاد بصرفها فى اتجاهات اخرى غايتو ربنا يعين بس
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: ولأول مره في تاريخ السودان

مشاركة بواسطة عمار ود الشرفه »

استضافت قناة الجزيره قبل ايام بروف احمد الطيب مدير جامعة السودان ومن خلال كلامو اتضح انو جامعه السودان عدد طلابها 60 الف طالب وطالبه 25الف طلاب بكلاريوس و30 الف دبلوم و5الف دراسات عليا وتمهيدي ..
يعني دخلها السنوي يتراوح ما بين 400 الي 500 مليار جنيه ...
ودالخالدى
مشاركات: 13
اشترك في: الخميس 2010.5.6 4:48 pm
مكان: الإمارات العين

رد: ولأول مره في تاريخ السودان

مشاركة بواسطة ودالخالدى »

[color=000000]الله ارحم التعليم فى السودان ويرحم السودان كلو برحمتو الواسعة .وربنا الزمكم الصبر ..[/color]
أضف رد جديد

العودة إلى ”منتدى السودان العام“