هل غادر شعراء االاغنية السودانية ام جف المعين.....؟!(المسابقة)

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

هل غادر شعراء االاغنية السودانية ام جف المعين.....؟!(المسابقة)

مشاركة بواسطة الشمالي »

المتتبع لتاريخ المفردة الشعرية للاغنية السودانية من قبل الاستقلال الي تاريخ اليوم يحس بفرق واضح وانحدار واضح للمفردة الشعرية الغنائية حتي وصلت منعطف خطير اليوم وخروج عن المالوف وخدش للحياء ان جاز التعبير في الفترة الاخيرة , وتظل مساحة شاغرة وهوة سحيقة ما بين (عزة في هواك , وفلق الصباح ,والصبح البديع ,والود , وجميلة ومستحيلة الحزن النبيل , وسال من شعرها الذهب ) وما بين (الطبنجة , والقنبلة , وببقي ليك في حلقك , وبلة)
والمضحك المبكي ان شعراء الحقيبة استطاعوا ان يرتقوا بالمفردة الشعرية في وقت كان به العلم محدودا ومعظهم شعراء كتّاب , رغم ذلك كانوا مبدعين حقيقيين في تطويع المفردة الشعرية وذوي ثقافة شعرية وثقافة عامة عالية جدا , فصنعوا للمفردة الغنائية هالة وقداسة ظلت الي اليوم في وجدان الشعب السوداني جيلاً بعد جيل دون ان تندثر او يطويها النسيان منذ عام1920 م ,واستطاعوا هولا الشعراء ان يخلدوا اسماءهم في تاريخ الشعر والادب ,ومن خلال اشعارهولا كتب كثير من فناني الاغنية في السودان اسماءهم في سماء الاغنية السودانية ابتداء من كرومة وسرور واولاد شمبات والكاشف ومحمد وردي ومصطفي سيد احمد , ابراهيم عوض ود البادية وغيرهم من مبدعي الجيل الجميل ,ولعل من هولا الشعراء المبدعين عبيد عبد الرحمن ,صالح عبد السيد ,ابوصلاح , سيد عبد العزيز , وخليل فرح , ومصطفي بطران , المساح ,والعبادي , وود الرضي , وعتيق ومن ذات المعين تشرب مبدعون اخرون امثال جماع , والمحجوب, اسماعيل حسن , والقدال , واسحاق الحلنقي وابوامنة حامد وغيرهم من المبدعين ,ولعل ما مميز هولا صقل موهبتهم الشعرية بثقافتهم العالية والخروج بمفردة شعرية مميزة حجزت لها مساحة ومكان في تاريخ الشعر الغنائي السوداني دون ان تندثر, لناخذ بعض النماذج للمفردة الشعرية الغنائية التي تدل علي عبقرية هولا :-
رائعة خليل فرح ,
عزة في هواك

عزة في هواك عزة نحن الجبال
وللبخوض صفاك عزة نحن النبال
عزة ما بنوم الليل محــــال
وبحسب النجوم فوق الرحال
خلقة الزاد كمل وأنا حالي حال
متين أعود أشوف ظبياتنا الكحال
عزة ما سليت وطن الجمــال
ولا أبتغيت بديل غير الكمــال

الي اخر القصيدة التي تبدي رونقها من خلال المفردة والخيال الخصب والرمزية الممزوجة بالشفافية والروح الجميلة والوطنية اللا منتناهية ,

ومن المفردات العاطفية الراقية التي تمس شغاف القلوب ناخذ نموذج
جوهر صدر المحافل
رائعة ابو صلاح

يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة

أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله

يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله

اما بخصوص المفردة الوصفية فقد ابدع فيها هولا بكلمات شفيفة وراقية دون ان تخدش بالحياء وتريق ماء المفردة الغنائية كما في القصيدة
اقيس محاسنك بمن
اقيس محاسنك بمن
يالدر الماليك تمن
نور عينى نور الزمن
ماشفنا فى طول الزمن
سواك بدر فى داخل كمن
الانوار يتزاحمن
فى خدودك اخد امن
ومن فاهك يتبسمن
بروق فى بروق يتقسمن
دى الدنيا ام جنة عدن
شفنا ملاك لابس بدن

ونموذج اخر
الاوصفوك

محمد بشيرعتيق
........


الاوصفوك بالبدري او بالزهر هم ما انصفوك
...........
كيف يجهلوك
وعلي الجمال العادي راحو يمثلوك
ولو بادلوك
عين الحقيقة او بالصيرة تاملوك
بالنور او بالنار أو بي قدر ما ضاع الخيال ما عادلوك

وهنا تتجلي قمة الابداع الوصفي

يتبع مسابقة افضل المواضيع
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: هل غادر شعراء االاغنية السودانية ام جف المعين.....؟!(المسابقة)

مشاركة بواسطة الشمالي »

فمفردة اغنية الحقيبة الشعرية نجدها رصينة ومستساغة وقوية المعني والقصيدة تتسم بالبناء الجيد ومترابطة وتعكس ثقافة الشاعر العالية المليئة بالمعلومات العامة كما تحوي روح الدين والاخلاق والوعي الديني للشاعر يظهر جلياً في القصائد ونموذج علي ذلك الشاعر محمد ود الرضي

قتلو ليت الايام يندن
تبقى لانت وسحابا دندن
بلماك النيران يخمدن
ليك روحي واجزيك حمدا
قال لي كيف تستوجب لي حمدا
من تعاطى المكروه عمدا
غير شك يتعاطى الحرام


وعلي ذات البناء الجميل ظهر شعراء مبدعون اخرون ومنهم عمر الدوش وناخذ رائعته الود كنموذج

عمر الطيب الدوش
الود
أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمانا طويل
على الصبر الّى عِشْنَاهو
مع طُول الألم والليل

واسماعيل حسن في رائعته
لو بايدي
لو بإيدي ..
كنت طوعت الليالي ..
لو بإيدي كنت زللت المحال ..
والأماني .. الدايرة في دنياي ماكانت محال
دي الإرادة ..ونحن ما بنقدر نجابه المستحيل
دي الإرادة.. والمقدر ما بنجيب ليه بديل ..
دي الإرادة أجبرتني في هواكم ..من قبيل
غصبا عني ..وغصبا عنك
انت حبيتني.. وهويتك
لو بإيدنا من زمان ..
كنت خليتني ونسيتك

وادريس جماع ورائعته
اعلي الجمال
أنت السماء بدت لنا للشاعر السودانى ادريس جماع

أنت السماء

أعلى الجمال تغار منا ماذا عليك اذا نظرنا

هي نظرة تنسى الوقار وتسعد الروح المعنى

دنياي انت وفرحتي ومنى الفؤاد إذا تمنى

انت السماء بدت لنا واستعصمت بالبعد عنا

آنست فيك قداسة ولمست اشراقا وفنا

ونظرت في عينيك آفاقا واسرارا ومعنى

وباقي الكوكبة الجميلة من شعراء العصر الجميل الين ارتقوا بالشعر السوداني كل المحافل الدولية والمحلية وارتقوا بالمفردة الشعرية الغنائية لدي الشعب السوداني .

ثم جاء المسخ الشعري الحديث يحمل في طياته النشاز الا من رحم ربي وظهرت مفردات شعرية غنائية لست ادري ان كان لها شعراء ام هي نبت شيطاني ظهر من عدم , ولا اظن ذلك , والامثلة علي ذلك كثيرة
ذي (بلة الدق الرقم جلة) ومع الاسف لا اعرف كاتبها

بلة يا بلة 000بلة ود عاشة وينو بلة
السايق الرقشة00وينو بلة
0دق الرقم طشة000وينو بلة

الي اخر المهزلة الشعرية قمة في الاسفاف والانحطاط الشعري واظن لا تحتاج لتوضيح , والقنبلة بتاعة طه سليمان
قنبلة.. دي قنبلة..قنبلة!
سماحة الزول فى الطول والعلا,,!
دى قالوا إحتمال تنفجر ....قنبلة
بقيف معاك والله ما بجر....قنبلة
ما بفيد الصد والهجر والبتحصل انا بقبلا
...قنبلة ...دى قنبلة....سماحة الزول فى الطول والعلا..قنبلة

وكثير من المهازل الاخري من الطبنجة وراجل المرة والكلاشنكوف وو وو وو وربنا يستر علي المستمع السوداني المغلوب علي امره من القنابل الجاية والظاهر مفردات العصر الجميل بترجع وري وري وراء وراء . ويظل السؤال اين شعراء العصر الجميل ؟

تابع مسابقة اجمل موضوع
فقط يهمنا المرور ومشاركتنا

الراي ووجهات النظر
البوست متجدد
صورة العضو الرمزية
بحر الاشواق
مشاركات: 1216
اشترك في: الخميس 2008.12.4 6:53 pm
مكان: دبى
اتصال:

رد: هل غادر شعراء االاغنية السودانية ام جف المعين.....؟!(المسابقة)

مشاركة بواسطة بحر الاشواق »

يعطيك الف عافيه اخي الكريم الشمالي علي اليوست الرائع والجميل وانشاء لالله
من الفائزين يارب

(شاركو بالتصويت)
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: هل غادر شعراء االاغنية السودانية ام جف المعين.....؟!(المسابقة)

مشاركة بواسطة الشمالي »

كل الشكر بحر الاحزان
أضف رد جديد

العودة إلى ”همس القصيد“