حاسب نفســـــك صـــح

يشمل المواضيع والمشاركات الاسلامية

المشرف: بانه

أضف رد جديد
صورة العضو الرمزية
روينة
مشاركات: 4508
اشترك في: الجمعة 2009.3.27 2:09 am
مكان: مصر

حاسب نفســـــك صـــح

مشاركة بواسطة روينة »


السلام عليكم ورحمة اللَّه وبركاته


كتير مننا قرأ كلمات زي

حاسبوا أنفسكم قبل أن تحاسبوا

و في ناس كتير فعلا ماشاء الله بيحاسبوا نفسهم

على أورادهم كذكر أو قراءة القرآن و الصلاة و غيره

بس للأسف في مننا كتير

ممكن يكون بيحاسب نفسه غلط!

يعني ايه؟؟

يعني محاسبة النفس دي ليها أصول

زي أي حاجة في حياتنا

ليها أصول

في ناس بتحاسب نفسها صح فبتوصل في الآخر انها قصرت في كذا و كذا
تبدأ تعدله بفضل ربنا عليها

و ناس تحاسب نفسها غلط لدرجة أنه ييأس من نفسه و من حياته و انه يقدر يكمل الطريق

لذلك عايزين نبقى جامدين حتى و احنا بنحاسب نفسنا يا شباب




طيب نتكلم من الأول

هو أنا لازم أحاسب نفسي

أيوة طبعا

عارف انت عامل زي المسافر على الطريق

لازم يبقى معاه خريطة

عشان يعرف هو فين ووصل فين


مايبقاش ماشي و خلاص

قال تعالى

[frame="7 80"]( يَا أَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ * وَلا تَكُونُوا كَالَّذِينَ نَسُوا اللَّهَ فَأَنْسَاهُمْ أَنْفُسَهُمْ ) [الحشر:18،19][/frame]

ربنا يجعلنا من عباده الذين يذكرهم و يذكرونه

و سيدنا عمر بن الخطاب كان بيقول

(حاسبوا أنفسكم قبل أن تحاسبوا، وزنوها قبل أن توزنوا،
فإن أهون عليكم في الحساب غداً أن تحاسبوا أنفسكم اليوم،
وتزينوا للعرض الأكبر، يومئذ تعرضون لا تخفى منكم خافية).


يعني حاسب نفسك قبل أن تفاجئ انك مكنتش ع الطريق يوم الحساب

يوم أن نقف امام رب العالمين

تمام كدا؟؟



أول حاجة نتكلم فيها

أحاسب نفسي على ايه؟؟ !!!

و دي حاجة مهمة

ماتعملش زي اللي حاسب نفسه مثلا

و قال ماصليتش سنة الظهر

أنا مصليتش سنة الظهر

أنا فاشل أنا ضايع

أنا مش نافع

و ينسى مثلا انه عاق أمه يومها الصبح

عايزين نحاسب نفسنا صح

الإمام ابن القيم رحمه الله حطلنا خطة جميلة جدا لمحاسبة النفس

نقولها و بعدين ندردش شوية


أولاً: البدء بالفرائض، فإذا رأى فيها نقصاً تداركه.

ثانياً : ثم المناهي، فإذا عرف أنه ارتكب منها شيئاً تداركه بالتوبة والاستغفار والحسنات الماحية.

ثالثاً : محاسبة النفس على الغفلة ويتدارك ذلك بالذكر والإقبال على الله.

رابعاً: محاسبة النفس على حركات الجوارح، كلام اللسان، ومشي الرجلين،
وبطش اليدين، ونظر العينين، وسماع الأذنين،
ماذا أردت بهذا؟ ولمن فعلته؟ وعلى أي وجه فعلته.

الإمام ابن القيم بيقول أول حاجة نبدأ بيها الفرائض

فاكرين لما قلنا أحب الأعمال الى الله الفروض

أفضل حاجة نتقرب بيها لربنا سبحانه و تعالى هي الفروض اللي الملك فرضها علينا

فخطوة أولى تسأل نفسك عن الفروض

الصلاة "الفرض"


رمضان

ان عليك زكاة

ان استطعت الحج

و أهم حاجة الشهادتين طبعا لازم تبقى متيقن منهم و انت بتقولهم

و ربنا يرزقنا التوحيد و يتوفانا مسلمين

النقطة التانية في خطة المحاسبة

المناهي

مثلا السجاير

يبقى نوقفها فورا قبل ما افكر انا بصلي السنن و الا لأ

و حلها التوبة

و ربنا يتوب علينا

و ربنا يغفر و لا يبالي بل هيبدل سيئاتك الى حسنات

قال تعالى:

[frame="7 80"]إِنَّ الْحَسَنَاتِ يُذْهِبْنَ السَّـيِّئَاتِ ذَلِكَ ذِكْرَى لِلذَّاكِرِينَ[/frame]

فماتشيلش هم توب و توكل على ربنا

و نبدأ في الحسنات الماحية تكتر من حسناتك

ثالثا تحاسب نفسك على الغفلة والذكر


و على فكرة الذكر أنواع كتييييييييير

تبدأ من أول قراءة القرآن لغاية ماتقعد تكلم الناس عن ربنا

فعشان نفسك لا تمل نوع معين من الذكر نوع في الذكر

و ربنا يجعلنا و إياكم من الذاكرين و الذاكرات

آخر حاجة في محاسبتك لنفسك

تشوف عمل الجوارح زي مثلا غض البصر و ايدك عملت بيها ايه النهاردة
و نخلي بالنا برضه من المواضيع اللي بننشرها على النت و نتأكد من صحتها ...

ماشي عمونا ؟

و أهم حاجة لسانك

لأن اللسان سبحان الله يا اما يبقى طريقك للجنة بالذكر و الكلمة الطيبة
يا إما و العياذ بالله للنار فبالغيبة و النميمة

خالي بالك من لسانك !

نصيحة من حد بيحبك في الله



تاني نوع من المحاسبة

و دا نوع خطير جدا

كلنا فعلا محتاجينه

المحاسبة قبل العمل

نشوف خطتها و بعدين ندردش تاني سوى

"محاسبة النفس قبل العمل فهو أن يقف العبد عند أول همه وإرادته،
ولا يبادر بالعمل حتى يتبين له رجحانه على تركه.
قال الحسن رحمه الله: رحم الله عبداً وقف عند همه،
فإن كان لله مضى، وإن كان لغيره تأخر. "


يعني

دلوقتي انت قايم مثلا تكلم صاحبك ع التليفون

Stop ...اقف

انا رايح أكلمه ليه

هحكيله ان أيمن عمل كذا و كذا و نتريق و نغتابه

و الا هتصل بيه أفكره بربنا و نتفق على حاجة كويسة نعملها

هتلاقي نفسك حياتك بفضل الله بدئت تتظبط طالما حاسبت نفسك قبل العمل

و الأهم الأهم

نيتك ايه


و دايما خالي نيتك

" رضاك يا رب"

حتى الابتسامة نبقى نيتنا ربنا يرضا عنا

و ربنا يرضى عني و عنكم

تاني حاجة بعد العمل

نحاسب نفسنا ازااااااااااي بعد العمل !!

6 حاجات نقولهم و ندردش برضه


1- الإخلاص في العمل.
2- النصيحة لله فيه.
3- متابعة الرسول صلى الله عليه وسلم فيه.
4- شهود مشهد الإحسان فيه.
5- شهود منة الله عليه فيه.
6- شهود تقصيره فيه.


الإخلاص و زي ما قلنا عملك لله لأن غير كدا هيبقى للأسف وبال علينا

ربنا يرزقنا الإخلاص و يجعلنا من أهله

و اذا خايف على نفسك من الرياء

حبيبنا النبي صلى الله عليه وسلم حلهالنا

صل عليه و اقرأ الحديث دا

صلى الله على محمد صلى الله عليه وسلم

قال رسول الله - صلى الله عليه وسلم- :

يا أبا بكر ، للشرك فيكم أخفى من دبيب النمل والذي نفسي بيده ،
للشرك أخفى من دبيب النمل ، ألا أدلك على شيء
إذا فعلته ذهب عنك قليلة و كثيرة ؟
قل :
اللهم إني أعوذ بك أن أشرك بك و أنا أعلم ، و استغفرك لما لا أعلم

الراوي: معقل بن يسار المزني المحدث: الألباني - المصدر: صحيح الأدب المفرد -
الصفحة أو الرقم: 551
خلاصة حكم المحدث: صحيح


ماتنساش الدعاء دا

احفظه و ردده

و ربنا يرزقنا الإخلاص

تاني حاجة مهمة

الاتباع


يعني عملك يبقى زي ما النبي صلى الله عليه وسلم كان بيعمل

زي ماتعلمنا ان الفجر ركعتين و ماينفعش أصليه تلاتة

كذلك حياتك كلها زي النبي صلى الله عليه وسلم

النبي صلى الله عليه وسلم قدامنا و احنا وراه

الحاجة المهمة التالتة

لازم تبقى متيقن ان العمل اللي عملته من فضل الله عليك


و دا بإذن الله ان خليته في قلبك هيصرف عنك العجب من العمل

و العجب من محبطات العمل

لذلك لما قلبك يتيقن ان العمل دا رزق من الملك لك

بإذن الله مايدخلش في قلبك عجب

آخر حاجة تشوف نفسك قصرت و الا لأ

يعني صليت كويس؟؟

صمت كويس ؟؟


و هكذا

دا يما ندعي ربنا اللهم أعنا على ذكرك و شكرك و حسن عبادتك

ربنا هيعينك بإذن الله



في هدية لك ؟؟

وأحلى هدية

طالما حاسبت نفسك تبتغي وجه ربنا سبحانه و تعالى

تيقن ان ربنا سبحانه و تعالى هيعطيك الخير كله

النبي صلى الله عليه وسلم علمنا

من كانت نيته الآخرة جعل الله تبارك وتعالى الغنى في قلبه وجمع له
شمله ونزع الفقر من بين عينيه وآتته الدنيا وهي راغمة فلا يصبح إلا غنيا
ولا يمسي إلا غنيا ومن كانت نيته الدنيا جعل الله الفقر بين عينيه
فلا يصبح إلا فقيرا ولا يمسي إلا فقيرا

الراوي: أنس بن مالك المحدث: الألباني - المصدر: صحيح الترغيب


قلبك ربنا هيملاه غنى

و الدنيا تأتيك و هي راغمة


وربنا يثبتنا ويعنا على طاعته وحُسن عبادته

صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: حاسب نفســـــك صـــح

مشاركة بواسطة الشمالي »

جزاك الله الف خير روينا
وفي ميزان حسناتك
صورة العضو الرمزية
محسية
مشاركات: 10735
اشترك في: الأربعاء 2010.3.10 7:10 pm
مكان: بين الفكرة ...وممكن واقع

رد: حاسب نفســـــك صـــح

مشاركة بواسطة محسية »

الاخت روينة

جزاكى الله خير
ويجعله فى موزاين حسناتك
صورة العضو الرمزية
روينة
مشاركات: 4508
اشترك في: الجمعة 2009.3.27 2:09 am
مكان: مصر

رد: حاسب نفســـــك صـــح

مشاركة بواسطة روينة »

الشمّالي كتب:جزاك الله الف خير روينا
وفي ميزان حسناتك
السلام عليكم ورحمة اللَّه وبركاته

جــــ اللَّه ـــزاك الجنة
وتقبل منا ومنك واعننا على أنفسنا

اللهم إني أعوذ بك أن أشرك بك و أنا أعلم
و استغفرك لما لا أعلم
صورة العضو الرمزية
روينة
مشاركات: 4508
اشترك في: الجمعة 2009.3.27 2:09 am
مكان: مصر

رد: حاسب نفســـــك صـــح

مشاركة بواسطة روينة »

محسية كتب:
الاخت روينة

جزاكى الله خير
ويجعله فى موزاين حسناتك
السلام عليكم ورحمة اللَّه وبركاته

جــــ اللَّه ـــزانا وإيــاكِ أختي محسيه
وأعننا اللَّه على ذكره وشكره وحُسن عبادته


ربِّ لا نملكُ لأنفسنا شيئا
فلا تكلنا لسواكَ فنضيــــعْ
أضف رد جديد

العودة إلى ”قطاف إسلامية“