الشماليه تناديكم

يشمل القصائد الشعريه , الشعر الشعبى , الحلمنتيش , والدوبيت .

المشرف: بانه

أضف رد جديد
صورة العضو الرمزية
أبوالمطارق
مشاركات: 195
اشترك في: الثلاثاء 2009.9.1 10:06 pm
مكان: السودان

الشماليه تناديكم

مشاركة بواسطة أبوالمطارق »

ابونا أبو الغازرجل البر قال أحسن كلام

الشماليه بقت حاجه تمام ولا فى الأحلام

قطعت النومه الطويله التى سارقتنى أيام

واسرعت السفروعبرأمدرمان المشي لقدام

داير أشوف قصوردائر أشوف فلل واهرام

ومن أمدرمان تحركت جد ليها وأناعجلان

وقلبى يقول فرحان والكلام غلب اللسان

عفيتك إنت أبوالغاز رجل البر والإحسان

وقفت أشوف الخلاء الرهيب بكل إطمئنان

الشماليه بقت دوحه وروعه وجمال للفنان

وقفت فى الخلاء الحنين أشوف أم عضام

لا مويه لا زاد لاقش لا سعن والله حرام

دى المقدمه وفى وسط الكتاب تشوفوا أفلام

جلست أتفرج و فى قهوة أم الحسن للطعام

رواكيب العصر الحجرى من زمن الفطام

ناس عايشه قصوروناس فى التراب أكوام

دى الشماليه وإنته ولدها لا بطيخ ولا شمام

ناس تاكل عنب وتفاح وناس تلقط ذى الحمام

وصلت الشماليه عند الملتقى مافى أى نظام

ناس تكابس فى المواصلات وزهجانه تمام

وناس فى الخرطوم من الكندشه ماشافوازحام

ناس ضاربه الطراوه والنعيم وتشخر فى المنام

حليلك ياعمر لوعثرت بغلة فى العراق والشام

إنقلبت الدنيا كلها وأصلحت لهاالطريق وللسلام

ناس تاكل غزال وطير البازوناس فول وعظام

دخلت الشماليه والقيزان الرمليه تولد الآ لام

غطت سقف البيوت ودفنت المئات من الأغنام

وصلت كورتى ولسع المراكب عبر الأعوام

فين التقدم فين الحكام فين الصحف فين الأقلام

نحن فى العصر الحجرى والحمير والأزلام

وقبل ما أصل كورتى بكيت على الزمان

زنكى واقع فى الأرض بقه تاريخ وعنوان

سألت عنو كانت الإجابه تميت الزهجان

فى الإنتخابات تبرع ودالمنطقه بالبنيان

أكبر مستشفى عمل خير للمنطقه والعيان

وبعد الفوز ترك الزنكى وكان النسيان

حرام ياودقوش الغش والفوزوالغثيان

وناس الحله ما عندهم غير الفطام

لامستشفى ولاجامعه ولا إهتمام

ومشيت لقدام أشوف أهلى الحكام

المحليه فى مروى وكل الأقسام

لاخدمات والضرائب زادت من الخصام

الأسعار جهنم لاسكرلا غازلاجازللمدام

الشماليه تنادينا جميعاخالدوابتسام

البيوت خراب والشوارع حطام

الشماليه بتناديكم الكسوة للعريان

والمستشفى للعيان واللقمه للجعان

فوق الوطن أهلنا كفايه نلنا الاحزان[/
align][/size]
أضف رد جديد

العودة إلى ”همس القصيد“