الشعب السوداني كسول

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
أهتم فيني
مشاركات: 54
اشترك في: السبت 2007.6.9 10:51 pm
مكان: الكويت

الشعب السوداني كسول

مشاركة بواسطة أهتم فيني »

الشعب السوداني كسول العباره دي كتير نسمعها من أخوانا العرب من وين جت العباره دي وهل
فيها شي من الصحه ولاهي تجني ولاهم ربطوفقر المزارع السوداني بالكسل
تساؤلات كثيره تجيب عليها آرا أكم
واحشني
مشاركات: 1
اشترك في: الأحد 2007.6.10 4:54 pm

رد: الشعب السوداني كسول

مشاركة بواسطة واحشني »

في بعض السودانين عكسو هذه الصوره للاسف
صورة العضو الرمزية
sunni
مشاركات: 1533
اشترك في: الأحد 2006.12.24 1:32 pm
مكان: مسقط - سلطنة عمان
اتصال:

رد: الشعب السوداني كسول

مشاركة بواسطة sunni »

أخي العزيز،،،

أتقال على العراقيين أن عندهم أسلحة بيولوجية،،، وشعللوها ،، والسبب وعروف

قالوا في دارفور في تفرقة عنصرية،،، وشعللوها ،، والسبب وعروف

قالوا لبنان فيه تكتلات طائفية،، وشعللوها ،، والسبب وعروف

قالوا ناس فنزويلا شيوعيين،، وعاوزين يشعللوها ،، والسبب وعروف

بس الشععلع دي كللها من جهات أجنبية،،،، المشكلة ان السمعة في الحتى دي،، ناتجة عن إشاعة فاكينها بعض العرب البينافسوا السودانيين في الوظائف في الخليج......... ،، وشعللوها ،، والسبب وعروف


وبعد ده كله،، بقول ليك ،،،،،،،،،،،،،،،،،،،،،،،،،،،،،،،،،،،،،
:072: :072: :072: :072: :072:
صورة العضو الرمزية
أم أحمد
مشاركات: 3
اشترك في: الاثنين 2007.5.28 3:52 pm
مكان: برلين

رد: الشعب السوداني كسول

مشاركة بواسطة أم أحمد »

الأخ أو الأخت اهتم فيني.. شكرا على طرحك للموضوع..
الحقيقة قبل فترة كنت بتناقش مع بعض الأصدقاء حول هذا الموضوع.. وأنا من رأيي انو فعلا السودانيين فيهم شئ من الكسل والتراخي.. السودانيين بيحبو (الركلسة) و(الترطيب) كما تقول اللغة الشبابية.. والحاجة دي مشاهدة من عدة أشياء.. أول حاجة.. انا هنا في بلد أوروبي.. السوداني من الأفريقي بنعرفهم بي مشيتهم.. تلقى الإفريقي ماشي بكل قوة ونشاط.. والسوداني بيجرجر رجلينو على راحتو!.. شوف ناس كمية قاعدين قدام كمبيوترات.. تلقى الناس كلها قاعدة وظهرها مشدود.. والسوداني غااااااتس في كرسيهو.. (بالمناسبة بقية العرب ما أحسن مننا كتير!)..
مرة كنت بستمع لبرنامج أضواء على الخضارة السودانية.. وكان في لحظة الدكتور جعفر ميرغني بيتكلم عن نفس الموضوع.. وحكي قصة غريبة جدا.. انو كان في معرض بيضم النسخ التاريخية للقرآن الكريم من كل البلاد الإسلامية.. وللأسف.. المصحف السوداني كان من أقل المصاحف جودة في الطباعة والإتقان.. وما بذل فيهو جهد كبير.. مع أنو كان أحدث من كثير من المصاحف المتقنة والجميلة..!!
طبعا.. كطبيعة كل الأشياء في الدنيا.. التعميم ليس صحيحا..ولا يمكن إطلاق كلمة (كسول) على شعب بأكمله.. لكن هي ظاهرة تستحق الوقوف عندهل وتفقد أسبابها.. هل هو الطقس؟.. جينات؟ أم هو شئ آخر..
الله أعلم!
صورة العضو الرمزية
العربى
مشاركات: 353
اشترك في: الأحد 2007.4.15 1:41 pm
مكان: الامارات السبع

رد: الشعب السوداني كسول

مشاركة بواسطة العربى »

اهتم فينى
تحياتى

اولا
السودان اكبر بلد افريقى بمساحة المليون ميل مربع
يجرى فية يجرى فية نيلين الازرق والابيض يلتقيان فى العاصمة الخرطوم ليشكلا نهر النيل وهو من اطول انهار العالم ان لم يكن اولها...
فيه مشروع الجزيرة الذى يسمى سلة غذاء العالم
ولو استثمر هذا المشروع بالشكل الامثل لوفر الغذاء لكل سكان العالم وكل العرب يدركون هذه الحقيقة

يقولون عنا كسالى لاننا لانعمل داخل بلدنا ونستفيد من خيراتها ونفضل الغربة والاغتراب
ولكن ياعزيزى لدينا ظروف داخلية حتمت علي المزارع ترك الزراعة والصانع ترك الصناعة والتاجر ترك التجارة والعامل ترك العمل
لانك ان لم تستفيد من عملك سوف تبحث عن البديل وقد يكون البديل مكلفا
الظروف السياسية و المشاكل الداخلية و الضرائب ووووووووو
المهم ياسيدى
المقولة دى ملفقة فى الرجل السودانى وللاسف من بعض العرب الذين تفتقر بلدهم الى الماء والغذاء
وصراحة انا مابقدر اواصل
تقبل مرورى
صورة العضو الرمزية
mohab ahmed tombel
مشاركات: 69
اشترك في: الثلاثاء 2007.3.20 9:39 am
مكان: باكستان
اتصال:

رد: الشعب السوداني كسول

مشاركة بواسطة mohab ahmed tombel »

انا بنفسي مستقرب من هذا الكلام لانو بقيت اسمعو كتير جدا خاصة من اليمنين وبيقولو الشعب السوداني يحب النوم جدا حتي مالفين قصص لكن نري عكس هذا فالشعب السوداني شعب المرؤة والعمل
صورة العضو الرمزية
مغتربة مقيمة في الإمارات
مشاركات: 20
اشترك في: الجمعة 2009.8.28 12:30 pm
مكان: دبي

رد: الشعب السوداني كسول

مشاركة بواسطة مغتربة مقيمة في الإمارات »

انا كمان الكلام دا سمعتوا كتير
لكن مرة سمعتوا من وحدة صحبتي أديتة محاضرة طويلة عريضة هههه خليتا تمشي مني وهي رافعة يدها السودانيين نشيطين ههههههه

مع تحياتي الاء
صورة العضو الرمزية
غربة وشجن
مشاركات: 45
اشترك في: الاثنين 2008.3.17 10:27 pm
مكان: المملكة العربية السعودية

رد: الشعب السوداني كسول

مشاركة بواسطة غربة وشجن »

وانا أضم صوتي لي صوت الأخت أم أحمد ..

فعلا في سودانيين كساله .. ومابيحبو الحركة شديد ..

يعني بتلقاهم بيتحركوا في إطار محدود ..
غير تعال شوف التأخير في كل شي ..
وماحصل يوم قابلته لي سوداني نشيط وحابي الشي الهو بيعمل
فيهو أو سوداني رياضي درجة اولى .. (( نادرا جدا مايكون ))
بس ده مامعناهوا انو الكسل محتكر في السودانيين بس
لان كمان في جنسيات أخرى كسالى
أو نقدر نقول أنو العرب عموما فيهم نسبه من الكسل ..
والدليل تأخرنا في الأوقات الحاليه عن كل شي ..
على الرغم من أن علماؤنا واجدادنا القدامى رسموا لنا الطريق
حتى نسير على نهجه ..ا
لإ اننا تكاسلنا وتخاذلنا حتى سُلب منا كل شي ..
ودمتم بود ..
لكم شكري ..
*
صورة العضو الرمزية
نسمة الفجر
مشاركات: 377
اشترك في: الثلاثاء 2009.5.26 9:27 pm
مكان: في أرض الحرمين

رد: الشعب السوداني كسول

مشاركة بواسطة نسمة الفجر »

ههههههههههه حلوة دي كسلانين
بصراحة فيهم الكسل لكن ما بالدرجة اللي بيقولوا عليها
أنا أعتبرهم كسلانين بس ما للدرجة ديك
مع انو جارتنا الحبشية بتقول انو هي ما شافت اكسل من السودانيين
أول ما الواحدة تمشي بيت واحدة ترفع رجولها وترقد في السرير وفي الحدائق تلاقي المرة السودانية راقدة قدام الناس .....
صراحة ضحكتني مرة بكلامها مع انها متزوجة سوداني .... لكنها بتقول الحقيقة...
صورة العضو الرمزية
سودانية صريحة
مشاركات: 643
اشترك في: الأربعاء 2007.5.30 1:40 pm
مكان: الإمارات

رد: الشعب السوداني كسول

مشاركة بواسطة سودانية صريحة »

والله والحق يقال معظم الشعب السوداني كسول ومن أوائل المواضيع اللي كتبت فيها وكان بعنوان هل الشعب السوداني كسول ، كتبت في هذا الموضوع وتناقشنا وتوصلنا في النهاية الى أن في بعض السودانيين كسالا ، والعرب كلهم ماخدين عننا الفكرة دي ، والموضوع ده قاهرني وغايظني شديد لانه صح أكبر دليل شوفوا بقالاتنا ودكاكينا العاملين فيها بسرايرهم جايين يشتغلوا ولا ينوموا ياحبنا للنوم والركلسة والتكية والمقيلة ، ادخلوا بيوت السودانيين وعدوا كم سرير موجود في البيت ،،

اتمنى للموضوع ده ياخذ حقوا من النقاش ، لأهميته الشديدة ولازم نحارب الظاهرة دي علشان نرفع بلدنا ،


والحقيقة ما بتزعل ياناس
صورة العضو الرمزية
عمار جبارة
مشاركات: 172
اشترك في: الأحد 2007.8.12 12:56 pm
مكان: السودان

رد: الشعب السوداني كسول

مشاركة بواسطة عمار جبارة »

قد يكون فينا شي من الكسل ولكن ليس علي العموم
فطبيعة اجواء السودان الغالب عليها الصيف
والسخونة الحارقة تحتم علي الشخص اخذ قيلولة النهار
سوي رجل إن كان او امراة ولكن ....
وقت الحارة والفزعة مافي انشط مننا ليس منتصف النهار
بل في خضم الجحيم نفسه
ولكن الله يقدرك اطلب المروءة من اي جنسية او من جنسية من قال هذا الحديث
صدقني انت الخاسر
صورة العضو الرمزية
مصعب الحداد
مشاركات: 3758
اشترك في: الخميس 2008.8.14 10:23 am
مكان: جده أتي & بحر

رد: الشعب السوداني كسول

مشاركة بواسطة مصعب الحداد »

هههههههههه والله للاسف في ناس بتعكس الحاجه دي
اها انا احكي ليكم القصه دي:
مره عزمت اصحابي في مطعم سوداني قالوا عاوزين يجربوا الكمونيه والكسره والحاجات دي
والشيات والسلات والذي منو المهم مشينا ودقينا المعيشه مزبوط وكان في جبنا اعمامنا كبار كدا
ماكبار شديد المهم ضربوا هم كمان مزبوط والكنديشن داقي فيهم مع الشطوط دي خدرهم الظاهر
واحد منهم قبل لايغسل يدو قال بعد العشوه دي بس قبلك هنا داير لي مخده ونومه من امها
اها زي نقول عليهو شنو اها اانا كنت بغالط في اصحابي لكن من الموقف دا تاني بقيت مابقدر اتجادل معاهم .....وبس.....
أضف رد جديد

العودة إلى ”حوارات جادة“