يا المغترب : هل انت مرطب ؟؟

واحة المغتربين...كل ما يتعلق بالمغتربين من اسئلة،استفسارات،،،تعارف،،،،تهانى،،تعازى واخبار

المشرف: بانه

صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

يا المغترب : هل انت مرطب ؟؟

مشاركة بواسطة عمار ود الشرفه »

خبر الزول المغترب لما يحصل البلد بنتشر اكتر من خبر الوفاة ,,, والمره لمن راجلها المغترب يجي بتحميك القعاد في الفريق بي البوبار ,, والعجب مع سيد الدكان (الراجل لسه ما فكه الريالات كع) ,,,
والزول مما تسلم عليهو بالريحه ساااااي بتعرفو كان مغترب ....
اها انا داير اعرف من اصحاب الاختصاص ,, المغتربين ديل صحي مرطبين ؟؟ ولأ ده بوووبار وكلام بيوت ... عشان اكان الاغتراب ده بعمل لينا جطيمات النشوف لينا زواج من هسي اقصد جواز ...
والبلد دي الزول برطب فيها بس بعمل ليهو كرشه وكدا ,,, وبنطبق علينا حكاية المغترب واخوهو ...

وده قالوا واحد مغترب عشرة سنه جاء راجع لقى اخوهو في السودان بانيهن عماااارات ... سألو : يا زول من وين العمارات دي ؟؟
قال ليهو : شايف الظلط داك ؟ قال لي ايي : قال لي نص هناك ونص هنا
وشايف العماره ديك ؟؟ شوال هناك وشوال هنا ...
اخونا المغترب عجبتو الفكره واستقره في السودان ,, وسنه ما عداها وبناها ليك عماره عشره طوابق ,,,
جاهو اخوهو ,,, يا زووول العماره دي من وين ؟؟
قال لي : شايف الكبري داك ؟؟ :
كـــــــــــــلو هنا ..... :d: :d:


اها نحن الحكايه دي مااااا دايرنها ,,, وداير اعرف الاغتراب ده فيهو مال ؟؟ و البنون بجو بعد المال ,, اما الباقيات الصالحات تـــــب ما مقصرين فييهن ..

افتينا ايها المغترب
صورة العضو الرمزية
الهادئه
مشاركات: 141
اشترك في: الخميس 2011.2.3 4:28 pm
مكان: السعوديه_ الرياض

رد: يا المغترب : هل انت مرطب ؟؟

مشاركة بواسطة الهادئه »

[size=9]لا طبعا ماكل المغتربين والله في ناس قاعدين هنا بس بياكلو وبيشربو لا عملو بيت هناك ولا حاجه تنفعهم لما يرجعو الراتب اللي بياخدو كله بيرجع لايجار السكن واللبس والاكل والترفيه وكان عنجو اولاد كبار للجامعات* كانو القروش مافيها بركه والله وانت قابل اللي بيجو لبلد الاغتراب بيكونو ساكنين احسن سكن وشغالين احسن شغل وراكبين احسن سيارات لا والله بعضهم بيجي السعوديه هنا بيشتغل سواق تكسي ولا عامل ولا حارس ****الخ عشان كده ما كلهم مرطبين * لكن احسن حاجه يسويها المغترب انو يعمل حاجات في بلدو لانو البلد دي ما مضمونه ممكن في اي وقت يطردونا [/size]
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا المغترب : هل انت مرطب ؟؟

مشاركة بواسطة عمار ود الشرفه »

الهادئه كتب:[size=9]لا طبعا ماكل المغتربين والله في ناس قاعدين هنا بس بياكلو وبيشربو لا عملو بيت هناك ولا حاجه تنفعهم لما يرجعو الراتب اللي بياخدو كله بيرجع لايجار السكن واللبس والاكل والترفيه وكان عنجو اولاد كبار للجامعات* كانو القروش مافيها بركه والله وانت قابل اللي بيجو لبلد الاغتراب بيكونو ساكنين احسن سكن وشغالين احسن شغل وراكبين احسن سيارات لا والله بعضهم بيجي السعوديه هنا بيشتغل سواق تكسي ولا عامل ولا حارس ****الخ عشان كده ما كلهم مرطبين * لكن احسن حاجه يسويها المغترب انو يعمل حاجات في بلدو لانو البلد دي ما مضمونه ممكن في اي وقت يطردونا [/size]
كلامك سمح بالحيل ... ومافيهو غبار ... بس بيني وبينك في ناس مرطبين ... يعني الزول العندو شهاده قويه برطب والزول المفتح برضو برطب ... ولأ كيف ؟؟

اما الزول يقعد ويعمل الحاجات دي في بلدو :072:
صورة العضو الرمزية
الهادئه
مشاركات: 141
اشترك في: الخميس 2011.2.3 4:28 pm
مكان: السعوديه_ الرياض

رد: يا المغترب : هل انت مرطب ؟؟

مشاركة بواسطة الهادئه »

ايوه كتيير في ناس مرطبين خاصه اللي بيشتغلو في شركات كبار ديل بيكونو ماشاء الله تب يعني اتخيل السكن على حساب الشركه ومااي سكن السكن تلقيو فيو حديقه برا وجوه فيوخدم وسيارتو بتكون احسن موديل وبرضو من الشركه وكمان بيدو تزاكر كل سنه عشان يسافر هو واهله وعندنا حاجه جديده اسمها الضمان الاجتماعي ده بيخلي الواحد يتعالج في المستشفيات مجانا ******الحاجات اللي بيعملها في بلدو بقصد انا مثلا يبني بيته وياثثه ويسوي ليو دكان ولا حاجه تنفعه كان رجع **ههههه عجبك الوضع تعال ساي لكن انا مابنصحك احسن ليك بلدك عند اهلك
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا المغترب : هل انت مرطب ؟؟

مشاركة بواسطة عمار ود الشرفه »

الهادئه كتب:ايوه كتيير في ناس مرطبين خاصه اللي بيشتغلو في شركات كبار ديل بيكونو ماشاء الله تب يعني اتخيل السكن على حساب الشركه ومااي سكن السكن تلقيو فيو حديقه برا وجوه فيوخدم وسيارتو بتكون احسن موديل وبرضو من الشركه وكمان بيدو تزاكر كل سنه عشان يسافر هو واهله وعندنا حاجه جديده اسمها الضمان الاجتماعي ده بيخلي الواحد يتعالج في المستشفيات مجانا ******الحاجات اللي بيعملها في بلدو بقصد انا مثلا يبني بيته وياثثه ويسوي ليو دكان ولا حاجه تنفعه كان رجع **ههههه عجبك الوضع تعال ساي لكن انا مابنصحك احسن ليك بلدك عند اهلك
:040: :040: :040:
والله بقيت اضحك من جووووووه قليبي (ضحك انبساطه وكدا) ... قولتي لي ضمان اجتماعي ... كدي النشوف رايي البقيه وتاني اقرر
صورة العضو الرمزية
الهادئه
مشاركات: 141
اشترك في: الخميس 2011.2.3 4:28 pm
مكان: السعوديه_ الرياض

رد: يا المغترب : هل انت مرطب ؟؟

مشاركة بواسطة الهادئه »

ههههههههههههههههههههههههههههههه
صورة العضو الرمزية
عيـــــون اللـــــيل
مشاركات: 5
اشترك في: الاثنين 2011.1.31 5:23 pm
مكان: ضفاف النيل

رد: يا المغترب : هل انت مرطب ؟؟

مشاركة بواسطة عيـــــون اللـــــيل »

مغترب مرطب؟؟؟ دا كان زمااااااااااااااااااااااااااااااااان.. زمن الشهادة الثانوية تخليك مدير شركة في الكويت و فيزا راعي تحجج قبيلتك كلها خللال سنة واما الشهادة الجامعية فياااااااااا سلاااااااااااااااااام كانت تعيشك ملك وتبني البيت واهلك يرحلو الخرطوم والحكامات يقطعو فيك الاغاني اشكال الوان.....
هسي الزمن اتغير والمؤهلات البتريحك برا بقت هي نفسها المؤهلات البتريحك جوا وسعر الريال بقى قرييييييييييييييب من سعر الجنيه يعني ما جايبة حقها..
حبوبتي بتقول ((سواق لوري في الغرب احسن من مغترب)) هههههههههههههههههههههههههه

تقبل مروري
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا المغترب : هل انت مرطب ؟؟

مشاركة بواسطة عمار ود الشرفه »

عيـــــون اللـــــيل كتب:مغترب مرطب؟؟؟ دا كان زمااااااااااااااااااااااااااااااااان.. زمن الشهادة الثانوية تخليك مدير شركة في الكويت و فيزا راعي تحجج قبيلتك كلها خللال سنة واما الشهادة الجامعية فياااااااااا سلاااااااااااااااااام كانت تعيشك ملك وتبني البيت واهلك يرحلو الخرطوم والحكامات يقطعو فيك الاغاني اشكال الوان.....
هسي الزمن اتغير والمؤهلات البتريحك برا بقت هي نفسها المؤهلات البتريحك جوا وسعر الريال بقى قرييييييييييييييب من سعر الجنيه يعني ما جايبة حقها..
حبوبتي بتقول ((سواق لوري في الغرب احسن من مغترب)) هههههههههههههههههههههههههه

تقبل مروري
عيون الليل والله صحي اسم علي مسمي ...
اولاً اسعدني جداً مرورك ,,, وكلام منطقي وفات حد المنطق ,,, بس المشكلة في البلد دي حق الريال ده تجيبو كيف عشان تكون انت والمرطب اقصد المغترب في درجه وااااحده ؟؟ هنا الشهادة الجامعيه في وكترة كترة المسااااخه وده بحمد لله وبرضو ما بالصورة المطلوبه بس البحترم حامل الشهاده منو ويقعدو في الرواطة دي ويفهمو العلاقه بين المغترب والزول القاعد في بلدو ...
ولأ نلحق اخونا المهاجر في البلد ..
.
صورة العضو الرمزية
عيـــــون اللـــــيل
مشاركات: 5
اشترك في: الاثنين 2011.1.31 5:23 pm
مكان: ضفاف النيل

رد: يا المغترب : هل انت مرطب ؟؟

مشاركة بواسطة عيـــــون اللـــــيل »

تسلم يا ود الشرفة يا راقي :040:
انا عندي ليك حل.. صحيح هو قديييييييييييم لكن لسة مفعولو ساري في البلد الجميلة دي
اكيد عرفتو صح؟؟
:064:
:d: فيتامين واااااااااااااااو :d:
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا المغترب : هل انت مرطب ؟؟

مشاركة بواسطة عمار ود الشرفه »

عيـــــون اللـــــيل كتب:تسلم يا ود الشرفة يا راقي :040:
انا عندي ليك حل.. صحيح هو قديييييييييييم لكن لسة مفعولو ساري في البلد الجميلة دي
اكيد عرفتو صح؟؟
:064:
:d: فيتامين واااااااااااااااو :d:
لو الياهو الفي بالي ده والكاتبو في القصه فووووق ,,, يبقي ما دايرنو لأنو لو ركبت ليك عربيه ساي ولأ حججتا امك ساااي تلقي ناس الحله يحمروا ليك ويكشفوا حالك ويقولوا الزول ما اتخرج ليهو سنه وعمل كرش ... يا اختي اخير لينا كرشة ناس العدس ديل من الكرشة دي ...

ولأ قاصده ايي طريقه ؟؟
صورة العضو الرمزية
عيـــــون اللـــــيل
مشاركات: 5
اشترك في: الاثنين 2011.1.31 5:23 pm
مكان: ضفاف النيل

رد: يا المغترب : هل انت مرطب ؟؟

مشاركة بواسطة عيـــــون اللـــــيل »

ود الشرفه كتب:لو الياهو الفي بالي ده والكاتبو في القصه فووووق ,,, يبقي ما دايرنو لأنو لو ركبت ليك عربيه ساي ولأ حججتا امك ساااي تلقي ناس الحله يحمروا ليك ويكشفوا حالك ويقولوا الزول ما اتخرج ليهو سنه وعمل كرش ... يا اختي اخير لينا كرشة ناس العدس ديل من الكرشة دي ...

ولأ قاصده ايي طريقه ؟؟
فيتامين (و) = وااااااسطة :d: :d: :d:
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: يا المغترب : هل انت مرطب ؟؟

مشاركة بواسطة الشمالي »

شوووف يااا الكاشف اخوي اول حاجة كرش ناس العدس
مالها عيبها لي غااااااااااااااااااغ
صباحك خير , انا قريت موضوعك ده من امس وكنت عايز
واحد يبرد ليك بطنك وما اطن تلقي :smiels0: الرد الشافي
لانو بصراحة الموضوع متعدد الجوانب وكدي احاول اشرح
ليك علي قدر تجربتي كواحد ترباااالي زووول سودان ثم مغترب
اخيراً .كدي اول نوع الشهادة المعاك شنو ؟ ومن وين ؟ :040:
لانو ده برااهو جانب مهم لانو في شهادات في الغربة اخير منها
تقعد في السودان وتسرح ليك بغنم في الجروووف مع
كل الاحترام لكل الشهادات :d: ودي حقيقة .ندخل في الموضوع
بالنسبة لترطيبة الغربة في ناس حال كويس وفي ناس بدل
الترطيبة عندهم رطوبة في المفاصل وجفاف في الجيب
وما لاقين حق التزكرة عشان يرجعوا البلد وفي النوع الرجعة
بقت ليهو صعبة بسبب السنين العجاف في بلد الغربة ,
النقطة العائز اوصلها ليك بغض النظر عن نوع الشهادة
البحدد مدي نجاح المغترب شخصيته نفسه فان كان شخص
يمتلك مفاتيح النجاح وجادي وجاي عشان هدف معين ومصر
علي تحقيقه صدقني بينجح ولو شهادتو فقط رخصة قيادة
لا غير ,حدد اهدافك ضعها نصب عينيك وتوكل علي الله .
لكن لو جيت نمت وضربت الكنادش وقعدت في الجمعية
نوم واكل وكتشينة يااا دوب واطاتك اصبحت والسنين
يروحو منك هدر وبعدين تقعد تبكي وتهدر في الدموع وحتي
ولو جابو ليك حق التزكرة وقالوا ليك ارجع السودان تبقي
ليك الرجعة صعبة وانت عدمان ولا ما كدة يااا عمار اخوي
:040: اها بعد داك تجي مسألة الكفيل ( صاحب العمل )
والكفيل تلاتة انواع الاول جايبك عشان تعمل لديه ويديك
راتب زي الزفت ده كان اداك وما اكلك :001: ومعاملة اسواء
اقل من معاملة الحيوانات وفي حالة دي الله يعينك , والنوع
التاني برضو جايبك عشان تعمل معاهو لكن عكس الاول تمام
بديك راتب كويس ومعاملة كويس ويخاف الله فيك ولو كنت
محظوظ وراتبك عندو عالي ممكن ترطب وحتي لو الراتب اقل
ما حا يكون اقل من السودان ده كان لقيت شغل في السودان وفي
الحالة دي ممكن تدخل في برنامج تقشفي وتشوف ليك حربوشات
او مصدر دخل بالجنبة ان كان بالامكان وبرضو النجاح بكون
حليفك باذن الله , والنوع التالت من الكفلاء يوم تصل ليهو اقول
ليك يااا بوي روووح اترزق الله ودور ليك علي شغل في اي مكان
وكان دائر تكون علي كفالتي مافي مانع ولو دائر تنقل كفالتك
البريحك وفي الحالة دي امك اكيد داعية لك وراضية عليك :040:
وتمشي تفتش ليك علي شغل بمزااااااج لحدي ما تلقي الشغل
البريحك وضحكاتو كتيرة :040: وممكن تشوف ليك شغل براك
خاص مندوب موزع مكانيكي كهربايئ بلاط بتاع ديكور المهم
شغل حر وتبعك انت في الحالة ياااا دوب ما رطبت .

اما عن حال السودان عشان تبدا من صفر :001: يااا اما تكون
واسطتك قوية وبرضو حتعاني لانو راتب السودان ضعيف
والادخار في السودان صعب جدا وفق متطلبات الحياة هناك
بالتالي عشان ترطب في السودان لابد ان تكون حرامي او حرامي :d:
وزي ما قلت شائف الكبري داك . كلو هنا وحفظنا الله واياك
من الحرااااام , ومع الاسف الشديد اخر اجازة لي لقيت مجموعة
من الناس البعرفهم بتكلموا الواحد يقول الليلة انا ركبت فلان
ماسورة بشيك طائر واشتريت من فلان سيارة والتسديد بعد
سنة (كسر ) وكلو اكل مال الغير , نسأل الله السلامة , والله
لو ده حال البلد يكون اخير الغربة بكل سلبياتها وبلاويها .
اتمني ان اكون اوفيت .

برمة
انا اتحدث عن الغربة في السعودية غاااااغ
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا المغترب : هل انت مرطب ؟؟

مشاركة بواسطة عمار ود الشرفه »

الشمّالي يا اخوي والله اتلقي اصابعينك اتورمن من الكتابه وشكلك ممغوس بالحيل ... والله اوفيت وما قصرت تـــب وانشاءالله كفيلك ما يقصر معاك ,,, بخصوص الشهادة دي ناس Electrical Engineering ديل هناك كيف ؟؟؟ عندهم ضمان اجتماعي وكده ,,, كلها كم سنة وناخد الرقم الهندسي ,,, لكن والله الغربه دي قالوا حااااااااره بس للحال الشايفينو ده اخير حرارة الغربه من الحرارة العايشينها دي ...
ماقصرت يا الكاشف اخوي ..
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا المغترب : هل انت مرطب ؟؟

مشاركة بواسطة عمار ود الشرفه »

عيـــــون اللـــــيل كتب:فيتامين (و) = وااااااسطة :d: :d: :d:
قالوا تلقي ليك واسطه الدنيا ليك تبقي بااااسطه ... عرفتا الفايتمين ده بس قولتا اتغابا فيهو العرفه عشان لو المنتدي فيهو واسطات ما ندخل معاهم في حته ضيقه بعدين
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: يا المغترب : هل انت مرطب ؟؟

مشاركة بواسطة الشمالي »

ود الشرفه كتب:الشمّالي يا اخوي والله اتلقي اصابعينك اتورمن من الكتابه وشكلك ممغوس بالحيل ... والله اوفيت وما قصرت تـــب وانشاءالله كفيلك ما يقصر معاك ,,, بخصوص الشهادة دي ناس Electrical Engineering ديل هناك كيف ؟؟؟ عندهم ضمان اجتماعي وكده ,,, كلها كم سنة وناخد الرقم الهندسي ,,, لكن والله الغربه دي قالوا حااااااااره بس للحال الشايفينو ده اخير حرارة الغربه من الحرارة العايشينها دي ...
ماقصرت يا الكاشف اخوي ..

طالما انو عرفت تكتب Electrical Engineering بالتنقليزي
يعناتا انو تنقليزتك كويسة ودي برضو بتسهل ليك :040: غااغ
والهندسة الكهربائية دي مية مية وكدة THUMBUP.gif
ده علي اسواء تقدير تعمل ليك كروت براك وتعمل ليك شغل
خاص وتوزع كروتك علي الشركات والمؤسسات واتزل علي
الخلق نصب واحتيال مع سبق الاصرار والترصد :d: :040:
وعارفك حرامي جرووووف ممكن تلقط ريالات البلد دي سنتيت
تلاتة بالكتير وترجع لي اهلك نهائي وكرشك ستة متر لقدام
وكات دائر تكرش كرشك من قدام الا تنكرش بالحيط :d:
او تستعين بصديق غاااااغ
قلت لي Electrical Engineering
:040: :040: اتاريك ما هين يااا حرامي التبش والجروف
غااااغ :d: :040:
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا المغترب : هل انت مرطب ؟؟

مشاركة بواسطة عمار ود الشرفه »

الشمّالي كتب:طالما انو عرفت تكتب Electrical Engineering بالتنقليزي
يعناتا انو تنقليزتك كويسة ودي برضو بتسهل ليك غااغ
والهندسة الكهربائية دي مية مية وكدة ده علي اسواء تقدير تعمل ليك كروت براك وتعمل ليك شغل
خاص وتوزع كروتك علي الشركات والمؤسسات واتزل علي
الخلق نصب واحتيال مع سبق الاصرار والترصدووعارفك حرامي جرووووف ممكن تلقط ريالات البلد دي سنتيت
تلاتة بالكتير وترجع لي اهلك نهائي وكرشك ستة متر لقدام
وكات دائر تكرش كرشك من قدام الا تنكرش بالحيط :d:
او تستعين بصديق غاااااغ
قلت لي Electrical Engineering
اتاريك ما هين يااا حرامي التبش والجروف
غااااغ

قولت لي كرووووت وفيها كرش :d: والله يا عوض الجيد يا اخوي الشغل هنا ما بطال بس زي ما قالت اختنا عيون الليل داير فايتمين وااااو ,, وانا جني وجن اتلصق لي في زول واسكو لي مصلحه ... امامنا الشافعي قال (استغني عن ابوابهم كرماً ,, ان الوقوف علي ابوابهم زولو) عشان كدا يا الكاشف اخوي احسن الواحد يعرف مكانة نفسو مع انو لو وقعت في مشكلة كسر عين تتلصق فيهم ,,
اما التنقليزي ده والله مدافره وسرقه سااااي عيلا نرطن هو نحن الجرف عرفنا ليهو :d: غالبنه التنقليزي البخشم ده ,,,
:d: :040: :d:
صورة العضو الرمزية
الغاليهـ بنت الغالي
مشاركات: 2938
اشترك في: الخميس 2010.9.23 8:55 am
مكان: ***

رد: يا المغترب : هل انت مرطب ؟؟

مشاركة بواسطة الغاليهـ بنت الغالي »

والله يا عمار شوف ليك جواز وتذكرة ساااااااي
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا المغترب : هل انت مرطب ؟؟

مشاركة بواسطة عمار ود الشرفه »

الغاليهـ بنت الغالي كتب:والله يا عمار شوف ليك جواز وتذكرة ساااااااي
وبعد اشوفهن يا الغاليه اختي ما البلد دي تاااني بنغني عليها (يا بلدي ياحبوب ,, مابرجع ليك لو قلت الروب) مع انو بقول الروب في الغربه بس ,,, نعمل شنو (ورب شوق لك لم يلده وطنك) ,, هسي عليك الله يا الغاليه غربتكم دي حااااره مش ؟؟ بس القريشات ببردنها حبه مش ؟؟ :040:

:040: :040: :040:
:040: :040:
:040:
الدغري
مشاركات: 3592
اشترك في: الثلاثاء 2010.4.6 9:14 am
مكان: السعودية

رد: يا المغترب : هل انت مرطب ؟؟

مشاركة بواسطة الدغري »

ود الشرفة والله انت قديم خلاص ..........

انت من زمن الاغتراب الزمان

المغترب في زمانا دا .............

اتعب الناس

ما تالت يوم بيدين
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا المغترب : هل انت مرطب ؟؟

مشاركة بواسطة عمار ود الشرفه »

الدغري كتب:ود الشرفة والله انت قديم خلاص ..........

انت من زمن الاغتراب الزمان

المغترب في زمانا دا .............

اتعب الناس

ما تالت يوم بيدين
الدغري حبابك الف ... ورياك قاعد اسمعو عند ناس كتاااار .. بس بيني وبينك في ناس مستمتعين بي الاغتراب .. بدليل انو انا قاعد اسألهو : انتو ليه بطولو وما بتجوا السودان ؟ ردهم بكون : نجي نعمل شنو هنا افضل بكتير ,,
أضف رد جديد

العودة إلى ”ملتقى المغتربين بالخارج“