إحترام الخصوصية

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

إحترام الخصوصية

مشاركة بواسطة ناجي عثمان عبد الرازق »

السودان شعب طيب وعلى نياتو كما يقولون _ لكن هناك حدود يجب إحترامها
يعني مثلاً : تكون عاوز تجامل زول في فرح أو ترح تقرر إنك تغشاهو بعد الشغل مع إن دة ماوقت مناسب للزيارات أبدا غالبا حيكونو بيتغدو أو بيرتاحو من نهار شاق برضو سواء في العمل أو في البيت _ ولو بقيت زول ظريف وضربت لزول قلت ليه احنا جايينكم الليلة واعتذر ليك بأي عذر ماتزعل _ وإلا ماكان في داعي تتصل من الأساس
وولعل من أبرزتطبيقات الحق في الخصوصية في الفقه الإسلامي حق الفرد في حرمة مسكنه والعيشفيه آمنا من تطفل الآخرين عليه، وهذه الحرمة قد تقررت في قوله تعالى: {ياأيها الذين آمنوا لا تدخلوا بيوتا غير بيوتكم حتى تستأنسوا وتسلموا على أهلها ذلكم خيرِ لكم لعلكم تذكرون (27) فإن لم تجدوا فيها أحدا فلا تدخلوهاحتى يؤذن لكم وإن قيل لكم ارجعوا فارجعوا هو أزكى لكم والله بما تعملون عليمِ [النور: 27 - 29]
وهناك أمثلة كثيرة على الخصوصية :
فلان وفلانة متزوجين ليهم سنة وما ولدو احتمال هم عاوزين ينظمو الولادة لأي ظروف أو عندهم مانع وربنا ماشاء ليهم ينجبو
مافي داعي كل ما يمشو حتة يسألوهم ماعملتو حاجة مابقيتو تلاتة ماعاوزين تخاوو الولد ماهي الحاجة دي ما بتدس لو حملت أو ولدت حتعرفو حتعرفو الأسئلة المحرجة لزومها شنو؟؟؟ أترك لكم الموضوع للتناول والنقاش _
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: إحترام الخصوصية

مشاركة بواسطة عمار ود الشرفه »

الاخ ناجي ... لك التحيه والاحترام والاشواق ...
حقيقة موضوع هام وحساس للغايه ,,, والشعب السوداني شعب اجتماعي ويحب التداخل والانصهار وتكوين علاقات مجتمعيه مع كافة سكان المنطقه ,,, ولكن وكما قلت يجب ان يتم ترويض هذا السلوك الحميد والعمل بالسلوكيات والاحكام التي شرعها الشرع ,,, وهي احكام واضحه ولاتحتاج الي توضيح ... لكن عندما يختلط الحابل بالنابل وتختلط العادات والتقاليد باحكام الشرع ,,, تكون هنا النقطه السوداء ,, فمتي ما وعيّ الناس وفرقوا بين الدين والتقاليد تنزال هذه النقطه وننعم بحياة اجتماعيه سليمه

تحيااااتي اخي وتقبل مروووري
صورة العضو الرمزية
نهـاد
مشاركات: 5023
اشترك في: الثلاثاء 2009.6.9 11:11 pm
مكان: في المجهول

رد: إحترام الخصوصية

مشاركة بواسطة نهـاد »

الســلام عليكم ورحمة الله ناجي
بموضوعك ضربت وتر حساس في المجتمع السوداني
فعلا عندنا مشكلة كبيرة في أحترام الخصوصية في السودان
والمشكلة انك لو حاولت تخلق لنفسك اي جو من الخصوصية
ممكن تكون في نظرهم أنسان متكبر او ما بتحب تداخل الناس او ااو او.............
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: إحترام الخصوصية

مشاركة بواسطة ناجي عثمان عبد الرازق »

أحبتي :
شكرا للمرور
السودانيين عندهم ميزات وصفات جميله جدا لكن بنفس القدر عندهم صفات غريبه وغير جميله..عدم احترام خصوصيات وحدود الغير واحد من الصفات الذميمه.....وامثله عدم احترام هذه الخصوصيات كثيره جدا...مثلا الناس في العاده جنهم يسالوا عن الزواج...اهه عرست ولا لسه؟ ياخ اتوكل البنات ديل كلهم زي بعض... وانتي ليه ما متزوجه؟ والله الف من يتمناك...ولما يحصل نصيب وزواج يبدا الفلم من جديد....اهه بقيتوا تلاته ولا لسه؟ يازول احسن ليك تجيب اولاد سريع...ولو حصل مثلا وربنا رزق الزوجين ببنت او بنتين السؤال بيبقي ..اها ما ناوين تجيبوا ولد؟

وده غير الكثيييير من الاسئلة البائخة الغير مبررة جايي من وين ؟؟ ماشي لي وين والواحد إشوفك نازل من الحافلة إقول ليك (من وين كدة ؟؟)..اما الزيارات فحدث ولا حرج....المشكله ان غالبيه ناس الاحياء القديمه ما بيقفلوا ابواب منازلهم فالضيوف بيدخلوا بدون ما يستأذنوا وفي الوقت البيعجبهم ..يعني اصلا مافي طريقه تزوغ
صورة العضو الرمزية
أبو صديق
مشاركات: 4406
اشترك في: السبت 2009.12.5 8:10 pm
مكان: ثم أهدتني المنافي !!!

رد: إحترام الخصوصية

مشاركة بواسطة أبو صديق »

[overline]لك التحية أخي ناجي وأنت تنقر علي وتر ديني وإجتماعي حسّاس للغاية وميّزه الشرع بالعوره( ثلاث عورات) يعني وقت القيلوله وحين تضعون ثيابكم وبعد صلاة العشاء..ولكن أعتقد جازما أنّ نداءك كمن يؤذن وللأسف في مالطا لأن ما ألفنا آباءنا عليه لايتغيّر بين يوم وليله( جيل وجيل ) لأن المسأله أصبحت
مرتبطة بالطبقات الإجتماعية في المحيط الذي تعيش حوله وما أن يلحظ أحداً تغيّراً من ناحيتك في التعامل
وتقييد أوقات الإستقبال والرد علي الهاتف إلا رسم حولك ألف علامة إستفهام ونسج حولك أساطيل من
خياله الخصب وزاد عليه مما فتح عليه شيطانه والبقية تأتي وتسمع.. وتصبح أنت بين نار هجرهم
ومعاداتهم ومواصلة ما بدأته وما بين مصلحتك الشخصية العليا وراحتك التي هي فوق كل إعتبار..
وبصريح العباره طالما هنا حيشان ونفّاج فلا خصوصية في حياتنا أبداً أبدا..
ومن أراد أن يستقل بخصوصيته عليه أن يختار البُعـــد عن المحيط العائلي

ومن شبّ علي شئ شــــــــــــــــاب عليه..
مودتي أخي ناجي
[/overline]
صورة العضو الرمزية
السنبلاية
مشاركات: 16000
اشترك في: الأحد 2010.3.28 1:46 pm
مكان: ود مدنى

رد: إحترام الخصوصية

مشاركة بواسطة السنبلاية »

سلام للجميع ..

بصراحة .. كل ما تم ذكرهـ صحيح .. ومعظم الناس ياخذون الامر بعفوية مطلقة

دون مراعات خصوصية الموضوع الذى تم السأل عنه ..

اتمنى أن يراعى كل فرد حقوق الاخرين فى الخصوصية

تحياااتى للجميع
..
صورة العضو الرمزية
محسية
مشاركات: 10735
اشترك في: الأربعاء 2010.3.10 7:10 pm
مكان: بين الفكرة ...وممكن واقع

رد: إحترام الخصوصية

مشاركة بواسطة محسية »

موضوع غاية فى الاهمية وحسااس جدا وهى انتهاك الخصوصية من اكثر ما يؤلم في مجتمعنا السودانى

هى معرفة خصوصية الاخرين بطريقة غريبة وكل ما ذكر من الجميع صحيح
والمشكلة انه (من راقب الناس مات هما )

ونتمنى من الله مجتمع معافى من الأمراض الاجتماعية
تحياااااتى
صورة العضو الرمزية
عبدالله عوض الكريم احمد
مشاركات: 1479
اشترك في: الجمعة 2011.1.28 11:21 pm
مكان: المملكة العربية السعوديه

رد: إحترام الخصوصية

مشاركة بواسطة عبدالله عوض الكريم احمد »

ياهو ده السودان
بلد بدون حواجز
وعفويه في كل شيء حتى في مالايعنينا
ولكنه يعنينا في مفهومنا الموروث اصلا
عشان كده ماورد في الموضوع صحيح وحاصل لكن !!!!
الان بداء يتلاشى مع التطور ودرجة الوعي المكتسبه علميا
ونوع الحضارات الدخيله
والبركة في ثورة التعليم المكثفة !!!!!!!
اهااااااااا بقينوا تلاتة رايكم شنو ؟؟؟؟
النسى قديمو تاااااااااااااااه
:smiels0:

ودمسكين
صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

رد: إحترام الخصوصية

مشاركة بواسطة بعد الزمن »

[align=center]امريكا عندها قانون لحماية الخصوصية ومعاقبة منتهكى خصوصيات الاخرين
والناس الحشرين والفضولين ديل اي حاجة حاشرين فيها نخرتهم
علاجهم الوحيد تجاهلهم
برمه :
الختشو ماتووووووووو

بااااااااااااااااااااي[/align][/size]
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: إحترام الخصوصية

مشاركة بواسطة ناجي عثمان عبد الرازق »

[align=justify]مسألة التمتع بخصوصيتك فى السودان تبدو مستحيلة.. فى المنزل..فى غرفة نومك ..نفسها..فى..الشارع..نفسه.. تلاحقك الاف النظرات الحشرية.. فى البيت ممكن عادى زول يجيك زيارة. من الصباح زى ست اللقيمات .يفتح الباب براهو.. ويسلم على نفسوا اولا..ويتفضل لوحدوا..جوه.. وما معروف حالك يكون كيف فى ذلك الوقت..تشعر بأحراج ..انت لوحدك وهو ولا على بالوا..ماخد راحتو ع الاخر..واحتمال يلقى دولابك فاتح ويبداء يبحت فيهو..ويملا عيونوا فى حاجاتك الخاصة.. ويرش من عطرك الخاص على جسده..مع السؤال التقليدى : بالله الريحة السمحة دى اسما شنو..؟ فى الشرع الاسلامى الأمر واضح..اداب الأستئذان..اداب الزيارة..وأوقاتها.. طرق الباب..اولا..والانتظار حتى يتم تحديد مكان محدد للجلوس لك.. مش على كيفك..تنبرش..فى اى مكان.. فى التقاليد السودانية نفسها.. دا بيت الرجال ودا.. وداك بيت النسوان..[/align]
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: إحترام الخصوصية

مشاركة بواسطة ناجي عثمان عبد الرازق »

[align=justify]عادى ممكن انت نايم واحد يجي يقيف فى راسك يصحيك ، يقول ليك انت بتصحى الساعة كم الليلة ، او طالع متين ، او يسألك من حاجة تافهة ما مستعجلة ولا مهمة حتى .
عادى ممكن تلقى ود خالتك دخل غرفة نومك وشايل فرشة مرتك بسرح بيها .
عادى ممكن الواحد يلقى موبايلك يشيلوا ويقعد يقلب فى الرسائل والمسجات ويشوف انت حافظ شنو فى الصور وفى الافلام حتى لو كانت مقاطع تخص رحلتكم الاخيرة مع زوجتك لشواطئ الاسكندرية.
بعد ما يتصفح الرسائل يقعد يضحك يقوليك تعال شوف شوف الزول دا كتب ليك شنو ؟ يا خ دا زول مجنوب
ولا يقوليك دي منو دي المرسلة ليك رسالة دي ، والله دي مكسرة شكلها
وطبعا لانو عندنا الناس المكسرين كتار فموبايلنا دا ما بنفرط فيهو
عربتك عادى ممكن زميلك فى المكتب يشيلها وممكن يديها لى واحد تانى يمشي بيها مشوار حتى لو انت ما عارف يشيل المفتاح من مكتبك او من جيب البدلة المعلقة ، ولما تفتش المفتاح عشان تسوق عربيتك يقوليك ياخ دقيقة بس رسلت بيها واحد مشوار الكلاكلة بجي بعد خمسة دقائق
شنطتك الشخصية تتفتح وتتفتش وتتهبش من اي واحد بدون مراعاة لاي خصوصية ويقوليك تعال انت البتاع دا خايتهو فى الشنطة لي شنو ؟ تقعد انت فى حاجتك تشرح وتبرر كانك متهم
ياخ جنس تحقيق هو

ياخ يا كدة ولا انت كعب وما بتدور الناس ومفترى ومافيك فايدة وكل الصفات الكعبة[/align]
صورة العضو الرمزية
غربة و شجن
مشاركات: 55
اشترك في: الأحد 2010.11.7 9:58 pm
مكان: الامارات

رد: إحترام الخصوصية

مشاركة بواسطة غربة و شجن »

اخي ناجي ,,,, شكرا ليك على الموضوع لانك اثرتا نقطة حساسة و مهمة جدا ,,,,, كل واحد مننا اكيد يود انو يكون عندو مساحتو الخاصة ,,,,, و في مجتمعنا السوداني هناك تعدٍ واضح على هذه المساحة الامر الذي يشعرنا بالضيق و النرفزة ,,,, فعلا مشكلة تحتاج لحل
صورة العضو الرمزية
brain
مشاركات: 667
اشترك في: الخميس 2009.8.13 11:54 am
مكان: السودان

رد: إحترام الخصوصية

مشاركة بواسطة brain »

االسلام عليكم ورحمة الله
بو النجا ليك مده ما بنتا وين ياغالي أنت
يا أخي انت عارف أكثر ناس بتعاني من عدم الاوتوكيد ده هم نحنا المتزوجين ديل بصفة خاصة و الأسر بصفة عامة . لكن بصراحة كده انا عندي خطوط حمراء ما بقبل تعديها مهما يقولو . مرة درشت ليك واحد جاني خاشي دوش دون استأذان لكن بنبرة هادئة المهم تقبل النصيحة قال لي انت برضو زي أخوي الكبير واستمرت علاقتا بيه جميلة حتى اللحظة والكلام ده كررتو لأكثر من شخص في مناسبات مختلفة .المهم الناس بنصلح حالها بالنصيحة بس لازم تقدم ليهم بصورة جميلة ويزكروهم بأحكام الشريعة وما أظن في زول يقولو ليهو الله قال يزعل من الكلام ده . أوصي كل الاخوة بالمنتدي بضرورة التناصح لتصحيح هذا السلوك الخاطئ - خلي الناس تزعل لطالما انت على حق المهم نرضي ربنا .ونحي سنة الني ( ص ) انصر أخاك ظالماً ومظلوماً .
مع التقدير
راشد ود نادوس
مشاركات: 348
اشترك في: الجمعة 2010.7.9 3:49 am
مكان: الدوحه

رد: إحترام الخصوصية

مشاركة بواسطة راشد ود نادوس »

الأخ ناجى لك التحيه والإحتارم
بالجد موضوع حساس ويمس عندنا المجاملات وعدم الإحساس بالوقت
متعك الله بالصحه والعافيه
صورة العضو الرمزية
ناجي عثمان عبد الرازق
مشاركات: 31498
اشترك في: الخميس 2010.3.4 7:12 pm
مكان: السعودية

رد: إحترام الخصوصية

مشاركة بواسطة ناجي عثمان عبد الرازق »

[align=center]..الناس الكبار عندنا بالطبع وناسييييين وبدورو إعرفو كل حاجة _ في واحدة من المرات عمك كبييييير كده النوع البيقعد برة في الشجرة لاقى زينب..وهي في طريقها الى البيت..بعد أول يوم لها في الوظيفة..؛ زنوووبة...ازيك....اها.. شغلوك..؟
أيو يا حاج....الحمد لله..
بيدوك كم..؟

..الماهية كويسة...


عمك ردو كان جااااااااااااااهز
عارفيننننها كويسة... لكين كم...؟؟؟؟


في ديننا..؛
من حسن اسلام المرء عدم تدخله في مالا يعنيه.[/align][/color][/b]
أضف رد جديد

العودة إلى ”حوارات جادة“