عليك يسهل ولي يمهل

يشمل النثر ،، الخواطر ......الخ

المشرف: بانه

أضف رد جديد
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

عليك يسهل ولي يمهل

مشاركة بواسطة الأميرالحب »

عليك يسهِّل




من رياض حسنك مغادر


رغم انك زاهى مذهل


عشت فى وجدانى حاضر


كل يوم فى ايكى تهدل


كنت بى حسنك بفاخر


لما فى ساحاتى تقدل


**********


يا قليب بالريده ذاخر


لما تتواضع وتنزل


ما افتكرتك تبقى هاجر


والمشاعر الطيبة تهمل


ياللقيتك مره فاتر


كان ياريت احساسى تمهل


********


الزمان ماليهو عندك


قيمة لما تدور تقرر


المكان مالِيهو جندك


قوة احتليت مكشر


كان ياريتك كنت شاطر


حجة تسمع ليك أفسر


***********


عليك يسهل


وعلى يمهل


*******


لو وصفت زمانى غادر


ببقي ظالمو وبعضو مزهر


من نعيم حبك بسافر


وفى جحيم هجرك بعسكر


خوفى مثلى كتير تسفر


لى مراسى الهم تأشر


عليك يسهل


وعلى يمهل


******


قلبى من شدة غرورو


السنين رجَّع يجهِّل


وخاطرى فى غمرة سرورو


فى قوافى الحب يِصهِّل


والامل غامرنى نورو


ونفسى ريدك عاد يؤهِّل


********


عليك يسهل


وعلى يمهل


لما احكى البينى بينو


دمعى يتسابق نزولو


ليهو رسلت المشاعر


كنت بحكى الليل بطولو


اصلو ما كان بيا شاعر


ودمعى متزايد هطولو


*********


ربى سهِّل


عليهو مهِّل


اصلو قاسى


وبرضو مُذهِّل


ما بلومك قلبى حاشا


لو بقيت مهزوم جمالو


حتى لو ريدك تلاشى


وسِّبتَ محبوبك فى حالو


دارى نفسك وارتعاشا


ربى ما بمنع حلالو


الدنيا ما بتحرم دعاشا


الله بقسم ليك (بدالو )


عليهو سهل


وعليا مهل


ودكبوشيـــــــــــــــــه
صورة العضو الرمزية
هجره
مشاركات: 5190
اشترك في: الاثنين 2010.10.18 12:16 pm
مكان: بلدى الغااالى

رد: عليك يسهل ولي يمهل

مشاركة بواسطة هجره »


الامير الحب لك التحية
عندى بعض الشياء ماعرفتها قلت اسالك منها....

بس مايبق هاجر يعنى يبق منو ؟؟؟؟؟؟؟؟

وكمان ماتتمت العنوان عليك يسهل وعلى يمهل

يعنى شككلك لقيت ليك بديل

ههههههه كلمات جميلة والله
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: عليك يسهل ولي يمهل

مشاركة بواسطة الشمالي »

غايتو يااا اللمير اخوي شكلك نجرتها
جنب الجامع الكبير في السوووق العربي
خاتي جنبك كورة طلس ومادي للرهااب
ايديك وليك يمهل وانا بقول ليك
الله ايدينا وايديك غااااااااااااغ

برمة

لكن بالجد كلمات رووووعة
وان بقيت الداهية دي كاتبها
انت وما لاطشة من هنا ولا هناك
يكون دي المباااالغة كاااااااااك
والله قااااادر

بالجنبة
يااا خوي وين اراضيك
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: عليك يسهل ولي يمهل

مشاركة بواسطة الأميرالحب »

هاجر يوسف حسين كتب:
الامير الحب لك التحية
عندى بعض الشياء ماعرفتها قلت اسالك منها....

بس مايبق هاجر يعنى يبق منو ؟؟؟؟؟؟؟؟

وكمان ماتتمت العنوان عليك يسهل وعلى يمهل

يعنى شككلك لقيت ليك بديل

ههههههه كلمات جميلة والله


يبقي ظالم اختي هاجر
وبعدين الموضوع مش لقيت لي بديل
هي حبت تهجرني فقلت لها عليك يسهل وعلي يمهل
تشكراتي علي مرورك الراقي بين متصفحي
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: عليك يسهل ولي يمهل

مشاركة بواسطة الأميرالحب »

الشمّالي كتب:غايتو يااا اللمير اخوي شكلك نجرتها
جنب الجامع الكبير في السوووق العربي
خاتي جنبك كورة طلس ومادي للرهااب
ايديك وليك يمهل وانا بقول ليك
الله ايدينا وايديك غااااااااااااغ

برمة

لكن بالجد كلمات رووووعة
وان بقيت الداهية دي كاتبها
انت وما لاطشة من هنا ولا هناك
يكون دي المباااالغة كاااااااااك
والله قااااادر

بالجنبة
يااا خوي وين اراضيك

شنو انت شايفني بتاع نقل والله شنو
وبعدين تعال لي البيت عندي من الشعر
دفتر كبير تقرأ فيه لمن عيونك يوجعنك
وهاك منو شويه

حَبيبـيْ...

أتسائل هل برحيلك يرحل الفرح عن عمري ..

هل ستكون ابتسامتي باهته لا قيمة لها..

أم أنني سأعيش حياتي كما عشتها وأنا معك ..

لا أدري لِم أسأل نفسي رغم أني أعرف الإجابة

على تساؤلاتي ..

أحس أن الحياة بعدك ستفقد أجمل وأمتع مافيها ..

فذكرى الأيام التي عشناها ستبقى تخفق في قلبي
ورسمك الجميل سيبقى يتراءى أمام عيناي ..

حبيبي ... حبيبي ... للأبد

إذا سألت عن الحب.. فهو في قلب حبيبي

إذا سألت عن الوفاء.. فهو في طبع حبيبي

إذا سألت عن الصدق.. فهو في كلام حبيبي

وإذاسألت عن الحنان.. فحنان الدنيا تجده

في نظرةٍ.. من عين حبيبي

ودكبوشيــــــــه
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: عليك يسهل ولي يمهل

مشاركة بواسطة الشمالي »

والله يااااا الكابلي اخوي انا الخواطر والنضم
المتل نضميكم ده بالرغم من حلاوتو بجيب كاروشة
في الدواخل وهرشة في القلب غاااااااااغ
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: عليك يسهل ولي يمهل

مشاركة بواسطة الأميرالحب »

الشمّالي كتب:والله يااااا الكابلي اخوي انا الخواطر والنضم
المتل نضميكم ده بالرغم من حلاوتو بجيب كاروشة
في الدواخل وهرشة في القلب غاااااااااغ



عارفك لمن يغرد البلبل بتبقي عصفير صغير
معذور حبيبنا الغالي انت ما خلاص العيال مافضلو فيك حاجه
وبعدين انا معروف في البلد شاعر كبوشيه المخضرم
كاك
عبدالله عبدالرحمن عبدالله
مشاركات: 266
اشترك في: السبت 2009.4.18 9:08 pm
مكان: السودان
اتصال:

رد: عليك يسهل ولي يمهل

مشاركة بواسطة عبدالله عبدالرحمن عبدالله »

بسم الله الرحمن الرحيم
عذرا اخى الامير
عليك يسهل ولى يمهل من كتاباتى ونشرتها على عدد من المواقع على الانترنيت ما كان ينبغى لك ان تحرمنى حقى الادبى ( كلمة منقول تكفى ان صعب عليك ادراج اسم شاعرها)
تحياتى

http://www.tawtheegonline.com/vb/showthread.php?t=18266
صورة العضو الرمزية
الأميرالحب
مشاركات: 8630
اشترك في: الثلاثاء 2009.12.15 10:12 pm
مكان: الجليد

رد: عليك يسهل ولي يمهل

مشاركة بواسطة الأميرالحب »

ممكن ياعبد الرح-من
عبدالله عبدالرحمن عبدالله
مشاركات: 266
اشترك في: السبت 2009.4.18 9:08 pm
مكان: السودان
اتصال:

رد: عليك يسهل ولي يمهل

مشاركة بواسطة عبدالله عبدالرحمن عبدالله »

الامير الحب كتب:ممكن ياعبد الرح-من
ـــــــــــــــــــــــــــــــــــــــــــ
؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!!!!!!!!!!!
أضف رد جديد

العودة إلى ”بوح الخواطر“