السودان 17 عام تحت الانقاذ

يهتم هذا القسم بكل المعلومات عن وطننا الحبيب .

المشرف: بانه

أضف رد جديد
صورة العضو الرمزية
العربى
مشاركات: 353
اشترك في: الأحد 2007.4.15 1:41 pm
مكان: الامارات السبع

السودان 18 عام تحت الانقاذ

مشاركة بواسطة العربى »

20 سنة وهو عمر حكومة الانقاذ حتى الآن
وطبعا ودى حقيقة تغيرت صورة السودان محليا وعالميا
وعشان اكون منصف وادى الانقاذ حقها لازم اتكلم عن التغيرات الحصلت فى السودان

* زمان كان الواحد عشان مايمشى من بحرى للخرطوم داير يكون عندو عضلات عشان الزحمة الشديدة وتجيك عربية واحدة بعد ساعات وساعات من الانتظار دة اذا ماركبت بالشباك
ام اليوم ليك الخيار فى الوسيلة البتعجبك امجاد هايس حافلات تكاسى وكفى الله المؤمنين شر القتال

* وكان كمان عشان ماتتصل من محافظة لى التانية لازم تنتظر عشان مايجيك الخط يعنى الاتصال المحلى فى تلتلة
اما اليوم انت برضو مخير عندك سودانى واريبا وموبيتل وكنار وسوداتل ووووو

* وكان الخبز بالصفوف والسكر بين التلاشى والوجود
لكن الانقاذ الغت البطاقة التموينية وحررت السكر والدقيق ودى خطوة تحسب لها

* وكانت صورة السودان فى الاعلام الخارجى مربوطة بالاغاثات والمجاعات
واليوم بنلقى المستثمرين يتهافتوا على السودان ومااظن فى مستثمر يستثمر فى بلد فاقدة الامن والامان

* وذاد عدد الجامعات والخريجين ومن ستة جامعات الى مايفوق الخمسين جامعة

* واختفت شوارع الدقداق البتهد الحيل وبقت البلد مخططة ومنظمة

* وقدرت الانقاذ تحسم مشكلة الجنوب الطالت ومسخت

وللانقاذ الفضل فى استخراج البترول وتحطيم سعر الصرف للدولار

ويعود الجنية الى الساحة الدولية بعد غياب دام لسنوات طويلة

وانشاء سوق للاوارق المالية

وانشاء بعض المنشاءات الهامة سد مروى و كجبار و جياد الصناعية ومشتقاقتها


ووووووووووووووووووووووووووووووووووووووو

يعنى بصراحة الانقاذ وبغض النظر عن السلبيات عملت حاجات تحسب لها

لكن برضو بنطمع فى المذيد من عمليات الاصلاح ومحاربة الفساد وان كان من اقرب المقربين للانقاذ
والمؤتمر الوطنى
فالشعب السودانى معروف انو شعب صبور يعنى لابقدم رئس لى محاكمة ولابفكر يقتل وزير ودى نعمة من نعم الله علينا
وزى مابقولوا انا واخوى على ود عمى وانا وودعمى على الغريب
يعنى مع بعض الشحمة والنار لكن من يجيهم غريب بعرف اهل السودان جد جد
واللة يحفظ بلدنا
ودعواتكم
صورة العضو الرمزية
asool22
مشاركات: 1783
اشترك في: الجمعة 2007.6.1 1:27 am
مكان: الســـعـــــــوديه
اتصال:

رد: السودان 17 عام تحت الانقاذ

مشاركة بواسطة asool22 »

شكرا على الموضوع الجميل وحقيقه السودان في تقدم.
صورة العضو الرمزية
إسلام المصرى
مشاركات: 295
اشترك في: الاثنين 2007.6.11 5:18 am
مكان: مصر
اتصال:

رد: السودان 17 عام تحت الانقاذ

مشاركة بواسطة إسلام المصرى »

فعلا حكومة تستحق التحية والأحترام

ومزيد من التقدم والرخاء نحو مستقبل

بااااااهر


تحياتى

سلاموز مصر
صورة العضو الرمزية
العربى
مشاركات: 353
اشترك في: الأحد 2007.4.15 1:41 pm
مكان: الامارات السبع

رد: السودان 17 عام تحت الانقاذ

مشاركة بواسطة العربى »

ياعسول حقيقة السودان فى تقدم
وربنا يحفظ بلدنا
صورة العضو الرمزية
العربى
مشاركات: 353
اشترك في: الأحد 2007.4.15 1:41 pm
مكان: الامارات السبع

رد: السودان 17 عام تحت الانقاذ

مشاركة بواسطة العربى »

والجد يالمصرى الحكومة تستحق الاحترام والوطنية بتخلينا ننحاذ ليها حتى ولو.......
وياريت الحكومة تنفذ الاصلاحات الوعدت بيها عشان الصورة تكون احلى

وشكرا على مرورك
صورة العضو الرمزية
ود ابو شام
مشاركات: 88
اشترك في: الخميس 2007.5.24 12:12 pm
مكان: السودان

رد: السودان 17 عام تحت الانقاذ

مشاركة بواسطة ود ابو شام »

العربي.
شكرا علي الموضوع
دائم السودان نشوفو ليييييييييييييي قدام
صورة العضو الرمزية
العربى
مشاركات: 353
اشترك في: الأحد 2007.4.15 1:41 pm
مكان: الامارات السبع

رد: السودان 17 عام تحت الانقاذ

مشاركة بواسطة العربى »

باذن الله السودان لى قدام
بس دعواتك ياابوشام
صورة العضو الرمزية
هتان
مشاركات: 551
اشترك في: الخميس 2006.11.2 12:59 pm
مكان: التراب الغالي الما ليهو تمن
اتصال:

رد: السودان 17 عام تحت الانقاذ

مشاركة بواسطة هتان »

السلام عليكم ,,,

طيب كدي نقعد الكلام ده كويس
اولا عمر الانقاذ 18 سنه
ثانيا بطريقه او باخري لو ما بقيت كوووز معتبر امورك ما بتتسهل ليك
و الكلام ده انا مسؤول منو

تقدر تقول لي ليه الكيزان التقال بيحصلو علي اعفاء ضريبي و جمركي ووووووو

اي نعم في حاجات كتير اتغيرت
حتي زمان كنا بنشرب الشاي بالعجوه عشان ما كان في سكر


لكن برضو ليهم سلبيات اكتر
كدي بس عليك الله قول لي كيف سيلفا كير يكون نائب رئيس في بلد مسلم ,,,
و للحديث بقيه
صورة العضو الرمزية
العربى
مشاركات: 353
اشترك في: الأحد 2007.4.15 1:41 pm
مكان: الامارات السبع

رد: السودان 17 عام تحت الانقاذ

مشاركة بواسطة العربى »

عزيزى هتان
مشكور على طلتك البهية
ومابين 1989/6/30 و2007/6/30 18 سنة ودى حقيقة
ان قلت بغض النظر عن السلبيات
التسهيل والاعفاء الجمركى ووووو دة نوع من الفساد واى بلد فيها فساد وانا قلت نطمع فى المذيد من الاصلاحات والاصلاح الادارى
وقصة سلفاكير يكون نائب رئيس دى طالما بتكون حل لايقاف دماء الشعب السودانى فما فبها مشكلة
تذهب السلطة الى الجحيم ويعيش الشعب بسلام

وكونك تشرب الشاى بالسكر بدل العجوة دى مش نعمة
نحنا يارائع لينا اكتر من خمسين سنة مستقلين وحكمتنا اكتر من عشرة حكومات عملت شنو؟

وتشكر على المرور
صورة العضو الرمزية
مهند عبد الرحمن
مشاركات: 377
اشترك في: الثلاثاء 2006.12.12 1:36 pm
مكان: السعودية جدة

رد: السودان 17 عام تحت الانقاذ

مشاركة بواسطة مهند عبد الرحمن »

الاخ العربي شكرا للموضوع وبالفعل هذه الانجازات علامة بيضاء في صالح الحكومة ونتمنى لها المزيد من الانجازات نسأل الله ان يكفينا شر الطامعين
مرة تانية شكرا للموضوع وتقبل مروري
صورة العضو الرمزية
العربى
مشاركات: 353
اشترك في: الأحد 2007.4.15 1:41 pm
مكان: الامارات السبع

رد: السودان 17 عام تحت الانقاذ

مشاركة بواسطة العربى »

مشكور اخى مهند
والله يكفينا شر الطامعين
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: السودان 17 عام تحت الانقاذ

مشاركة بواسطة ودالدرديري »




أخونا هتان صباح النور والسرور
خليني أرد على كلامك واحدة واحدة

1/ تقدر تقول لي ليه الكيزان التقال بيحصلو علي اعفاء ضريبي و جمركي ووووووو
---- بكل بساطة ياعزيزي لأنهم كيزان وبس .. صعبة دي؟؟

2/ اي نعم في حاجات كتير اتغيرت حتي زمان كنا بنشرب الشاي بالعجوه عشان ما كان في سكر
---- وماتنسى إنو في نفس الوقت كان الناس التانيين بتاعين الحكومة الزمان بشربو الشاي بالسكر المستورد من الخارج ومعاهو المحسنات ... ولا كيف؟؟

3/ كدي بس عليك الله قول لي كيف سيلفا كير يكون نائب رئيس في بلد مسلم ,,,
---- أول حاجة السودان ما كل سكانو مسلمين والنسبة بتاعة المسيحيين بتديهم الحق إنو يكون ليهم تمثيل ونصيب في الحكم ومنصب نائب الرئيس ماكتير عليهم وبس كدي قول لي هل عندك دليل يحرم منصب نائب الرئيس على سلفاكير؟؟ مع العلم إنو الدولة لاتحكم بالدستورالقرآني.


أخونا العربي لك كامل الشكل والتجلة على الطرح الرائع وعذراً على اقتطاع هذه المساحة أعلاه ويديك العافية وليييييييييييييي قدااااااااااااااام






و..............الباقي على الله


صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: السودان 17 عام تحت الانقاذ

مشاركة بواسطة احمد يس »

بالله عليكم الشاى بالعجوة ما كان الذ .......على الاقل ما كان فى سواطة
صورة العضو الرمزية
ودالدرديري
مشاركات: 1253
اشترك في: الأربعاء 2007.1.31 6:11 pm
مكان: بلداً هيلي نا

رد: السودان 17 عام تحت الانقاذ

مشاركة بواسطة ودالدرديري »

احمد يس كتب:بالله عليكم الشاى بالعجوة ما كان الذ .......على الاقل ما كان فى سواطة




ياسلاااااااااام على الشاي بالعجوة ..
وكمان الرغيف مافي يقومو يجيبو ليك الدمعة بالقراصة أمممممم
ولما الفورموست إتعدم اتعودنا على شاي الصباح السادة وبرضو بالقراصة أخخخخخ
ياسلاااااااااااام كانت أيام
يابوليس ماهيتك كم .. رطل السكر بقى بي كم..
.....يااااااااااحليل المظاهرات
تصور إشتقت للبمبان؟؟؟



صورة العضو الرمزية
احمد يس
مشاركات: 2931
اشترك في: الأحد 2006.10.29 9:34 am
مكان: المملكة العربية السعودية

رد: السودان 17 عام تحت الانقاذ

مشاركة بواسطة احمد يس »

الاخ الدرديرى

على فكرة انا ما حصل انى اشتركت فى اى مظاهرة خلال مشوارى الطويل سواء فى الثانوى او فى الجامعة ........... ليست من باب السلبية ولكن لانى على قناعة تامة بأن السياسة هى اقذر مهنة فى التاريخ
لا تختلف كثيرا عن مهنة الدعارة فلهم من الصفات المشتركة الكثيرة ..........

تمنياتى بالتوفيق
صورة العضو الرمزية
العربى
مشاركات: 353
اشترك في: الأحد 2007.4.15 1:41 pm
مكان: الامارات السبع

رد: السودان 17 عام تحت الانقاذ

مشاركة بواسطة العربى »

مشكور اخونا الدرديرى على المرور والرد على هتان اصلو متعب شديد

وسلامات
أضف رد جديد

العودة إلى ”منتدى السودان العام“