يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
برق خاطف
مشاركات: 315
اشترك في: الأربعاء 2011.4.13 9:27 am
مكان: العالم العربي

يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة برق خاطف »

السلام علي كل من يحب السودانيين والسودان ,,

هذا السؤال موجّه للذين يؤيدون هذه الحكومة القاتلة ويعتقدون انّها علي صواب :

لماذا قتلت القوات الحكومية الطالب جمال ادم مصطفى :

http://www.youtube.com/watch?v=eq7okriO ... r_embedded
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة فارماس »

انا ضد الحكومة وضد الاحزاب يعني انفصالي مستقل

( جنوبي دينكاوي )

بس في رايك انت قتلوهو في شنو ؟؟

ممكن تسرد لينا التفاصيل عشان نقدر نحكم ونطلع علي الحقيقة إحتمال يكون هو غلطان

والفيديو ما فيه شي غير الهتافات .............!
برق خاطف
مشاركات: 315
اشترك في: الأربعاء 2011.4.13 9:27 am
مكان: العالم العربي

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة برق خاطف »

بل انت مع الحكومة ..

وانا الذي اسئل .. لماذا قتلته حكومتكم العميلة لامريكا ..

والخائنة لتراب السودان ..

هذه هتافات الطلاب في تشييع جنازة الطالب المقتول ..

وهذا سؤال ثاني : في رايك , اي غلط هذا الذي يجب قتل طالب عليه ؟!! ..
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة فارماس »

دعنا نترحم علي الميت

اللهم ارحمة واسكنة فسيح جناتك واجعلة مع الصديقين والشهداء وحسن اولائك رفيقا

عزيزي انا لست مع الحكومة ولو انطبقت السماء مع الارض وهذه الانقاذ العدو اللدود بالنسبة لي

نحن هنا للنقاش وليس للانتماء الحزبي وكونك تصف الحكومة بالعميلة هذا رايك ولاجدال فيه

اما بالنسبة لمقتل الطالب جمال ادم مصطفي فهذا يعود علي الطلاب الذين قامو بالمظاهرة داخل حرم

الجامعة بدون التأمين علي انفسهم وجهلهم بردات الفعل من قبل المؤتمرجة الذين مزقو جسد هذا الوطن

وللعلم اي مظاهرة سلمية لها عواقبها فعلي الشعب ان يتحد ويضرب بيد من حديد او ليصمت كما هم

صامتين الان .
برق خاطف
مشاركات: 315
اشترك في: الأربعاء 2011.4.13 9:27 am
مكان: العالم العربي

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة برق خاطف »

انت كتبت : احتمال يكون هو غلطان

والغلط شيئ معروف

بمعني انّه شخص ارتكب جرما

وفي ذلك محاولة ايجاد عذر للمجرمين الذين قتلوه

لماذا يقوم الطلاب بالتامين علي انفسهم داخل الجامعة

هل توجد جامعة في العالم غير في السودان يكون فيها العسكر داخل اراضيها

و انا وجّهت سؤالي للذين يؤيدون هذه الحكومة
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة فارماس »

يا برق مافي انسان معصوم من الخطأ ولذلك اكرر احتمال المرحوم كان غلطان

وإحتمال كبير يكون مظلوم من قبل رجال الامن ( الكيزان )

الغلط ليس بأرتكاب الجرائم الغلط انك تخوض في شي يؤدي الي الجرم

وكما عهدنا في الاونة الاخيرة بما فعلتة المظاهرات في الشعوب ليس هكذا تقاد الابل يا عزيزي

والحكومة اعلم مني لإيجاد العزر اذا كان صفية اغتصبوها داخل مكاتبهم وأنكروها فما بالك

بقتل طالب هل تريدهم ان يعترفو بقتلة ؟؟

اما بخصوص الحماية فالمظاهرة إعلان رأي وإظهار عاطفة بصورة جماعية اي بمعني آخر تعميم

الكل بالخبر والعون من الظهر كالمساعدة من الساعد والمعاضدة والمكاتفة وتوحيد الصفوف هذه هي

الحماية اما في حاله تقوم بمظاهرة عشوائية وكل واحد جاري في شارع ويهتف فهذا حمل وديع

ومن السهل ان تلتهمة الذئاب ....!

الحرس الجامعي له مهمة يقوم بها ولا علم لي في ذلك الله وحدة هو العليم

صحيح انك وجهت سؤلك للذين يأيدون الحكومة وانا كمواطن علي أن أتسائل بما يدور حولي من اهوال

والرد علي السائلين الذين لم يتلقو اجابات من المسعولين ..........!
برق خاطف
مشاركات: 315
اشترك في: الأربعاء 2011.4.13 9:27 am
مكان: العالم العربي

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة برق خاطف »

يا فارماس .. حركات الامتصاص بتاعت الجبهجية انا اعرفها جيدا

انت لم تظهر اي نوع من التعاطف مع او الترحم علي المقتول في مشاركتك الاولي

ثم حاولت ان تجد العذر لقاتليه كاتبا انّه هنالك احتمال ان يكون غلطان

اذا كان غلطان فلماذا خرج الطلبة يشيّعونه محتجين علي قتله

لماذا لم يقولوا هو غلط وخلاص

ثانيا ماذا فعلت المظاهرات في المتظاهرين ؟!!

الم تذهب بطاغيتين في مصر وتونس بل وطاغية ثالث في اليمن ؟!!

ومن قال لك انّهم ابل وماذا تعرف عن قيادتهم ؟!!

من قال لك انّهم ابل ومن قال لك انّ القيادة لا تكون كذلك ؟!!

وهل منع التجمع باعداد كبيرة زبانية الرؤوساء الثلاثة المخلوعين من قتل المتظاهرين ؟!!

الشرطة هجمت علي الطلاب داخل الجامعة واعتقلتهم وقتلت هذا الطالب

فاي خطأ ارتكبه الطلاب ؟!!

انظر حركات الامتصاص التي يمارسها بعض الذين يدّعون انّهم ضد هذه الحكومة اعرفها جيدا

فلا تحاولها معي
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة فارماس »

الاخ برق انا لست مجبور علي ان اقنعك اني مع الحكومة او ضدها وذي ما قلت ليك في المشاركة الاولي

دينكاوي مستقل لو عايز الـ c.v برسلو ليك مع ارفاق صورة

واي تعاطف اظهرو هل اكذب عليك اتعاطف مع البغاث التي نهشتها صقور الانقاذ ام اتعاطف مع الانقاذ

التي انبطحت تحت اقدام الولايات المتحدة ......؟

اما الترحم اترحمت علي الميت في المشاركة التانية ..

يا اخي الكريم مسألة العزر هذه ولت وسبق تحدثنا عنها فلا تقتل شي فتاتي بمثلة

بالنسبة للتشييع فهذا طبع الشعب السوداني الطيب والعطوف الذي بطيبتة هذه وعطفة هذا ترك

الانقاذ تنهش في عظمة طيلت الثلاث عقود ولم يحرك ساكناً

المظاهرات زهبت بثلاث او اربعة طواقيت ولكن ماذا جنت تلك المظاهرات بعد ذهابهم

إراقة دماء وتشريد عوائل وتيتيم اطفال وتدمير ممتلكات وهدم البنية التحتية كاملة ده اذا نظرنا

لها من الناحية العامية فقط وما خفية اعظم ........!

الابل ده مثل اذا ما عارفو اعرفو ويضرب كثيراً في الوسط السياسي .....

التجمع قد يخفف من الاصابة ويذيد المتظاهرين قوة وصلابة ولولا التجمع لما زهبو هؤلاء الطواقيت

الثلاث

اخطاء الطلاب كثيرة يا ابني في زمن ما كنت من مرتادي هذه الاخطاء ...

اذا كان هذا مفهومك للمناقشة ووصفها بحركات امتصاص فمن الاحسن ان تترك المنبر لغيرك

ولماذا ادعي اني ضد الحكومة هل انت واضع علي عنقي سيف يا أخا الاسلام

اذا كانت ادعاءات فمن واجبي ان احاولها معك ومع من يكون حتي فلا تتعالي ان الله وحدة هو العلي
برق خاطف
مشاركات: 315
اشترك في: الأربعاء 2011.4.13 9:27 am
مكان: العالم العربي

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة برق خاطف »

انظر يا فارماس .. انا لست ابنك و فارق العمر بيننا لا يصلح لان تطلق علي هذه الصفة ..

و بما انّني سوداني فلا يحق لك ان تطلب مني ترك المنبر ..

بالاضافة الي انّ هذه الحكومة ليس لها في الحكم ثلاثة عقود , بل عقدين ..

ثمّ .. ان الثورات مثل الدواء , ربما يكون له طعم مر او اثار جانبية ولكنّه في النهاية مفيد ..

والطلاب المشيعيون يرددون هتافات معادية للحكومة .. وهذه عادة لا تحدث عند السودانيين..

ثمّ اذا كنت دينكاوي معلق ليك صورة حلبي ليه ؟!!!!!!!!!!!!!!!!!!!!!!!!!!!!!!!

لا اريد مناقشة بقية النقاط .. فلا اظنّك ستقتنع بكلامي ولا اودّ الجدال ..
العمرابى
مشاركات: 3410
اشترك في: الجمعة 2011.6.3 5:32 pm
مكان: المملكة العربية السعودية / الرياض

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة العمرابى »

صباح الخير برق

والله كلامك ده مابقنع ليه شافع
وبعدين اخليك وطنى غيور على مصلحة وطنك
مافى مانع عارض ومن حقك بس بالمنطقع الذى يقنع من يريده يعارض من اجل قضية
مش مرة كرامة السودانين مافى مرة ايش وهلم جرا
فتك بعافية
برق خاطف
مشاركات: 315
اشترك في: الأربعاء 2011.4.13 9:27 am
مكان: العالم العربي

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة برق خاطف »

وعليكم السلام ..

شنو يالعمرابي داخل شمال طوالي ..

ياتو كلام ده المابقنع شافع ..

الكلام اللي في البوست ده كلام شخصي بيني وبين فارماس وفقد معناه العام من فترة واتحول لي مناقشة شخصية ..

والا انت تعبان من الفيديو اللي بفضح الحكومة دي ..

الفيديو ده ما بقنع شافع ؟!! .. ده البقنعو شنو !!..

ثمّ ياخ ماتكتب عن الوطنية .. لانو الوطني ما بيدافع عن الحكومة الدمرت بلده ..

الوطني ما بيدافع عن الحكومة النشرت القبلية والعنصرية ..

الوطني ما بيدافع عن الحكومة الرتكبت مجازر صورها منشورة حول العالم ..

الوطني ما بيدافع عن حكومة نهبت اموال المواطنين لدرجة وصلت البلد الي المرتب الرابعة عالميا في لا ئحة الدول الاكثر فسادا ..

الوطني ما بينسي اهل بلده الجعانين والعطشانين والمرضانين ويقعد يطبل للعلمو في البلد كده .

الوطني ما بيجعل ولائه للاشخاص علي حساب الوطن ..

هل كشف الباطل وفضحه عدم وطنية ؟ !!

هل الفساد عدم وطنية ؟ !!

هل المفسدين عدم وطنية ؟!!

باي منطق تكتب ؟!!

انا عارفك مغيوظ.. لكن ما تحاول تستغل مناقشة شخصية علشان تفش غيظك ..

كان الفيديو ده ما اقنعك .. انا مستعد اجيب فيديو تاني .. انتظرو علي هذا القسم ..
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة عمار ود الشرفه »

الاخ برق خاطف روق المنقه شويه ... فارماس ده زول حبيبنا والمنتدي ده كلو بعرفو وزول اقدم منك في المنتدي يعني حافظنو اكتر منك .. الراجل قال ليك انا ضد الحكومه .. خلاص ماف داعي للجدال ...

اما بخصوص الحكومه الكلام يطول حول اتجاه الانقاذ في التعليم وانا قولت ليك ما داير انفتح لانو انا ضقت الحنضل في مسيرتي الجامعيه ولا ازال وغيري كتييييييرين ... وبدون تعصب ,, طلاب التعليم العالي كلهم عارفييييين انو الانقاذ فاااااااااااااااشله تماماً في التعليم العالي ..
برق خاطف
مشاركات: 315
اشترك في: الأربعاء 2011.4.13 9:27 am
مكان: العالم العربي

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة برق خاطف »

يا ود الشرفة .. انت ماعارف جماعة الحكومة دي سوو معاي شنو بيغادي ..

بعدين يا ود الشرفة .. ما تكون ساذج .. يعني كل شخص حيقول هو ضد الحكومة حيكون ضد الحكومة ..

فارماس .. اول ما دخل علي البوست وبدل ما يترحم علي الطالب راح مشكك فيهو ..

ثمّ بعد شوية راح مشكك في الثورات .. وراح مشكك في الثوار كمان و قايل عليهم ابل ..

اذا كان فارماس ضد الحكومة او حتي مجرد سوداني كان اول شيئ اترحم علي الطالب ..

بعدين .. السوداني ميّال للتعاطف الضعيف .. والطالب هنا هو الضعيف والحكومة هي الباطشة ..

ولو كان ضد الحكومة فعلا كان وقف مع الطالب منذ البداية وليس بعد ما انا قلت ليهو انت مع الحكومة ..

خصوصا وانو الحكومة دي معروفة بالاغتيالات والتعذيب والبطش بالشعب ..

وحتي اذا كان الطالب غلطان .. لماذا لم تتم محاكمته ..

وانا شخصيا .. اقتنعت انو مع الحكومة ودي محاولة امتصاص منو للبوست ..

وفي اخر مشاركة مخاطبة ليهو مني .. كتبت :

لا اريد مناقشة بقية النقاط .. فلا اظنّك ستقتنع بكلامي ولا اودّ الجدال .

وده كان اعلان بنهاية المناقشة ..

لكن نط العمرابي وهو علي مايبدو تعبان مني شديد وادلو بدلوه .. فقمت رديت عليهو علشان مايكررها ..

بعدين انت جيت اتشابيت وادليت كمان بدلوك .. وانا هسع رديت عليك ..

الجدال انتهي قبل فترة .. لكن ما عارفك انت مالك مسخن .. اوع تكون مع الجماعة ديلك ..

ملحوظة : انا مشاركتي لم تكن تتحدث عن السياسة التعليمية في البلاد , بل كانت عن طريق معاملة الحكومة للمواطنين ..
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة عمار ود الشرفه »

برق خاطف كتب:يا ود الشرفة .. انت ماعارف جماعة الحكومة دي سوو معاي شنو بيغادي ..

بعدين يا ود الشرفة .. ما تكون ساذج .. يعني كل شخص حيقول هو ضد الحكومة حيكون ضد الحكومة ..

فارماس .. اول ما دخل علي البوست وبدل ما يترحم علي الطالب راح مشكك فيهو ..

ثمّ بعد شوية راح مشكك في الثورات .. وراح مشكك في الثوار كمان و قايل عليهم ابل ..

اذا كان فارماس ضد الحكومة او حتي مجرد سوداني كان اول شيئ اترحم علي الطالب ..

بعدين .. السوداني ميّال للتعاطف الضعيف .. والطالب هنا هو الضعيف والحكومة هي الباطشة ..

ولو كان ضد الحكومة فعلا كان وقف مع الطالب منذ البداية وليس بعد ما انا قلت ليهو انت مع الحكومة ..

خصوصا وانو الحكومة دي معروفة بالاغتيالات والتعذيب والبطش بالشعب ..

وحتي اذا كان الطالب غلطان .. لماذا لم تتم محاكمته ..

وانا شخصيا .. اقتنعت انو مع الحكومة ودي محاولة امتصاص منو للبوست ..

وفي اخر مشاركة مخاطبة ليهو مني .. كتبت :

لا اريد مناقشة بقية النقاط .. فلا اظنّك ستقتنع بكلامي ولا اودّ الجدال .

وده كان اعلان بنهاية المناقشة ..

لكن نط العمرابي وهو علي مايبدو تعبان مني شديد وادلو بدلوه .. فقمت رديت عليهو علشان مايكررها ..

بعدين انت جيت اتشابيت وادليت كمان بدلوك .. وانا هسع رديت عليك ..

الجدال انتهي قبل فترة .. لكن ما عارفك انت مالك مسخن .. اوع تكون مع الجماعة ديلك ..

ملحوظة : انا مشاركتي لم تكن تتحدث عن السياسة التعليمية في البلاد , بل كانت عن طريق معاملة الحكومة للمواطنين ..
في الاول والاخير ده رأيك وتشخيصك لي كل زول دخل ورده علي موضوعك ... وما عاوز اتكلم معاك بكل صراحه لانك متعصب شويه وما حتفهمني ... عشان كدا اعرف انو في الاكبر مننا ومنهم (فعال لما يريد)
صورة العضو الرمزية
فارماس
مشاركات: 5999
اشترك في: الاثنين 2008.12.22 8:42 pm
مكان: ksa

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة فارماس »

ود الشرفه كتب:في الاول والاخير ده رأيك وتشخيصك لي كل زول دخل ورده علي موضوعك ... وما عاوز اتكلم معاك بكل صراحه لانك متعصب شويه وما حتفهمني ... عشان كدا اعرف انو في الاكبر مننا ومنهم (فعال لما يريد)


والله انت عاقل يا ود الشرفة والزول ده شكلو كدة عندو متلازمة حجوة ام ضبيبينة فيفقد المنطق وينزوي

خلف الاتهامات التي لا تسمن ولا تغني من جوع

النقاش مرجو منه الخلوص الي نتاج عله يفيد العباد لكن الشاهد ان التراشق بالكلمات هو اسهل ما نجده

في ذخيرةاخونا برق خاطف فيما آسفا علي ذلك.
صورة العضو الرمزية
عمار ود الشرفه
مشاركات: 2218
اشترك في: السبت 2009.7.25 11:08 pm
مكان: محل تمسي ترسي

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة عمار ود الشرفه »

فارماس كتب:والله انت عاقل يا ود الشرفة والزول ده شكلو كدة عندو متلازمة حجوة ام ضبيبينة فيفقد المنطق وينزوي

خلف الاتهامات التي لا تسمن ولا تغني من جوع

النقاش مرجو منه الخلوص الي نتاج عله يفيد العباد لكن الشاهد ان التراشق بالكلمات هو اسهل ما نجده

في ذخيرةاخونا برق خاطف فيما آسفا علي ذلك.
كلامك عييييين العقل والمنطق ... الزول ده مفروض يقعد الكوره الواطه ويلعب معانا يعني مان تو مان ... والغريب انو نحن التلاته متفقين في قضيه واحده بس هو اخدها من نواحي تانيه ...
برق خاطف
مشاركات: 315
اشترك في: الأربعاء 2011.4.13 9:27 am
مكان: العالم العربي

رد: يا ناس النقاش : لماذا قتلت هذه الحكومة الطالب جمال ادم مصطفى (يوجد فيديو )

مشاركة بواسطة برق خاطف »

فارماس كتب : (والزول ده شكلو كدة عندو متلازمة حجوة ام ضبيبينة فيفقد المنطق وينزوي)

هسع يا فارماس بامانة كده .. البتراشق بالكلمات منو .. انت ولا انا ..

يا فارماس .. البوستات بتاعتي بوستات فضحية ( وليس فضائحية ) لهذه الحكومة الفاسدة ..

وفضحية للناس البدعموها .. والسؤال بتاعي كان موّجه للناس البدعموا الحكومة الفاسدة دي ..

نقاش مين يافارماس ؟!! .. خلوص لنتائج بتاع ماذا .. هو فساد الحكومة دي عاوزليه نقاش ..

بعدين انت بتتكلم وأكانوا انت او انا شغالين في موقع تنفيذي في الحكومة ..

بصراحة .. انا ماعارف حصل للسودانيين شنو ..

الشخص يطرح سؤال ويعلن عنو انّو موجه للبدعموا الحكومة ..

ويجوا جماعة يهاجموه .. وبعد ده كلوا يقولوا انهم ما مع الحكومة الفاسدة ..

تعرفوا .. لو ما حالت السودان الصعبة .. كنت ضحكت ..

واصلوا النقاش انتو الاتنين .. انا خلاص قرفت منو ..
أضف رد جديد

العودة إلى ”حوارات جادة“