تعالو نبنيه بالبنحلم بيه يوماتى

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

تعالو نبنيه بالبنحلم بيه يوماتى

مشاركة بواسطة حافظ عوض الله محمد »

حرف السين والواو والدال
وحرف الألف النون الياء
والألف التاني،
التاء بالذات..
بتغني وتربط في الكلمات
وتضوي شموس ونهار محروس
بي وهج الطلة وضي شمعات..

بوست يختص بالمشاكل السودانيه الخالصه ، التشرد والتسول ، الاغتصاب ،........
وكل الظواهر السالبه
معا نحاول تسليط الضوء عليها واقتراح الحلول والمعالجات
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: تعالو نبنيه بالبنحلم بيه يوماتى

مشاركة بواسطة حافظ عوض الله محمد »

مادفعنى الى كتابه الموضوع ظاهره التسول التى انتشرت بصوره كبيره وفى كل التجمعات
قرابه المائه متسول فى السوق العربى
هل الامر عباره عن وسيله كسب عيش بصوره بسيطه ؟
ام ان هؤلاء المتسولين فقدوا مقومات كسب العيش الشريف ؟ ( يتقطع قلبى الما وانا اقول المتسولين )
ماهو دور ديوان الزكاه ؟ بل دور الدوله نفسها
صورة العضو الرمزية
سودانية نار
مشاركات: 653
اشترك في: السبت 2007.2.24 1:06 pm
مكان: السودان

رد: تعالو نبنيه بالبنحلم بيه يوماتى

مشاركة بواسطة سودانية نار »

والله يا حافظ يا اخويييي
انا في نظري ان التسول في السودان اصبح وسيلة لكسب العيش
ووسيلة مكسبة كمان
واصبح ليها مدرسة ومعاهد وآليات وطرق و و و
لدرجة المرؤة اتعدمت فينا لانو بقينا ما عارفين منو منهم المحتاج بالجد ومنو
الختار تلك الطريقة الوضيعة لجمع المال
خليك من السوق العربي
بس لو وقفت في الاستوب شوف كم متسول بجيك
رجالا ونساء شيبا وشبابا
واطفالا واغلبهم من دول مجاوررررررررة للسودان
غير كمان اهل السودان
صورة العضو الرمزية
MAROKO
مشاركات: 30
اشترك في: السبت 2007.2.10 6:33 pm

رد: تعالو نبنيه بالبنحلم بيه يوماتى

مشاركة بواسطة MAROKO »

اولا احب احييك اخ حافظ على الموضوع المهم فعلا...
لأن المتسولين في الخرطوم في اعداد متزايدة يوم بعد يوم.. والواحد بقى ما قادر يعرف المحتاج منهم بالجد منو..والغريبة انو الحكاية تعدت التسول في الشوارع وتطورت إلى طرق الابواب.. حاملين في ايديهم اوراق تحمل كل ما تشتهي من سيناريوهات ((موت, عمليات, سفر, علاج, اطفال جياع.....وهلم جرى)) ومعظمهم من الاطفال الذين لم يتجاوزو العاشرة.. والنساء والشباب(((المانع))) .. والواحد بقى بيشمئز والله لما يشوف زول اصح منو واشد منو بيشحد منو (من غير حياء ولا اختشى) وبقينا نشوف اسر متكاملة عند الاشارات أو موزعين في منطقة واحدة وكل واحد فيهم شايل ليهو كورية..انا ما انكر انو فيهم المحتاج بالجد..لكن الاغلبية مستهبلة وما صدقوا لقو ليهم وسيلة سهلة لكسب الرزق..
انا في رأيي انو زي ما في جمعيات خيرية لرعاية الايتام و برامج حقائب رمضان ...الخ لازم يكون في جمعيات خيرية تعنى بلم المتسولين وتعليمهم مختلف انواع الحرف.. وبرضو مراكز اعادة تأهيل المعاقين لازم تشوف شغلها مع الناس البقت تستغل الاعاقة للتسول..
معليش على الاطالة..
ومشكووووووووووووووووووور مرة ثانية
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: تعالو نبنيه بالبنحلم بيه يوماتى

مشاركة بواسطة حافظ عوض الله محمد »

الاخت سودانيه نار
ما اقبحها من وسيله
فيما معنى الحديث الشريف
ياتى السائل يوم القيامه ليس فى وجهه مزعه لحم
دلاله على قبح التسول
الاخ maroko
اتفق معك فيما ذكرت
واليك هذه اقصه الواقعيه
كنت جالسا فى المكتب فى الطابق الاول ، اذ بأمرتان يبدو على محياهم ( والله ماعارف بس بدوك انطباع كويس ) ، يحملن اوراق عمليه فى الخارج تكلف ملايين الجنيهات ، استحيت ان اساهم فيها بمبلغ بسيط ، اخذت اوراقهم ودخلت على مديرى ، هو انسان شهم ، احسسته يمكن ان يفعل لهما شيئا ، خرجت من عنده خالى الوفاض ، لظروفه ، جال بخاطرى بوست الاخ صهيب وصندوق انا سودانى الخيرى ، وتحديدا مشاركه الاخت سارونا من خلال معرفتها بمنظمه طوعيه فى جده تهتم بمثل هذه الحالات ، طلبت منها بكل ادب ان تترك صور المستندات وارقام هواتفها للتنسيق ،
هنا تحدثت المرأه وياليتها لم تتحدث ، بدايه طلبت مبلغ خمسه الف فقط ، احسستها مستهبله ولم ارد عليها ، الحت فى انها تود مقابله المدير ، رفضت ، بعد ذلك لم احس بها امرأه لالفاظها التى لاتقال ، طلبت من الحرس اخراجها خارج المبنى ، ولعنت فى سرى طيبتى
ولكن مثل هذا النموذج يجب ان لانتعتبره حكما او قاعده
nunoosa
مشاركات: 340
اشترك في: الأحد 2007.6.3 12:40 pm
مكان: بلد الخير

رد: تعالو نبنيه بالبنحلم بيه يوماتى

مشاركة بواسطة nunoosa »

الاخ العزيز حافظ

والله لفتة بارعة جدا منك

تستحق عليها الشكر والتقدير

الناس ديل مساكين ومعظمهم لو لاحظت اصحاب عاهات ومعوقين وغير سويين اجاركم الله والمشكلة دي كبيرة جدا لمن تجي بالسوق العربي قلبك يتقطع من الالم وانت شايف الراجل الكبير وهو ما قادر يتحرك وقدامو كوره عليها شويه هللات وغيرو كتيييييير
لو شفت ديوان الزكاة مليان بي كميات مهوله منهم ولافي زول بيعينهم ولافي زول شغال بيهم وامشي وتعال دي يوماتي بيسمعوها ومن غير فايدة اها ح يعملوا شنو؟

نقطة تانية في كمية من المتسولين في داخل الخرطوم هم اصلا من الولايات ومامن العاصمة اضطرتهم ظروف الحرب والمشاكل القبلية للنزوح الي العاصمة والتسول هو الحل الاسهل اذا مافي من يعولهم والعمل مشكلة حقيقية ح يمشوا وين ؟


الناس ديل ضحايا المجتمع وضحايا ظروفهم القاسية.........

في عينة تانية كمان ودي المستهبلين الواحد تلقاهو طويل وعريض ويجي يمد يدو
وللا الاطفال ديل كمان مأساتهم تدمي القلوب يعني لاتعليم ولاعيشة زي الناس وشارع مابرحم معناها ح ننتهي بي جيل ضايع

والله ياحافظ الموضوع شائك جدا والله يعين الجميع

وتقبل مروري
ننوسة
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: تعالو نبنيه بالبنحلم بيه يوماتى

مشاركة بواسطة حافظ عوض الله محمد »

الاخت ننوسه
تعرضت لجوهر القضيه ، الحرب والنزوح ، والهجره من الارياف الى المدن
اسباب الهجره معلومه للكل ، الاقاليم لاتتوفر فيها لقمه العيش الكريم ، الا ماندر
على الدوله الاطلاع بمسؤلياتها كامله
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: تعالو نبنيه بالبنحلم بيه يوماتى

مشاركة بواسطة حافظ عوض الله محمد »

المشردين فى الخرطوم عاصمه اللاءت الثلاث
والتسول والتشرد ظاهرتان مرتبطان ارتباط وثيق
مشكله التشرد انها تنتج جيلا خالى الوفاض من المساهمه فى بناء المجتمع
اسباب التشرد عديده ولكن الحروب هى الاساس
ومن المشاكل الناتجه من التشرد ، تفشى الجريمه ، وماحادثه اغتصاب المتشرده وقتلها فى المجارى وسط الخرطوم ببعيده عن الاذهان ، حيث يقوم القضاء السودانى بالنظر فى هذه الجريمه
ولكننا نحتاج الى معالجه اسباب التشرد بواسطه الدوله ، ومالم تسارع الدوله فى وضع الحلول الناجعه سوف تستمر مثل هذه الجرائم .
فى انتظاركم احبتى فى قول مافاتنى قوله
حافظ عوض الله محمد
مشاركات: 1011
اشترك في: الأربعاء 2007.4.11 11:57 am
مكان: السودان ، الخرطوم

رد: تعالو نبنيه بالبنحلم بيه يوماتى

مشاركة بواسطة حافظ عوض الله محمد »

التسول والتشرد
ينهانا الرسول عليه افضل الصلاة والسلام عن التعرض للسائل حتى وان كانت تظهر عليه النعمه
فيما معنى الحديث ( حتى لو اتاكم على ظهر جواد )
جواد دى بالذات هسع بتعنى عربة يعنى لو فى متسول يظهر انه ميسور الحال لدينا خيارين اما اعطائه او نقول ليه ربنا يديك ويدينا


الخلانى اجيب الموضوع تانى
انو الحرب انتهت فى الجنوب وكنا معتقدين انو ممكن تكون فى تنميه فى الجنوب
لكن النصيحه ليك ياالله اخوتنا الجنوبيين تقل ظاهرة التسول عندهم بصورة كبيرة
لكن كمان بتنتشر ظاهرة التشرد

الحلول وبوادر ازمة تلوح فى سماء السودان من جديد غير ازمة دارفور
أضف رد جديد

العودة إلى ”حوارات جادة“