فضائح في مطار جده

يهتم بالحوارات والنقاشات الجادة فقط الرجاء الالتزام !!

المشرف: بانه

أضف رد جديد
صورة العضو الرمزية
ود السودان
مشاركات: 26
اشترك في: الجمعة 2011.1.21 12:19 am
مكان: السعودية

فضائح في مطار جده

مشاركة بواسطة ود السودان »

عند عودتى الى مدينة جدة عروس البحر الاحمر .. تلك المدينة التى تتحضن في احضانها اكثر مما تحتضن بعد المدن السودانية من السودانين حيث لنا هنا احياء ثابتة تعج بنا لا يوجد بها غير السودانين ...

والسودانيون هنا يلقون اكبر احترام من عقلاء السعودين ولنا مكانتنا واهميتنا ولكن انظرو الى هذا التصوير الذى سأصوره لكم ...

ذهبت الى مطار الملك عبد العزيز الدولى لكي استقبل اختى القادمة من مطار الخرطوم الدولى .. ساعة الانطلاق من الخرطوم كما هو في التذكرة الساعة العاشرة مسائاً ... ثم تغير الوقت الى الثانية عشر منتصف الليل ثم الى الثالثة بعد منتصف الليل ثم انطلقت الطائرة في تمام الساعة الخامسة صباحاً ... لا بأس .. ولا حرج ... وللا يهم ... فنحـــــــن سودانين ومرفوع عنا القلم كما قال لي احد الاجانب .. وصمت ولم ارد عليه لأننى لا املك حجة سوى ان قلت الله المستعان على ما تصفون ... في النهاية الامر في مطار الخرطوم فلا توجد فضيحة دولية اخاف منها ..

ركبت الاخت واتت الى مطار المملكة ومثل ما انا انتظرها هناك الكثير ينتظر أقاربه من السودانين ...

لا اطيل عليكم فتحت البوابة وتدفق السودانين بنو جلدتى وشعبي من الباب ... أمراءة ترتدى الثوب السودانى تأتى مسرعة امام نظر الجمهور وتحضن اختها او قريبتها لا ادرى ثم ترفعها قريبتها وتحضنها ويدورون وهم حاضنى بعضهم والبكاء والصراخ ويقع الثوب منها وتلك يقع خمارها من كثرة الدوران والاتفاف والاحضان والبكاء والتخلف والهبالة ومن ورائها منظر اخر سودانية ترتدى بنطالاً ضيقاً الى درجة انى اشك في انها لم تلبسه لأنه يستحيل ان يدخل في جسدها ولكن اظن انها خلقت به فهو جزء من جسمها ...

واما المنظر الذى غاظنى بعض السودانين ينتظرون اقاربهم جلسو على بلاط المطار وخلعو احذيتهم وكل ممسك بشوكة في فمه ويتضاحكون حتى اتى مسئول المطار وقال لهم بهذة الطريقة وبالدارجية السعودية ( سبحان الله يا سودانين دايماً تتعبونا معاكم ليه تجلسو في الارض في كراسي مخصصة للجلوس وراكم مباشرة دائماً انتو بس من دون الدول ما عندكم نظام حتى طيارتكم ما عندها نظام سبحان الله )

بعد هذا اتتوقعون انهم غيرو جلستهم لا والله لم يغيروها ولم يلقو له بالاًُ اتعلمون لماذا لأننا شعب مرفوع عنه القلم ...

فألى متى نحن هكذا الى متى ومطارنا متسخ وبدون مواعيد الى متى ونحن غير منظمين رائيت بالمطار سودانين ثيابهم متسخة تحزن عليهم الى متى نحن نعيش مثل البهيمة عافاكم الله ..

والله انى فكرت اليوم ان اغير جنسيتى الى الهندية او البنقالية او الصربية او اي جنس اخر ... امور يشمئز منها القلب والقالب ..

السؤال الان كيف نغير حالنا ...



اقتراح :

ينظم المطار موظفين يشرفون على المسافرين في ملابسهم اولاً وطريقة ترتبيهم لأنفسم وان ينصح الموظفون النساء خاصة ثم خاصة ثم خاصة في طريقة مقابلتهم للأخرين وطريقة لبسهم للزى السودانى وحتى اشكال الحقائب يااخوتى المطار السعودى واقسم لكم اننا اصبحنا نشم رائة الابرا والحلو مر في صالات المطار ....

نريد تغير جزرى ما هو الحل في رائيكم ...
ابولفته
مشاركات: 381
اشترك في: الأربعاء 2011.6.8 3:10 pm
مكان: كل مكان جميل

رد: فضائح في مطار جده

مشاركة بواسطة ابولفته »

حصلت فى سنه تسعين كنت مسافر من الخرطوم للرياض وكما عودتنا دائما سودانير التاخير مفروض الطياره تطلع الساعه تسعه صباحا طلعت خمسه المساء.وكان احد المسافرين بعد دخوانا الصاله بصراحه ملابسه لا تشرف واشهد لاحد الظباط رجعه وقال ليهو بالحرف الواحد امشى غير هدومك دى انت ماشى بره تمثل السودان.ومن الاشياء المحزنه ايضا فى مطار الملك خالد بالرياض كنت مسافر السودان وطبعا عاداتنا فى السفر معروفه مليون مودع وزحمه عفش وبرضو احد العالمين فى المطار قال والله يوم الطياره السودانيه والمصريه ده بتعب فيهو شديدكتر عفش ومودعين وطبعا كانت طياره السودان ومصر يوم الخميس وتانى يوم الجمعه اجازه والعندو زول مسافر والما عندو بيجى المطار لانو الرياض ما فيها اماكن ترفيه ولابحر .وياريت حال خطوطنا ومواعيدنا تتعدل وبدل ما تبقى سودان طير تبقى سودانير وان كان الطير مواعيدو اظبط من الساعه. :Smiels17:
صورة العضو الرمزية
فارس الرومانسية
مشاركات: 756
اشترك في: الاثنين 2008.6.23 4:02 pm
مكان: بين جرح السحابه وشهقه الارض البكر
اتصال:

رد: فضائح في مطار جده

مشاركة بواسطة فارس الرومانسية »

شىء اضحكنى وشر البليه ما يضحك
صورة العضو الرمزية
Keeptown
مشاركات: 3882
اشترك في: الثلاثاء 2008.12.9 6:15 pm
مكان: الخرطوم

رد: فضائح في مطار جده

مشاركة بواسطة Keeptown »

احزنني جدا ما سمعت ...

مره وانا في مطار جده سوداني هو اخوي وحبيبي نازل على السلم الكهربائي وفجأه...

إذا عفشو كلو يطيح منو...

الزول شايل داخل الشنطة (حطب وزيوت بمختلف الانواع)...

والمنظر المضحك...

في واحده من الحطبات اتحشرت بين السلالم والسلم اتعطل والناس وقعت من على السلم ...

يعني منظر مشين لي ابعد الحدود...

بس في الاخر يا اخوي اقول لك لا تتبرى من بلدك وجنستك...

انا شفت الحياه في السعودية ومصر وامارة ابوظبي...

مافي مقارنة بين هذه الدول والسودان...

بس الله كريم علينا الله غالب.
..
صورة العضو الرمزية
الشمالي
مشاركات: 5149
اشترك في: الأربعاء 2009.2.4 4:23 pm
مكان: المملكة العربية السعودية

رد: فضائح في مطار جده

مشاركة بواسطة الشمالي »

يااا جماعة قبل الاستهزاء بالسودانيين
تذكروا انكم سودانيين فحتي لو كانت
هناك قضية فيمكن علاجها بالطرح الهادف
والنقاش الجاد , نعلم ان السودانيين ليسوا
مثاليين تماماً وبنا الكثير من العيوب , لكن
لن يجعلني هذا التمس جنسية اخري ,
ود السودان طرحك جميل لذلك ليكن النقاش
هادف وليس استهزاء بالسودان والسودانيين
ولك الشكر
محمد عثمان داود
مشاركات: 5
اشترك في: الثلاثاء 2011.7.19 9:28 pm
مكان: السودان -الخرطوم

رد: فضائح في مطار جده

مشاركة بواسطة محمد عثمان داود »

المظاهر السالبة المسيئة في خارج السودان تثير الغضب فكل من خارج السودان يفترض ان يكون سفيرا وعنوانا له واي تصرفات محسوبة علي الجميع ولذا يجب ان تعالج بالتوعية والارشاد وليس هنالك مانع من ان نتعرض لها بصراحة ووضوح فالجرح لا يبرأ علي صديد ولابد من تطهيره
صورة العضو الرمزية
Tawfik omdur
مشاركات: 881
اشترك في: الخميس 2009.8.13 2:25 am
مكان: السعودية

رد: فضائح في مطار جده

مشاركة بواسطة Tawfik omdur »

هذه امور فردية تحدث بعفوية من بعض السودانيين

وبالتاكيد السوداني في بلد الاغتراب محترم ومحبوب

وكل واحد من جنسية تانيه يضع لاي سوداني الف حساب

احترام وتعامل بطريقة طيبة غير كده السوداني لا يتحمل اي اهانة

وقد يصل مع من يغلط معه الى الدرك الاسفل

هذه طبيعتنا طيبيين ولا نتحمل الاهانة

وهذه عاداتنا شاف وطلح عشان يخلي اللون سمح والمراة تنبسط والراجل سعيد

ولن نترك هذه العادات والامور ابدا وبالتاكيد في المطار في عمال نظافة بنقال وهنود وغيره

قاعدين يسوا شنو ؟؟؟ نحن بنركب الطائرات دي بي قروشنا واذا اتسخ المطار فعليهم

نظافته هم جابو عمال النظافة ديل لي شنو ؟؟؟؟؟

حكاية جلست الارض طبيعية واغلب السعوديين في اي اماكن خدمية عادي جدا يجلسوا

حلقة في اي زاوية بل ممكن يجبوا معاهم قهوة وتمر ؟؟؟؟

عادات الجلوس في الارض او الجابرة دي عادات متعودين عليها اهل البادية والقرى

لو في السودان ولا السعودية

وعفشنا كل موظفين مطارات ومواني الخليج عارفنوا وحافظنوا ؟؟؟

واول سؤال الكرتونه الكبيره دي فيها حطب تقول ليه ايييييي ؟؟؟

تاني ما بدخل يده بخاف ينجرح والان بعد التفتيش بالاجهزة اكتر ناس بنتفتش بسرعة نحن

ليه لاننا لا نحمل اي ممنوعات مثل الجنسيات الاخرى ؟؟؟؟ شفتوا سوداني قبضوا بي مخدرات ؟؟؟

الشاف والطلح ممنوع ؟؟؟؟

الشرموط المجفف الناشف مممنوع ؟؟؟

الويكه والشطة والقنقليس والابري كان احمر كان ابيض ممنوع

الكركدي ممنوع المنقه ممنوعة العسل ممنوع النبق والاللوب ممنوع

حلاوه مولد ممنوعه برطمانية الفسيخ ممنوعه (ريقي جرى )؟؟؟
طبعا لا وستين لا كل حاجياتنا بسيطة وما ممنوعة ؟؟؟؟؟

يا اخوانا نحن شعب بسيط وجميل ومثالي وطيب وبعد ده كله متعلم ومثقف وواعي

واغلب المغتربين يشار اليهم بالبنان والنبل والشطارة والتفرد والتميز في كل المجالات

والا لما كانت المؤسسات والدوائر الحكومية الخليجية الا الان ترسل مندوبيها لاحضار

العمالة المتعلمة والراقية من السودان ؟؟؟؟

حتى الرعاة علموا من يشتغلون عندهم في الرعي اكل القراصة واللقمة والويكه والكمونيه

لم يتأثروا هم بمن يعملون عندهم بل اثروا عليهم وغيروا عادات اكلهم

واجبروهم على احترامهم وتقديرهم واعطائهم حقوقهم كاملة ؟؟؟؟

ده هو السودان وديل ياهو نحن عادي يندفق الزيت والا الكركار حتى ويتشتت النبق والويكة

في المطار لظرفا ما ولسببا ما وما اعتقد ده بحدث يوميا ؟؟؟ على عمال النظافة القيام بواجبهم بسكات

والسوداني يلم اغراضه وعفشوا ويفوت ؟؟؟؟؟

والموعاجبوا يشرب من بحر احمر
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: فضائح في مطار جده

مشاركة بواسطة dream-lady »

:blink: السلام عليكم

انا سودانية وافتخر
استحالة طبعا افكر ولو يوم اغير جنسيتي مهما كانت -
بس لاننكر ان هناك مناظر غير حضارية البتة تبدر مننا احنا السودانين -ليس الكل لكنها موجودة وان اغمضنا اعيننا....
مناظر نحكيها ونذكرها -لاللشماتة ولاللاستهزاء بل لفت نظر -بل لاننا نحب ان تكون صورتنا دوما احلى واجمل صورة ......ولم يقل احد اتركوا عاداتنا :smiels0: ليس هذا محور البوست او التداخلات
بل كيفية النظام واحترام الاماكن العامة...
اما الطائرة السودانية -فبمالايخفى عن احد-دي ستهم تروح وتجي على كيفها.....
والفضائح في مطار الرياض ايضا -يندي لها الجبين.....منها وليس كلها:....
&حين وداع احدهم مع البكاء والعويل......
&حين استقبال احدهم -خاصة اذا هناك وفاة....الصراخ والبكاء...
&حينما يركض الاطفال قليلين الذوق في ارجاء المطار والتزحلق على جليد المطار....
&حينما تغير الام لابنها امام الناس في وجود حمامات...
&حينما يفترش البعض الارض
&حينما تأتي القبيلة كاملة لوداع شخص او استقباله...حينما تحمل المرأة مليون حقيبة كأنها ماشة منطقة الربع الخالي -هذا وهي ذاهبة -اما في العودة فتخرب اقتصاد الدولة لتأتي محملة بالبهارات والاغراض الموجودة كلها هنا..!!!
&حينما يحمل المسافر كرتونة مربوطة بتيل وخاصة احمر وازرق -مع الانتشار الواسع لتقليعة الشنط من جميع الاشكال والالوان....
&حينما يصرخ الاطفال كبيرهم وصغيرهم :عايز حليب ...كأنهم فطموا للتو....
وكثيييييييييييييييييييير من وجع القلب... :001:
وهناك فضائح في المستشفيات....حينما يكون غرفة ولادة وتضع المرأة فيتوافد عليها الرجال ...
وايضا مجئ الجميع مع شخص آت لاجراء عملية والتزاحم في ممرات ودهاليز المستشفى
عارفين انو بعض المرضى يرفضوا التنويم في غرفة بها سودانين ....لامانع من الزيارة....بس في حدود ومده قصيرة وبلا صوت......
والاسواق وماادراك مالاسواق....والله رؤية عيني وسمع اذني ....السودانية تكون في آخر المحل وصوتها يرج رج....واقبح مافي المرأة ارتفاع صوتها.....انا مرات بتمنى امشي اطلعهم بره المحل... :001:
والعجيب لبس العباءة الضيقة المخصرة والقصيرة ...
هل السوق مكان للتجمل!!!!!والطرحة مرفوعة وقد بانت الاعناق ....مع روائح العطور والبخور والصندل!!! والبائع بكل بجاحة ...يسأل : ماتريدين صندل؟ جات عطور آخر صيحة حاجة تجنن...وتجدها تبتسم مبسوووووووووووووطة الهانم.....واللي يفقع المرارة ويورم الفشفاش ويجيب منخوليا في الاعصاب.....سبع البرمبة مباريها كالشافع محملا بالاكياس ناكس الرأس سرحان :001:
ودفة الحديث في يد هذه المبايعة الماهرة ولت وعجن في السعر وتطلع منتصرة خفضت عشرة ريالات...
آآآآآآآآآآه ياوجعي
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: فضائح في مطار جده

مشاركة بواسطة dream-lady »

حينما يلفت احدهم النظر لشئ معيب فليس القصد التجريح او الاستهزاء او التعالي والتملص من جلدته

القصد هو الاصلاح والنقاش ولايجب اغماض اعيننا عن عيوبنا....
وكل طرح واي موضوع-لايشمل الكل بالتأكيد .....ولو بدر من البعض مايصلح اغمض عيني واقول لا انا لست هكذا .....فمايفعله اي سوداني يمسني لامحالة فمابالكم ان اصبحت ظاهرة لاتخفى عن العيان
وياريت كان عندنا صفحة ....صور مقلوبة لاعادة تعديلها

وصديقي من اهدى الي عيوبي....فياليتنا نناقش كل مايذكر بموضوعية ومنطق وعدم انفعال -يعني بصورة حضارية حتى لو لم اتفق معك
ليس بالضرورة ان رأيك هو الصح او رايي ...فاختلاف الرأي لايفسد للود قضية احبائي واخواتي الكرام
صورة العضو الرمزية
كورتينا
مشاركات: 123
اشترك في: الجمعة 2007.4.27 7:40 am
مكان: الرياض

رد: فضائح في مطار جده

مشاركة بواسطة كورتينا »

dreem-lady كتب:
حينما يلفت احدهم النظر لشئ معيب فليس القصد التجريح او الاستهزاء او التعالي والتملص من جلدته

القصد هو الاصلاح والنقاش ولايجب اغماض اعيننا عن عيوبنا....
وكل طرح واي موضوع-لايشمل الكل بالتأكيد .....ولو بدر من البعض مايصلح اغمض عيني واقول لا انا لست هكذا .....فمايفعله اي سوداني يمسني لامحالة فمابالكم ان اصبحت ظاهرة لاتخفى عن العيان
وياريت كان عندنا صفحة ....صور مقلوبة لاعادة تعديلها

وصديقي من اهدى الي عيوبي....فياليتنا نناقش كل مايذكر بموضوعية ومنطق وعدم انفعال -يعني بصورة حضارية حتى لو لم اتفق معك
ليس بالضرورة ان رأيك هو الصح او رايي ...فاختلاف الرأي لايفسد للود قضية احبائي واخواتي الكرام
عداك العيب اعجبتني ردودك والله 61.gif
صورة العضو الرمزية
dream-lady
مشاركات: 25355
اشترك في: الجمعة 2011.4.29 10:32 pm
مكان: الرياض

رد: فضائح في مطار جده

مشاركة بواسطة dream-lady »

كورتينا كتب:عداك العيب اعجبتني ردودك والله 61.gif
تسلم اخي الغالي ....وفعلا لايجب ندفن رؤسنا لكي لانرى عيوبنا لو اغمضناها سيراها الاخرون وهنا تأتي الشماتة والمعيبة.....اما اذا رأيناها نحن وبدقة وتمعن وتفحص فسنعالج المرض قبل استحالة علاجه
ولك ودي وتقديري
صورة العضو الرمزية
مرسال الشوق
مشاركات: 14746
اشترك في: الاثنين 2009.11.2 3:49 pm
مكان: عارفني منــــــــــــــك

رد: فضائح في مطار جده

مشاركة بواسطة مرسال الشوق »

ياخوانا طبعا كل ناس لديهم عيوب ومحاسن ولاننكر ذلك
لكن دائما السودانيين بياخدو الامور عن طريق اللامبالاة
او بمعني واضح العفوية في جميع الامور ودا اكبر عيب
نواجهو نحن كشعب ..
لكن برضو يوجد هنالك دول وانا برضو زرت كثيرا منها
تحلف وتقول والله نحن بالنسبة ليهم طفرة في مجال الثقافة
وشاهدته انواع كثيرة منها مايضحك ومنها مايستفز مشاعرك
ومنها ماتخجل ليه انت بالنيابة عنهم .
لكن برجع واقول الدول العربية كلها بالاجماع نحن فينا الطبائع دي
ولااحد يقدر يقول لي تلت التلاتة كم .
ودا يفكرني بقصة اخوانا من احدي الدول العربية بدون ذكر الاسماء
انتدبوا الي احدي دول الغرب وكانو يتنزهو في الحدائق العامة
ويشربوا العصائر علي كاسات ورق وبعد الانتها من هذه العصائر
راحو علي طول رامين الكاسات علي قارعة الطريق
وكان بجوارهم رجل مسن فشاهد المنظر فقام من مكانة
والتقط علب الكاسات الفارقة وبكل زوق وضعها في مكب النفايات
وعاد وجلس بجوارهم بدون ان يوبخهم او يرسل لهم سوط عتاب
وطبعا اخوانا الفالحين ديل اتمنوا ان تنشق الارض بهم ودخلوا في ملابسهم
عشان كدا نطلع من هذه العبر بان الدول العربية كلها فيها شئ من عدم التثقف
ويمكن ان نقول عليهم في هذه الامور بالذات شغالين بمفهوم
جلدا ماجلدك جرو بالشوك
ومن المفترض ان يكون هنالك توعية لكل الناس وخاصة المسافرين
وتكون علي شكل توعية ثقافية ورفع مستوي الفرد الثقافي وتكون
عبر الوسائل الاعلامية او نشرات توجيهية عبر شركات السفر
ومنافز وعبور الوافدين والمسافرين وان تحرص كل وزارة في اي
بلد ما علي نشر الوعي الثقافي وتجعل له نصيب الاسد في برامجها
بدلا من رسم الخطط في كيفية جلب المال باي طريقة ويغور السائح
او المسافر في ستين داهية ..
وربنا يصلح الحال
صورة العضو الرمزية
ود السودان
مشاركات: 26
اشترك في: الجمعة 2011.1.21 12:19 am
مكان: السعودية

رد: فضائح في مطار جده

مشاركة بواسطة ود السودان »

بس يا ناس نحنا دايرين نصلح صورتنا قدام العالم والناس زي ما قالت اختيdreem-lady نحنا ما حندفن راسنا
لكن نصلح صورتنا
صورة العضو الرمزية
بنت العمدة
مشاركات: 1832
اشترك في: الجمعة 2010.5.7 7:09 pm
مكان: وراء الشمس

رد: فضائح في مطار جده

مشاركة بواسطة بنت العمدة »

السلام عليكم ،،،،،،،،،،،
انا كمان لاحظت الحاجات دى كتييييييير فى المطارات وبالذات التاخير ده حتى اصبح ملاصق لاسمنا كسودانيين
لكن ده ما يعنى انو اتبرى من جنسيتي بس عشان حاجة زى دى، ما تخت انت الحاجات التانية اللى نحن مشتهرين بيها زى الكرم والطيبة والاخلاق الدمثة بس ده كل المسكته من اهلك ؟؟!!!
وبعدين ما اعتقد اصلا انه يحق لناس المطار انو يكون فى موظفات يفرضوا علينا كيف نسلم على اهلنا ودى حاجة بتختلف على حسب العادات والتقاليد لكل بلد ولما تمشي المطار لازم تخت فى بالك انو المطار ده مساحة مصغرة للعالم يعنى بتلقي فيه كل الاشكال والاجناس وما ممكن تصنف بلدك كله من بس المناظر القليلة الشفتها دى لمن قلت عايز تغير جنسيتك!! !!
اى زول عندو عيبه و لازم تتقبله بيه فما بالك بناس بلدك !
وبالنسبة لحكاية الاكل البيشلوه معاه لكل مكان دى حاجة بتميزنا كتييييير عن باقي البلدان حتى مرة وحدة بريطانية سألتنى ليه انتو بتشيلو اكلكم اكتر من ملابسكم طبعا انا قعدت اضحك لكن ما خجلت اوتمنيت انو السودان يتمحى من الخريطة ،،،،،،،، لا بس قلت ليها انو نحن ناس ما بنطمئن الا على اكل بلدنا ،،،،ورحبت صراحة بوطنيتنا وحتى قالت الا تاكل اكلنا
!!!!!!!!!!!!!and guess wat she like it
أضف رد جديد

العودة إلى ”حوارات جادة“